#يحبني_و_أنا_غافلة
#الحلقة_السادسة
البنت : أي و بعدين يا أستاذ ألياس لـي وين
الياس : 😳 أستبرق
مها و رونق بصوت واحد : أختك ولا
ألياس : أستبرق شن أديري هني
أستبرق: أنت الى شن كنت أدير 😠 هاك شد رقمكـ و كله عند بوي
ألياس : مها
مها : كل شي بدي واضح وثقت فيكـ أكثر من اللزم حبيتك و هكي جزاي تعرف يجوني بنات يقولولي راهو يخون فيكـ نقوللهم مستحيل هوا يحبني و كنت واثقة من روحي كيف نقول فيها :'( فـي عرس ولد عمتي يحلفو و يعاودو راهو يخون فيكـ راهو زايغ نقوللهم لا مستحيل أني عيونه و نفسه بس طلعت لعبة عندكـ حسبي الله و نعم الوكيل فـيك
ألياس : هههههههـ و تلفت لـي أخته و أنتي مشيتي معاهم هكي أديري فـي خوكــ
أستبرق : 😒 أملا كيف تبي تقعد تضحكـ عليها
رونق : هههههههـ و جاتك فـي اختك تستاهل تقعد تذكر فيها طوووول حياتكـ و يا ريت تتعلمه درس
أستبرق : ألى أدير فيه لـي بنات الناس حـ يولي عليا و أني مش مستعدة ندفع ثمن أغلاطك 😠 تمام أستاذ ألياس
ألياس : روحي خير ما نقتلك توا أطلعي و أنـتي يا مها حسابك بعدين
رونق : أشي و مزال يبي يحاسبك 😂 تـي برا خوي خير ما يخطرلنا نحاسبوكـ برا
مها : ألياس خلاص معاش نبي نشوفكـ برا
ألياس : هذا وين تبي تشوفيني و جبد أخته و طلع
مها حطت راسها على الطاولة و قعدت تبكي :'( أني فـي شن غلطت كل شي يبيه ندير فيه حبيته أكثر من نفسي
رونق : قصدكـ تبكي على خاطره مها هوا و الله ما يستاهلك مها الناس تغلط خيركـ
مها : بس أني حبيته و هوا شوفيه مش معدل حتى وقت عرفت يعني ما عنديش قيمة عنده
💔
رونق : مهـا أنتي قوية شوفيلي 😠 ما تخليني نفصل عليك قدام الناس قيمي راسكـ
مها : خليني :'(
رونق : نوضي هـي و حاسبت و طلعت هيا و ياها
مها : كيف كنت غبية هكي كل شيء كان واضح 💔 كيف كنت نعطي فـيه الاعذار كيـف بس يا ربي طلعت أم الغباء مرة وحدة
رونق : جبدتها و ركبتها السيارة و روحت بيها الحوش
حنان : بسم الله خيرها
رونق : ههههههـ مدايرين تحدي نبصرو
حنان : مها
مها : خليني يام بالله عليكـ مش ناقصة بكل
رونق : كان حكت معاك عادي تعتبر خاسرة ره
حنان : هههههههـ ها اللعب الى تلعبو فيه خشو خشو
وخشو مها و رونق لـي الدار
مها : حطت راسها على المخدة و عيونها معبيات دموع و حمر و دايخة
رونق : شوفـي اليوم و نقولو مصدومة غدوا نجي نلقاك هكي و حق ربـي نمسح بيك الارض
مها : أقعدي عندي مش قادرة نقعد بروحـي
رونق : تمام نقول لـي ماما و نجيب حوايجي تمام و أنتي لبين هكي ديري كيكة
مها : روووونق
رونق : ها شن رونق هكي أضيفو فـي الناس
مها : مش ناقصة
رونق : تـي نوضي عندي خطة تانية
مها : تنهي حياتي المرة هاذي شن عندكـ أكثر من هكي
رونق : خياااال فضيعة غير نوضي أغسلي خليقتك و أني نمشي و أنجي نلقا الكيكة فوق فـي الكوشه
مها : يا ربي جسمي مكسر تعالي ديرها بروحكـ
رونق : هههههـ ما نعرفش تـي نوضي و خلـي دموع نبوهم لـي بعدين
مها : شن
رونق : نخليك تضحكي ليـن عيونك يدمعو غير بسرعة نوضي
و مشت رونق و قعدت مها تشوف لـي الصقف و تفكر كيـف حـ تكون حياتها بلا ألياس يوم فاضي ما فيش حد يحكي معاها ما تروحش تلقى منه رسالة حلوة خلاص الى رسماته معاه كله أمتسح ألى قاله كله كذب و قعدت تبكي بعدين تسمع فـي امها أطق فـي الباب مسحت دموعها بسرعة و طول بدت تبدل و امها خشت لقتها تبدل
حنان : البنت تبي تبات عندكـ
مها : أي تغير جو
حنان : تمام
و طلعت امها لحقتها و بدت أدير فـي الكيكة قبل لـا تجي رونق و تبدا تهزب فيها و خشت عليها
رونق : عندي خطة جهنم الحمراء
مها : تبي تقتليه
رونق : لا بس تصفيت حساب
مها : يا ربي شن تبي أديري
بدت تقول فيها بالحرف
مها : لا جديات قصدكـ اوووه هههههههههههههههـ يا بنت أنتي خيااااال لـي المليون غير من وين تجيبي فيهم
رونق : و الله يجو بروحهم 😂 أصلا حـ نخليك مش زي باقي البنات الى يبكو و عياط و نحيب حـ نخليك تتشمتي فيـه لـــين تصيخي مرة وحدة من الضحكـ
مها : أبليس يا رونق أبلــــيس
رونق : قل أعوذ برب الفلق 😂
مشـي الوقت و مهـا تحاول تمسكـ نفسها و ما تبكيش عليه و مع الساعة 2
رونق : وووووووووك جنابي هاذي الصفحة خيال خشيلها 😂
مهـا : ترا و خدت اسمها و كيف بادية تبي تكتبه أتصل بيها ألياس
رونق : ردي يا بنت نشفطو عليه اليوم مليييح
مهـا : شن مزال تبي 😡 كسرتلي قلبي و أرتحت ولا شن مزال تبي أكثر من هكي
ألياس : تمشي أديرلي مشكلة مع أختي تـي نهارك يـا مهـا
مها : و الى حـ أديره ؟
ألياس : ما تنسيش أن عندي صوركـ 😡 غدوا تلقيهم كلهم فـي النت
مهـا : أها و عادي ندير فـي جرتكـ بوست بـي صور أختكـ
ألياس : شن
مها : الى سمعته شن تحسابني
ألياس : تعرفي أديري بيها حاجة نذبحك
مها : ههههـ كان طقيتني أنت ما أدير شي ما يصيرلك شيء
ألياس : نكرهك
مها : سلام و سكرت و عيونها تبعو دموع
رونق : فكينا من البكي خلاص أهو مش حـ يقدر يطق فيك بكل
مها : مش قادرة نحبه تعرفـي وصلت أن نتخيل فيه راجلي
رونق : أيييه كان نقولك تعرفي نيمار تـي أني متخيلة أن متزوجاته و عندنا 4 صغار شن تقولـي أنتي عادي
مها ههههـ لكن مش زيني هذاكا مجرد خيال و خلاص هذا نتخيل فيـه حـ يصير حق
رونق : يالله يالله فكينا تعالي نكسدو على مهاب
مها : فكينا منه راقد جاية على النكد
رونق : تـي غير هيا
و ناضو يجرو لـي دار مهاب لقوها هدوء
مها : وااحد
رونق : أثنين
مها : ثلاثة بوووووووووووووووووم و قربعو عليه الباب
مهاب : ناض و دار وضعية الهجوم شن فـي 😳 وكان واقف فوق كتباته
رونق : ههههههههههههـ
مها : 😂 😂 😂 شن فـي شوف منظرك
مهاب : مبردكم دراه كبد أطلعي أنتي وياها
رونق : غير لالا طالب العلم اليوم خميس مفروض تهيج برا مش تقرا
مهاب : شن دخلكم
مها :بس نشوف شن تقرا بس بس
مهاب : ها شوفي و أطلعي
و طبسو الزوز قعدو يفتشو و كلها مكتوب دانيا 😘 دانيا دانيا دانيا دانيا دانيا
رونق : من دانيا طلع عاشق طلع مشتاق
مها : طلع مهتم طلعنا أثنينا عشاق 👏
مهاب : دمك خفيف أنتي وياها نبي نقرا برو
مها : غير كيف مزخرف الاسم و حاله واو أن شاء الله تقولك مهاب أعطيني كتابك و تشوف العار هذا
مهاب : أطلعي أنتي وياها من الدار أمييي
مها : يا روحي كيف رايح عاقل
رونق :مش حـ نطلعو من هني باهي شن تبي ادير قليل أدب تلز فـي الناس من دارك هكي
و قعمزو قعدو يناشبو فيه و هوا قعد يدير فـي روحه مستحمل و هوا من داخل قريب ينفجر
رونق : هات نسمع عليك ترا
مهاب : لا شكرا نحفظ بروحـي ما نسمعش أطلعو
مها : أي حـي هاذي دانيا تتصل ألو يا بنت شن مخليك فايقة لـي توا و فتحت السبيكر
دانيا : مها حبيبتي ما نبيش نطول عليكـ نبي نسالك مهاب شن اسمه على الفيس
مها : شن تبي فيه ؟
دانيا :غير هيا
مها : مش مقايلة لين تقولي شن تبـي فيه 😘
دانيا : ...........................
مهاب : شن ..............
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
