حين أحببتك ❤

البارت الثالث عشر 🙈👣

امجد..بلا جو
وفاء..ما بنخليك بروحك
وطلعو هم الاثنين امجد فتح الباب..ياربي لين امتى
وفاء شافت لامجد.. كيف !!
امجد..ماتشوفيليش انا كيفي كيفك
منى..قولو تفضلي ولا مشغولين😉
امجد..شن تبي تفضلي من ع الباب
منى..ها وفاء فرحانه
امجد..كلامك معاي انا
منى..اوبا تطورات صار الحب يشتغل
وفاء..شن تبي يا منى مش سادك
امجد..تفضلي بلا مطرود والله يبارك فيك تعبتي روحك عشان تباركيلنا
منى..😂😂😂..انا ما جيت عشان نبارك انا جيت نشوف الحب ..ماهو اصلا وفاء قلبها كبير وتوزع في حبها
وفاء..يا رب الصبر
منى ..امين ويصبر ادهم قلبه تقطع بعد قلتله انك اجوزتي
امجد..من ادهم!!
وفاء..به ربي يصبرنا جميعنا
امجد..وفاء من ادهم ما تقوليلي هذاك الدكتور
منى..ايوااا عليك نور ..خلاص انا طولت 😉
مع السلامه يا روحي😂
وطلعت وسكرت الباي
امجد..وفاء شن قصدها بتوزع حبها
وفاء ..وانت شن دخلك
امجد تعصب ومسك يدها..شن دخلني صار
وفاء..اه يدي حول
أمجد..مش طالق يا وفاء مش طالق..تحكي بالطيب ولا لا
وفاء..انت كنت مسيبني ف ماليك علاقه مش معناها طقت ف راسك تجوزني معناها خلاص
امجد..معقوله فيسع تبدليني
وفاء..انا ما بدلت حد اطلقني..وغير هكي اين فيسع اللي تحكي عنها انت عارف قديش ترجيتك وقديش لاحقتك بس بيش نعرف شن بعدك عني وانت شي ما تعرفني..بالك ما عندي كرامه
امجد ...صار كرامه..وعمك ادهم ردهالك كرامتك
وفاء..اطلقني يا ادهم
امجد...امجد يا وفاء مش ادهم
وطلق ايدها وخش وهي قعدت واقفه تبكي وطاحت ع ركبيها وانهارت بالعياط..
.
.
الصبح ثاني يوم 🌅
فتح امجد عيونه لقى روحه متغطي وتحته مخده
ناض غسل وجهه وخش للمطبخ لقى قهوه وفطور لمس القهوه لقاها ساخنه عرف ان وفاء نايضه قعد يستنى فيها تجي تفطر لكن ما جت
..
وفاء ف الدار سارحه ف السقف
طق طق طق🚪
وفاء..جيت
وفتحت الباب..نعم
امجد..تعالي بيش تفطري
وفاء..صحيت ماعندي نيه كول انت
امجد..بلا دلع ويلا قدامي انتي من امس بلا ماكله
وفاء..والله ماعندي خاطر خلاص غير كول انت
امجد..وفاء!!
وفاء..امجد بالله عليك
امجد..تمام براحتك
وسكرت الباب وخشت
..بعد كم ساعه...
وفاء..عطشانه بكل مفروض نجيب ترمس هنا بدل التعب
وطلعت وخشت المطبخ لقت كل شي كيف ماهو مش واكل شي ولا قارب القهوه..تو هذا دلع ولا شنو
طلعت للمربوعه لقاته يتفرج ع المباره
امجد..في شي!!
وفاء..ليش مش واكل
امجد..ما نحب ناكل بروحي انتي عارفه
وفاء..بس..
قص عليها امجد..لا بس لاشي بروحي ما ناكل
وفاء..باهي نوض ناكلو
امجد..بجد
وفاء..والله هي تو ناكلو مع بعض
امجد..تمام اسبقيني سخني القهوه وتو نجي
وفاء..حاضر
.
وبعد فطرو بكم ساعه ..
امجد..وفاء
وفاء..نعم
امجد..نبي نتكلمو لان الوضع هذا مش قادر نتحمله..
وفاء..اين وضع
امجد ..بلا استفزاز وطفي التلفزيون وكلميني
وفاء..اوووف..ها شن تبي
امجد..تعرفي قديش نحبك
وفاء..لا ما نعرف
امجد..من اولها هكي
وفاء..أولها واخرها
امجد..وفاء عشان خاطري افهميني
وفاء..انت اللي افهم..اللي درته ليا كسر خاطري
امجد..اسف
وفاء..ما تمسحش اللي درته
امجد..نحبك
وفاء..حتى هي ما تمسح
وقرب امجد منها بكل..نموت فيك
وفاء..بعد عني ما تحاولش
امجد حط يده ع خدها ..نعشقك
وفاء..امجد
امجد زاد لصق فيها..يا عيونه
وفاء..أأ...
ويدق الباب بقوه..طق طق
ينط امجد ويجي واقف
وفاء..😂😂😂😂
امجد..ههه دمك خفيف
وفاء..باه يا خفيف شوف الباب
امجد طلع يتمتم ويخبط$#@#$$😡
.
امجد..باهي ياللي ادق بشويش
وفتح الباب يلقاه اهل وفاء..
وفاء..من يا امجد..حي امي😍😍😍
وجت تجري
فتحيه..مرحبتين بنيتي مبروك صباحكم
امجد ..الله يبارك فيك😑
فتحيه..والله ما تقعد ف خاطري حتى كان ما درتو محضر نجيك
وفاء..ربي ما يحرمني منك يمي
امجد..ايه ربي يحفظكم ويصبرني😑
فتحيه ..شنو!!
وفاء فهمت عليه وقعدت تحاول تشد الضحكه
امجد..وين محمد مالا
فتحيه ..لاحقنا هو ومرته احنا جابنا علي
امجد..خشو جوا هنا تصقعو😑
وفاء..هي يمي تعالي هيا ليلى
وخشو..
.
امجد..صباحكم مبروك قالت..تي عن جد هكي هذا وين كنت نبي نصبح الهم
.
ويدق الباب من جديد
.
امجد..هي بيش تكمل ..من اللي يدق
محمد..حل يا نسيبي
وفتح الباب امجد..اهلا😏
محمد ..العفو ماهي خلقت عريس هذي
كوثر..مبروك عليك
امجد..خشي داخل وخليني مع النطع
كوثر..😂حاضر
محمد..انتي عجباتك عاد..وانت خير اصلك قالب علينا
امجد..تي ياراجل توجع شوي لكن ميه ميه
محمد..🤣🤣🤣..عادي خيرها ف غيرها
امجد..تسكر ولا نحشيلك الشبشب ف فمك🤣🤣
محمد..هي خش خش جيعان ونبي ناكل امي مدايره قلايه
امجد..يلا ناكلو خير من بلاش😂😂
.
.
وخشو وهدرزو وكلو وطلعو محمد و امجد للمربوعه
.
فتحيه..وفاء
وفاء..نعم يمي
فتحيه..تعالي قربي
وفاء..اهو جيت خير شن في
فتحيه..تهنيتي!!
وفاء ..يمي بلاش من اسألتك الغريبه هذي
فتحيه..انا سألت جاوبي
وفاء..ياربي انا نايضه ندير شاهي من يبي
فتحيه..من يوم يومك غضيبه ما تسمعي فيا
كوثر..هي نديرو انا وانتي
وفاء.. هيا..
ومشو للمطبخ..
كوثر..خيرك متنرفزه
وفاء..امي من غيرها
كوثر..ما ادوريها عاد انا ما سكرت سنه عرفتها لسان بس قلبها طيب
وفاء..عارفه لكن نرفزتني
كوثر..تو قوليلي شن في
وفاء..منى جت امس
كوثر ..شني😟
وفاء..اللي سمعتيه والله تعبت
كوثر..وليش جت التعبانه
وفاء..جت ع اساس تبارك ومسخفها الدكتور ادهم
كوثر..وهي شن عرفها بسم الله
وفاء..والله منى صرت نتوقع منها اي شي
كوثر..في هذي صدقتي تعبانه هي ماعقبت فيا انا جهد اللي دروحي اخته يبال انتي مرته
وفاء..بس والله اللي فيه هي مرض مش حب ابدا
كوثر..عارفه يا قلبي..هي هلي نحطو الشاهي قبل تجي عمتى تعارك🤣
وفاء..هي🤣🤣
.
مع المغرب روحو اهل وفاء..
.
امجد..الحمد لله فضالي الجو
وفاء..امجد انت ما تحسش
امجد..شن تقصدي!!
وفاء..انا عايفتك وقلتهالك واجد وانت مصر تعاملني كأني مرتك حبيبتك
امجد..وفاء..انتي تعرفي معزتك عندي وانا نحاول انصلح اللي صار سادك غلط
وفاء..الغلط راكبك من راسك لساسك ماعندك ما تصلح
امجد..تمام !!
وطلع وقربع الباب بأقوى شي
وفاء..كسره
.....
بعد كم ساعه وفاء تتفرج ع التلفزيون..هذا وين مشي الساعه 2تو ..اكيد زعل بس والله يستاهل شن انا ماعندي شعور
..
الساعه4..
وفاء..يارب هذا اكيد صايرله شي الطف يارب..
....
الساعه7الصبح..
وفاء..الو محمد..اسمع بنقولك..الحمد لله..غير اسمع..امجد طالع امس من الساعه11 ..والله ما نعرف ..اي..تمام
..وسكرت..
وفاء..زعما يكون زاعل ولا صايرله شي والله ما نسامح روحي والله هو عارف اني نحبه اكيد حتى كان قسيت عليه بكلامي ..وقعدت تبكي بحرقه
..بعد كم ساعه..
محمد يتصل..
وفاء ..ايوه حميده شن في..
.
#يتبع
شن صار لامجد و هل وفاء حتصارحه بشعورها وتنسى اللي صار وهل منى حتنسى حتى هي كله البارت الجاي اللي راح يكون مقابل الاخير ❤

#لولي دوو🙈😍