حين أحببتك ❤

البارت الأول 🙈👣

الحلقه الاولى 🙈👣
وفاء ...يمي وينك يمممي😓😭
فتحيه...وطي حسك عن مرض وانتي تقول شاعله فيك نار 😡
وفاء ..يمي اليوم اول محاضره عندي وباتي مهناش ومحمد خدمه وعلي قاعد ومايبي يوصلني☹
فتحيه ..باهي اسكتي ..عليي..انت يا ولد ..علييي يافرخ😤
علي بغضب..نعممم يمي نعم😫
فتحيه ..بلا دراه كبد سلم ولدي ارفع اختك لقرايتها.
علي ..مي مش فاضي😑
فتحيه ..الحمد لله قريب تكمل تفتك من وجيجك..ارفعها وبعدها طق مشوارك😠
وفاء ..بالله عليك عليوه ف طريقك.
فتحيه..هي سلم ولدي..
علي ..وووه باهي باهي ماضي فيسع 🙂👌
وفاء بفرحه..تسلم ان شاء الله 😍
.....
ومشت وفاء لكليتها كان اول يوم محاضرات اتجهت لقسمها بتشوف الجدول..
وبعد هذا لقت منى واقفه هي وبنت وبعد شفتها طارت جري ليها 😋😍🤗
وفاء ...نونه غلاتي استاحشتك🤗❤
منى ..يا قلبي وانتي اكثر والله😚
والبنت واقفه تشوف فيهم..
منى تضحك.. نسيت نعرفك..هذي كوثر يا وفاء
وفاء..اهلين بيك كوثر معرفة خير ان شاء الله ❤
كوثر..طبعا انا نعرفك من كثر كلام منى عليك🤣😘
وفاء تضحك.. اكيد فاضحتني 🤣🤣
منى ..حيوانه انا مانديرها😑
وفاء..واديري ابوها😜😂😂
وناضن يضاحكن 😁😂😂
____________
..يا استاذ امجد انا متفق معاك ع موعد تسليم كيف تتأخر عليا.
امجد..والله شن بنقولك يا خوي لكن صارت معاي ضروف وليا فتره ما جيت للشركه.
..باهي كيف الرأي تو اشرحلي.
امجد..ان شاء الله مهلة اسبوع بس وتكون عندك وتخفيض 45% عشان التأخير وان شاء الله تكون راضي.
..بارك الله فيك كان هكي تماام.
...
وطلع الراجل وسكر باب المكتب وامجد فتح الدرج وطلع مسكن وخداه وقعد يحك ف راسه وصبا ع النافذه يفكر كيف يدير حل للشركه والمشاكل اللي فيها والضغط اللي عليه وشد نقاله واتصل بصاحبه محمد..
امجد ...ايوه حميده
محمد ..هلا بغلاي وينك يا قدر مغيب.
امجد ..والله مشاكل متعباتني
محمد ..ان شاء الله بسيطه مهناك شي كبير
امجد.. شن رايك نتلاقو ف الكفيتيريا اللي تلا الشركه بيش نحكيلك ونقولك ع موضوع ضروري.
محمد..تم عطيني ساعه بس نكمل خدمتي ونجيك.
امجد ..تمام نرجاك
________________
وفاء ...يبنات المحاضره ممله ولا انا تنبلت وتعودت ع العطله😑
كوثر..صدقيني كلنا تعودنا وناضت تضحك😂😂
الدكتور انتبه ..معليش يا طالبات هذي محاضره مش هدرزه صبي اطلعي برا انتي واللي جنبك/يقصد وفاء وكوثر
.
.
وطلعن ع اساس حزينات وبعد سكرن الباب تفجرن بالضحك😂😂😂😂
وقعدن يمشن في الممر ويضحكن ومش منتبهات ان في شلة صياع وهن يمشن يسمعن فيهم يلقحو ف الكلام
وفاء خافت وقعدت ترعش وقالت لكوثر بسرعه..
كوثر وقفت قالت والله ما يبو غير كلمتين باهيات
ولفت وكانت بتتكلم لكن وفاء حلفتها وطلعن يجرن
____
امجد قاعد في الكفيتيريا يراجي في محمد ..
ع الطاوله جنبه في بنت مقمعزه وتبحت فيه واتبسم وامجد تعصب وقعد يسب في خاطره ع محمد اللي طول مع خشته للكافي..
محمد..معليش طولت والله جيت طالع من المحل بكري لكن الزحمه ع الدائري هنايه بكل ماعرفت نطلع
امجد ..باهي مافي مشكله اهم شي جيت والله في بنت وراك ع الطاوله
وقص محمد جا بيلتفت عيطله امجد ..ما تلتفت يا بهيم
محمد..خيرها مال!؟🤔
امجد..اتبسملي تحسابني فاضيلها 🤨
محمد ..وين ياربنس ابتسملها وخود رقمها بيش تعيش😂😂
امجد ..ناخد#$$#😡
محمد ...خلاص خلاص نبصرو😂😂
امجد..تعرفني جو الرخص هذا ما نحبه😏
وانت نسيتني ليش مواعدك اصلا ..
محمد..هي قول يا سي نسمع فيك
امجد...
.
.
.
#يتبع
زعما شن بيقول امجد لمحمد وشن بيصير في وفاء و كوثر كله نعرفوه ف البارت الجاي🤗❤

#لولي دوو🙊🍒