حين أحببتك ❤

المقدمه❤

روايه قصيره تحكي عن حب وخيانه وتفاصيل حياتيه ممكن اي حد يمر بيها 🤗.
ابطالنا..وفاء مواليد96 تقرا آخر فصل في كلية الاقتصاد قسم محاسبه..
شخصيتها قويه تحب الاكشن في حياتها وتحسها صور من مع اللي قدامها حليوه ونقشها حلو..
والبطل أمجد مواليد 92 متخرج من طبية الهندسه ولد جدي وما يحب اللف والدوران جوه سمح وعصبي لحد كبير
#عائلة وفاء..
بوها الحاج صالح مواليد60 راجل محترم وفي حاله عنده محل يخدم فيه ..امها الحاجه فتحيه تكون بنت عم صالح مرا واعره ماتعرف المحنه تعتبر ام من النوع صارم مواليد 69 ..وفاء عندها اثنين خوت اكبر منها ..محمد الكبير مواليد 90 موقف قرايا وشادها خدمه في المحل مع بوه العشيه والصبح يخدم ف المينه ولد خدوم وطيب ..وبعد محمد يجي علي ولد متاع نباش ومشاكل لكنه حقاني وقت الجد يوقف مواليد93 متخصص لغه فرنسيه مره يخدم مترجم مره مع السفاره ومره كساد ماحد يحكم فيه ولا يفهمله بكل وبعد وفاء تجي ليلى مواليد2000 جت بعد فتره من الكبار هذا بيش مدلعه ومنعزله عنهم وديما شاده نقالها ولا مع بنات عمها..
وفاء عندها صاحبتها منى عشرة عمر جيران وقاريات مع بعضهن وديما مع بعض..
#عائلة امجد
بوه الأستاذ سيف مدرس رياضيات في الجامعه مواليد63 ..وامه الابله فاطمه مديرة مدرسة الحريه الاعداديه مواليد70 ..امجد كبير خوته بعده تجي كوثر تقرا اقتصاد آخر فصل مع وفاء مواليد95 وبعدها يجي فارس ما يحب القرايه ويقرا بالدف في الشريعه مواليد 98 ..
امجد عكس وفاء أصحابه واجدين لكن اقرب وحده له هم محمد وطارق تعرفهم بعدين ..
.
.
وان شاء الله البارز الاول حنشوفو أحداث حلوه تبدا في حياة ابطالنا😋🍒

#لولي_دوو🌺🙊