حين أحببتك ❤

البارت الخامس 🙈👣

امجد و وفاء متفقين شن بيديرو في حالة جو نفس الفروخ وكل واحد شاد نقاله بيش يكونو متواصلين مع بعض
.
.
وفاء حاطه ليلى تحت مراقبتها في نفس الوقت تلف ع الناس و تضيف فيهم
.
.
امجد مقمعز جنب الخيمه وشاف حد قريب الباب شك فيه..حاول يقدم بيش يلقطه بس يطلع واحد ثاني وامجد غلط
..
وفاء تعبت من المراقبه ولف ع النساوين اتصلت بأمجد
.
.
امجد..ايوه
وفاء..شن صار معاك!؟
امجد والله قاعد شاد مكاني كيف الحرس البلدي مافيش حد
وفاء..تصدق بديت نشك فيك وشكلي غلطت اني شكيت ف اختي
امجد..والله انا ما نكذب عليك ف شي يا وفاء
وفاء..باهي ان شاء الله خير وسكرت الخط
امجد..الوو الوووو..اوف منها والتفت شاف سياره غريبه وقعد يراقب لين طلعت اختها من الباب الخلفي وركبت السياره
امجد يجري..وقف وقفف🏃‍♂️
لكن ما لحق فيهم
ويرفع نقاله واتصل بوفاء
وفاء..نعم
امجد..اهو بسببك ليلى مشت معاه
وفاء..شنو.. لكن توا كان..وينها بسم الله
امجد..ركبت معاه ويستر ربي وينهم تو انزلي بسرعه
وفاء..تمام تو نلبس عباتي وننزلك بسرعه بيش نلحقو عليهم
امجد ..تمام بسرعه
....
وفعلا وفاء لبست وطلعت تجري لباب البيت الخلفي وركبت السياره ومشو بسرعه
امجد..انتي وين كنتي وقت طلعت
وفاء..انا شكيت في كلامك و خشيت للمطبخ بيش نطلع العصير وانت اتصلت بيا قلتلي طلعت بس مافهمت كيف بالسرعه هذي 🤦‍♀️
امجد ..استغلت الفرصه وانتي هبله😠
وفاء بتبكي..ما تعيط عليا تربح
امجد..تو ما تعيطي بعدين عيطي ع اختك
.
.
وقعد امجد و وفاء يلفو لين شاف السياره متاع الفرخ بتدرس قدام مبنى مشبوه
.
.
ليلى..حبيبي اوبا وين نحن
ايوب..يا عيون اوبا هذي العماره يسكن فيها صاحبي قلتله نبي الشقه اليوم
ليلى توترت...ليش شقه تعال نمشو كافي احسن😥
ايوب..هنا خير حبي ناخذو راحتنا في الكلام😉
ليلى بخوف..ما نقدر لكن😓
ايوب..يعني انتي ما تحبيني صح😏
ليلى...لالا و الله نحبك😣
ايوب ...معناها هي حبيبي لولو نركبو
و أول ما فتح ايوب الباب يجيه بوني مزبط👌 من امجد لين طاح ع الارض
ليلى رعشت ومافهمت شي قعدت تعيط ..لااا ايوب خلوه حرام
وتجيها وفاء تفتح باب السياره واطلعها وتعطيها كف
وفاء...يا حسرتك يا بوي ف بنتك
ليلى انشلت من الخوف ..اناا ..بس وقعدت تبكي
خذتها وفاء وركبتها سيارة امجد
وامجد قاعد يسحن فيها ضربه ضرب خلاه يقول الله واحد
وفاء معاش تحملت ومشت تكرفي امجد وايوب اول ما بعد عنه امجد شوي هرررب بسرعه
وفاء..امجد وجهك دم😢💔
امجد ...عادي مافي شي كبير
وفاء..اقل شي اركب في السياره نمسحلك الدم
وركبو السياره و وفاء خذت المناديل وقعدت تمسحله في الدم
امجد..خفتي عليا😁
وفاء ..اكيد كان ممكن يقتلك 😥
امجد ابتسم وعطاها نظره شعلت فيها النار نظره بألف كلمه
ليلى ورا وبتموت من الخوف والعياط
امجد التفت وقعد يعارك فيها ع اللي صار...معقوله كنتي بتضيعي روحك ع كلب ما يسوى
ليلى..هو يحبني وانا نحبه
امجد..اللي يحبك يخش البيت من بابه يجيك بالحلال مش يجيبك شقق مشبوها
ليلى مصدومه..لالا هذي شقة صاحبه قال بنقعد فيها شوي..
امجد..والله مازال صغيره وهو ضحك عليك والشقق هذين شقق دعاره كان تفهمي
وليلى قعدت تبكي وخلاص
وفاء..الحمد لله امجد لحق عليك قولي الحمد لله
ليلى..😭😭😭😭😭
.
.
.
وروحو وخشو للبيت بدون حد يشوفهن وبعد امهم شافتهم قعدت تعارك كذبو انهم كانن مكسدات ف السياج ع النت
وامجد مشى لمحمد ونفس الشي كذب ان عنده خدمه في الشركه...
.
.
.
وبعد كم يوم 💭👣
.
.
وفاء ف الكليه مع منى
وفاء ..والله هذا اللي صار يا نونه
منى ..الحمد لله ان امجد ف حياتكم كان هذا راحت فيها
وفاء ..والله حق الحمد لله..وخذت نفس عميق
منى..وفاء شن فيك؟!!
وفاء..مش عارفه حاسه ان مشتاقتله من ايام الفرح لا ريته لا سمعت صوته
منى ..ما تقولي حبيتيه😏
وفاء..لالا..مستحيل..مشعارفه..مرات😕
منى تضحك..والله حبيته خلاص 😂😂😂😂😅😓
وفاء متلخبطه...لالا نونه مش هكي غير شعور بس مش حب 😅
منى..باهي اتصلي بيه اسألي عنه 😏👌
وفاء..ماعندي حجه بيش نتصل😑🤦‍♀️
منى..ومش شرط يكون في عندك اصلا ..اتصلي وقولي نسأل ع حالك بس
(وفاء مسبله وتراجي فيها وافقت طول👌😋)
______
عند امجد..
امجد..خلود خلوووود
خلود...نعم يا استاذ امجد
امجد..نبي ملفات اللي تخص الحسابات الشهر هذا
ورن تلفونه📲
امجد..خليك يا خلود دقيقه..ايوه
وفاء..مرحبا امجد كيف حالك
امجد..هلا وفاء الحمد لله شن اخبارك انتي.. خلود بسرعه باهي
خلود..حاضر من عيوني
امجد ..تسلمي
وفاء تسمع وجاها إحباط 😐💔
..شكلك مشغول صح
امجد..والله مشغول بكل عندي مراجعه ع حسابات الشهر
وفاء..اهاا..خلاص نكلمك وقت ثاني
امجد..تمام وسكر الخط طول
وفاء جتها صدمه 😑💔💔
.
منى..ها شن صار
وفاء..حقير كيف وزعني
منى..احكي بالتفصيل😂
وحكتلها عمتك وفاء كل شي
منى قعدت تضحك 😂😂❤
كيف وزعك وزياده البنت شكلك تغاري
وفاء..لا غيره لا شي انا بنتصل بخوي يروح بيا
.
وفاء..ايوه محمد وينك
محمد ..انا ف الشركه
وفاء ..تقدر تجي تروح بيا
محمد..تمام ربع ساعه ونجيك
........
محمد ..امجد انا ماشي مشوار ونرد
امجد..وين مالا😉🤣🤣
محمد ..والله انك معفن ماشي لاختي😏
امجد..باهي ارفعني معاك ف طريقك
محمد ..شن عندك ف الكليه
امجد..بنمشي نوقف قيد كوثر مش خبرتك
محمد..تمام هي
.
.
وطلعو هم الاثنين
محمد وامجد خشو الكليه
محمد..الو وفاء وينك انتي
وفاء..انا ف الحديقه تو نطلع
محمد..لالا احنا جوا توا نجوك
وفاء..احنا🤔
محمد ...ريتك هي جاي ..وسكر الخط
.
.
وفاء ومنى ع الكرسي وجوهم امجد ومحمد..
وفاء انصدمت لما شافت امجد😶
امجد..كيف الحال وعيونه ع وفاء
وفاء ومنى..الحمد لله
وفاء..ليش خشيت!!
امجد..بنوقف قيد كوثر
وشافت وفاء لمحمد ..مش اعتقد انت راجلها 😂
محمد..ماعندي رأس للكليه فكلماته هو😁
امجد..وفاء تعالي ارفعيني للقسم
محمد..امشو انا تو نستناكم برا ماعندي خلوق للكليه
وفاء تمام...مع السلامه نونه
منى..مع السلامه عيوني😘
.
.
امجد..بكري ليش اتصلتي
وفاء في خاطرها باهي سألت..لا غير نسأل عليك بس
امجد..به يا ستي تسلمي ان شاء الله 😉❤
وخشو للقسم وكمل خدمته وطلع معاها وركبو السياره وروحو بوفاء اللي طول الطريق عيونها ع امجد😍
نزلوها ف البيت وهم رجعو الشركه
.
.
وفاء اول ما نزلت البيت واتصلت بمنى وقعدو يهدرزو
.
.
ف نفس اليوم ف العشيه دارت كيكه وقهوه وجهزت السفره وركبت لكوثر
وقضو العشيه كلها تكسيد وقرمه وضحك
كوثر..اسمعي وفاء بعد نكملو نخشو نوتو العشى امجد بيجي اليوم
وفاء..من عيوني
وكملن وخشن يديرن ف العشى ومشى الوقت ما حسو بشي الا ومحمد وامجد خشو البيت
.
.
محمد..تحشمن وانتن تضاحكن امجد جا
وفاء ...يا نهاري بري جيبيلي حاجه نستر روحي
طلعت كوثر من المطبخ وسلمت ع خوها وخشت دارها طلعت قفطان بسيط مستور و وشاح وردت للمطبخ ولبست وفاء
.
.
وجهزن كل شي و كوثر شدت في وفاء تتعشى معاهم وبعد تمو وغسلو ماعينهم
وفاء..انا خلاص بننزل تصبحو ع خير
طول لحقها امجد بحجة أنه بيدخن
.
.
امجد..وفاء استني
وفاء ..نعم شن في مال
امجد ..ليش خفتي
وفاء..لا بس استغربت تو كنت معاكم
امجد..كنت بنحكي معاك في موضوع خاص وما عرفت نكلمك قدامهم😅
وفاء..ان شاء الله خير قول
امجد....
.
.
#يتبع
شن بيقول امجد وشن بيصير كله البارت الجاي ان شاء الله 😘❤

#لولي دوو🙈😍