#يحبني_و_أنا_غافلة
#الحلقة_التاسعة
خالد : مها
مها : نعم
خالد : الى أديري فيه غلط
مها : شن 💔
خالد : أنتي فاهمة على ما أضن
مها : لا مش فاهمة خيركـ خالد 😒
خالد : شي نحكي بروحـي
مها : أها
و ساد الصمت قعدو يمشو و خلاص و صلو لـي الحوش
خالد : املا بالسلامة مهاب
مهاب : الى يسمع يقول أنك تبي تمشي لـي ابصر وين راهو الشقة الى فوقنا 😂
خالد : هههههههـ هي أملا تعالى بعدين
مهاب : تمام و سكر الباب
دانيا : وين خالتي حنان
مهاب : مشت لـي عمتي فاطمة أكيد ههههههههـ هكي قالت الصبح
خشت لقت الغدي مغطي حطت السفرة و قعدو ياكلو
مها : وبعدين -_- لا بجديات و بعدين
مهاب : هههههههههـ خيرك
مها : نظام متزوجين تـي أحترمو الى تاكل معاكم
دانيا : حسد يا كبدي
مها : ههههههـ على مهاب كان على حد تاني نقولو
دانيا : خيره مهاب يا ماما 😠 أحترمي نفسـك أيوا
مها : ههههههههـ عاد أنت أبتسم أدافع عليك و خشت لـي االدار طووول مشت للارضي
و أتصلت بـي أحمد بس المرة هاذي رد أحمد
أحمد : ألو
مها : هلا غريبة رديت أنت
أحمد : تعودت أنك تتصلي الوقتي هذا قلت يعني نقعمز جنب التليفون
مها : اها ههههههـ شن جوكـ
أحمد : مدام سمعت صوتكـ أني فـي نعمة
مها : بطل هههههـ شن ما عندكشـ خدمة
أحمد : روحت خلاص بديت ضروري نروح باش نسمع صوتكـ
مها : هههههههـ حتى أني طووول نجري لـي التليفون
أحمد : أي ههههههههههـ شن القراية ؟
مها : تمام الحمد الله ماشية أهو
أحمد : بلكي نسيتي كلمة هههههههههـ
مها : هههههههههـ مبردكـ
أحمد : كان أني بارد أنتي شن موقعك فـي الاعراب
مها : أني تاء ساكنة لا محل لها فـي الاعراب ههههههـ
أحمد : هههههههههـ لا توا أنتي أبرد مني بديت نحسد
مها : ههههههـ لا كل شي الا الحسد قول قل أعوذ برب الفلق
أحمد : باهي مشاء الله عليكـ هههههههـ شن أديري
مها : أهو نكلم فـيك و أنت
أحمد : اااااا شن نبي نقولكـ حاليا نكلم فيـك و فاتح النت
مها : يقولو الراجل ما يقدرش يدير حاجتين فـي نفس الوقت غريبة
أحمد : اصلا أني مميز
مها : هاااااااا توا حـ نبدو ناخدو دور عبد الواثق ولا كيف
أحمد : ههههههـ لا قاعد أحمد عبد الواثق ولد عمي بس
مها : ههههههـ أسمه عبد الواثق
أحمد : أي من قالكـ 😳 ؟
مها : ههههـ عليك غبو حصلتي فيه يا مها أنت قلتها توا
أحمد : اها أي نسيت دوختيني يا بت
مها : ههههههـ عادي
دانيا : تعرفـي معاش نبي نجيك تـي مخليتني معاه عادي
مها : هي توا سلام دانيا جت
أحمد : سلام ديري بالك على روحكـ
و سكرت منه : و الله أنتو واخدين الجو رومنسي و حاله قلت نخليكم
دانيا : فـي من كنتي تكلمي ؟
مها : شن دخلكـ شن تبي ؟
دانيا : نقول لـي مهاب
مها : قولـي شن تبي أديري فيها
دانيا : بعدين حبيه و تعلقي فيه و يا محلاها كان زي ألياس يا كبدي يخليك و يمشي و أنتي عاد أبكي باااهي و المرة هاذي حتى الارضي ألغيه من حياتكـ
مها : أصلا ألى بينا صداقة لا أكثر ولا أقل بااااهي بعدين أنتي معاش تعطي نصايح و أحتفظي بيهم لـي نفسك
دانيا : شن قصدكـ ؟
مها : واضح قصدي توا تحبي فـي خوي و هوا يحبك و غدوا يقولو مرت سليم
دانيا : أني مش حـ نوافق عليه
مها : ههههههههههـ تعرفـي أن سليم قاتل روحه عليكـ فـ راكحي سلم بنتي و بلا جو صغار
دانيا : مها أني نحب مهاب و نموت فـيه و مستحيل نسيبه باهـي و مستعدة نرفض سليم على خاطره
مها : مجرد دوه أول ما يبدا الجد توا نشوف الدموع و العار باهي بالله خليني نقرا و قعدت تقرا و دانيا قعمزت تفكر صح هوا لو جـي سليم مستحيل ترفض و بدات أن هوا من قبل يقوللها لما تكبري حـ نجي نخطبكـ مش حـ نخلي ولا واحد ياخدكـ أنتي أم صغاري
مها : هاكـ أقري و أنتي عيونك تعبو دموع
دانيا : كيف نبي ندير توا و كان سليم دار الى يقول فيـه مش حـ نقدر نرفض
مها : ههههههـ خلاص نقولكـ صح أنتي و مهاب قريب تموتو على بعض بس سيبيه من توا باش ما يزيد يتعلق فيكـ
دانيا : ما نقدرش شن نجي نقوله معاااش نقدر نكمل معاكـ
مها : الله غالب لازم يعرف أن البنت الى حبها مش ليه و أن من نصيب غيره و يرضى بأمر الواقع شن يبي يدير مش كل شي نبوه لينا
دانيا : مستحيل نسيبه
مها : هههههههـ حـ يجي يوم و حـ تفترقو و قولـي قالتها مها
دانيا : بري أنتي احباط ره و قعدت تقرا
و مشي بيهم الوقت و روحت حنان لقتهم فـي سابع نومه 😘 و مع العشية ناضو كلهم
و مهاب زي البيبي طووول مشي لـي دار مها شاف دانيا طبعا راقدة 😂
مها بصوت واطي : اطلع
مهاب : شوي بس شوفيها زي البيبي 👶😍
مها : 😵 هاذي بيبي هاذي غوريلا راقدة تـي برا
مهاب : مصح وجهك راقدة البنت خيركـ
مها : و الله نفيقها ره
مهاب : فيقي
مها : انضبح على ماما
مهاب : بري ضبحي
مها : مهاب بطل و برا خيركـ هكي
مهاب : به خلاص و أنتي قريب يطلعولك قرون 👿
مها : اااااه يا كبدي و رجعت تغطت و قعدت تفكر فـي خوها الى حـ ينصدم بالواقع
دانيا : مها تي فيقي الساعة 5 و نص
مها : أي شفتها شن جوكـ
دانيا : مش عارفة نفكر فـي مهاب
مها : ديري زي ما قلتلك و الله خير
دانيا : مش عارفة مش قادرة نعيش بلاه ره
مها : نبي نفهم من وين يسربلك فـي الاكسجين تـي أهو من قال نعيش بلا ألياس
دانيا : قصدكـ تبيني نعيش زيك فتاة فـي الجاهلية لا نت لا تليفون ولا شي قعمزي قعمزي
مها : خزي عليك و حق ربي احلى منها ما فيشـ
دانيا : أي أي صدقت 😍
و قعدو يحكو و ينتاقشو شويا ناضو دارو سفرة مع حنان و قعدو يهدرزو معاها
و بعد مرور شهور و فـي أخر يوم من الامتحانات النهائية و فـي الفصل
مها : كملت يا أبلة نطلع ؟
الابلة : مزال الوقت تاكدي من ورقتك
مها : هاذي 5 مرة نراجع
بينما دانيا فـي الفصل التاني لمو منهم حتى الاوراق 👌 ( أحلى جزء فـي الامتحان لما تسلمي الورقة )
شويا جـي الوقت و طلعو
دانيا : شن حليتي
مها : يب يب يب يب
دانيا : بالنسبة ليا متاكدة ما فيش ولا غلطة
مها : حتى أني اووووووووه اليوم أخر يوم بااي تانية ثانوي يا مطلعة روحـي هههههههـ
طلعو يجرو و شادين البخاخات و يبخو على بعض و كلهم فرحانات و أيعيطو و عاد تعرفو عار البنات 😂
مها : هيا دانيا مهاب برا
دانيا : هـي و طلعت تجري
مهاب : 😍 شن خلااااص كملتي معاش فـي حبيبي نقرا خليني
دانيا : أي معاش فـي
مهاب : أن شاء الله بالنجاح
مها : أجمعين أن شاء الله
خالد : أن شاء الله بالنجاح ☺
مهـا : أن شاء الله أهي الناس الى تقدر
و قعدو يتمشو مع بعض
مها : شن عاد توا مهاب و خالد شادين القراية فـي الدروج 😂
مهاب : هههههههههـ عادي أصلا أكيد مش مع بعض فـ حـ نقرا بروحـي
خالد : بلكي تبي نقرا عليكـ تمو الايام هاذوكا توا جاكـ االدق يا خوي أني الحمد الله كله حافظة كل جمعة نراجع فـي مادة و توا مازتلي الرياضيات بـس
مهاب : تـي أني شنطي وين 😳 هذا كمل تـي مش قلنا حـ نبدو مع بعض
خالد : أي أصلا لما قلنا حـ نبدو مع البعض الجمعة الى فاتت و أني قريب نكمل قلت نكمل و نبدا معاه من جديد
مها : ريت الشطارة مش زيكـ لايا ألياس هكي غشيت أنت 😒
خالد : هههههههـ
وصلو لـي الحوش و خالد روح حـتى هوا تغدو و كانو فرحنات
مهاب : تليفونك يشرين
دانيا : وينه تلفتت لقاته فـي الشحن
مهاب : دقيقة و ناض فكه من الشحن
دانيا : أكيد ماما تسأل كملت ولا لا هات
و ناضت مها طول تجري و سكرت على روحها الدار و أتصلت بـي أحمد
أحمد : ألو قولي قبل كل شي حليتي ؟
مها : لالا خليت الورقة فاضية عيب لـي عيونك
أحمد : هههههههـ جو أنتي متاكدة منه كله
مها : أي
أحمد : تمام أسمعي أني نجيبلك النتيجة باااهي
مها : حاضر شن جوكـ
أحمد : و الله ماشي و أنتي
مها : تموم أنت تحاول تحكي بـي الغرباوي و أنت شرقاوي لكن متمكن
أحمد :اي عايش هني من فترة
مها : أي نندري و أنت الى قلتلي مش تقول من قالك هههههـ
أحمد : الواضح أنك واخدة عليا خلفية
مها : أهههههههههه أي
و تسمع فـي صوت عياط 😳 و تخبيط
مها : أحمد أبصر شن شويا و نكلمك
أحمد : تمام طمنيني
و طلعت تجري و تلقى 😱 ..........................................
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
