حين أحببتك ❤

البارت الرابع🙈👣

البارت الرابع🙈👣

امجد متعصب..و الله نكسره راسك هذا
وفاء..اه يدي اطلقني يا متخلف
امجد ..والله الحركه هذي لو تكررت نقتلك تفهمي
وفاء ..انت مالك علاقه اطلقني😭💔
.
قبل كم ساعه
.
وفاء واقفه ع المرايه فرحانه بالقفطان😍
وجت منى من وراها..يا عسلنا يا ناس 😉
وفاء ...شن رايك
منى يهبل بصراحه ..من امك!؟
وفاء ..بابا 😋
منى ...محمد 😐
وفاء...انلااااء🤗
منى..بلا دلع قولي من جايبه 😒
وفاء ..خلاص جابه ليا امجد☺
منى..خو كوثر🤨
وفاء....ايه 😁
منى ..ماشاء الله تطورات محمد خذا كوثر وامجد بياخذك وانا قاعده😂😂
وفاء ..بياخذني شنو يا هبله غير وقت كنا ف المحل ..../وحكتلها/
عند امجد..
واقف يدخن قدام الخيمه..
وشوي هكي يجو اثنين شكلهم مشبوه وقعدو قريب من الباب
امجد قلق من شكلهم وقرر يقرب يفهم شن قصتهم
الراجل يتكلم وكأنه ساكر..عاارف يا ابريك اخيرا بناخذ غايتي اليوم
ابريك..ما توقعت تقنعها تمشي تقضي معاك ليله😉💃
.

.
امجد مصدوم وقعد يفكر من هذي اللي يتكلمو عليها
الراجل...والله مافيها لا شكل لا عون غير ضحكت عليها بيش ناخذ اللي نبيه برضاها بنت صلوحه هذي😂😂
ابريك..عارف نقولك الحق ما توقعت تطلع رخيصه
.
وعمك امجد ترقاله ويجيهم ويتعاركو ويلزهم بالعياط وبعد امجد طلع سلاحه هربو
ويفتح عمك امجد باب الكنشيلو ومن يلاقي!؟
.
وفاء قاعده ف السياج مكسده ولابسه ومتزينه
امجد..معقوله تكوني انتي!!
وفاء..بسم الله الناس ادق تحمحم اي شي
وجت بتخش ويشدها من يدها ويجرها لاخر السياج بيش ماحد يسمع
امجد متعصب ...والله نكسره راسك هذا
وفاء..اه يدي اطلقتي يا متخلف
امجد..والله الحركه هذي لو تكررت نقتلك تفهمي
وفاء..انت مالك علاقه اطلقني😭
امجد..توقعت منك كل شي الا تكوني رخيصه
وفاء بصدمه...تحشم شن قاعد تخرف
امجد...معقوله انتي ..انتي يا وفاء هكي
مافكرتي في بوك ولا خوك اللي حاطك ف عيوني
وفاء بدن عيونها يدمعو...محمد خيره شن فيه تكلم يا امجد
وامجد قوه يده عليها وقربها عليه..والله مش حنهنيك وبنحطك قدام عيوني ليل نهار عشان خاطر عيون صاحبي و وريني كيف اديري وفكها
وفاء خايفه مش فاهمه شي تبكي وخلاص وطاحت ع الارض وهي تبكي
امجد طلع وطول خش سيارته وقعد يخبط
وفاء مازال ف مكانها تبكي وتقول..شن درت ليش قال عليا رخيصه😭😭
وتطلع ليلى تنط..وااك هذي شن مقعدها كيف بنطلع تو😕
نمشي من الباب الخلفي😏
امجد في سيارته..ما توقعت هكي يا وفاء والله ما توقعت..ويشوف للباب وين ما كنو الفروخ قاعدين..معقوله🤦‍♂️
.
.
وتجي بنت تجري وتوقف ف نفس المكان
.
امجد استغرب...من هذي!!
ليلى تشوف يمين ويسار وشاده نقالها وتتصل وبعد عرفت ان مافيش فايده خبطت رجلها ع الارض وخشت..
امجد كأنها ادور فيهم..معقوله تكون هذي البنت وانا ظلمت وفاء!؟
.
.
تم عرس كوثر ومحمد والجو مش عادي الا اثنين كانو مش تمام امجد و وفاء
.
انزفو محمد وكوثر
والكل روح ماقعد غير خالات و عمات وفاء
وفاء بدلت ولبست توته ونزلت للسياج مش قادره ترقد تذكر فيه كيف كرها وتذكر في كلامه
.
وامجد كذالك يلف بالسياره وقرر يقعد ع البحر ماعرف يخش لبيتهم من خنقته
.
وكملت الليله وهم مخنوقين من اللي صار وكوثر ومحمد ف العسل ما يندرو عن شي😂😁
.
اليوم اللي بعده يوم الجمعه صباح العرسان..
وفاء ف الدار طلعت قفطان بيش تحضر بيه صباح خوها والمحضر فتحت الدولاب تفتش شافت القفطان اللي لبساته امس وقعدت تبكي ..ياربي ليش😭
.
امجد فتح عيونه لقى روحه راقد ع الشط.
ياالله كيف رقدت انا ..وناض ركب السياره وروح للبيت لقى امه ف الصاله..
فاطمه ..وينك يا ولدي رعشتني عليك ماعرفتش نرقد
امجد قدملها وباس راسها..يمي مافي شي كنت مع صحابي ع الشط
فاطمه ..كنك ماتصلتش
امجد..سلمها ليا الشرقاويه والله يمي ما في شي تو بنخش ندوش
فاطمه...تبي تفطر ولا بترقد
امجد..لالا بنرقد
وخش لداره وطلع سروال امريكاني ازرق داكن وقميص ابيض وجاكه جلد قهويه من الدولاب وخش دوش وهو كل دقيقه يفكر في وفاء
طلع من الحمام حشى القاريء وطول لسيارته واتجه لبيت وفاء..
.
.
دق الباب
فتحتله بنت هي نفيها اللي شافها امس
امجد ..ال..سلام عليكم
ليلى..وعليكم تفضل😒
امجد..معليش نبي محمد او حتى اخته عادي
ليلى..محمد راقد وانا اخته تفضل😒
امجد ..في خاطره(هو كم عنده اخت😑)..انا صاحب محمد وصلحي كلامك معاي بدل نصلحه لك انا..
وجت وفاء..من ع الباب يا ليلى
ليلى..مانعرفه واحد تاعب وخشت وخلاته واقف ع الباب
جت وفاء ..وقفت ورا الباب عشانها مش متحجبه..من نبي يأ خوي
خش امجد وسكر الباب..انا نبي نكلمك
وفاء خافت وقعدت توخر
امجد نبي نحكي معاك في موضوع ضروري
وفاء قعدت تبكي..والله حرام عليك انا شن درتلك😭
امجد بعد شاف دموعها توتر..خ خلاص ل ليش تبكي ..انا بنكلمك بس
وقعد يحاول يهديها
وهي تبكي ومعاش بت تسكت
وفاء..والله ما درت شي
امجد قرب منهت وشد يدها بكل حنيه..انا عارف وجيت عشان نفهم لكن خلاص فهمت كل شي
وفاء تمسح ف دموعها...مافهمت
امجد..امس كنت قدام الخيمه..
.
وحكالها
.
.
وفاء بصدمه..قصدك ليلى..كانت وقعدت تبكي😭😭
امجد ..خلاص ما تبكي وحضنها وقعد يمسح ع شعرها...اسف عشان ضلمتك
وفاء دكت راسها في صدر امجد وقعد تبكي اكثر كأنها كانت مشتاقه للحضن هذا كأنها مغتربه وردت لوطنها كأن الحضن هذا ليها من زمان❤
امجد..وفاء
وفاء تبكي ..نعم
امجد..طلعتي مدلعه
وفاء انتبهت ع روحها وبعدت عنه وقعدت تمسح في دموعها..اسفه مش بقصدي
امجد قعد مبتسم..ولا بقصدك😉
وفاء تحشمت وجت بتخش شدها من يدها وطلع تليفونه..اكتبي رقمك بيش نتفاهمو كيف نديرو مع ليلى
وفاء ف خاطرها فرحانه عشان يدير هذا كله عشانها..نبي نسألك قبل
امجد..قولي شنو
وفاء..ليش ادير في هذا كله
امجد..عشانكم اهل محمد ومحمد رفيق عمري
وفاء كيف اللي تضايقت مت الكلام تحساب كله ع خاطرها وطلع عشان صاحبه 😥..هات نكتب رقمي 092...
امجد..تو نرن عليك آخر رقمي 84
وفاء ..تمام وخشت جري
وامجد روح
.
ف العشيه...
.
امجد واقف برا تلا التريس ع اساس يضيف لكن عيونه ع اي حد يقرب من الباب
وفاء بدلت ولبست قفطان بيج طويل من ربع كم ظهره مكشوف
وصندرو كوثر وطالعه تبارك الرحمن كيف الملاك ومحمد طلع للخيمه برا..
امجد و وفاء متفقين شن بيديرو في حال جو نفس الفروخ وكل واحد شاد نقاله بيش يكونو متواصلين مع بعض.
_______
يترا شن بيصير معاهم وهل ممكن امجد يشدهم حق وكيف بيتصرف نعرفو كل شي البارت الجاي 😋

#لولي دوو🙈😍