#يحبني_و_أنا_غافلة
#الحلقة_الخامسة
و على تشرينت التليفون 📞 ألو
ألياس : وينك حبيبتي وينك غبتي عليا
مها : توا الى يسمع يقول أستاحشتني 😍
ألياس : ها خيرك حبيبتي شن الدوه هاذي
مها : توا بعد العرس طبيعي حـ أنكد عليك
ألياس : ههههـ و علاش
مها : أي بلكي عاكست بنت حبيت بنت هكي ولا هكي
ألياس : شوفـي حبيبتي أنتي عيوني كيف نبي نشوف بنت غيرك باش نعاكسها 😘
مها : أمممممم
ألياس : مـها خيرك ؟
مها : نـحبك و خايفة أضيع مني
كانت الكلمة زي النار طالعة منها و هوا رد عليها بـ برود تام
ألياس : حبيبتي فكينا من الشكوك تعرفـي تبي أدمري علاقتنا شكي فيا فاهمة
مها : بس مش عارفة هكي حبيبي
ألياس : يالله حبيبتي بطلي غباء و قوليلي شن رقصتي
مها : ما دخلكش اا حبيبي عماتي حـ يجو جنبي سلام توا نحبك باي
ألياس : ما فيش كلمة ما قلتيهاش 😂 نموت فيكـ
و سكرت منه
هالة : صبرني يا ربي 😳 مش معقولاهكي أن شاء الله يطلع على حقيقته بكري بكري فكينا من جو السنين
سيلين : توا يعني أحني نكذبو عليك؟
مها : مش مسالة كذب بس مرات تبو تبصرو أو شي ألياس مستحيل يخوووني أفهمو أني وياه نحبو بعض
هالة : أنتي تحبيه هذا شي يخصك أما هوا يكذب عليك
مها : بطلي يا بنت نبي نحكي على مرت صابر خيرها رايحة هكي
هالة : المراة حامل خيرك عليها 😂
مها : تخيلي جابت فـي الخيمة 😂 عااار
سيلين : حـ تبدا الفرخة مها ههههههـ بري أتصلي بـ حبيبك و هدرزي لين ينعسك النوم نوضي
مها : بااااهي خزي عليكم خزي 😒 و ناضت أتصلت بيه و خشت تحب البطانية
ألياس : نبي نرقد حبيبتي
مها : لا وين تبي ترقد أني على خاطرك هربت منهم 😔 أمشي ملح معاش نحبك سكر و أرقد باااهي
حنان : هاذي فـي من تكلم
مها : سكرت التليفون و قعدت تتكلم بروحها
حنان نحت البطانية : خيرك فـي من تكلمي
مها : فـي حد
سيلين : خليها يا خالتي حنان هاذيـ ناضت عليها الهبلة حشاك
مها : ضمي فمك كيف نبي نرقد
حنان : وين تليفونك 😠
سيلين : أهوا نصورو بيه و طلعاته
حنان : نوضي بلا هبال
مها : حاضر كنت نبي نرقد خربتي عليا
و طلعت حنان من الدار
مها : منورة من يوم و جديد التليفونات زي بعض باهي باش كل ما نبي نكذب على أمي أطلعو تليفونتكم
سيلين : مش فـي كل مرة تسلم الجرة
مها : بالله توا أقعدو تجملو عليا و مشي الوقت و مع الساعة 5 خشو كلهم رقدو
و استمرت الايام 😘 و مها كل يوم تتعلق بـ ألياس أكثر و هوا يعني بدي يحن عليها و يحس في نفسه منجادبلهـا و فـي يوم خش مهاب وجه رايح زي الكرنبة 😡 جـي و قعمز فـي وسط الحوش
مها : ههههههـ خيره هذا
حنان : خليه فكينا منه هوا سلامته رايح منكدي
مهاب : تتكلمو عليا و قعد يشوفلنا
حنان : هات وين درجاتك وين قرايتك
مهاب : يشبحلها و خلاص وقاعد مكشر
حنان : يا ولدي قول شن فـي بلكي نقدر نساعدك
مهاب : شكرا
مها : أحكيلي خيرك ؟ مش أحني خوت
مهاب : أمشي
مها : رايح تقول عروسه زعلانة تـي خيرك يا راجل
مهاب : شي
مها : شي شي
مهاب : هز بـي راسه
مها : شي شي متاكد ولا فـي حاجة و قعدت تنخص فيه
مهاب : خلاص بطلي سماطة 😡
مها : سماطة جديدة هاذي
مهاب :أي لهجة قنينة قلت نغير
مها : باهي ما جيت غير فـي الكلمة هاذي جيت قلت كلمة حلوة
حنان : جاتك فـي هاذي أمس كله يحكيلي شرقاوي
مها : أممممممم أني شاكه لانه دانيا شرقاوية فـ تبي تتكلم شرقاوي
حنان : دانيا شرقاوية 😡
مهاب : و كنهم الشراقة
مها : خيرهم ما قالت شي
مهاب : أنتم أحباط ره و خش لـي الدار
حنان : خيره هذا شن قلنا أحني
مها : زعنان ههههههههـ و مش عارفة من شن
حنان : هوا زعمه فـي حاجة بينه و بين دانيا
مها : ماما صح ولدك ما فيش بنت مش مكلمها لكن دانيا مدايره معاه حدود مستحيل
حنان : أملا خيره رايح هكي
مها : توا يروق معليش و خشت لـي الدار أتصلت بـ ألياس لقاته مشغول ما عدلتش قالت أكيد يكلم فـي صحابة شوي أتصل بيها
ألياس : الو حبيبتي شن حالك
مها : تموم فـي من كنت تكلم هي هات
ألياس :صاحبي يا حبي دوه ولاد أي شن جو قرايتك
مها : الحق يعني اليوم غبت ما عنديش خلوق أسمع نبي نسالك خيره مهاب
ألياس : رايح نكد ولا
مها : أي
ألياس : هههههههههـ منكد علينا حتى حني و قعدو يحكو لين قاللها أن يبي يسكر مشغول
و استمرو الايام و ألياس بدي ديما مشغول و مها تعطي فيه فـي أعذار مرة تقول الشغل و مرة تقول هوا شاب شن نبي نخليه يحكي معاي ديما من حقه يطلع و يخش و مرات تقول تعبان و يبي يرقد و قعدت تعطي فـيه أعذار طوووويلة و ألياس تماده و قعدو على الحالة هاذي شهر مها حست أن فـي حاجة و بدت تشك فـي كل شي و هوا لما حسها تشك بدي يعطي فيها وقت كبير و مها من يوم خش راسها الشكـ معاش قدرت تشد نفسها بدت كل شي تشك فيـه كل عذر مسحاته من راسها و بدي كل الى فـي بالها ألياس شن يدير من وراهـا قعدت قريب أسبوع و هيا تحاول تشد عليه حاجة و أو تعرف شي بس هوا طبيعي درجة أولى مش معدل
مها :حبيبي وين كنت ؟
ألياس : فـي القهوة مع الشباب
مها : أممممم مع من
ألياس : بطلي تعلمتيها مع من هاذي 😒 قلتلك طالع مع الشباب شن نكذب عليك أني
مها : لا بس كنت نبصر عليك و أنت عصبت
ألياس : شوفـي روحك شن أديري تسكري مني و تقوليلي نبي نرقد بعدين نلقاك متصله بيا الساعة 3 شن معناها
مها : و ديما نلقى فيك أنتظار 😒 مع من تحكي
ألياس : تليفوني نعلق فيه بروحي لما نرقد أنتظار بروحي هكي خيرك يا بنت شاكه فـي حاجة
مها : لالا حبيبي و سكرت منه حست نفسها مستريحه و زي أي مرة صدقاته و بدت عاد كل الشكوك تزول بالشوي بالشوي لــين فـي يوم
حنان : بنتي أني طالعة مع فتحية أم رونق شوي بري أقعدي مع البنت
مها : ااااااااه صبرني يا ربي
حنان : غير هيا
و طلعت مها و مشت لـي رونق نبذة عن رونق عمرها 24 سنة تقرا فـي هندسة بناء و تشيد 😘جوها مليح هلبا و مخليا باب الحب على النصيب ( ها شن هكي كتبت عليك تمام رنوق )
خشت مها و جـت و قعمزت على الكنابية كانت معندهاش دوه هلبا مع رونق و كانت تشوف فيها كبيرة عليها هلبا
رونق : مها كيفك
مها : الحمد الله و أنتي
رونق : تمام ☺
و جابت عاد النسكافيه وقعمزت تهدرز عليهــا 😘 و بدو بالشويا بالشويا يحكو و طول بما
بما أن مها جوها حلو و رونق نفس الشي قعدو يحكو ليين وصلو أنتي عندك حبيب أول لا
رونق : أني لا ناقصة هم احرف
مها : ههههههههـ مش شرط . الحب حلو يعني يغار عليك و يحبك ويحسسك أنك أنسانة تانية
رونق : علاش شن أنتي عندك
مها : أي
رونق : أن شاء الله يشدك مهاب ههههههـ أحكي أحكي يا بنت
و مها طول من غير تفكير قعدت تحكي فـي كل شي و حكتلها أن هيا شاكة فيه أن يخون فيها بس ما عندهاش دليل أو شي يثبت
رونق : تبي تعرفـي أن يخون فيك أول لا
مها : أي
رونق : خلاص أتصلي بيه قوليله غدوا نبي نشوفك
مها : شن تقولي
رونق : أسمعي كلامي و الله ماك نادمة و حـ تعرفي كل شي
مها : خايفة
رونق : أني معاك
مها: ااااه و كيف نبي نشوفه
رونق : فـي أي كافي المهم تشوفيه خليه هوا يختار
مها : ااااااه و من حـ يرفعني
رونق : أني علاش قعدة غير أتصلي
مها : وماما شن حـ نقوللها
رونق : نقوللها عندي نيه نطلع أني وياها أنتي خلي هذا عليا أتصلي و أساليه فـي اما مقهى
شدت التليفون و ترعش مع بعضها أتصلت بيه
ألياس : مشغول حبيبي
مها : حبيبي ممكن نشوفك
ألياس : ااه شن قلتي
مها : نتلاقو غدوا أستاحشتك و أصلا من أول ما تعرفنا ما قعمزت هدرزت معاك بروحنا كله فون
ألياس : شن جاك خيرك
مها : ألياس نبي نشوفكـ و عندي حتى موضوع
ألياس : وووين و أمتى ؟
مها : فـي أي كافي يعجبك و يا ريت يكون غدوا العشية
ألياس : و خوكـ
مها : أني عندي كيف نباعد عليا خوي غير هيا
ألياس : حاضر أملا فـي ,,,,,,,,,,,,,,, أصلا مهاب ما يحباش و مستحيل يفكر يمشيله
مها : تمام توا كمل شغلك
ألياس : شغلتيني عيوني
مها : ما فيش شي يا قلبي بس هكي لقيت فرصة قلت نشوفك فيها
ألياس : هههههـ تمام نكمل و نتصل بيك حبيبتي غير مشغول
مها : تمام يا عنوني دير بالك على روحك
ألياس : أنتي ديري بالك عليا
مها : مبردك 😍 نحبك
ألياس :هههههههههـ نموت فيك يا حياتي كلها سلام
مها : سلام و سكرت منه
رونق : اااااه هوا ألياس ولد ...........
مها : أي
رونق : عندي خطة 😍 تــي رسمي فخ مش عادي
مها : رونق حي كان نحصل فـي عملة
رونق : أنتي معاي ما تخافيش و بعدين كان صارت حاجة أني نتحمل المسؤلية
و مشي الوقت كله رونق تمل فـي الخطة على مها و مها مسكينة تحفظ و ما تبي تنسى
مها : مش قادرة نفكر فـي شي غدواتمشي المدرسة و تكمل و تروح تبلش فـي الخطة
و روحت مها من رونق و قعدت تفكر فـي كل شي و رقدت و جـي تاني يوم مشت للمدرسة و روحت و كانت كله متوترة خشت لـي الدار طلعت بدلة و ساوت نفسها و أتصلت بـي رونق و قالتلها نروح من الجامعة و نخطم عليك
و فعلا صار نفس ما قالت و جتها و قعدو مع بعض للعشية
مها : توا شن حـ تقولـي لـي ماما و مهاب
رونق : خالتي حنان
حنان : نعم بنتي ناديتي
رونق : أي خالتي طلب صغير هكي
حنان : أنتي خودي عيوني يا بنتي
رونق : نطلع أني و مها اليوم هكي نشرو حاجات يعني مشوار بنات
حنان : شن عندك قراية يا مها
مها : اليوم خميس يام نقرا حتى غدوا و قعدت تشوفلها و خايفة تقول لا
حنان : به غير يا ريت ما تعطلو هلبا
مها : خشييي لولولولي و بدلت و رونق مشت بدلت و طلعو هما الزوز و مشو لـي وين ما أتفقو و بعد ما جهزو كل شي اتصلو بـي ألياس
ألياس : ربع ساعة يا حبي بس
مها : مش تعطل تمام ماما تراجي فـي الحوش
ألياس : تم
و بعد نص ساعة وصل
ألياس : شن ها الطرف 😍 مرتي
مها : عيونها
رونق : نخليكم
ألياس : على راحتك أصلا كنت حـتى أني كنت نبي أنلزك
رونق : هههههههـ هي نستاذن
ألياس : أستاحشتك <3 يا عسل وين وين ها الجمال هذا
مها : مبردكـ
رونق : عفوا نبي مها نقوللها حاجة
ألياس : تفضلي
رونق : جبدت مها لـي جهة بعيدة بـس طاولة ألياس تبان .. شوفي
مها : ما شفت شي
و شويا طلعت بنت من الحمام خطمت جنب ألياس شدلها يدها ومدلها رقمه
ألياس : غير رني علينا بس 😍
البنت : أي و بعدين يا أستاذ ألياس لـي وين
الياس : 😳 ....................
مها و رونق بصوت واحد :.................................
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
