يحبني و انا غافلة ( روايات ليبية )

حلقة 17🔥 النهاية 🔥

#يحبني_و_أنا_غافلة
#الحلـقة__الاخيــرة

مها : خلينا صريحين انت فرحانلي حتى و اني مع أحمد ؟
خالد : أي فرحان و أكثر من الفرحة الى أنتي فيها :) عاد من زيني البنت الى نحبها حـ تكون مرت غيري 😍
و كان جوابة صدمة بالنسبة لـي مها لـين عيونها تعبو دموع ما توقعتش خالد فـي يوم يقول كلاام زي هذا :(
خالد : أني نازل لـي القهوى نجيبلكـ
مها : لا صحة :/
و نزل خالد و مها قريب تموت فـي السيارة ما عمره حـكي معاها بالصراحة هاذي و لا بالاسلوب و حتى نبرة الصوت متغيرة مسحت دموعها شويا و شرين تليفونه طبعا طول شبحت لقاته مهاب ردت عليه
مها : الو
مهاب : مها ؟ وين خالد
مها : نزل لـي القهوى ها
مهاب : لا شي بس نسال أن روح بيـك ولا لا
مها : لالا خدانا من المدرسة
مهاب : اها تمام ديرو بالكم و سكر
و جـي خالد : ها من ؟
مها : مهاب هذا علاش رديت ره مش تقول
خالد : عـادي حتى أني فاهم هـي تفضلي
مها : صحيت مش قلتلك ما نبيش
خالد : تتحشمي مني
مها : أنت من ؟
خالد : ههههههـ خيركـ مصدومة
مها : بديت تقول فـي كلام جديد
خالد : مش قلتلكـ غيرت هلبا حاجات
مها : أمتى قلتلي ؟
خالد : ايييييييه أكيد نسيتي يوم الفضانية متاعكـ
مها : نسيت
خالد : عـادي ☺
مها : عارفة عادي بلكي مش عادي
خالد : لا عـادي هههههههههـ
مها : هههههههههههـ
و وصلت مها قدام حوش حناها و أول ما نزلت
مها : شكـرا
خالد : و لو ضبحي على مهاب بس
مها : دقيقة و طقت على الباب فتح مهاب
مهاب : نحسابكم هربتو مع بعض
مها : شن تحسابة خالد أنت و أني دانيا و خشت
مهاب : أشي الوقحة ها شن الجو و ركب لـي السيارة
خالد : أي شن العرس أمتى بالزبط
مهاب : فـي الشهر هذا 😂 أفتكيت منها دوشه البنت هيا
خالد : حرام علـيكـ توا نشوف يوم عرسها الكلام هذا و تضحكـ و لا تبكي
مهاب : نبكي على مها ههههههههـ تسخف
خالد : توا نشوفو
مهاب : توا نشوفو تخش عناد
خالد : و شن هوا
مهاب : مش عارف خليها على الوقت بـس تخش عناد
خالد : تم يا خوي و نشوفو
مهاب : توا تشوف
و قعدو ما بين توا تشوف و نشوفو قريب ربع ساعة و هما يتعاندو 😤 
و مشو الايام و كل يوم يفوت يقرب عرس مها و كانت موتيه شبه كل شي الا العشي
مهـأ : رز فيها رز مش تقولـي لا
حنان : كلهم يديرو فيه بدت عادة غيري
مها : رز ره و نبي ناكل منه مش تضحكو عليا
دانيا : أملا من توا مش حـ تاكلي
مها : قــلت رز ولا ألغو العرس
و على خشت مهاب : شن هوا الى حـ يلتغى
مها : تعالى نبي ندير فـي العشي يوم الحفلة رز
مهاب : شن قالت
حنان و دانيا : رز
مهاب : خلاص ديرو رز هوا عرسها ولا
دانيا : بدت عادة و كلهم العراس هكي
و تنط مها تبي تنكد عليهم
مهاب : ااااااااا لالالا خلاص حتى عادة رز يعني رز 😡 و قعد يفنص فيهم متع فكونا هكي منكدة من الاساس
حنان : ديما العروسة فرحانة قبل عرسها الا بنتي كل ما نجيبو سريب العرس عيونها يتعبو دموع
مهاب : غييير لااا تبي تستاحشي مهاب أوخيكـ 😍 متخافيش توا نجيك كل يوم
حنان : عارفة أديرها و أدير ما أكبر منها خلي البنت فـي حالها قلتلك من توا
مهاب : توا على أساس حـ تعرفي أن مشيت ولا لا بعدين أحمد فـي العمل نجي عندكـ و نونسكـ
حنان : يا ربي
دانيا : ههههههـ خلي البنت فـي حالها بجديات شن تجي تونسها
مهاب : ماهو حـ تستاحشني
دانيا : أنت الى حـ تستاحشها من هيا
مهاب : أي و الله  هذا ما ناقص
و قعدو يحكو و يضحكو و مهاب كان واضح عليه زعلان شوي😂
و أستمرو الايام و قبل العرس بأسبوع طلعت النتيجة متع الشهادة الثانوية و الى هيا شهادة الفالحة مها
مها : مهاااب قولــي شن و غمضت عيونها
مهاب : حـــي  😳 خيركـ ما جاوبتي عاقبة يا بنت
مها : شن 😳 و طول شبحت لقتها 95 % و تنوض تزغرط
مهاب : بالشويا يا هبلة ههههههههـ مبروكـ
مها : الله يبارك فيكـ
مهاب : اووه شاطرة أختي ما توقعت
مها : مصحكـ فرخ مهاب أسكت
مهاب : بطلي من كلمة فرخ راكـ عروسه شن حـ تقوليله فرخ أحمد تـي وحق ربي ينشف بـيك الزليز
مها :هههههههههـ مش مصدقة نجحت خلي نقول لـي أمي ترا شوف دانيا و مشت تجري لـي امها فـي الكوجينة تزغرط و ترقص و أدربكـ و مش فاهمة راسها من ساسها
حنان : مبروكــ هههههههههـ سلمها يا ربي هكي تفرحـي فيا
مها : أي يا ماما ريتي نتيجة قنينة 😍 
حنان : مش غير قنينة ربي يفتح عليكـ
و طول جـي مهاب
مها : شفت نتيجة دانيا
مهاب : نجحت بـي 94.24%
مها : مشاااء الله لولولولولولـي خلي نمشي نباركلها
مهاب : أي أسمعي ما تقوليش عرفت باهي
مها : علاش
مهاب : هكي غير بري 😍
و مشت مها أتصلت و باركت لـي دانيا و دانيا كانت قريب أطير من الفرحة