حين أحببتك ❤

البارت الرابع عشر 🙈👣

#مقابل الاخيره..
وفاء ..ايوه حميده شن في..
محمد..مافي شي بس..
وفاء..ها بس شنو..
محمد..امس شوره ساكر ومداير حادث بالسياره
وفاء..وووه عليا ..شن صاير فيه..
محمد..ما تخافي تو اليوم ان شاء الله يطلع من المستشفى اليوم
وفاء..اكيد مافيه شي يا محمد
محمد..والله مافيه حاجه
وفاء..امتى تروحو
محمد..مش عارف تو نكلمك
.
وسكر محمد النقال وقعدت وفاء بروحها تخوض ساعه اثنين ثلاث وماحد جا وهي كل ما تمر ساعه تزيد تقلق..

..الساعه5العشيه🌇
روح محمد ومعاه امجد وخشت معاه امه وكوثر جابها علي و فتحيه كلهم سمعو وخشو مع محمد
و فاء جت تجري طول تضبط امجد وهي تبكي
فتحيه..خلاص الحمد لله اهو صحيح مافيه شي
سالمه..هابا لاحشمه لا جعره
امجد..يمي!!
سالمه ..سكتت..
كوثر..خوفتنا عليك
وفاء..والله واجد زياده شن صارلك
امجد..اهو كسر ف الكتف اليمين والباقي بسيط
سالمه..الحمد لله اهم شي جاتك بسيطه
امجد..الحمد لله
وفاء..هي خشو بدل وقفتكم هنا
محمد..هي انت يا صاحبي شكلها جاياتك عوينه مليحه😂😂😂😂
امجد..والله ابرد مخلوق ف الكون
ليلى..الحمد لله طلع مش رأي بروحي
كلهم قعدو يضاحكو😂😂
كوثر..خلاص خلوه ف حاله مسكين
محمد..نجيها ليا مراتي تدافع عني
فتحيه..تحشم يا ولد
سالمه..لا لاحشمه مش ماره عليهم(تقصد وفاء بس من تحت لتحت)
فتحيه..جيل كلهم هكي(فهمت عليها وردت بشكل محترم😂)
امجد..احم ..وفاء بالله ديريلي ما ناكل جيعان
وفاء..حاضر من عيوني
.
.
بعد اطمنو عليه وكسدو لين بعد المغرب..
سالمه..هي حميده كان تنوض توصلني للحوش
محمد..حاضر يا عمتي ..ها كوثر تروحي انتي وامي
فتحيه..هي نوض
كوثر..هي نوضو
محمد..هي حمد لله على السلامه يا نسيب انا طالع نسخن السياره شوي والحقوني
كوثر..حاضر
وطلعو وسقدتهم وفاء لعند الباب..مع السلامه
وخشت..
.
امجد اول ما خشت للبيت قعد يعيط بالعاني..اه يدي
وفاء..بسم الله عليك شن في
امجد..تخافي عليا طلعتي مالا عنادك هذا عليش
وفاء..شن تقول انت
امجد..نحبك وربي
وفاء..مش وقتك تو..خلي نشوف كتفك
امجد..شوفي قلبي قبل ..والله نحبك يا بنت
وفاء..ربي يصبرني عليك
امجد..شن رايك تشوفيلي كتفي ف الدار😉
وفاء..امجد ارقد سلم بابا 😏 تصبح على خير
امجد..ارجي حرام عليك يدي اه اه😂😂
وفاء..ارقد تو تصح🙄
...
الصبح ثاني يوم 🌅
.
امجد راقد ف الصاله
ناضت وفاء ع صوت نقال امجد
طلعتله..امجد..هذا كله نوم انا نضت من جوا
امجد..هاا..شن في
وفاء..نقالك اللي يرحي قلقني
امجد..رقم غريب
وفاء..رد
امجد..لا والنبي بيش تطلعلي منى
وفاء..زعمك
امجد..اكيد يا قلبي هي آخر فتره كلمتني ب200رقم
وفاء..اووف ..و الله ما كانت هكي
امجد..صدقيني هي شكلها طول عمرها هكي غير انتي هبله
وفاء..ربي يهدي
امجد..بالله نتعبك نبي قهوه
وفاء..من عيوني حاضر
.
.
بعد كم يوم...
امجد..هي خلصيني وانتي سنتين ف الحمام
وفاء..تي باهي دوش ما هنيتني فيه..وفتحت الباب وطلعت
امجد..تي كان نعرف نزغرت راه زغرتت
وفاء..امجد بلا سماطه وسقد بيش نلحقو
امجد..انتي اللي سقدي انا تو نخش ندوش وخلاص نكون واتي
..
.
امجد...يا وفاء هيااااا ليا ساعه نعيط
وفاء..دقيقه بس نلبس الكندره باهي انا طالع يلا الحقيني
وفاء..هي هي..
.
بعد شوي وصلو قدام حوش اهلها
وفاء..بالله ما تنسى اتنزل الحفاظه معاك
امجد..غير انزلي تو انزلك كل شي
وفاء.. تمام انا خاشه
ونزلت وفاء وامجد قعد يلم ف الحاجات بيش ينزلهن
يد انحطت ع كتفه
امجد..ها حبي ولف وانصدم لقاها منى
منى ..حبي من فمك عسل
امجد..يا ربي تي شن جابك هنا
منى..هنا نسكن ولا نسيت😉
امجد..سلم بنتي كان فيك عقل طلعينا من راسك
منى..صدقني عمرك ما حتطلع و وراك وراك انت عارف قديش نحبك
امجد..وسعي بنخش مررتي تراجي فيا سمعتي مررتي 😉
منى..خش خش اليوم دواك عندي وتجيني كيف الشاطر
وخش امجد لقاهم كلهم ملتمين ف السياج ومولعين الشوايه وجوهم مش عادي بكل..
واستمر الضحك والهدرزه لحد ما قطع عليهم أذان المغرب..
فتحيه..الله اكبر..نوضو بيش تصلو
محمد..الشيخ ما كمل اذانه يمي
ويدق الباب
فتحيه..برا يا علي حله
علي.. حاضر..
.
وتخش منى من الباب وأدف علي وبدون سابق إنذار اطلع مسدس من الشنطه وتطلق و تجي ف بطن وفاء💔
امجد..لااااا
فتحيه ...ووووه عليا بنتي💔😫
علي نط ع منى وحاول يشدها بصعوبه ربط يديها بتل
محمد..ارفع يا امجد
امجد متبنج وكأنه فاقد الوعي بس يتفرج 💔..

#يتبع
البارت الجاي ان شاء الله حيكون الاخير تابعوني❤

#لولي دوو🙈😍