#يحبني_و_أنا_غافلة
#الحلقة_الثالثة
مها : مش هكي يا ألياس و بطل تخريف
ألياس : أملا علاش سكتي شن هوا الى خلاك تتحشمي
مها : شي
ألياس : مها خيرك !
مها : مرة تانية نقولك أنت شن تعنيلي باهي أني شن نعنيلك ؟
ألياس : أختي و صديقتي و حبيبتي ✋
مها : 😳 شن
ألياس : ألى سمعتيه 😠 بلكي مش عاجبك
مها : بس أنت قلت و قطع عليها
ألياس : أي حبيبتي و نحبك و نموت فيك
كانت أحلى كلمة سمعتها فـي حياتها 😍 ألياس يحبها زي ما تحبه
_ ها يا بنت خيرك سكتي !
مها : اااااااااا لالا شي بس أنصدمت توا نبي نسكر مهاب جـي
ألياس : أفتحي الفيس
مها : أن شاءالله هـي سلام
ألياس : أصبري أصبري نبي نقولك
مها : ها خيرك ؟
ألياس : نحبك
مها : حتى أني و سكرت 😳 أني شن قلت حـي كما يجري بيك يا مها لالا مستحيل أصلا واضح من أسلوبه حلو و مؤذب و أصلا ما اعترفش بسرعة
مهاب : مهااااااا
تقول من صب عليها أميه صخونه : نعم
مهاب : أنتي مرة لعبتي اون لاين
مها : اااااااه من أني لالا
مهاب : لا لاعبة و خاسرة 😠
مها : أي لعبت و خسرت شن فيها
مهاب : لا بس فرخ ألياس شادها وراي يضحك عليا
مها : ما نحسابكش تلعب ضد حد أصلا و ما نندريش أن النت مفتوح حــي عليا قصدك حتى الصوت مفتوح
مهاب : أي ما تقوليش درتي العار الولد يسمع فيك
مها : 😳 هوا يعني قعدت نغني
مهاب : أصلا ما حكاش عليك معناها عادي أكيد كان مسكر السماعة هوا
مها : أكيد أي ههههههههههـ تبي شي
مهاب : لا سلامتك
و خشت مها لـي الدار تحمد فـي ربها و تشكر أن ألياس مش حاكي لـي خوها على ألى صار 😍 و قعمزت تقرا و نصه تغني و تتخل فـي نفسها مع ألياس
لـــين يخش عليها مهاب
مهاب : مها أوخيتي
مها : شن فـي
مهاب : توا مش صاحبتك غايبة مفروض تسألي عليها
مها : مهـــاب
مهاب : عيب يعني مش أنتو صاحبات 😒 أني خالد لـما يمرض نجيبه لـي عندي و نقعد نقوله شن قرينا و نغيرله جوه
مها : ماما تعالي لـي ولدك
حنان : خليها تقرا و أنت برا شد كتابك
مهاب : باهي به و أني الى نفكر فـي الناس أصلا شن دخلني
مها : أيوا شن دخلك
و طلع و سكر الباب و دار الوقت و جت العشية و مها كله تهدريز مع حبيب القلب و سرحو مع بعض لـين أفتح الباب
مها : الناس اطق يا حمار 😡
مهاب : أعطيني تليفونك اليوم تليفوني طاح مني فـي الميه
مها : 😲 شن تليفوني برا خود متع ماما
مهاب : مها راسي صداع و أنتي توزعي فيا نبي التليفون اليوم بس
مها : ألا نبيه
مهاب : شن تبي أديري بيه
مها : عارفة تبيه على خاطر دانيا شن تحسابني غافلة عليك نندري عليك ره
مهاب : أمسحيه رقم دانيا نبي التليفون نحط فـيه الشفرة شن عندك فـيه أنتي
مها : شي ماما كلمي هوبي
مهاب : هوبي 😒 معاش تقوليها
مها : هوووووبي
مهاب : شكرا معاش نبي منك شي و مزال نعطيك حاجة و طلع
طبعا مها لو ما كانتش تكلم فـي ألياس راهو أعطاته التليفون لكن خافت أن خوها يعلق عليها
أتصلت بـي دانيا
دانيا : باهي ألى أتصلتي ماما كيف طلعت قلت نتصل بيك و نقولك
مها : خيرك شن تبي تقولـي شن صاير ؟
دانيا : خوووك مختش درجة أولى يهبل
مها : شن دار ؟ و هوا ديما مهبلك شن أول مرة
دانيا : واقف فم حوشنا و ينادي يا خااااالد ياااا خااالد و المشكلة أن خالد واقف يشبحله طبعا أني سمعت الدوشة طبست من الروشن لقيته متكي على الحيط و يقولي وينك اليوم
مها : هذا خوي 😳
دانيا : خليني نكمل قلتله شن جابك هني قالي قلبي
مها : ضاع خوي ضاع لكن بجديات داره هذا كله ؟
دانيا : سترني ربي خوتي و بوي برا
مها : 😂 ما دخلنيش فيكم أنحرقو قولـي شن حالك توا
دانيا : الحمد الله
و أستمرو فـي الحديث لـين فصل الرصيد مشو شدو الارضي و بدو لوك لوك لوك لــين روح مهاب
مهاب : فـي من تكلمي ؟
مها : فـي دانيا مع شبحه
مهاب : أي غدوا تبي تجي ؟
مها : و علاش شن دخلك
مهاب : لا باش نعرف غدوا الوقت باش نطلع
مها : أها به برا توا نبي نحكي معاها
مهاب : قوليلها على الواجب و شن خديتو
مها : مهاااااب برا
مهاب : باهي ماشي 😒😔
و فـي صبح تاني يوم ناضت مها صلت الفجر و بعتت رسالة لـي ألياس نووض صلي وراك خدمة يا باشا نوووض
رد عليها : 🌸 صباح الفل شن صليتي ؟
مها : أي و أنت نوض صلي
ألياس : أصلا كيف روحت من الجامع
مها : مشاء الله على حبيبي
ألياس : باش تعرفي 😉
و قعدو يحكو لـين جـي الوقت بدلت و نوضت مهاب
مها : ايييه يومي كله يمشي مهاب مهاب نوض
مهاب : 😡 ما نبيش نمشي طفي الضي
مها : باهي خيرك تكشخ ها و سكرت الضي و جبدت الباب بالقوة
حنان : خيركم يا كبدي صغاري من غير الصغار ديما يتناقرو زي الفار و القطوس
مها : أصلا الحق عليا أني الى تابعت روحي و فيقته 😡 الحيوان هوا
مهاب : ضمي فمك 😡
شويا الباب طق فتحت لقاته خالد
خالد : شاد الكتاب : صباح الخير مها
مها : صباح النور
خالد : هيا وين مهاب مش واتي
مها : ما يبيش يمشي 😒 و تلبس فـي سبيدروها
خالد : خيره أمس كان يبي يمشي مريض ؟
مها : مش عارفة خيره خش شوفه غير بسرعة
و خش خالد فتح عليه الباب و ما تسمعو غير التكشيخ
حنان : خيره هذا ؟؟مهاب وليدي خيرك يمه
مهاب : نبي نموت باش نفتك دنيا حرفه 😵
خالد : باهي غير نوض راهو ورانا دانيا مع أبتسامه
مهاب : قعمز و قعد يشوفلنا
خالد : سامحيني خالتي ما سلمتش عليك كيف حالك
حنان: الحمد الله وليدي هيا مهاب شن تبي تمشي ؟
مهاب : باهي به أطلعو نبي نبدل
وطلعو و بدل مهاب و طلع خش للحمام و طلع و خطمو على دانيا و مهاب لا صبح عليها لا شي
دانيا : خيره خوك
مها : مش عارفة نايضة عليه الهبلة
دانيا : ههههههههـ
خالد شد مهاب و قعد يهدرز عليه و يحاول يغيرله جوه بس شي قاعد مكشر 😡
و وصلو لـي المدارس
عند مها و دانيا
دانيا : اشفتي الابلة متع الفيزياء عندنا أول حصة دراه الكبد
مها : لالا أسمعي خيره مهاب
دانيا: شن عرفني شن أني مهاب
مها : أول مرة يعصب هكي حتى لما خربت الشحن متاعه ما عصب هكي
دانيا : هههههههههـ خلاص أكيد يدير فـي الجو
مها : أمس روحه يضحك و جوه حلو
دانيا : قوليلي شن صار فـي الولد الى تعرفتي عليه فـي البلاستيشن
مها : عليك تعبير هههههههههههـ مليح
دانيا : شن قلتي أسمه ؟
مها : ألياس
و خشو الفصل و تخش أبلة سعاد متع الفيزياء طبعا أنصدمو البنات يحسابوها غايبة
الابلة : خيركم شن فـي تحسابوني غايبة ههههههههـ
دانيا بصوت واطي : زي الجن . لالا يا ابلة
مها :واااك توا تبدا بلا بلا بلا بلا بلا بلا بلا
و الفصل قعدو يضحكو
الابلة : خيركم شن الى يضحك
مها : لا يا ابلة بس البنت طاحت هههههـ ولا دانيا
دانيا : أي
الابلة : اها
و خشت فـي الشرح و الاسئلة 😘
بينما عند مهاب و خالد
خالد : تـي طلع ورقة و أكتب
مهاب : ما نبيش شن دخلك
خالد : استغفر الله و قطع ورقة من الكراسة و قعد يجاوب فـي السؤال فـي الورقتين
الابلة : مهاب خيرك متجاوب
مهاب : 😠 باهي توا نجاوب يا ابلة
خالد : هاك كمل السؤال الاخير . ابلة نعطيك ورقتي
الابلة : يا ريت تكونو كلكم زي خالد هات ولدي كملت و متاكد
خالد : أي راجعت
الابلة : هات و شبحت ورقته و بدت تشكر فيه
مهاب بصوت واطي أنت كتبت كتبت السؤال الاخير أصلا ما قريتش
خالد : أكتب هـي و قعد يمل عليه بالشويا وكمل مهاب و أعطي ورقته و بدت تشكر فيه حتى هوا و تبي الفصل زيهم شاطرين و شادين قرايتكم و ديما محصلين درجات قنينة 😂
و مشي الوقت وفـي الاستراحة مهاب أتصل بـي أمه و قاللها تجي تروح بيه بأي طريقة
حنان : خيرك شن فـي
مهاب: ياام تربحي تعالي و فكينا من الدوه دبري أي عذر هيا
حنان : حاضر
خالد : تبي تخليني بروحي
مهاب : خالد خليني و حق ربي كاره روحي
خالد : غير شن فـي
مهاب : ما فيش شيء بـس كل الموضوع أن نبي نروح معاش عندي خلوق لـي شي رد بالك على مها و هيا مروحه
خالد : تبي نوصلها عادي
مهاب : بس رد بالك عليها و هيا مروحه و خلاص
خالد : حاضر
و جت حنان خدت أذن لـي مهاب و روح
وكمل الدوام طلعت مها و دانيا
مها : دانيا 😳
دانيا : خيرك :/ عيونك قريب يطلعو
طبعا من غير ما تتكلم لفت راس صاحبتها
دانيا : مها 😲
....................................................................
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
