البارت 13
فى إحدى الحدائق العامة..
كان يجلس عدى فوق إحدى الكراسي الخشبية و يضع رأسه بين يديه و صوت بكائه يعلو و يعلو حتى شعر بمن يضع يده فوق كتفه..
سالى بأبتسامة:ايه يا عم العياط ده كله
عدى وهو يمسح وجهه:اقعدى يا سالى
سالى وهى تجلس بجانبه:فجر كلمتنى و حكتلى كل حاجة بس انا زعلانة منك انك فكرت فى فجر قبليا
عدى:انا مفكرتش اصلا هى كانت بترن عليا عشان تطمن على رعد عشان تليفونه مقفول و حست ان صوتي مش مظبوط و سألتنى وانا حكتلها بس
سالى:هى معرفتش تنزل و تجيلك عشان طنط مامتها تعبت شوية و اتصلت بيا اجيلك
عدى وهو يقف و يمسك حقيبته:لا روحى انا رايح الاوتيل
سالى وهي تمسك يده و تجعله يجلس مرة أخرى:قعد بس ، بص يا عدى انت غلط و غلط جدا كمان ايه يبنى العك ده كله
نظر لها عدى نظرة استنكار من كلامها فضحكت بصوت عالى و ضربته بخفة على ذراعه..
سالى بأبتسامة:متبصليش كدة ، انا عارفة انت عايز تقول ايه عايز تقولى روحى ربى نفسك الأول صح؟
عدى بتوتر:سالى انا آآ
سالى بأبتسامة وهى تضع يدها فوق فخذه:انا مكنش عندى اهل يا عدى امى ماتت وانا صغيرة و ابويا سافر و سابنى اتربى مع خدامين كنت فاكرة باللي انا بعمله ده هنتقم منه بس طلعت بنتقم من نفسى وانا معرفتش اتغير مش قادرة انى البس كويس ولا ابطل احط ميكاب ولا ابطل سجاير او خمرة او ابطل تروح بارات مش قادرة لكن انت قادر تعمل كل ده انت حواليك ناس بتحبك ياما عندك اخ قايم بدور اب و ام ليك عندك اخوات ربنا يخليهوملك ممكن يدولك عيونهم
عدى و دموعه تنهمر من جديد:سالى انا مش عايز حد يقطمنى
سالى:لازم تفوق لنفسك يا عدى يعني غلطان و بتمد ايدك على اخوك الكبير
عدى بعناد:ما انا كمان كبرت و مينفعش يضربنى و يهزقنى بالمنظر ده
سالى بصدمة:يبنى انت معندكش دم تخيل تتصدم في اخوك اللي مربيه؟ انت بجح يا عم انت
عدى وهو يقف بحدة و يمسك حقيبته:اوووف بقا انا غاير في داهية
سالي وهي تقف أمامه لتمنعه:مش هسيبك وانت كدة تعالي معايا البيت
عدي:انا هروح اي اوتيل شكرا
سالي:بقولك ايه متتعبنيش انا جاية عشان اخدك اصلا و بعدين انا قاعدة لوحدى انا و اخويا الصغير يعني هستنفع بيك تروق البيت تعملنا اكل كدة يعني
ضحك عدى بخفة ثم نظر لها بإمتنان و شكر فأمسكت بذراعه و ابتسمت ، ساروا سوياً الي منزل سالى حتى وصلوا..
