امجد..انا عندي مشاكل كبيره ف الشركه ومش عارف كيف ندير فكرت واجد ولقيت ان انت الحل يا محمد
محمد بأستغراب..كيف!!
أمجد..تو نقولك..انت يا محمد رغم انك مش مكمل دراستك لكن شوف من خدمت عند بوك وخدمت ف المينا وصارت عندك خلفيه ف الحسابات وصرت مطلوب بالأسم
محمد ..مشكور ع كلامك بس مافهمت مزال 😓
امجد..نبيك تشد الحسابات عندي ف الشركه شن رايك
محمد بصدمه..تحكي جد😁
امجد..جد الجد زياده
محمد ...ان شاء الله نكون قدها وسلمو ع بعض دليل الاتفاق
_________
عند وفاء وكوثر
وفاء ..انتي غبيه وتبي تردي ولا شنو
كوثر ...الله فيا غيض كنت بنوريهم ع الكلام اللي يلقحو فيه
وفاء..انا بنتصل بمحمد خوي بيش نروح مانبي نقعد وانتي كلمي هلك
كوثر..عندي محاضره بعد ساعه انا
.
.
واتصلت وفاء بمحمد وبعد ربع ساعه وصل الكليه
محمد..ايوه هي اطلعي
وفاء ..سلم حميده خش ارفعني خايفه نطلع بروحي
محمد ..شن في تكلمي!!
وفاء..تعال خش تلقانا ف الكافي تو نحكيلك
محمد ..باهي دقيقه
و خش محمد وقعد يدور عليها لين شافها وقدم
وفاء عرفاته ع كوثر
محمد يكلم في كوثر..مرحبا..كيف حالك
كوثر بخجل..الحمد لله وانت ..
وكل واحد فيهم قريب ياكل الثاني بعيونه❤😍
وفاء..احم احم 😑 راني قاعده
كوثر انحرجت وطبست راسها
محمد ..احم يلا بيش نروحو
وفاء ..هي سلام كوثر
محمد لكوثر..مع السلامه🤤❤
كوثر في امان الله 🤗
.
.
محمد.. ليش قلتي خايفه
وفاء .. تغير نطلعو نحكيلك
ف نفس الوقت جو الفروخ اللي نابشوها وقعدو يقولو كيف حلال عليه حرام علينا وناضو يضاحكو و واحد فيهم قال لمحمد مش غلط كان قسمتلي فيها
محمد بكل برود ..ليش نقسملك شنو رايك نعطيهالك كلها😏
وفاء .
تربحك حميده فوتهم وتعال نروحو.
الولد بيقرب ع وفاء ويجيه كف من محمد لين طاح ع الارض ورد وقف ولصق في محمد ..انت قدها..
محمد ..دامك انت قدها وتنابش في اختي ليش مانكون انا قدها.
الولد تكنطى وقعد يرعش..اختك
ويخش فيه محمد بطح مره ضارب ومره مضروب لين جا الأمن وحزهم وكتبو تعهد في الشاب بعدم التعرض لوفاء مره ثانيه 😁👌
(تفهم يا محمد😋)
وركبو السياره ف الأول هدوء تام
شوي محمد تكلم..من كوثر هذي😑
وفاء تنفلق ضحك ومحمد فهم عليها قعد يضحك
وفاء..انبطحت و وجهك دم ومشغول بكوثر مازال😉
محمد..نسأل انا تغير خيرك😥
وفاء..اهااا😏
و وصلو للبيت وفاء خشت لدارها ومحمد قعد ف السياره يفكر في البنت اللي مع اخته وينطق ف اسمها ويتبسم😍
.
.بعد كم يوم ...
وفاء مقمعزه مع امها يشربو ف القهوه ف السياج يهدرزو..
ويخش محمد يقعد معاهم
وفاء ..يمي شن رايك
محمد ..ع شنو تحكو انتم
فتحيه..اختك بدير عزومه تلم صاحباتها
محمد بلا راده ينط ..حتى كوثر بتجي😍
وفاء قعدت تضحك ..ايه بتجي هي ومنى
فتحيه تفنص..من كوثر هذي
وفاء تغطي ع محمد ..صاحبتي يمي من كثر ما نهدرزله عليها شدها😂
محمد توتر وقرر انه ينوض من تلاهم خير من الفضايح(يا كبدي عليه من سلام طاح فيها مالا بعدين كيف)
وفعلا وفاء دارت اللمه وعزمتهن ع يوم الجمعه
طيبتالموالح بجميع اصنافها بروحها ودارت سلايط مشكله ودارتلهم رشدة كسكاس والحلو جابه محمد ليها من برا وكانت حجه بيش يقرب من كوثر😉😂😂
المهم نرجعو..
محمد يا حنه من وقت عرف ان كوثر بتجي وركبت فيه دوده ماشي جاي بيش يشوفها ومع الساعه 1 ونص دق الباب ويجري عمك محمد قبل الكل فتح الباب ولقاها كوثر ومنى
وهو عيونه بيطلعو عليها بس ع اساس مش امبين وسلم عليهم ودخلهن وجتهم وفاء سلمت عليهم وهو واقف يبحت بس
وفاء..احممم محمد
محمد..عيونه😍 وهو يبحت في كوثر
وفاء ..خلاص اطلع😅
محمد فاق ع روحه وطلع جري وهو متحشم
كوثر عارفه انه كام سارح فيهاوقعدت متحشمه
وغدتهم وفاء وهدرزو ودارو وقهوه وطلعو للسياج بيش يشربوها..
______
ومع أذان العصر والبنات مكسدات يسمعو صوت دوشه كبيره برا وفاء رعشت ومعاش عرفت شن ادير صاحباتها يهدن فيها وتسمع في صوت محمد يلعلع ويعارك وجت تجري الحاجه فتحيه وتعيط وكانت بتطلع شدها علي وطلع هو وقعد العراك برا
كوثر من خوفها كلمت امجد
كوثر ..امجد خوي تربحك لحق علينا
امجد بخوف..شن في
كوثر ..تعال برا في عراك وخوت وفاء برا
امجد ..من وفاء ومن خوتها تغير قولي وين انتي بس
كوثر ..في بيت صاحبتي مش عارفه..وفاء نبي نعتت بيتكم
وفاء..من التوتر شدت نقال كوثر وقعدت تحكي مع امجد ومع انها ماعمرها كلمت شخص غريب
.
.
امجد سكر النقال وقعد يفكر هذا نفس عنوان محمد🤔
وبعد ربع ساعه من الخوض والعركه ينفتح الباب والبنات وفتحيه واقفين ف السياج ويخشو علي وامجد ساندين محمد وهو وجهه كله دم
وفاء تعيط ومشت تجري والحاجه فتحيه ترعش ومشت تجري وكوثر تشوف تشوف فيه وعيونها تعبو دموع وحست قلبها يوجع
وفاء بلا حجاب ولابسه قفطان ومش منتابها لنفسها وعلي يعض ع شواربه وقريب يقتلها 😤
وامجد ما يعرفها لكن قعد يقوللها مافيه شي غير وخري شوي خليه يتنفس
وتشعل فيه وفاء ..وخر عني مبردك راهو خوي
امجد..خوك ماقلت سافري وخليه غير قلت وخري
وفاء..مالك علاقه
امجد بعصبيه..انحرقي باهي
محمد رغم الوجع قعد يضحك عليهم
وفاء التفتت عليه ..شن صار حميده كن ضربك
محمد ..فرخ الحرام اللي ف الكليه
علي بعصبيه..اين فروخ
وفاء خافت تكبر المشكله قالت وحدين خش فيهم بالسياره
امجد طبس بيش يكلم محمد ..ها حميده ندفنوك ولا مزال وقعد يضحك 😂
(بصارته ثقيله صح لان هو شخص جدي ماعنده ع الضحك)
وتستلمه وفاء هزايب ..انت ما عندك دم
امجد..والله لولا محمد كان خذيتك من شعرك ربطك ف كوفن السياره وقعدت نسطرب بيك
الكل قعد يضحك من عركتهم الا وحده مازال تبكي
قدمت كوثر وقفت جنب خوها وشافت لمحمد ...حمد الله ع سلامتك
محمد قعد يتبسم وقريب ينط من مكانه الله يسلمك
امجد..شن كوثر نروح بيك
محمد انصدم..تعرفها قصدك
امجد..اختي هذي
محمد توتر لكن فرح عشان عرفها بنت من😍
_______
و روحو كوثر وامجد ومحمد دخلوه للمربوعه بعد بدل دبشه وداوله جروحه..
وتم الاسبوع هذا ع خير ومافيش شي تغير ع الروتين
.
.
الحاجه فتحيه جنب محمد
محمد..يمي نبي نجوز
فتحيه بفرحه..اخيرا والله نخطبلك بنت خالتك زين ونزاكه وفلاحه ما في كيفها😇
محمد..لالا انا في ف خاطري بنت
فتحيه تكنطت..كيف ومن وامتى!؟
محمد..نبي كوثر صاحبت وفاء ..
ع خشت وفاء من باب المربوعه
كنها وفاء 😎
محمد ..ما كنها شي نحكي ع صاحبتها
وفاء فهمت عليه بس استعبطت..قصدك نوني😋
فتحيه بعصبيه..يبي يتجوز المنحوسه كوثر
وفاء بفرحه..احلف
محمد ابتسم ..ايه
وفاء ...والله بنمشي نخبرها😍
فتحيه ..والله ماهي صايره
محمد ..يمي انا اللي بنجوز وانا نبي كوثر
وفاء ..والله يمي بنت عسل وأخلاق وتهبل
محمد ..وفوق هذا طلعت اخت امجد صاحبي
وفاء بضحكه..انا كان بنكرها بس عشانها اخت هذاك الكائن😂😂
فتحيه تعصبت وطلعت من المربوعه
.
.
محمد ..ايوه
...مرحبا تفضل
______
يا ترا محمد من يكلم وشن بيصير بينه وبين كوثر وهل ممكن ان يجوزو حنعرفو ان شاء الله البارز الجاي 😋
#لولي دوو🙈😍
أنت تقرأ
حين أحببتك ❤
Romanceروايه تحكي عن قصص حب وخيانه وتفاصيل حياتيه ممكن اي حد يمر بيها ..ليبيه بأمتياز🍒
