#يحبني_و_أنا_غافلة
#الحلقة_الرابعة_عشر
مها : شن تبي تعرف هي هات
أحمد : نبي نعرف هل خالد ولد جيرانكم يحبكـ ؟
مها : و انت من وين تعرف خالد
أحمد : هيا كلمة يا مها و راس أمك ما تزيدهاش يحبك ولا لا
مها : ااااااا لا
أحمد : تكذبي عليا تـي باهي به و سكر عليها
و قعدت مها حايرة و تزربز من تركينة لـي تركينة كيف عرف أن خالد يحبها ومن وين يعرف خالد و شن حـ يدير فـيها ؟
قعدت لـي الليل أتصلت بيه تاني
مها : الو
أحمد : شن تبي
مها : معقولا أني تقولـي هكي خيركـ فهمني
أحمد : شن نبي نفهكـ أن ولد جيرانكم يحبكـ ولا كيف
مها : باهي تشوف فيا نكلم فيه جيت جنبه
أحمد : امتى ما كنتيش جنبه
مها : أصلا هوا محترم و مستحيل يكلمني
أحمد : اها و أني مش محترم الى نكلم فيكـ
مها : ياااا ربي خيركـ نقولكـ سكر سكر أنت موضوعكـ فاشل وقت ترتاح كلمني و سكرت طول خشت رقدت
و مشو الايام و أحمد معاش كلم مها و هيا نفس الشي بدت خايفه أن تخسره 😔 خايفة أن يمشي و يخليها و خايفة نفس قصتها مع ألياس تتعاود كرهت نفسها و كرهت خالد و بدت كل ما تشوفه تهرب منه و هوا كل ما يسلم عليها تفوت فيه خالد حس أن حمل عليها وخر و معاش قدر يحكي معاها تخطم حتى السلام عليكم ما يقولش فيها
و بعد مرور شهر أتصلت بـي أحمد
أحمد : الو
مها : وينكـ معاش أتصلت بيا
أحمد : شن نبو نديرو بـي بعض
مها: خيركـ حبيبي أنت تعرف أن مستحيل نحبه صح ولا تغار عليا
أحمد : ههههههههـ
مها : خيركـ تضحك نحكي جديات قصدي أنت كبرت القصة لين خليتني نتخيل أنكـ حـ تخليني و تمشي و حـ أديرلي زي ما دارلي الياس
أحمد : هههههه توا أنتي ما تحبيش خالد ؟
مها : هبلت نحب واحد غيركـ عيوني
أحمد : مش عارف أني شاك فـي الموضوع أنتي ديما تشكري فيه
مها : هيييييييييي بطل غيره نحبكـ أنت بس نمووووت فيكـ
أحمد : هههههههـ زي الحق
مها : و حق ربي خيركـ هكي بارد
أحمد : أني بارد أملا انتي شن
مها : أني كوشه ههههههههههـ خلاص نبصر مش تزعل
أحمد : امم به توا نبي نسكر سلام
مها : احمددددددددد
أحمد : هااا شن تبي
مها : سلامتك و قلت سوكـ سلام و سكرت فـي وجها معصبة علاش يعامل فيها هكي باهي هوا خالد الى يحبها شني دخلها طبعا طول مشت أتصلت بـ دانيا
مها : ما تقوليش مش فاضية تقول عندكـ شركات البسي و تعالي
دانيا : هههههههههـ شكلك معصبة دقيقة بس و سكرت منها
و ما دارت نص ساعة البااب يطق ✊
مهاب : ها من
حنان : الناس تقول منو مش ها من 😒
مهاب : منو
دانيا : دانيا أفتح
مهاب : فتح الباب و طلع وسكره
حنان : 😳 هذا خيره مهاااب و فتحت الباب تلقاه شاد دانيا من وشاحها و هيا تكر فيه و يقوللها أستاحشتك 😱 : يعطيكـ دي خش الداخل و أطلق البنت سامحيني هذا مذهوب الشيرة و فكت الوشاح من يده و خشيشاته و خشيشت مهاب
مهاب : ههههههههههـ خيركـ يام تشوفـي فيها الحلوة هاذي بتولي مرتي بعد نكبر
حنان : لا حول ولا قوة الا بالله
دانيا :وين مها
حنان : فـي دارها
دانيا : توا نخشلها و مشت و من غير نقاش لحقها مهاب
حنان : تـي تعالى جاي بهدلتني ربي يهديكـ خلي البنت فـي حالها
مهاب : توا بالله مش نطلعو على بعض
حنان : يقولو الولد يتحشم من أمه لما يحكي على البنت الى يبيها و أنت تقول تسمع فـي نشيد عااادي
مهاب : تربع و قاللها باهي نحبها شن نبي ندير
حنان : شن شن تبي أدير 😠 شد صلاتكـ و اقرا القران و أدعي ربي يعطيكـ ما تتمنى
مهاب : أمييين يام بس أي قولتكـ شن رايكـ تخطبيهالي
حنان : البنت مخطوبة يا كبدي مخطوووبة الولد هذا يبي يهبلني
مهاب : هههههههـ و الله ما صارت يام توا نقوللها تفسخ و أني نجي نخطبها
حنان : مهاب برا ألعب الكورة و تعلم من خالد شوفه ديما نشوف فيه ماشي لـي الجامع و مأذب
مهاب : ديما خالد باهي خالد كويس و أني مش كويس و توا قوليلي شن دانيا
حنان : نسمع فـي التليفون يرن قعمز ولدي ريح عضامك نمشي أني و هربت منه
و قعد هوا راقد فـي وسط الحوش جوه حلو
بينما كانت مها تحكي لـي دانيا على أحمد الى أنقلب 180 درجة و دانيا ما كانتش معدلة تقوللها عادي و خلاص
مها : معاش نبي نحكي
دانيا : و أخيرا فهمتي واااك أصلا تعرفيني أحمد مش خاشلي دماغ
مها : و أني خالد مش خاشلي دماغ نعرفكـ على شن تلقحي
دانيا : أحسن منه مش حـ يجيكـ صدقيني
مها : بااهي به المهم توا أحمد فايتني و أني قريب نموت
دانيأ : حقااا نلعبو زي قبل كلنا فـي العمارة
مها : طبعا لا شن تحسابي عمرنا 10 سنين
دانيا : غير هيا و راس مها و راااس حبي أنتي قولـي لـي مهاب مش حـ يقول لا حـ يكسر باب العمارة من لوطا باش ما يخشلنا حد و نلعبو
مها : باااهي شن حـ نلعبو
دانيا : أي حاجة غير هيا
مها : ما تنسيش اني وياكـ بنات بس
دانيا : من هما أصلا مهاب و خالد و يوسف بلكي تبي نجيبو واحد تاني
مها : باهي نوضي هي 😒
و بدلت مها و سالو مهاب و طبعا بعد كلمتين معسولات من دانيا قال باهي و طلعو و كلمو خالد و يوسف و نزلو
مهاب : شوفو أصلا ما فيش أحسن منها لعبة الفضايح
يوسف : جيبو شيشة
و جابت مها شيشة و قعمزو دايرة قدام الحوش
مها : أني نلف
يوسف : مشت أطربقت الشيشة
مها : بااارد
يوسف : اهاا كل شي الا الكلام الغلط معقولا واحد بـي جوي هذا بااارد
دانيا : شبحت لـي مهاب و قالتله و نقول من وين جايب الثقة
مهاب : هههههههـ
و لفت مها و جت بين مهاب و خالد
خالد : أستغفر الله ما فيش الا هذا لفو تاني غلط
مهاب : لالالا جرئة ولا صراحة
خالد : الزوز لا
يوسف : أختار الى أقل فضايح
خالد : جرئة
مهاب : هههههههههههـ الله الله الله نوض توا زيكـ زي الفالح طق على كل باب و الى يفتح قوله ربي يحفظكـ و بوس على راسه الى يفتح ☺
خالد : شن
مهاب : تعرف ندير بيكـ العار فـي الشارع بعدين دبر مش قلت جرئة
خالد : أستغفر الله أندادي مقعمزين فـي الكراسي و أني نلعب و ناض يجري و طق على كل شقة و كان الى فتح ولد يكب على راسه و يقوله ربي يحفظكـ 😂 و كان بنت يقوللها نادي بوك و لا خوك و يكب على راسهم و يدعيلهم 😘
مهاب : لالالا هكي غش
خالد : المهم طقيت على الباب هيا كمل
و لفت دانيا و جت بينها و بين يوسف
يوسف : ديما حظي حلووو أني شن تختاري
دانيا : الصراحة
يوسف : شن كنتي أديري هذاكا اليوم أنتي و مهاب تحت الدروج
مهاب : ديري روحكـ ميته و فكينا من الفضايح هاذم ما يعرفوش يسترو
خالد : حرام عليكـ أني هكي
مهاب : أنت حشاك لكن وجه الفقر التاني
يوسف : حاس الدوه عليا هيا قولي الصدق
دانيا : احممممم احمممممم احمممممممممممممممم ما كنا نديرو فـي شي نحكو و ما نبوش حد يشوفنا
يوسف : أحلفي
دانيا : و حق ربي
يوسف : اها هي لفوو لفو
و لفت مرة تانية و تجي بين خالد و مها
يوسف و دانيا : احم احم احم احم و قعدو يضحكو
خالد : ما عنديش شن نبي نسالها غيرو
يوسف : لالا في
دانيا : في شوووق أسالة
مهاب : هيا بلا برادة أسال
خالد : شن تختاري
مها : الصراحة
خالد : عمري ضايقتكـ ؟ والعيون طبعا فـي الوطا
مها : لالا
خالد : ولا مرة
مها : لا
خالد : الحمد الله
مها : ممكن سؤال محرج شوي
خالد : تفضلي
مها : لو أنت تحب بنت و تجي بنت تانية تحبكـ تبي تخرب بينكم شن تحس ؟
خالد : نضايق منها و وطا راسه
مهاب : لالا شن فـي 😠
يوسف : خشت بعضها
مهاب : خالد شن خيركـ مع مها
مها : شي
خالد : كنت مضايقها الفترة الى فاتت نبصر معاها و ما كنتش نحساب انها حـ توصل بيها انها تزعل
مهاب : شن مدايرلها
خالد : نبصر ديما نسال فيها كيف أحمد جي خطبكـ دالينا ولا خطبكـ معرفة كنت نبصر و هيا زعلت
مهاب : توا هاذي حاجة يزعل منها الواحد و الله مها بديتي تدلعي هلبا
مها : نبصر حتى أني و هوا يحسابني حق
خالد : قلت بلكي زعلتي
مها : لالا نبصر حتى أني
مهاب : ايييييييي أنحلت المشكلة دانيا نروح بيكـ
دانيا : مصح وجهكـ تلز
مهاب : هيا أمتى تبي تروحي راهو العشي على وشكـ
دانيا : حاضر و ناضت لبست كندرتها
مها : شن حـ تروحي
دانيا : أي هههههـ لكن يا روحي على خالد حتى أنتي مزودتها معااه
مها : ماهو أحمد عرف ره
دانيا : عرف عرف شن يبي يحبكـ بروحه قوية هاذي
مها : ااااااااااه مش عارفة هوا هكي و جابد عليا 😒
دانيا : ربي يفرجها عليكـ يا قلبي سلام
و مشت دانيا و خشت مها رقدت
و بعد مرور شهور مها و أحمد تصالحو و بدت المدرسة و مها نست كل شي و لهت بـ قرايتها 👌 و نست كل شي و دانيا فسخت و رجعت علاقتها بـي مهاب أقوى من قبل و خالد عاش حيااته بس على روحه هادي ديما فـي الظل شادها نت و خلاص 😔
وفـي نهاية العام الدراسي الاول مها دارت الامتحانات و كانت شاااطرة هلبا 😘 و لما طلعت من الامتحان و كان أخر يوم
دانيا : شن حليتي متاكدة
مها : طبيعي هيا أطلعي ما نبيش نقعد
دانيا : حاضر و طلعت قالتلها هيا أهو خالد جـي و مشوله يجرو
خالد : شن حليتو كويس
مها : اي
دانيا: أي
خالد : أنتي هاوينا مهاب يبيكـ بريله
دانيا : به سلااام
مها : تقول راجلها تـي تتاخر على اماليكـ يا بنت
دانيا : نمشي لـي حوش جدي بااي
مها : باي 😳 شن ها البنت هبلت بدت عادي تطلع معاه
خالد : هههه على أساس أنتي ما كنتيش تطلعي مع أحمد عادي
مها : أمتى شفتني معاه بعدين أحترم نفسك
خالد : أسف
مها : لا حول ولا قوة الا بالله
خالد : مها نبصر ما كانش قصدي
مها : باهي به
هني خالد ندم لانه حكي حس روحه غلط فيها
خالد : مها أسف
مها : باااهي يا ودي فهمت خالد بطل لو سمحت
خالد : شن
مها : عارفة أن أدور فـي سبلة باش تحكي معاي 😡 نعرفها الحركة هاذي
خالد : هههـ ههـ قعد يحاول يبين روحه عادي بس ما قدرش شد روحه بالسيف لين وصل فم العمارة ركبت مها و هوا طول ولع السيارة و فتح المكيف و تكا الكرسي و قعد يفكر
( كل شي ما يبيش يباعده عليها بس هيا تهرب منه و بدت تقلل فـي الاذب عليه ما يطيح قدرة باااش يحكي معاها 💔 )
بينما كان مهاب و دانيا يهيجو مع بعض 💗
مهاب : شن رايكـ نمشو لـي ..........؟
دانيا : تمام غير ما نتاخروش
مهاب : لالا
و مشو مع بعض فطرو 💓 و كملو
مهاب : فتح باب السيارة و قاللها هيا أركبي هذا غير ما تبيش تتاخري
دانيا : ههههههههههـ و ركبت و جبت الباب
و مهاب كيف يبي يدور يسمع فـي واحد يقوله أهوا اهوا تلفت و 😳 .....................................
#يتبع
أنت تقرأ
يحبني و انا غافلة ( روايات ليبية )
Romanceعندما يكون الحب من طرف واحد ؟ و الطرف الاخر لا يدري ؟ فما موقف حبهم ؟ و ما الضروف التي ستواجه الطرفين ؟ للكاتبة : الاء
