حين أحببتك ❤

البارت السادس🙈👣

امجد..كنت بنحكي معاك في موضوع خاص وما عرفت نكلمك تلاهم😅
وفاء..ان شاء الله خير قول
امجد..نبي نسألك ع صاحبتك اللي ريتها الصبح!؟
وفاء كيف الموس وخش قلبها..خ خيرها 💔
امجد..نبي نعرف اسمها ومرتبطه او لا!؟
وفاء شاده دموعها بالسيف..وليش تبي تعرف
امجد..تحقيق هو🤣👌
سألتك جاوبي ماتبي خلاص
وفاء..لا تو نجاوب..اسمها منى وهي بعمري وعمر كوثر ومش مرتبطه🙂
امجد..خلاص مشكوره
وفاء..ولو😊💔
.
وخش امجد وخش و وفاء مشت الحوش وعيونها دموع..اووف تو انا عليش نبكي شن المشكله يعني😓💔
.
.
وفاتت ايام وجن ايام 📅🗓..
.
امجد ومحمد ف الشركه 👈
امجد..خلوود
جت خلود تجري..نعم استاذ امجد
امجد..لو سمحتي شوفيلي المصيبه اللي اسمه محمد وين وهو من الصبح قافل تليفونه.
خلود ...حاضر
وطلعت خلود وقعد امجد يحرق ف الدخان😠🚬💨
ليش ما ترد انا نبي نفهم يا محمد
______
...نونه كيف حالك
منى..هلا حبي رقم من هذا!!
...رقمي الجديد😊
.
.
_____
محمد خش للمكتب متاع امجد..شن فيه وانت اتصالات درهت كبدي
امجد...وين كنت وانا قالب عليك الدنيا😠
محمد..انت عارف ان عندي جوله ع الأقسام اليوم 🤔
امجد..تي طار عن بالي بكل🤦‍♂️
محمد..شن في يا راجل ليش متعصب النم
امجد..تعال اقعد نقولك ما عليك مخفي صاحبي وراجلي اختي..
محمد ..حسك قلقتني شن في😕
امجد..انا في بنت قاعد نفكر فيها ومش عارف ندير خطوه او لا
محمد ...طحت يا ميدو😂
امجد..بلا ضحك..انا مش عارف اعجاب او بس لفتت نظر تكون صاحبة اختك وفاء ومش عارف روحي الحق
محمد ...صاحبت وفاء!! قصدك منى🤣👌
امجد تعصب..ايييه منى😠
محمد..وهذي كيف طقيت فيها
امجد..وانا عليش مضايق لان ماطقيت فيها ولا عارف كيف نبدأ موضوعي ومانبي نستعجل
محمد..شيك كبير يا عمري🤦‍♂️
امجد..ريت صاحبك..المهم الموضوع ان نبي منك تكلملي وفاء تساعدني نوصل فيها
محمد..خلاص تو نكلمها لك وان شاء الله خير
.
.
.
_______
ثاني يوم ف الكليه...
وفاء ومنى ف المحاضره
الدكتور...وهذا كل شي اليوم تقدرو تتفضلو
الطلبه بدو يطلعو
الدكتور..وفاء ممكن دقيقه
وفاء ..تمام ..منى اسبقيني تو نجي
الدكتور..وفاء خيرك اليوم مش معاي
وفاء..والله دكتور شوي ارهاق بس
الدكتور..ان شاء الله لاباس ما تخوفينا عليك😅👌
وفاء..شكرا دكتور😊
وطلعت
.
.
منى..شن يبي منك
وفاء.....
منى ...اممممم😏
المهم تو معاش تفكري
وفاء..لا مافي شي والله
منى ..تعالي نشربو قهوه
وفاء..تمام😍
.
منى..وهاك قهوتك يا ستي
وفاء..نبي نحكي معاك ف موضوع
منى..امم قولي
وفاء......
.
.
وفاء ...هااا شنو رايك
منى..والله مش عارفه!!..هو يسأل عني
وفاء ..مالا شنو شن رايك زعما يجيك
منى..ما نعرف🙈😍😍
في نفس الوقت خش امجد من باب الكليه وقعد يلف و يدور ف وفاء ..
قعد يلف ف كل مكان لين خش الكافي ولقاها..السلام عليكم
وفاء ومنى مخلوعات..وعليكم السلام ورحمة
منى ..تفضل 😍
امجد..زاد فضلك بس وفاء نبيك شوي
وفاء..شن في !!
امجد ..بنحكي معاك ع هذاك الموضوع
وفاء.. تمام تو نلحقك
منى..اين موضوع
وفاء ببسمه كلها وجع..موضوعك يا روحي 😘
امجد..نقدر نفهم ليش ماتردي
وفاء..غيرت رقمي😊💔
امجد..وعليش ما تخبريني
وفاء..وليش نخبرك😕
شوي وجتهم منى ..جبتلكم قهوه
امجد..صحيتي ما نشرب فيها بس خلينا بروحنا لو سمحتي
وفاء..صحيني حبي
منى مصدومه..تمام نتلاقو😕
وفاء ..خليك قريبه ماتبعدي
امجد بعصبيه..ما بنقتلك راه
وفاء ...شن تبي انت تو
امجد ...ليش تحكي معاي هكي
وفاء..نحكي عادي ..انت احكي شن تبي دام البنت اللي تبيها وزعتها
امجد..انا جاي عشان نقولك مانبيها تعرف لان انا مش عارف روحي مجرد سؤال وحتى بعد كلمت محمد يكلمك بعدها ندمت
وفاء..هاا☹
امجد..لا🤦‍♂️💔
وفاء..شن بيعرفني انا
امجد تعصب..بس انا ما كنت...وااااك يارب
وفاء..انت شن تبي ماعرفتلك
امجد..انا كنت نبي نعرفها قبل مانبي نسرع بس هكي تعجنت
وفاء..نفهم منك انك تبي تلعب
امجد..انا ماقلت نلعب لكن ما قلت نبي نخش ف علاقه مع وحده ما نعرفها اصلا
.
.
روح امجد وهو متعصب ومنى تشوف من بعيد مستغربه وطارت جري لوفاء تبي تفهم..شن في
وفاء..اه لا غير رديت عليه وتعصب مني!؟
منى..تكلم عني
وفاء توترت..ايه اكيد مالا ليش جاي😅
اسمعي نونه انا بنروح مانبي نخش المحاضره
منى ..باهي احكيلي قبل شن قال
وفاء..بكره ان شاء الله
وكلمت محمد وجا روح بيها وهي جسمها ف مكام وعقلها ف مكان معاش عارفه تتصرف ولا كيف ترقعها☹💔
.
.
.
ف الليل
امجد ف المربوعه يتفرج ع المباره...
فارس..نقالك يرن يا راجل
امجد..رقم غريب فكني
..
فارس ..يا راجل رد ولا اقفله وترني
امجد شد نقاله وطلع بيش يرد
..
امجد..ايوه من معاي
وفاء..انا يا مصدي
امجد بدون راده لما سمع صوتها ضحك😂😂
وفاء ..هذا الجديد
.
.
وقعدو يحكو مع بعض و حاولو يتفقو ع طريقه يحلو فيها اللي صار بدون جرح شعور منى
.
ف الصبح وفاء ما مشت الكليه عشان ما تلاقي منى..
امجد راقد وينوض ع صوت رساله"صباح الورد يا شبيه الورد❤ "
امجد نط..من هذي!!
وشوي تجيه رساله ثانيه.."عارفه انك تحبني كيف ما انا نحبك بس ما تكلمت وحبيت نكون صاحبة الخطوه الاولى ونكتبها ليك بكل احساس نحبك😘❤"
امجد مصدوم ومش عارف من صاحبة الرقم اللي طايحه فيها رومنسيه
.
.
#يتبع
ياتره من اللي تبعت لامجد وشن ممكن يصير ف وفاء وامجد كله نعرفوه البارت الجاي 😊💭

#لولي دوو🙈😍