يحبني و انا غافلة ( روايات ليبية )

حلقة 11🔥

#يحبني_و_أنا_غافلة
#الحلقة_الحادية_عشر

أحمد : الى غدوا حـ يجوكـ ردي بالكـ وافقي عليهم
مها : نعم 😳 غير بلكي تبيني نوافق مستحيل
أحمد : يعني لـين تعرفي مش تحسابيني نبي نوقف فيها بس ردي بالكـ عاد مش أي حد
مها : أي أي عارفة حتى أني أصلا سني هاذي مش سن جواز قعدة صغيرة
أحمد : أي صح باهي الى فـي بنت تفكر زيك
مها : هههههههـ منور
أحمد : أي شن جوكـ
مها : بخير الحمد الله تعرف ليا هلبا ما شفت خالد ههههههههـ أسبوع الامتحانات مختفي على الشاشة بكل 😂
أحمد : أها هوا يعني تحبيه ؟
مها : تخيل هههههـ 😒 لالا زي خوي ره
أحمد : قصدي هوا ديما معاكـ أيام المدرسة و حسيته يحبك
مها : أحمد ههههـ أرقد أنت و أحساسك
أحمد : هههههههـ ليش ؟
مها : تـي خالد زيكـ أنت خوت و بس يعني مش زي ما تتخيل
أحمد : أها يعني أني زي خوك
مها : أي هههههه
أحمد : اها
مها :أحمد اها اها اها من بكري خيركـ
أحمد : شي هههههههههـ
مها : اها تصبح على خير تعرف عيوني مسكرات
أحمد : تمام صلي ركعتين مدامها الساعة 3 و نص خودي أجر
مها : حاضر
و سكرت منه طووول توضت و صلت ركعتين 😍 و دعت أن النتيجة غدوا تكون كويسة و أن ربي يفتحها عليها دنيا و أخره و بعدها رقدت

و مع الساعة 9 الارضي يشرين 📞
مها : نبي نرقد أستغفر الله يا ربي و جت مقعمزة ألو -_-
أحمد : تبي بطلي نوووم يا بنت و نوضي وتي الزردة
مها : شن 😳 نجحت نجحت 😍
أحمد : نجحتي و 90 % اخره
مها : لولولولولولـي 💗 ربي يفتحها عليكـ
أحمد : ما فيش بينا يا مجنونه عدي قولـي لـي أمكـ خلي تفرح
مها : حاضر حاضر يا عنوني
أحمد : ااااااا بصوت هادي أني عيونك ؟
مها : أي عيوني 😍 منور
أحمد : خلاص ننساها و نقول من الفرحة صح
مها : نقولكـ أنت عيوني تقولي ننساها خليني نقول لـي ماما و نكلمك و سكرت منه و تطلع الدربكـ على الباب
مهاب : شن فـي 😳
و على طقت الباب ✊
مهاب : طول مشي فتح الباب و قعد يشوف لـي مها ألى ترقص
خالد : مبروكـ أختك نجحت ممتاز بنسبة 90%
مهاب : ااااااااا مها الغبو هيا 😂 مبروكـ يا بنت  تـي تعالي ههههههههـ شكلها تندري
خالد : أي أكيد دانيا كلمتها :/ كانت غادي
مها : منور خالد ربي يفتحها عليكـ و عقبالكـ أنت و مهاب
خالد و مهاب : بصوت واحد أن شاء الله
مها : أي ههههههـ ما شفت نتيجة دانيا أتصلت و ما بتش تقول
خالد : حتى هيا زيكـ :)
مها : أشيييه وين ماما ياااام بنتكـ نجحت
حنان : مبروكـ و عقبال خوكـ و خالد
مها : أن شاء الله
مهاب : نقولكـ دقيقة نبدل و نطلعو فيقتني و تبيني نقعد فـي الحوش
خالد : ههههههههـ هي مع أن الوقت بكري هلبا لكن يالله
مهاب : دقيقة و خش لـي الحمام
خالد : هاذي الدقيقة 😂 حقاا مها
حنان : هاذي خالتكـ تتصل و مشت ردت عليها و قعدت تتكلم فـي المربوعه
خالد :مها
مها : تفضل شن مقعمز هني
خالد : لالا عادي بس نبيك شوي
مها : نعم
خالد : مدلها كيسة
مها : احم هاذي ليا
خالد : أي بـمناسبة النجاح :)
مها : شكرا
خالد : عفوا و العيون فـي الوطا
مها : شن تعد فـي الزليز ؟ قيم راسكـ
خالد : هههـ و خش فـي بعضه
مها : ههههـ و على نزلت يوسف من فوق
يوسف: اووووووه قالو البقرة مها نجحت حقا نزلت نتاكد
مها : و خيره ما يطلع عليا
يوسف : يطلع يا وجه الفقر يطلع حي شن فـي فـي الكيسة
مها : ما ليكش علاقة
يوسف : قولي من أعطهالك بس
مها : خالد
يوسف : اوووووووه ترا ترا نشوف
مها : لا نشوف أني الاول
يوسف : غير أعطينا زيها لما ننجحو باهي
خالد : أن شاء الله ههههههـ
مها : أني نستاذن
خالد ويوسف : اذنك معاك
خشت مها بينما يوسف قعد يشبح لـي خالد فـي شبحات
خالد رايح أحمر : خيركـ تشوفلي
يوسف : مش عارف بس عارف  أن فـي وراكـ حاجة
خالد : ما في شي و تلفت لقي الحيط قاله ما في شي
يوسف : خالد ما تستعبطش عارفني على شن نحكي
خالد : على شن
يوسف : قعد يشوفله و خالد مسكين تخضر و تصفر شويا طلعلهم مهاب و مشو

اما مها خشت لـي الدار فتحت الكيسة لقت معبيه شكلاته و فـي جيب فـي الكيسة لقت فيه صندوق صغير فتحاته لقت سنسلة
مها : 😍 حـي عليه تهبــل
و خشت عليها حنان
حنان : طبعا باركتلها و أعطتها فلوس
مها : شكرا
حنان : و لو من أعطاكـ السنسلة ؟
مها : خالد
حنان : مشااء الله عليه و عاد جابلك الشكلاته توا أييييييييييه عاد كولي بالشويا مش كلها مع بعضها
مها : ههههههههههـ حاضر و شرين الارضي
حنان : الارضي بدي تقول تليفونكـ الخاص ههههههـ بري ردي و أني نمشي نشوف التلفزيون شوي
مها : حاضر و ردت لقيتها دانيا
دانيا : نجحت يا بنت للولولولوولولولي مش مصدقة
مها : حتى أني و أني و أنتي نفس النسبة
دانيا : ههههههههـ
و قعدو يحكو لـين دهشو و مها ما نحت السنسلة من رقبتها ☺

و فـي العشية بدلت و جتهم خالتهم و قعدت تعاون معاهم و جت دانيا طبعا على اساس تعطي فـي نصايح فـي الكوجينة
دانيا : عام كل شي الا الهدان خشي بهدوء و قولي السلام عليكم مش خير يا عويلة
مها : هههههههـ وووك هذا كله باش يرضو بيا سحيقة عجبتهم هكي باهي ما عجبتهم باي  باي
دانيا : تعرفي تقولي لا نهاركـ اكيد الولد كويس باهي مش مخطوبة بروحي يا بنت
مها : باهي به فهمنا كملي
دانيا : طبعا مش ضروري التهدريز خليكـ ساكته
مها : اوووووووه هكي بنموت شن نقعد ساكته
دانيا:  أنتي ديري زي ما نقولكـ و طبعا كان سئلاتكـ جاوبي و أنتي مبتسمه مش تضحكي
مها : و كان قالت حاجة أضحك شن ندير
دانيا : أضحكي بالشويا مش ترقصي راب 😒 عاد نعرفكـ أنتي بدايتها ضحكة و نهايتها تخبيط على الوطا
مها : باهي ههههههههههههههههه
دانيا : خلاص هذا هوا و كان قالت حاجة ما عجباتكش ديري روحكـ ما سمعتي شي مش عاد تنقزي عليها
مها : حاضر
و شويا يسمعو فـي الباب طق و خشو زوز نساوين و معاهم بنت تبان صغيرة شوي فـي 20 طبعا تفضلو تفضلو و خشو قعمزو و بدي التهدريز و شويا خشت دانيا بالعصير و الشوكلاته و بلا بلا
و كله تعارف بعدين خشت مها بسفرة القهوة
مها : السلام عليكم ☺ و حطت السفرة على الطاولة و سلمت و كلها خاشه فـي بعضها
و بعدها فرقت و قعمزت جنبهم
أم الولد : كيف حالكـ
مها : الحمد الله كيف حالكـ أنتي
أم الولد : الحمد الله عاد الى يشوف بنية حلوة زيكـ كيف بيكون حاله أكيد فـي نعمة
مها : بينها و بين نفسها هاذي هيا هكي أملا ولدها كيف و اعطتها أبتسامه خفيفة
أم الولد : أي يا بنتي كم عمركـ أنتي
مها : 17
أم الولد : أي سن الزواج ( سن القهرة زواج شن فـي العمر هذا 😒 )
حنان : هههههههـ كنا زمان بـي 13 _12 نتزوجو توا تلقيها عمرها 30 و تقولكـ نبي نعيش حياتي مزال على الزواج
أم الولد : أي حاله تعرفي و المشكلة تطلع ما تنفع فـي حاجة يا ريت حتى عاشت حياتها و دارت تمره تعلمت التطييب و لا الضمان و لا فوقها تقولكـ أني و راجلي
حنان : أي خسارة معاش يعدلو
أم الولد : خسارة
مها : خيرهم هاذم 😳 و قعدت تشبح لـي امها و فـي خاطرها هي حنان وين ماشية بيه
أم الولد : يا بنتي شوفي أحني جايين نشوفو سألنا و دلونا عليكم  و شكروك و أنتي الباين مشاء الله عليكـ و أني ولدي عمره 25 سنة بـي خدمته يخدم فـي الاتصلات و بـي شقته و حالته مستورة و عنده عادي حتى كان كملتي قرايتك و قال حتى كان تخشي طب خشي و هوا أصلا شكله شابحكـ لانه أول ما جبنا سيرتكـ نط فرحان
أخته : هوا شبحها قبل 😍
أم الولد : هوا كان تبو تسألو عليه أسمه  ........................................
أخته : قعدت تشوف لـي مها كيف مصدومه 😳

#يتبع