البارت 19 و الاخير الجزء الثاني
فى ڨيلا ماهى..
كان يجلس الفتيات بصمت و حمزة ينظر لهم ببراءة طفولية فقرر الصعود لماهى لأنه رآها تبكي..
سالى:رايح فين يا حمزة
حمزة:طالع لطنط ماهي
سالي:عارف اوضتها؟
حمزة:ايوة
صعد حمزة ثم طرق الباب فلم يجيب احد انتظر لبرهة ثم فتح الباب و دلف فوجد ماهي تجلس ارضاً تستند بظهرها على الفراش و تبكي بصمت فأقترب منها و جلس بجانبها..
حمزة:طنط انتي بتعيطي ليه؟
ماهي:تعبانة يا حمزة
حمزة ببراءة وهو يقفز بسرعة و يقف امامها:مالك ايه اللي بيوجعك
ماهي ببكاء:قلبي ، قلبي اتكسر
حمزة بتفكير برئ:طب ما تصلحيه
ماهي:مش هينفع هو خلاص هيفضل مكسور و بيوجعني لحد ما اموت
حمزة وهو يحتضنها فجأة:خلاص متعيطيش انتي جميلة ، انتي عارفة فهد مسك مامي ضربها و شدها من شعرها جامد وهي كانت بتعيط زيك كدة
ماهي:وانت معملتش حاجة
حمزة بحماس:لا انا ضربته و زقيته و قولتله ابعد ايدك عن مامي
ماهي بأبتسامة باهتة:شطور يا حمزة انت لازم الراجل بتاع سالى تحميها من الاشرار
حمزة:طب هو فهد شرير؟
ماهى:لا يا حبيبى خالص هو بس كان متعصب و مقدرش يمسك نفسه
حمزة:طب و غيث كان بيعيط ليه
ماهى وهى تحتضنخ بقوة و دموعها تنهمر:هو انا وحشة يا حمزة؟
حمزة:لا انتي جميلة اوي
ماهي:اومال ليه مليش حظ في اي حاجة حتى صحابي خسرت حب حياتي عشانهم
حمزة وهو لا يفهم شئ:خلاص متعيطيش
ماهي وهي تمسح وجهها:خلاص مش هعيط عشان خاطرك بس ممكن بلاش طنط دي قولي ماهي او اي دلع حلو
حمزة وهو يضع يده أسفل ذقنه:ممممم دلع حلو؟؟؟ هقولك يا ميمو
ماهي:ماشي يا قلب ميمو تعالي ننام شوية ايه رأيك
حمزة:طب و ماما هنسيبها تحت كدة دي ممكن تمشي و تسيبني زي ماما التانية
ماهي:لا يا حبيبي متخافش سالي جميلة و كويسة و عمرها ما هتسيبك هي هتفضل قاعدة هنا اصلا
حمزة:خلاص ماشي يلا ننام
صعدت ماهي على الفراش وهي تشعر بأن جسدها منهك و حرارتها مرتفعة فتآوهت بصمت ثم احتضنت حمزة و ظلت تغنى له حتى نام على جمال صوتها فخرجت هي من الغرفة و وقفت عن أول الدرج تنظر على الفتيات وجدتهن يجلسون بصمت كل منهم مهموم ، شعرت بالحزن الشديد عليهم جميعاً فهم كانو عندما يجتمعون كان الضحك يملئ المكان ولكن تفرقوا و كل منهم حزين و يحمل هموم كثيرة..