#يحبني_و_أنا_غافلة
#الحلقة_الثانية_عشر
أم الولد : هوا كان تبو تسألو عليه أسمه أحمد مفتاح ###
أخته : قعدت تشوف لـي مها كيف مصدومه 😳
كلهم حسو بيها أنصدمت
مها : أحم نستاذن
أخته : مها ☺ ممكن نحكي معاكـ شوي
مها : أي تعالي و طلعت هيا وياها ..
أخته : أني سرور أخت أحمد هههههـ ألى 24 ساعة نرد عليكـ شن جوكـ
مها : قصدي مش عارفة شن نقول ما جابش سيرة بكل ولا فـي حاجة بينا باش نفكر أن يجي يخطبني
سرور : اااااااااااه تـي أحني فـي الحوش يا كبدي كل ما يتعاركـ معانا يبدا ما فيش الا مها تفهم فيا و هيا الى تقدر و الى و الى و الى و تعرفو يوم نبي نتزوج حـ نتزوج مها لانها أحسن بنت عرفتها و بلا بلا
مها : هههههههههـ بس الحق مصدمة و أمس يعطي فيا محاضرة و أنتي صغيرة على الزواج و حاله
دانيا : هلا
سرور : أهلين ☺
مها : سرور هاذي دانيا صاحبتي . دانيا هاذي سرور أخت أحمد
سرور : شكله ما تطلع عليا كلمة صاحبتي 😒
مها : أنتي عيوني مش غير صاحبتي هههههههههـ بس أقرب كلمات قلتهم
دانيا : لحظة لحظة سرور أخت أحمد ولا
مها : أي ☺
دانيا : اااااااااااا و حطت يدها على فمها و عيونها بدو قلوب قلوب 😍
سرور : ههههههههـ
مها : هههههههههـ ريتي يا كبدي ما كنتش نندري بكل
دانيا : يا سعد الناس بري بري أصلا راهو أحمد حكتلي عليه الاسبوع الى فات بس
سرور :ههههههههـ معليش
مها : شن واقفين هني تعالو نمشو وسط الحوش فكونا منهم نساوين كبار
سرور : هههههـ
و قعمزو و قعدو جوهم حلو الى يشوفهم يقول خوات مها و سرور فـيهم شبه كبير من بعض
دانيا :متاكدة أن ما تقربلكش
مها : يا همي ما تقربليش
دانيا : ااااااه يا كبدي شكلكم تقول خوات ولا نشوف فيكم هكي
سرور :ههههههههـ مش عارفة بس عادي المهم نشبه لـي وحدة قنينة
مها : سلمها يا ربي بس و حواجبها و عيونها و يمكن خدودها و خشمها شوي
دانيا : شن خليتي 😂 سبحان الله
مها و سرور : أي 😍
و مشي الوقت و روحت أم أحمد و بنتها وأختها و عاااد من طلعو من هني و حنان تشكر فـي أمهم ( فـي البداية بس غير يتزوجو و يبدا الدق )
حنان : يا بنتي حسب ما حكت على ولدها مشاء الله و أمه تخش القلب و كويسة و طلعت قريت أني وياها أيام الثانوي و نعرفها كويسة
مها : مش عارفة نفكر
حنان : ردي بالك راهو مش بالساهل يوجكـ ناس زيهم
مها : ياااا ربي باااهي عجبوكـ خلاص وافقي و أسئلو على الولد و يالله توكلو على الله
طبعا دانيا واقفة تشوفلها و بصوت واطي اشي أشي الكذب مدايره روحها ما تبيشي واااو كذابة
مها : و أنتي ضمي فمكـ
دانيا : هههههـ أني نبي نروح و لبست عبايتها و خدت السبيدرو و قعدت تلبس فيه قدام الحوش
مها : نوصلكـ
دانيا : و من يبي يرجع بيكـ
مها : أكيد مهاب ولا خالد فـي الملعب جيهت حوشكم يروحو بيا
دانيا : كان مهناش حـ تقعدي عندي ره
مها : هههـ دقيقة نلبس و خشت لبست على اساس بسرعة و طلعت و على خشت مهاب 😳
مهاب : السلام عليكم و شاف هكي لقي دانيا مقعمزة فـي الدروج خش من غير ما يسلم عليها
مها : مهاب سلم على البنت
مهاب : هههههههـ 😒 أنتي وين ماشية ؟
مها : نروح بـي دانيا
مهاب : و بعدين من يبي يروح بيكـ تقدر تروح بروحها ولا 😒
مها : خلاص بلا برادة
مهاب : تلقي خالد فـي الملعب خليه يسايركـ و قوليله مهاب فـي المحل عند يوسف
مها : وصلني علاش ضروري خالد
مهاب : يوصلك شن غريب هوا
مها : هي باي
سكرت الباب و طلعو و طول الطريق دانيا ساكته لين قطعت عليها مها : وين سرحانة
دانيا : مش عارفة ههههههـ المهم توا حـ توافقي
مها : أي
دانيا :أي نبي نعرف من الى جابلك شوكلاته فـي كيسة معبيا يا كبدي
مها : اها ما تقوليش كليتي منها
دانيا : خديت زوز بس
مها : اها به زوز بس متاكدة
دانيا : وووووك البنت هاذي مع الماكلة يا ودي الكيسة كبيرة و معبية هلبااااا خديت زوز شن فيها لا حـ يـاثرو لا شي
مها : ههههههـ
دانيا : من جابها ؟
مها : خالد و ورتها حتى السنسلة
دانيا : ذوقه يهبببل مشاء الله عليه
مها : أي
و وصلت دانيا و مها خطمت على الملعب لقتهم يلعبو وقفت قعدت أدور فـي خالد و هوا فـي عز اللعب شاف مها نسي المبارة و مشالها يجري
خالد : مها 😳 شن أديري هني ؟
مها : اااااا هذاكا سالم يعلب هكي ههههههههـ عليك جو
خالد : أحم جاية باش تشوفي حد ؟
مها قالت نشوف ردت فعله : أي بس مهناش قالي أن حـ يجي
خالد العيون فـي الوطا و ما قال ولا كلمة
مها : هههههههـ نبصر عليكـ عاد مش تمشي تقول لـي مهاب المهم أني كنت أمروحه بـي دانيا و قالي مهاب أخطمي على خالد منها يسايرك و منها يجينا فـي المحل عند يوسف
خالد : اها دقيقة نقول لـي الشباب و مشي قاللهم و طلع هوا وياها لا حس لا مس هوا طبعه بس كانه فـي حاجة غريبة و قاللها بصوت واطي : جوكم الناس اليوم ؟
مها : أي
خالد : مش تقولي يقصقص بس عجبوكـ
مها : أي مشاء الله عليهم و أصلا حـ نسالو على الولد و كان كويس ماما قالت حـ توافق
و ما سمعت غير شهقة بصوت واطي و طول تلفتت لقاته مطبس راسه قالتله خيركـ
خالد : نسيت تليفوني عند حاتم معليش بعدين نولي
مها : تبي نولو نولو
خالد : لالا عادي أصلا الدنيا تبي حـ أظلم و أنتي فـي الشارع هي
مها : به و مها بكل غباء ما دارتش أهمية للموضوع ولا حست بـي حاجة
و خالد وراها مغصوص و حتى النفس مش قادر يتنفس حس أن كل شي أنهار أن مها مش ليه و أن كل شي يحس فيه على الفاضي و قعد مصموت لين وصلت لـي الحوش
مها : سلام شكرا
خالد : سلام و ركب لـي حوشهم بدل و طلع و قعد يحاول يكون طبيعي مشي للمحل عند يوسف و مهاب
يوسف : وين يا أستاذ خالد
خالد : اهو جيت ههههـ
يوسف و مهاب : خيركـ
خالد : لا شي
مهاب : أحم أحم كنت تبكي ؟
خالد : ههههههـ شن نبكي 😂
يوسف : مش عارف شكلك يوحي أنك كنت تبكي
خالد : و علاش نبي نبكي غير ريح برا
طول من غير نقاش طلعو يوسف و مهاب و قعدو يشوفو فـي الجو 😂
يوسف: تي خيركـ يا راجل ما فيش ريح
خالد : يا ودي وين نندري المهم شن الجو شن الامور
طبعا ردو الحمد الله و قعدو يشوفوله
خالد : أستغفر الله يا ربي خيركم
مهاب : مش عارف
خالد : يالله شن تبو نخدم و قالوله ستف البضاعة
و قعد يستف و كله هوا سارح و عقله مش عليه
مهاب : لالالا قول شن فـي
يوسف : خلاص معاش تخدم كله ملخبط
خالد : و مزال الواحد يدير فيكم خير و قعمز فـي التركينة و قعد يشوفلهم طبعا خلو المحل فضي شوي و مشوله هما الزوز
مهاب : قولي خيركـ مكبد على وحدة و فتاتك
يوسف : تعرف قول من هيا بس و حق ربي غدوا تحت رجليك
خالد : أعوذ بالله من الشيطان الرجيم
مهاب : اووووه قول من هيا بس باهي علاش منكد
يوسف : يحبها تعرف خالد مستحيل يكلم بنت فـ خايف أنها أضيع عليه و هذا علاش من بكري سارح ولا
خالد : يا ودي أما تكبيد اما كذب خلوني
مهاب : أسمع فـي زباين شده يوسف لين يحكي تمام و مشي
يوسف : قعمز جنبه و قاله تحبها ؟
خالد : أستغفر الله تــي من هيا يا ودي
يوسف : تعرفني على من نحكي بلى جو تحسابني مهاب
خالد : ههههـ يوسف الى فـي دماغك غلط و أنت خيالك يلعب أني ما نحبهاش
يوسف : شن معنى منكد اليوم
خالد : شن دخلها هيا
يوسف : أني و انت نعرفو أن خطبتها اليوم مع قيمة حاجب
خالد : أي مبروكـ ربي يهنيها شن دخلني
يوسف : هههههههههـ توا تبيني نصدق أنك مش مضايق على خاطر الموضوع هذا
خالد : عادي كل شي بـي النصيب ههههههـ و أني نشوف فيها زي أختي أصلا مستحيل نخون ثقة مهاب فيا يخلي فيا نروح بيها و متامن و نمشي نحبها
يوسف : أنت ما حكيتش معاها أنت حبيتها بس و هاذي مش خيانة لـي الصحبة تمام و أنت عارف هـ الشي و توا تقدر تخش الحمام لانه عيونكـ حمر و ناض و خلاه
معاش قدر يتحركـ و طبس راسه و مباش يقيمه
بينما كانت مها منغمسة مع أحمد فـي الحكي
أحمد : وافقي تمام حبيبتي
مها : حاضر هههههههههههـ بطل بديت تقول حبيبتي و حياتي عادي مرات ما نبيش أني
أحمد : أني نحبكـ نبي نقولهم أنتي ما تبيش حرة
مها : هههههههـ
و شدو فـي الدوه ليين حنان
حنان : التليفون التليفون يا كبدي ما تملي منه هي نوضي طيبي العشي
مها : تمام نكلمك بعدين
حنان : غبارتي مزال بعدين أن شاء الله
مها : ههههههـ و سكرت و ناضت لـي الكوجينة طيبت مكرونة مسقية
و مشي الوقت و مشو الايام و سالو على الشاب و لقوه و الى يسالو فيه يقول مشاء الله عليه محترم و كويس و عمها حتى هوا سال عليه لييين دهش و كلهم يشكرو فيه
و بعد 3 أيام ردو بالموافقة و طبعا أتفقو يبو يديرو فضانية
و جـي يوم الفضانية فـي الصبح ( طبعا المعازيم العيلة كلها لين أطرو يديرو خيمة )
مهاب : مش عارف أني وين خالد
يوسف : مش عارف كان يركب فـي اللمبات
مهاب : خالد خالد
يوسف : أهو هني خالد تـي نوض يا راجل خالد
مهاب طبعا لونه أنخطف : خالد
يوسف : واااك يتبرد و شده من يده و كره 😳
يسمعو الا فـي صوت مهاب أعيط خالد خالد
دانيا : هاذم خيرهم يا كبدي و نزلت تجري و لحقوها البنات و ما يسمعو الا فـي العياطات 😱 ...................................
#يتبع
أنت تقرأ
يحبني و انا غافلة ( روايات ليبية )
Любовные романыعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
