البارت 10 الجزء الأول
بدأوا بتناول الطعام و كل منهم عاد للحديث حاولت سالى ان تأكل ولكن يدها اليمنى مجبسة فزفرت بضيق و هى تضور جوعاً فنظرت حولها وجدت الجميع مشغول فأمسكت الملعقة بيدها اليسرى و حاولت أن تأكل ولكن فشلت فألقت الملعقة فوق الطاولة بعصبية..
سالى:اوف بجد هى خروجة زفت اصلا
فجأة شعرت بأحد يدس الملعقة بفمها بعنف فظلت تسعل بحدة وهى ترى فهد يبتسم لها بسماجة...
فهد بأبتسامة باردة وهو يضربها فوق ظهرها و يعطيها كوب ماء:مش تخلى بالك يا سالى
ليلى بقلق:سالى انتى كويسة؟
سالى وهى تسعل بخفة:بقيت احسن
امسك فهد الملعقة مرة أخرى ثم وضعها بفمها برقة فنظرت له بذهول و ضيق..
سالى:لو سمحت انا مش عايزة اكل
فهد ببرود وهو يدس الملعقة بفمها:كولى وانتى ساكتة و كمان فيه حاجة اسمها شكرا تسمعى عنها؟؟؟
سالى ببرود:لا اصل انا مش متربية
فهد:طب كويس انك عارفة
توسعت اعينها بصدمة من بجاحته فنظرت له بشر ، قرب فهد يده من شفتيها ليمسحها أثر بقايا الطعام فأستغلت سالى الفرصة و عضته بقوة..
فهد بتألم و همس وهو يحاول سحب يده:يا بت العضاضة سيبى ايدى ، هسفخك قلم يحولك يا بت
انفجرت سالى ضاحكة على ذلك اللفظ و ظلت تضحك بقوة فنظر لها بإستغراب و اندهاش فهى تبدو جميلة للغاية وهى تضحك من قلبها فضحك على ضحكها وهو يفرك يده..
سالى بضحك:اه يا بطنى مش قادرة ، ايه هسفخك دى انت بيئة اوى
انكمشت ملامح سالى فجأة وهي تتذكر اهانته لها فعبست بوجهها و نظرت له بغضب ثم أدارت وجهها..
فهد بهمس:هطفحك بس و مش هتكلم معاكى تانى
سالى بإنفعال:حد قالك ان ايدى مكسورة
فهد:هو محدش قالي انا شايف بعينيا
سالى:ده انت سم
فهد وهو يضع المعلقة أمام فمها:افتحى بوقك
هزت سالى رأسها بالنفى و ضمت شفتيها ولكنه امسك وجنتيها و ضغط عليهم فأنفرجت شفتيها و بدأ يطعمها و هو يبتسم داخله على روح الطفلة المتمردة التى تسيطر عليها..
بعد انتهاء الطعام..
رعد:تحبوا تروحوا فين تانى
فجر بسرعة:نتمشى على البحر
فهد بإستغراب:نتمشى؟؟؟
فجر:ايوة فيها ايه يعنى هنسيب العربيات فى مكان كويس و امان و نتمشى بحرية كدة
غيث بمرح:دول الصحافة ياكلوا وشنا
ماهى:والله فكرة حلوة و ناكل درة و لب و ترمس
سالى:نعم يختى انتى كمان؟؟
