#يحبني_و_أنا_غافلة
#الحلقة_الثالثة_عشر
يسمعو الا فـي صوت مهاب أعيط خالد خالد
دانيا : هاذم خيرهم يا كبدي و نزلت تجري و لحقوها البنات و ما يسمعو الا فـي العياطات 😱 يوسف قام خالد على كثفة و طلع بيه لحقه مهاب
و تنزل أم خالد سالمة : خيركم شن فـي ؟
مها : مش عارفة خالد
سالمة : خيره ما تقوليش ضربه الضي ؟
دانيا : مش عارفة نزلنا لقيناه راقد على طوله
سالمة : ووووك عليا وين بوه يا عادل أنزل شوف ولدكـ
و صارت دوشه و دانيا من غير ما تحس على روحها قعدت تلوم فـي مها
دانيا : كله منكـ كللله منكـ :'(
مها : و أني شن دخلني ؟
دانيا : شن فيها كان رفضتي أحمد اها مش تعرفي أن خالد يحبك و الله يا مها كان تصيرله حاجة لما نقول كل شي
مها : شن يحبني ؟
دانيا : أي يحبك و توا أديري فـي روحكـ غبية حسبي الله و نعم الوكيل فيكـ
مها : ضمي فمكـ معاش تتحسبي 😠 بعدين هوا ما قاليش
و كانت دانيا تعيط على مهـا و أم خالد تسمع فيها و مصدومة و قعدت تبكي تلفتت مها لقت سالمة وراها حطت يدها على فمها و ركبت تجري و دانيا من أعصابها معاش حست على روحها لحقتها
بينما خالد كان فـي المستشفى و فايق و حاله باهي و محصل كسرفـي الكثف و الممرضة تبصرعليه و هوا ما باش يضحكـ بكل و يشوفلها و خلاص
مهاب : ها الحمد الله على سلامتك تـي كيف طحت أنت ما حسيناش بيكـ
خالد : ما نندريش على روحي
الممرضة : هوا أصلا عنده هبوط مش واكل باهي
يوسف و مهاب بصوت واحد : مكبد 😂!
خالد : ها ها ها دمكـ خفيف أنت وياه بعدين أوخيتي أني واكل أعترت طحت يمكن نعسني النوم و ما حسيت تمام
الممرضة : متحشم تقول ما كليتش لا حول ولا قوة الا بالله كلهم الولاد الى يجو فـي نفس حالتك يقولو كلينا و أبصر شن
يوسف : أي أي هوا متحشم بس ههههههـ يا أوخيتي سلمة و شده من خدودة
خالد : تبصر 😒 حول أنت وياه ترا
مهاب : تعرف الى درته فـي البنات عمره ما يديره واحد عار كلهم أيعيطو
خالد :أن شاء الله البنات شبحوني 😳
و قعدو يضحكو عليه و خش الدكتور طبعا كبير فـي العمر
الدكتور : شوف يا ولدي قلة الماكلة و الارهاق و قلة النوم مش كويس باهي تخيل نفسكـ فـي الطريق و أطيح الطيحة هاذي مش تجي سيارة تضربكـ
خالد: ناكل و نرقد كويس
يوسف : أي أي ترقد كويس أي أي
مهاب : و الله صدقنا المهم فوته دكتور هذا كذاب ره قولنا شن نديرو
الدكتور: ياكل كويس و يرقد كويس و ياخد الفيتامين و مسكن كويس و توا يقدر يطلع و رد بالك مراجعة على أيدك بعد أسبوعين باهي
خالد : أن شاء الله و طلعو مع بعض و مهاب و يوسف لا قالو نبطلو و هما يناشبو فيه
يوسف : خفت نحسابكـ ضربكـ الضي
مهاب : أي حتى أني لكن تبيها حلوة البنات كلهم قعدو أيعيطو 😂
خالد : حطوني فـي حوش جدي
مهاب : لا لا و سالمة تقعد حايرة عليكـ خلي تشوفكـ
خالد : به
و روحو بيه الحوش و أول ما خش
دانيا : خالد جي نوضي نشوفو خيره و طلعو يجرو
يوسف : بالشويا بالشويا عليه 😂
مها : حـي مكسور 😳 خالد
طبعا سمعها بس ما قدرش يقيم عينه
دانيا : الحمد الله على سلامتكـ جاتك بسيطة نحسابوكـ ضربكـ الضي
يوسف : لالا هههههـ ريت كيف رعشو عليكـ طبعا غير صارله هبوط و طاح و تكسر كثفه
سالمة : الحمد الله على سلامتكـ رعشتني يا أمي أني نقولكـ كول ريت
مهاب : توا حـ نبدو فـي الفضايح و بصوت عالي خالتي قال لـي الدكتور ناكل و نرقد كويس
سالمة : عينه العورة 😠 لا ياكل لا يرقد ليه أسبوع ريت يا ولدي ريت
خالد : خلاص يام و طبس راسه
و خش خالد لـي دار مهاب على اساس الدار خاطية و الولاد طبعا وصو البنات يديروله شن ياكل و يردو بالهم عليه
مهاب : مش تنسو توا خشو ديرو فطور
مها : حاضر اقعدو جنبه
مهاب و يوسف : شويا بس نكملو لوطا و نركبو
مها : حاضر
و خشو للكوجينة و طول الوقت دانيا تهزب فـي مها و تقوللها تشوفي فيه مكسر بـي سببك
مها : تحسسي فيا بالذنب شن دخلني هوا ما قاليش كيف نبي نعرف
دانيا : واضح عليه يحبكـ 😠 و توا أرفعيله السفرة
مها : صبرني يا ربي و خشت السفرة و طقت على الدار
خالد : تفضل
مها فتحت الباب و خشت : السلام عليكم :)
خالد : و عليكم السلام علاش متاعبة روحكـ
مها : ما فيهاش تعب :) أي الحمد الله على سلامتك
و يسمعو الباب يقول تك تك و صوت المفتاح يتنحى
مها : مشت تجري تفتح فـي الباب ما باش ينفتح
خالد : من سكره ؟
مها : أكيد دانيا الحيوانة من غيرها دانيا أفتحي
دانيا : ما نبيش فاتحة شن تبي اديري فيها 😒 أني نمشي نحط البكلاوة بااي
مها : يا حيوانة بااااهي
خالد : ههههـ و طبس راسه و حاول يشد روحه
مها : معاش عرفت شن أدير قعمزت على الطاولة و قعدت تشوفله
خالد : أكيد تبصر شويا و تفتح
مها : وجه الفقر هاذي 😒 مبردها
خالد : طقي توا يفتحو
مها : معليش توا تجي تفتحه بروحها المهم شن حالكـ
خالد : الحمد الله . أي نسيت مبروكـ ربي يهنيكـم
مها : الله يباركـ فيكـ و عقبالكـ نشوفوكـ عريس هههههـ نتخيل فيكـ عريس
خالد : ما تزبطش 😂
مها : و علاش زي الوقتي هذا نوتو لـي عرسكـ غير قول أن شاء الله
خالد : هه أن شاء الله
مها : أي و توا لما تنجح وين تبي تخش
خالد : مش عارف نخش معهد عالي لـي النفط
مها : من جدكـ مش على أساس قبل تقول نبي نطلع دكتور
خالد : سريب الطب طويل و فـي النهاية ما فيش حد مقتنع بي الدكاترة نختصر الوضع و نخدم على الموجود
مها : المهم تقرا و تخدم و مرتاح ولا
خالد : الحمد الله
مها: ما توقعتش تغير رايكـ فـي الطب الحق مصدومة
خالد : هه غيرت هلبا حاجات قعدت غير على هذا
مها : زي شن غيرت
خالد : هلبا و خلاص
مها : قولي وحدة مش حـ نقول لـي مهاب
خالد : ههههـ مش قصة مهاب بس مش حـ نقدر نقول
مها : اها ☺ حسابكـ بعدين بعدين و أنت توا الى جايبين السفرة بـي اما أيد حـ تاكل و أنت أيدكـ اليمين الى مكسرة
خالد : نقدر ههههـ
مها : ترا كول
خالد : بطلي أحراج و راح أحمر و طبس راسه
مها : اصبر نوكلك ☺
خالد : شن اااه
مها : يالله افتح فمكـ الحاجة الى ما تكلش فيها قولي عليها مع أن تاكل عادي أنت و قعمزت
خالد : مها يخشو علينا نعرف ناكل بروحي
مها : هههههههـ غير افتح فمكـ ما تردنيش
و وكلاته و هوا مسكين متحشم بـس فرحان فـي نفس الوقت شويا دانيا فتحت عليهم الباب
دانيا : اوووووووووووووه علقت عليكم شن أديرو حـي عليكم كان يشوفكم مهاب
خالد : طول هرب عليه الضي و معاش قدر يتكلم
مها : أيده مكسورة قلت نوكله بعدين تعالي خيرك سكرتي الباب
دانيا : هكي دماغي قالي
خالد : مواطي راسه وخلاص
مها : لما تشوفي يا فرخة دانيا و طلعت و خلتهم
دانيا : ها شن عجبكـ الجو
خالد : ولا حرف
دانيا: ما أديرش روحكـ برئ نندري على كل شي ره
خالد : يوسف قالك ولا
دانيا : أي و أصلا كل شي واضح عينك عليها من قبل غير حشمه الى فيك ما خلاتكش تعترف
خالد : شن نبي ندير لو أعترفت
دانيا : كنت قلتلها و هيا عرفت
خالد : كنت نقول نكبرو و نجي نخطبها ما كنتش نندري أن نصيبها حـ يجيها بكري بكري الله غالب الدنيا نصيب و ما فيش حد ياخد نصيب غيره الحمد الله على كل حال
دانيا : الحمد الله معليش ربي يعوضك
خالد : ان شاء الله و يهنيها هيا و يهنيك
دانيا : أمين و للعلم اليوم عرفت بكل شي
طبعا مها كانت لابده ورا الباب و تسمع في كل شي حست نفسها ظلماته كان فـي جنبها ديما و كان يلمح شوي شوي كانت غافلة بس هيا تحب أحمد و أهو جـي خطبها معاش تقدر تباعد عليه تعلقت بيه هلبا 💘 و هوا الى خلاها ترجع مها القوية و كان يشجع فيها فـي كل شي ما كان عليها الا تدعي لـي خالد و خلاص
خالد : ههه عرفت ولا ما عرفتش خلاص تو ربي يهنيها
دانيا : راضي
خالد : المهم هيا مرتاحة أني راضي :)
دانيا : بس حاول تتكلم معاها بلكي تغير رايها
خالد : و أحمد ههـ من بيه مش يحبها كان ما يحبها راهو ما جاش خطبها
دانيا : كيف يعني أنت تعرف بكل شي
خالد : نعرف أن كان يكلم فيها و كان يجيها فـي المدرسة كانت كل ما تشوفه تبتسم و قريب أطير من الفرحة بس كانت تتحشم مني و نحس فيها مرات تقول يا ريته ما معاي كان هذا راهو كنت على راحتي
دانيا :كنت تقدر تقول لــي مهاب عليها
خالد : و يروح يضربها شن أستفدت أني اها تقعد تدعي عليا طول عمرها
دانيا : انت ما تحبهاش كان تحبها راهو درت الى ما يندار على خاطرها
خالد : هههههـ عادي قولي الى تبيه بس الى تحكي عليه نحس فيه دوه فاضية مش حب نخرب عليها و بلا بلا باش تبدا ليا
دانيا : تعرف مها علاش مش حاسة بيك لانك أصلا مش محسسها بـي شي غرت عليها مرة ؟ جربت تمشي تضرب أحمدعلى خاطرها باش تحسسها أنكـ تحبها
خالد : ههههههههـ علاش هذا كله هيا ما تبادلنيش نفس الشعور بالسيف نخليها تحبني
دانيا : معناها مفروض ما تزعلش لانه خداها غيركـ 😠
خالد : من قالك زعلان فرحان أكثر منها لانها خدت ألى تحبه
دانيا : تعرف قريب نحدف عليك الطاولة
خالد : علاش ههههههههههـ بالله شوي مهاب مش يحبك و قالكـ و بديتي تحبيه و بلا بلا و درتو علاقة و جي سليم خداك منه بسهولة شن حـ نستفيد و شن حـ تستفيد لو كلمنا بعض و هيا نصيبها أحمد فهميني
دانيا : مش عارفة بس من قالكـ حـ نقدر مع سليم حـ نفسخ
خالد : ويا ستي فسخت على خاطري و هيا ربي كتبلنا مش نصيب بعض
دانيا : انت مش عارفة تفكيرك كيف المهم تستاهل على الى صارلك و خلاص أصلا انت ما حولت حتى المحاولة و سلام و طلعت و خلاته
قعد مقعمز و متنرفز شوي
و مشي الوقت و جـي المغرب واالخيمة راحت زحمة تقول عرس مش فضانية و مها شاده تليفون أمها و تهدرز على أحمد
أحمد : ها شن أديري أسمعي حبيبتي شن رايكـ نقرو الفاتحة اليوم و نروح بيك
مها : شن رايك نسكر فـي وجهك التليفون
أحمد : خيركـ عصبتي هههههههـ
مها : ما نبيش نتزوج توا ره أصبر لـين نكمل الثانوي الجامعة نقرا متزوجة عادي
أحمد : يا ستي المهم ليا باااهي
مها : هههههههههـ أني ليكـ حياتي 😠
أحمد : يا حليلي منها روحي أني تعرفي يا بنت حـ ناكلك
و دارو الفضانية و أتفقو على كل شي و العرس بعد ما تطلع البنت من الثانوي
و مشي الوقت و مشو الايام و بعد شهر دارو بيان كبير و لبسها الدبلة و مها ولت خطيبت أحمد حبيبها و عيونها 😍 و طلعت نتيجة الشهادة الثانوية و مهاب و خالد نجحو و الزوز بتقدير ممتاز خالد بنسبة 97 % و مهاب 92% هذا غير يقول ما قريتش و ما حليتش
مها : متاكد من نسبتكـ ؟
مهاب : أي متاكد خوكـ شاطر عارف روحي تبارك الرحمن حتى مش قاري شوفي النسبة الى جبتها
مها : باهي فهمنا مبروك
مهاب : الله يبارك فيك
مها : مهاب نعطيكـ تعطي لـي خالد هدية
مهاب : و خيرنا حني ؟
مها : هكي نعطي لي نسبته فوق 95 بس
مهاب :ها ها ها به هاتي و أعطاته كيسة صغيرة و واضح أن فيها فلوس
مها : أعطيها باهي
مهاب : تفييييييييييي خزي عليكـ يا حمارة معقولا هكي و أني
مها : أعطيه بعدين نعطيكـ انت تتشحت فـي هدية
مهاب : حتى هما فلوس و طلع
و طول مشت للارضي أتصلت بـي أحمد
أحمد : نبي نسالك و قولي الصدق
مها : غير قول السلام عليكم
أحمد : و عليكم السلام . نبي نعرف كل شي
مها : شن تبي تعرف هي هات
أحمد : .....................................
مها : و انت من وين تعرف .............😳
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
