#يحبني_و_أنا_غافلة
#الحلقة_الثانية
لين تسمع فـــي حد قاللها صوتك حلو
مها : 😳 اااااااااااااا
ألياس : خيرك سكتي وين مهاب
مها : مهاب فـي يدوش
ألياس : سيبني نلعب الكلب
مها : تتكلم على خوي ره
ألياس : نعرف و هوا صاحبي
مها : أنت توا شن تبي من بكري ساكت و كنت نلعب لا بيا لا عليا
ألياس : حسك يا بنت خيرك 😳 سرحت فـي صوتك قولـي شن أسمك ؟
مها : أسمي مها
ألياس : و صف شن تقري يا مها
مها : تانية ثانوي
ألياس : مشااء الله شن القراية ماشية ؟
مها : أي هلبا و أنت ألياس صح
ألياس : كيف عرفتي
مها : فـي خاطرها أصلا واضح صوتك زي المحرك الخارب و قالتله أي صوتك
ألياس : مميز ؟
مها : أي ☺
و قعدو يحكو و مهـا أنسجمت معاه و طبعا هوا بأسلوبه جبد منها أسمها على الفيس
و خش عليها مهاب
مهاب : خلاص سكري 😒 و أنتي خديتي راحتك بعدين حـي سكرتي الصوت
مها : اااااه أما صوت
مهاب : كلمك حد ؟
مها : ااا لالا
مهاب : أملا خلاص أطلعي نبي نبدل و هاتي الفلوس شن تبي تضحكي عليا 😜
مها : حاضر بـس حـ نعطيك 50 بس
مهاب : هاتي حتى 10 غير خفي خالد قدام الحوش
و اعطاته الفلوس و طلـع و قعدت مها تحوس فـي الحوش و أضم
حنان : مها بنتي تعالـي هذا مهاب أبصر شن ناسي
مها : طبعا من غل غلها فتحت الباب هاااا يا استاذ مهاب شرف شن ناسي 😠
لقت خالد فاتح فمه 😨
مها : ااااااااه خالد
خالد : قالك نسيت البطاقة فوق الكمادينو
مها : اأي دقيقة و أعطاته البطاقة و سكرت الباب و طول خشت فتحت الفيس لقـت طلب صداقة من ألياس طبعا فـي الاول خافت بعدين قالت نقبل و طبعا طول خشلها خاص
ألياس : ساعة باش تقبلي
مها : كنت نضم توا كيف قعمزت
ألياس : فالحة مشاء الله
مها : أي
ألياس : أحكيلي عليك
مها : شن نبي نقولك
ألياس : أحكي شن تحبي و شن تكرهي
مها : نكره الكذب و نكره الى يجامل هلبا و نحب الصريح بـس مش لين قليل أدب
ألياس : ههههههـ باهي و شن تحبي ؟
مها : اهو قلتلك
ألياس : قصدي فـي فهمتي عليا ولا
مها : اها لالا ما فيش
ألياس : اها أحسن أصلا شن تبي اديري بيه
مها : أي
و قعدو يحكو مع بعض و مع الوقت مـها بدت تنجذب لـي ألياس وهوا نفس الشي بـس ما فيش أي أعتراف و قعدين يعتبرو فـي نفسهم أصدقاء لا أكثر ولا أقل لــين فـي يوم
ألياس : مـها وينك يا بنت
مها : عندي أمتحان خيرك ؟شن فـي
ألياس : أها الامتحان أهم مني صح
مها : من قال أهم منك
ألياس : معاك حق أصلا أني شن نعنيلك ؟
مها : ألياس مش هكي خيرك تفسر فـي الامور بالطريقة هاذي
ألياس : بس سؤال واحد
مها : تفضل
ألياس : شن نكون بالنسبة ليك ؟
طبعا هنـي مها أستكت معاش عرفت شن تقول و فـي خاطرها هذا شن خطر عليه
ألياس : حلو أصلا واضح معنى سكوتك ولا حاجة صح و سكر
مها : أشي شن المهبول هذا و فتحت كتابها تبـي تراجع معاش قدرت كل شي تسكر قدامها و طول مشت دورت مهاب لقاته ضاربها نومه فـي وسط الحوش خشت الدار لقت تليفونه فـي الشحن فكاته و قعدت أدور فـي رقم ألياس و فـي الاخير لقاته سجلاته فـي تليفونها و طلعت لقت مهاب فـي وجها
مهاب : شن كنتي أديري
مها : شي كنت نشوف فـي الشحن نبيه طلعت فاضي
مهاب : أي فاضي مش عندك شحن بروحك أطلعي
مها : أستغفر الله و مشت تجري لـي دارها و قعدت تشوف فـي الرقم زعما تتصل :/ باهي شن تبي تقوله بعدين قالت لا مستحيل نتصل و سكرت التليفون
و جـي تاني اليوم الصبح
مهاب : أني معاش دخلني مشيت
مها : أصبر
مهاب : حـ نخطمو علـى خالد
مها : باهي هـي
و طلعو خطمو على خالد و مشو مع بعض
مهاب : و دانيا شن ما تبيش تخطمي عليها
مها : دانيا غايبة مريضة
طبعا السيك الى شده مهاب ما ينحكاش خير
خالد : هههههههـ
مها : خيرك ؟
مهاب : مريضة لـي درجة الغياب
مها : أي ☺ أمس كانت فـي المستشفى و ضربولها مضاد
مهاب : أها أن شاء الله تشفى
مها : أي أن شاء الله
و كملو طريقهم و خالد مرة مرة يشبح لـي مها و هيا عقلها مش عليها تفكر فـي ألياس
وصلت لـي المدرسة خشت و حضرت الحصص وشبه كله سارحه مش قادرة تفكر فـي شي و جي وقت الامتحان حلت 😘
بينما مهاب كان كل الحصص راقد و انتهي الدوام عند الاثنين و طلعت مها و تلقاها خوها و روحو مع بعض
مهاب : يام أني طالع
حنان : بسم الله عليك يا ولدي أنت أمتى خشيت باش تطلع
مهاب : أهو هني يام شويا و جاي
حنان : رد بالك و أنت شن درتي فـي الاختبار
مها : تمام حليت و خشت لـي الدار و سكرتها بـي المفاتح فتحت الفيس ما لقت ولا رسالة من ألياس و من غير تفكير أتصلت بيه
ألياس : ألو
مها : ألياس
ألياس : تفضلي من معاي
مها : أني مها
ألياس :هههه و علاش أتصلتي
مها : شوف أني حسيتك أضايقت مني
ألياس : علاش حـ نضايق أصلا شن نعنو لـي بعض حني
مها : ألياس أني ما قلت شي
ألياس : و هذا أكبر دليل علاش ما تكلمتيش
مها : ولا حرف
ألياس : واضحة أنك تحشمتي تقولي أن ما نعنيلك شي
مها : لا مش هكي
ألياس : هكي
مها : مش هكي يا ألياس و بطل تخريف
ألياس : أملا علاش سكتي شن هوا الى خلاك تتحشمي
مها :......................
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
