البارت 10 الجزء الثاني
خلعت سالى ذلك الوشاح و أعطته لرعد ليغطى به اعينه فنظر فهد إلى جسدها الذى كُشف بضيق و خلع سترته ثم وضعها عليها فلم تبالى هى و لم تنظر له حتى..
فجر:يلا
عقد رعد الوشاح فوق عينه و بدأ بمحاولة امساك اى شخص من الموجودين ، كانوا يركضون و يصرخون بمرح و الضحك يملئ المكان حتى امسك رعد بفهد و أعطاه الوشاح كى يضعه فوق عينه..
فجر بضحك:يلا يا فهد ورينا شطارتك
فهد بمرح:لا شطارة ايه انا اصلا مبشوفش من غير حاجة
ضحك الجميع عدا سالى التى كتمت ضحكاتها ، بدأوا بالركض حول فهد و كان يحاول ان يمسك اى شخص منهم ولكنهم كانوا يركضون بسرعة فلسوء حظ سالى انه امسك بها و كانت شبه بين احضانه فحاولت التملص منه و الإبتعاد..
فهد وهو يزيل الوشاح:يلا دورك
سالى:لا game over انا عايزة اروح
ماهى:ليه يا رخمة ما اليوم حلو
سالى:اتأخرت على حازم و بعدين انا لسة خارجة من المستشفى الصبح انتو عبط كل اللعب ده غلط عليا اصلا
ليلى:خلاص يا سالى اوكى يلا بينا
رعد:طب نوصلكوا
فجر بسرعة:لالا احنا معانا عربيات
رعد بأبتسامة:خلاص ماشى طمنينى عليكى لما تروحى
فجر بأبتسامة:اكيد يلا باى
ودعوا بعضهم البعض و امسك فهد الوشاح و أعطاه لها فكادت ان تخلع السترة لتعطيها لها هي الأخرى ولكنه رفض متحججاً بأن الطقس بارد عليها..
سالى بهدوء:لا شكرا انا حرانة اصلا
فهد:خلاص بصى انا هاخد الشال و انتى خليكى لابسة الچاكت و فى اى يوم هعدى عليكى اخده منك و اديكى الشال بتاعك
نظرت له سالى بعدم فهم و استغراب من هذا الاتفاق ولكن شيئاً ما بداخلها جعلها تومئ برأسها بتردد فأبتسم فهد لها و مد يده كى يصافحها لكنها استعادت كبريائها و رفعت رأسها بغرور ثم ابتعدت عنه و وقفت بجانب فجر فوضع يده فى جيبه بضحك و يأس..
............................................................
فى منزل فجر..
ذهبت ياسمين لفتح الباب فوجدت فجر و سالى، حيتهم ثم دلفوا إلى الصالون و وجدت حمزة يجلس أمام التلفاز..
سالى بأبتسامة:حزومى انا جيت
حمزة بفرحة وهى يركض بإتجاهها:سالى
سالى وهى تنحنى له:what are you doing
"ماذا تفعل"
حمزة:watch TV
"اشاهد التلفاز"
فجر بمرح وهى تعبث بشعره:انت لازم تتكلم عربى على طول يا حمزة لحسن هنا ممكن ياكلوك والله
