حين أحببتك ❤

البارت الثامن🙈👣

بدلت دبشها وقعدت ع السرير
جتها رساله.."يا كلبه العبي كيف ما تبي بس حتشوفي"
وفاء..😟
اتصلت بيها..
وفاء..حرام عليك هكي رفيقتك عشرة عمر هذا كله عشان واحد وياريت يبيك اصلا
منى..الكلام ليك لأنك ما تعرفي الرفقه اصلا من زمان متحملاتك عشان في الاخر تبي تخربي بيني وبينه بطلي حسد
وفاء تبكي..هو ما يحبك اصلا ما يبيك انا نقول هالكلام عشان مصلحتك
منى..كذاااابه انتي اللي قاعده توسوسي ف راسه يا عقرب تفو
وفاء مصدومه بكل كلمه قالتها..هذي اللي قبل نقوللها اختي..يارب..
وسكرت التلفون
خشت ليلى للدار لقت وفاء تبكي..
ليلى..شن في!؟
وفاء..منى😭💔
ليلى..شن فيها تكلمي..
وفاء مسحت دموعها وسكتت..انا لازم نكلمه
ليلى ..من اللي بتكلميه ومنى خيرها ما ادوخيني 😕
وفاء طلعت تجري من الدار
ليلى قعدت واقفه...ربي يشفي😂
..
عند امجد ومحمد ..
ف المكتب
المكتب متكركب كله ملفات واوراق وهم دايخين من التعب لكن مازال يخدمو
نقال امجد يضرب..ناض امجد شافه لقاه وفاء 🤔
.
سكر عليها وشوي هكي ردت
.
محمد.. رد صدعتني
امجد..اوكي كمل شغلك..
وطلع من المكتب..ايوه يا مزعجه كن..
تقطع عليه وفاء..منى
امجد..ياربي معاد نخلص من سيرتها شن دارت الزفت
وفاء ..بعتت رساله فيها ..
.
حكتله كل شي
.
امجد..تي هذي شنو !!
وفاء..والله مصدومه انا 😭💔
امجد..الحمد لله ما قربت شورها ودارت هذا تي شن هذا..خلاص انتي ما تبكي والله مافي شي يستاهل دموعك..
وفاء..خلاص ان شاء الله ..
.
وقعدو يحكو مع بعض قريب ساعه..
امجد..خلاص تو ف الليل بعد نروح نكلمك راجي اتصالي
وفاء..تمام
امجد..ردي بالك ع روحك مع السلامه
وفاء..مع السلامه
....
كل واحد فيهم سكر النقال وكان يتمنى انه ما سكر وكانو يتمنوا انهم زادو هدرزو وكأن في حاجات واجد ما قالوها لبعض
(الحب الحب ❤😍)..
.......
رجع امجد للمكتب وهو يضحك ونسى ان محمد قاعد😅
محمد بأستغراب..طلعت حامق و رديت تضحك الله الله ع المكالمه السحريه😉😂😂😂
امجد حاول يخفي ابتسامته..لا ما في شي غير هكي وخلاص😶
محمد..ايه والله هكي وخلاص🤗😂😂😂
...
سالمه ام امجد قاعده ف البيت مع جارتها سميه..
سالمه..يا سميه أنا حاطه عيني عليها وربنها خاشه خاطري..
سميه ..وهي لك والله كيف ميمتها راك وزياده☺
سالمه..حقو..وناضت تزعرت 🔊للللللللوي
(مش وقت يا ابله سالمه😟💔)
....
بعد كم ساعه..
وفاء تغسل ف الماعين بسرعه..
فتحيه..تغير خيرك متفلوشه من يجري وراك
وفاء..نبي نكمل بسرعه بيش نرقد يمي تعبانه
فتحيه..رافعه بلك بيش تعبانه..بنات الجيل هذا مدلعات..بشويش ع الماعين خيرلك
وفاء..حاضر يمي حااضر🙄
..
كملت ومشت جرررررررري للدار وقفلتها بيش ماحد يفتح وكان جن ليلى ادق لين تشبع وتمشي ترقد ف مكان ثاني(شريره🤣👌)
...
تشوف للساعه تلقاها10 والوقت يمر 10:30 ومازال ما اتصل وجت 11 وهي تراجي لين تعصبت..شوي هكي واتصل
اول مكالمه ما ردت..خليك ما بنرد
اتصل مره ثانيه..استنى كيف ما استنيت
بعدها معاش اتصل..😐💔
بعد نص ساعه اتصل...اخيرا اتصلت
قعدت شوي وردت ودارت روحها راقده ..ايوه
امجد..وين ما تردي شغلتيني
وفاء..اه..كنت راقده(ع اساس راقده حق🤣👌)
امجد..بس مش متفقين نكلمك كيف ترقدي
وفاء سهت ع روحها..انا من ال10 نراجي انت مش عارفه وين
امجد..صار قلتي راقده😂😂
وفاء تحشمت..ايه راجيتك ورقدت
امجد..اهاا😂👌
وفاء..شنو ليش الضحك باهي
امجد..لالا ما ضحكت
وفاء..بلا كذب تو ضحكت
امجد..معناها حتى انتي بلا كذب وقولي مارقدتي
وفاء ..ايييه ما رقدت وقعدت نراجي فيك اسكت بس😡
امجد..ايوه خليك كويسه من الاول..
.
واستمر الضحك والكلام للفجر..
امجد..اوووف الفجر اذن😂
وفاء.. معقوله والله الوقت مشى بسرعه ما حسيت بيه😍😅
امجد..حتى انا ما حسيت و الله
وفاء..يلا نستأذن تو نصلي ونلحق نرقدلي ساعتين بكره كليه
الصبح
امجد ..و الله نسيت ان عندك كليه المهم بكره مرات نروح بيك مع محمد❤
وفاء..اوكي مع السلامه
امجد..مع الف سلامه..
.....وسكرو....
امجد بعد سكر قعد شاد نقاله ويضحك
.
.
الصبح...
وفاء لبست ورفعها محمد مشى الشركه
امجد ناض بدل وكان بيطلع يلاقي سالمه..
سالمه..تعال يا ولدي نبي نحكي معاك
امجد بس بسرعه يمي مستعجل..
سالمه ..امس كانت عندنا عمتك سميه
امجد..به وين الموضوع هي ديما عندك
سالمه..خطبتلك بنتها وعارفتك حتفرح🤗
امجد تعصب...نعممم شن تقولي يمي
سالمه ..اللي سمعته..لين امتى بتقعد عزابي نبي نفرح بيك
امجد..يمي انا في بنت ف بالي والله غيرها ماني واخذ..
شن هالصبح
سالمه..امجد تعال..بتاخذها يعني بتاخذها
امجد...
......
خشت وفاء للمدرج..
وتلاقي منى واثنين شباب..واول ماخشت واحد منهم سكر الباب وفاء رعشت😨
وفاء..حول لو سمحت
منى..لو سمحتي انتي اليوم بنأدبك😌
وفاء..شن تقولي انتي
منى ..احمد ..علي شوفو شغلكم
وفاء..لاااا....
.
.
#يتبع
شن يصير ف امجد وامه وشن يصير ف وفاء كله تعرفوه البارت الجاي 😍

#لولي دوو🙈😍