البارت 17
اغلق رعد معها ثم قبل هاتف و احتضنه ولكنه تفاجئ برقم غريب يهاتفه فرد بإستغراب..
رعد:الو مين معايا
ليلي:انا ليلى يا رعد
رعد:صباح الخير يا ليلي عاملة ايه
ليلي:كويسة الحمدلله ، رعد ممكن تديني عدي معلش عشان انا عايزة اكلمه ضرورى انا كلمت صحابه و قالولي ان هما مش مسافرين
رعد بتوتر:اصل آآ
قاطعه استماعه لوالد ليلى فصمت..
احمد:صباح الخير يا حبيبتي بتكلمي مين على الصبح كدة
ليلي:بكلم رعد يا بابا هخلص معاه و انزل
احمد:ماشى يا لولو سلميلى عليه ، اه صح شاهيناز عيزاكى تحت
ليلي:حاضر هخلص و انزلها ، الو يا رعد انت لسة معايا
رعد بمرح متهرباً من موضوع عدى:مين شاهيناز دى اختكو التالتة
ليلى بتلقائية:شاهيناز دى ماما
رعد: نعم؟؟؟؟؟؟؟؟
ليلى:في ايه؟
رعد:هو انتي ازاي مامتك اسمها شاهيناز و مامت فجر اسمها ياسمين
ليلى:اصلنا مش من ام واحدة
رعد:نعم؟؟
ليلي:الو الو رعد انت معايا الشبكة وحشة اوي
اغلقت في وجهه فنظر للهاتف بإستغراب و تذكر اجتماعه المهم فأرتدى ملابسه بسرعة و غادر الي الشركة...
............................................................
فى ڨيلا سالى..كانت تجلس مع فهد و عدى و حمزة في الحديقة الرئيسية للڨيلا يتحدثون و يمرحون..
عدى:لا بس وقع حتت وقعة يا سالى اقسم بالله اخد السلم زحلقة
سالى بضحك وهى تمسك بطنها:لا مش قادرة بجد
فهد بضيق مصتنع:ما خلاص يا زفت الطين انت استحليتها
سالي:بس يا فهد كمل يا عدى و بعدين بعد ما فهد وقع حصل ايه
عدى:قعد يزعق للخدامة عشان حطت صابون بالطريقة دي و هوب بيقوم راح واقع تاني و حاجة في قمة قلة القيمة
سالي:يا ربييييييييييييي هموت بجد
فهد بضحك:خلاص بقا متفضحنيش اكتر من كدة
صمتوا وهم يستمعون لرنين هاتف عدى فأخرجه و وجد المتصل ليلى فأغلق الهاتف و وضعه بجيبه..
سالى:انت مبتردش عليها ليه
عدى بتنهيدة:مش قادر اتكلم و مش عايز اكدب وانا لو اتكلمت هكدب
سالى:و ليه تكدب ما تقول الحقيقة
عدى:هتبعد عنى؟؟
سالي :ما اللي انت بتعمله ده هيبعدها عنك بردو