يحبني و انا غافلة ( روايات ليبية )

حلقة 10🔥

#يحبني_و_أنا_غافلة
#الحلقة_العاشرة

أحمد : تمام طمنيني
و طلعت تجري و تلقى 😱 مهاب شاد دانيا من شعرها و يخبط فيها عـلى الحيط 😳
دانيا : مـــامـــا غير أصبر أنت مش فاهم 😭
مهاب : شن تبيني نفهـم 😡 يا حيوانة يا #### شن تبيني نفهم أنكـ تكلمي فـي سليم من وراي شن تبيني نفهم
حنان : حـي على ولدي أطلق البنت يا همي راهي مش أختكـ أنت شن دخلكـ فيها فـي من تكلم
و يطلق يا كبدي دانيا و يجي لـي أمه 😳
مهـاب : أنتي تعرفـي فـي من تكلم و يشد التليفون و يحدفه على طول أيده
مها : دانيا خشي لـي الدار 😨
دانيا : هوا مش فاااهم شي أني ما نكلمش فيه 😭
مها : نندري و خشي توا تقدري تتكلمي معاه أنتي
و خشت دانيا لـي الدار و قعدت تبكي
مهاب :ماشي يبي يفتح باب الدار
مها : مهاااب يا دعوة خير بلوتك
مهاب : وينها
شداته مها : مهاب خلااص أنت شن دخلكـ فيها تلكم فيه ولا لا هيا أمكـ أختكـ مرتكـ شن تكونلك ؟ غير أنها صاحبتي
مهاب : نحبها
مها : مش كلمة بعدين ألي تعيط عليه ولـد خالتها و عنده الحق يكلمها و بعدين شن تحساب كان تكلم فيكـ معناها خلاااص ما عندكش حق تحكلم فيها و شن ناسي أن سليم يبي يخطبها حط عقلكـ فـي راسكـ و خلي البنت فـي حالها 😡 راااهي مش ليك
مهاب بصوت عالي : كنتي تقدري تقولـي أن هوا يبيكـ و تحبيه و مش ضروري تجامليني وطفي زي الشمعة خش سكر على روحه الدار
حنان : البنت شن صار فيها
فتحو عليها الباب لقوها شاده راسها و تبكي و تهز
حنان : بسم اللهبنتي سامحيني سااامحيني سااامحيني
دانيا : شدتها بكي و خلاص
مها : خلاص أهو فونك ستركـ ربي جـي على المندار و الكسر جـي فـي الحامي
دانيا : 😭 أني و الله ما نكلم فيه مش عارفة شن خطر عليه يكلمني بعدين هوا ولد خالـي مش غريب و هوا عصب و بدي يضرب
مها : هوا هكـي خلاص عرف الحق أن سليم يبيكـ و تبيه
دانيا : ما نبيشي يا همي 💔 خيركـ قلتيله هكي
مها : باش معاش يفكر يكلمك مش تبي تباعدي عليه و خايفة أهو جاتك الفرصة و لما تطلعي قوليله كنت خايفة نردكـ و قعدت نساير فيك
حنان : لا حول ولا قوة الا بالله بعدين ليش تكلمو فـي بعض و طلعت
مها : خلاص دانيا شويا يسمعو فـي التليفون يشرين
دانيا : ألو يا أستاذ سليم شن تبي
طول مها حطت وذنها على السماعة
سليم : خيركـ تعيطي بعدين ليا ساعة نتصل علاش ما تردي؟
دانيا : أنت شن دخلك قول شن تبي و سكر
سليم : ما نبي شي بس و قبل لا يكمل كلامه سكرت فـي وجها
مها : خيرك يا بنت مش معقولا شن دخله هوا فـي المشكلة
دانيا : مها أسكتي لو سمحتي و خشت تحت البطانية

بينما مهااب كان مسكر على روحه الدار و مقعمز يفكر فـي حياته من غير دانيا
كيف كانت تضحكـ عليه كان يحسابها تحبه زي ما هوا يحبها يستنا فـي الوقت الى تكون فيه حلاله 😔

و مشو الايام و دانيا روحت و أنقطعت أخبار دانيا على مهاب و هيا نفس الشي لا مهاب أتصل و قاللها فهميني ولاهيا أتصلت بررت 💔 و بدي مهاب فـي الامتحانات طبعا لا قراية لا هم يحزنون يمشي للامتحان و يروح يرقد  و نفس الروتين لـين كمل أسبوع الامتحانات 
حنان : لا جاوبت لاشي ولا
مهاب : أي تبي حاجة ؟
حنان : تعالى نبي نحكي معاكـ
مهاب : يام و الله فـي حكه مش قادر نحكي شي نبي نرقد
حنان : تعالى نحكيلك قصة بلكي تاخد منها عبرة
مهاب : يااااااام و الله ماني رايق بعدين بعدين و سكر الدار
مها : ههـ قلتله أني ما باش يفهم هاوينا اليوم جاي يبي يخطبها
حنان : سمعت بس أسكتي مش ضروري يعرف
مها : مهاااب راهو دانيا اليوم خطبتها مش تقول ما قالتلي
حنان : يعطيك الخير يا بنتي خيركـ ما تعرفي تسكتي
مها : طقققققق طق طق طق هي هي سلم مهاب أيييييييه أفتح نقولك
مهاب : بري
مها : تـي راس أوخيتكـ لما تفتح عاد كل شي الا راسي
حنان : مها بري حطي الغدي فوق النار
مها : و راس مهااااب هيا
مهاب : شن تبي و فتح الباب على وسعه
مها : قلتلك ولا
مهاب : باهي مبروكـ عليها شن تبيني ندير 😠
مها : شي بس قلت نقولك
مهاب : شكرا وصل و قربع الباب
و شويا طق باب الحوش
فتحت الباب و بعيطة يووسف أمتى روحت ؟
يوسف : الساعة 8 شن حالكـ و شن حال القراية
مها : تمام كملت أهو نستنا فـي النتيجة
يوسف : ممتاز عاد
مها : أن شاء الله هههههـ
يوسف : وين خالتي حنان و مهاب
مها : مهاب راقد و ماما أهي شوي ماما يوسف جـي
حنان : الحمد الله على سلامتكـ وليدي شن حالك
يوسف : الحمد الله كيف حاالك شن حال صحتك؟
حنان : بخيرالحمد الله
يوسف : يدوم يا رب وين مهاب ؟
حنان : كيف أمروح من الامتحانات خش رقد
يوسف : تمام قوليله نبيكـ اليوم مع الساعة 6 طالعين تمام و بالتوفيق
حنان : حاضر وليدي و دير بالكـ على روحكـ
يوسف :أن شاء الله و أنتو ديرو بالكم على روحكم تبو حاجة قولو يوسف بس و خودو عيوني
مها : هههههههههـ أن شاء الله سلاام
يوسف : سلام
و سكرت الباب
مها : ااااااااه يا كبدي الناس سافرت و روحت يام و أحني قعدين هكي
حنان : وين نبي نمشي بيكم أنتو هني و راسي شاب مش قادرة عليكم لبين فـي بلاد تانية
مها : هههههـ حاله يام ضروري منه الموشح خلي نمشي نكلم دانيا نشوفها شن مدايره
حنان : يا روحي على البنت شن حالها ؟
مها : باهي أهو أحرف من مهاب و خشت لي الدار أتصلت بيها
دانيا : الو
مها : يا حلاها كيف طالعة منكـ يا بنت
دانيا : هههههههـ غير أمتى تبطلي تعاكسي يا بنت
مها : ههههههههـ ما تبيش باهي أحسن وفرتي شن حالك يا بقرة
دانيا : لا هكي هلبا ههههههههههـ ما عندكش حل وسط شن جوككـ
مها : تمام أهو و أنتي
دانيا : ماشية
مها : واتيه اليوم
دانيا : اهو شن نبي نقول حتى مش واتيه حـ نوتا
مها : معليش نصيب
دانيا : الله غالب شن حال مهاب
مها : ههههههـ بالله نسيت أن عندنا واحد أسمه مهاب من كثر أن معاش يبان
دانيا : جاوب فـي الامتحانات قالو الاسئلة سم يقطر
مها : هوا ما قراش كيف يبي يجاوب دور تاني و خلاص كانش مجاوب فـي الانجليزي الرياضيات بلكي فـي حاجات مجاوب فيهم لكن مش حـ يجب درجات واو زي قبل
دانيا : الله غالب أن شاء الله يكون حال أغلب الاسئلة ياارب غير يا ريتك ما قلتيله ريتي شن صار فيه توا خليتي لين يكمل الامتحانات و هوا حـ يعرف حـ يعرف
مها : أحمدي ربكـ أن مهاب لما يعصب يخش يرقد مش يطلع تـي و حق ربي كان طلع هذاكا اليوم راهو روحو بيه ميت
دانيا : بعيد السو عليه 😔 و الله نحبه و نموووت فيه و لـي توا قعدة نحبه و حـ نقعد نحبه ليييين نموت بس أني مش من نصيبه
مها : معليش كل واحد و ربي شن كاتبله أي قولي شن تبي تلبسي
دانيا : اي حاجة هوا مش بيان
مها : هههههههـ المهم مبروكـ يا بنت معناها حـ تبطلي
دانيا : أن شاء الله يقولـي بطلي من القراية بااش نلقى سبله و نقوله ما فيش نصيب راهو قاعد عندي أمل
مها : ههههههههـ معليش بس ردي بالكـ تخلي الامل هذا يكبر و يولي حلم باش ما ينقلب عليكـ و يولـي كابوس
دانيا : أن شاء الله أأي حقا شفتي يوسف روح اليوم تعرفـي دار دوشه فـي الشارع كان هدوء جي يوسف بدي دوشه الحمد الله
مها : أي يا كبدي جـي سلم علينا مشاء الله عليه راح سمين هههههههـ ( هكي قالت عليكـ ره أني نكتب شن قااالت )
دانيا : ردي بالكـ تقوليله فكينا يجي يبدا يكشخ ههههه لكن و الله ليه وحشه شارع فاضي من غيره هوا الى يلم فـي الشباب فـي راس الشوكه هوا الى يحل فـي المشاكل و طيب
مها : أي مش عارفة قال الساعة 6 قولو لـي مهاب يجيني يبو يطلعو
دانيا : أي جي قالها حتى لـي خوي محمد اااه كان نعرف شن يبدو يديرو
مها : هههههههههـ توا يقولو بعد ما يديرو عملتهم
و أستمر الحديث قريب ساعة سكرت من دانيا أتصلت بـي أحمد
سرور : أحمد مزال ما روح من العمل
مها : قوليله يتصل لما يروح تمام
سرور : حاضر من عيوني ممكن سؤال ؟
مها : تفضلـي
سرور : تحبي أحمد
مها : لالالا خوت بس خوت ره ما فيش بينا
سرور : اها باهي يعني أنتو مش مدايرين علاقة ؟
مها : صداقة بس قصدكـ يحبني و نحبه لالا
سرور : أها ههههههـ ربي يدوم المهم لما يجي نقولكـ تمام
مها : تمام سلام حبيبتي
سرور : سلام يا غالية وسكرت
قعدت تتفرج على التلفزيون و كسدت شي ركبها شيطان لازم ما أضايق مهاب
مها : مهاااب راهو جاك يوسف و قالكـ الساعة 6 نبيكـ تجيني باهي
لا رد
مها : نكلم فـي من أني و قعدت تردس فـي الباب
لا رد
حنان : خليه بكشي راقد أنتي خيركـ يا بنت بري ديري حاجة تلهي فيها كل ما تملي تجي على راسه عرفتيه ما يبيش يكلم حـد صح ولا
مها : أي أي أي ديما حابس روحه فـي الدار لا يا بابا و الله ما صار تــي أفتح
مهاب : فتح الباب بالقوة لين خبط فـي الحيط
مها : يا ساتر يا ساتر
مهاب : شن تبي
مها : شي نبي نخش لـي داركـ مش تخش لـي داري و جوكـ حلو خلاص حتى أني نبي نخش
مهاب : مها بطلي برادة و بري ألهي فـي روحك خيرما نفش غلي فـيك
مها : ياااي المهم قالك يوسف باش تجيني الساعة 6
مهاب : به و كيف يبي يسكر الدار
مها : اووووووووهوهوهوهوهو هههههههههـ وين يا بابا مزال ما كملت
مهاب : ههههههههـ
مها : يا حليلي من ها الضحكة يا كبدي مشناك كيف تعصب
مهاب : 😠 من واخد رايك بري ههههه
حنان : توا حـ يستاكه شن يبي يسكته هههههههههـ
مهاب : هههههههههههـ تـي بري يا بنت
مها : لا و الله هههههههـ يا كبدي كان نقولك شن صار
حنان : حـي على بنتي خلي الولد فـي حاله
مها : تعرف الفالينيا الرصاصية
مهاب : خيرها
مها : ماما مدايرتها نشافة 😂 خيال يا خوي واخدة المهم بنجاح
مهاب : شن يام ما فيش الا حوايجي
حنان :معاش نشوف فيك تلبس فيهاا
مهاب : ااااااااه يا ربي صبرني أعطوني حاجة ناكلها قبل لا نموت على الاقل الدود يلقى شن ياكل و قعمز
حنان : مدايره بيتزا و شربة و بوريك تبي
مهاب : أييياااااااه يا قهرة و خلاص لما كنت كل يوم نروح ناكل كانو فصوليا رز كسكسي و مجرد ما مهاب معاش ياكل بدي الابداع يطلع 😒
حنان : حرام عليكـ يا ولدي هاذي مها البايرة ما تعرفش الطيب كان هذا هكي غدي
مهاب : تلفت لـي أخته و قاللها أني نشجع فيكـ هاتي ناكل هاتي
و جابتله السفرة و كلو كلهم مع بعض 😍 هذاكا اليـوم حسو أن الحوش نور من جديد مهاب رجع يضحك طلع من داره بدي يتكلم معاهم كان أحلى يوم يمر على مها و أمها