حين أحببتك ❤

البارت الثالث🙈👣

محمد ..ايوه
...تفضل
محمد...انا محمد خو وفاء تذكرتيني!!
....اه عرفتك كيف حالك توا
.
.
.
وقعدو يحكو قريب ساعه
______
وفاء بعد كملت حوستها كسدت ع النت تهدرز مع منى
وفاء..💬 منى حبيبتي شن جوك
منى...💬أهلا فوفو الحمد لله شن اخبارك انتي
وفاء...💬اسمعي كوثر من امتى تعرفيها
منى..💬تغير قولي شن اخبارك بعدين تكلمي
وفاء..💬 😂😂😂...الحمد لله من امتى هي جاوبي😏
منى..💬وانتي بتخطبيها مال😉
وفاء...💬حاجه كيف هكي 😋
.
.
.
وقعدن يحكن مع بعض 💭

_______
محمد سكر نقاله وهو يضحك وتذكر كيف جاب الرقم🙄
.
.
.
محمد .. وفاء تعالي وفااااء..
جت وفاء تجري شن في حريقه مال😫
محمد ...نبي تبعتيلي غنيه
وفاء..هذا كله عشان غنيه😑
محمد ..هي دزي
وفاء ..باهي..
محمد.. بالله جيبيلي ميه😈
وفاء ..شن الدلع هذا غنيه وميه شد النقال ابعت لروحك تو نجيب ميه ونجي 🤨
محمد ..باهي😎
..ومشت وفاء جابت الميه وهو يا حنه فتح ع الأسماء وخش ع اسم كوثر وخذا رقمها😋
..الوقت الحالي..
محمد يضحك بعد تذكر كيف جاب الرقم😁😈
.
.
وبعد مرور كم اسبوع محمد كل مره يزيد يتعلق بكوثر وقرر انه يخطبها وحتى كان امه مش موافقه...

فتحيه..على قص رقبتي مانك واخذها
محمد ..تكلم يا باتي
صالح..يا ولدي كان عارفها كويسه وهلها ناس باهيه توكل وما يهمك دوت امك
فتحيه تعصبت..انت شن تقول يا حاج
صالح..اسكتي انتي خيرلك
محمد..معناها يا باتي نمشولهم الاسبوع الجاي
فتحيه..دام هذا رايك انت وبوك والله ماني معتبتها معاكم وناضت خشت جوا
......
وفعلا مشو بلاها مشن عماته و وفاء ومنى وام منى يخطبوها وتمت الخطوبه ع خير وبعد كم يوم مشو التريس وتمو وحددو العقد بعد اسبوع والفرح بعده..
..
بعدها بكم يوم
محمد..سقدي روحك بيش نرفعك
وفاء ..باهي باهي جيت
مافهمت كيف تتفق تمشي معاك للمحلات في هالوقت شن قعد ع فرحكم
محمد..اسكتي بلا دوه زايده وصح راه امجد بيجي معانا
وفاء..نعممممم واااك ياربي شن درت بيش نشوف خليقته اليوم😫
(صبرك يا ما جايك يا وفاء 😂😂)
نرجعو للروايه
..
وطلعت هي ومحمد ومشو بيت كوثر واتصل محمد بيهم
محمد ..هيا انا قدام الحوش..ايه عارف..تمام هي..
وفاء يااااي ع الدلع بنرجع😂😂
محمد ..خبطها انزلي واركبي ورا امجد نازل😏😂😂
وفاء..ماااااني😡
الشباك قعد يخبط وتلتفت وفاء تلقاه امجد يخبط ع الشباك بيش تنزل😂
فتحت الباب ..
امجد ..سقدي خلي نركب
وفاء بصدمه..انت ماعندك اسلوب ولا ماتعرفتش عليه مازال
امجد يستفز فيها..وهو اللي يشوفك يقعدله اسلوب😉😂😂😂
محمد يضحك...خف عليها حرام هكي😂😂😂
امجد..والله غالي عليا تتعصب😂😋
وفاء تحشمت..ربي يصبرني
وسلمت ع كوثر وركبت السياره..
وطول الطريق وهي تتخايل كل طرق التعذيب بيش تقتل امجد 😠👌
محمد..وفاء وفاااء
وفاء انتبهت ع روحها...اه هاا شنو وصلنا😥
كوثر خبطتها..وين عقلك😂😇
امجد..تفكر في الانتقام اكيد😉
وفاء انخلعت😑💔 وقالت ف سرها بسم الله هذا مرابط ولا كيف
محمد ..سكتت شكله حق😂😂
وفاء..هوووي انت وصاحبك عليا ولا شنو😡
كوثر ...اهو انا معاك😂😂😂
وفاء ...لا والله مع راجلك😏😂😂
وصلو المحل وخذو كل شي يستحقوه وهم طالعين
وفاء ....ووووووك عليا🤤😍😍
كلهم انفجعو من عياطها وجوها يجرو
محمد..شن في😨
وفاء..القفطان يهبل😍😋
قفطان طويل اسود من جيهة الصدر مفتوح وكمه دانتيل ومن لوطه مبوج💃
امجد قعد يضحك..العياط هذا ع قفطان مالا كان ذهب شنو😂😂
وفاء..هاهاهاا😡💔
محمد..بري اطلعي خليتيني نرعش مع بعضي
وفاء ..لااا والله حبيته😭
طلع محمد وكوثر و وفاء زعلت وطت راسها ولحقتهم وامجد قعد يشوف للقفطان ونادى العامل..بكم هذا صديقي!؟
العامل..520دينار يا خوي
.
.
_______
و روحو كلهم كل واحد لبيته خذت كوثر معاها حاجتها وقعد كيس واحد ماعرفته لمن..
محمد..هاك يا وفاء بالك لك كوثر ما عرفاته لمن
وفاء...ماضني ليا بس تو نشوفه وخشت لدارها زعلانه
ليلى.. خيرك ماده وجهك كيف البومه
وفاء..سكري فمك وانتي معاد عرفنالك صرفه
وطلعت ليلى وقربعت الباب وراها
وفاء ...كسرا
وشن فيه الكيس هذا حتى هو وتفتح الكيس تلقاه قفطان وطلعاته بيش تشوفه طلع القفطان اللي عاجبها😍
اتاريه جابه ليا ويستعبط يقول ماعرفته لمن 😂😂
وطلعت تجري لمحمد تحضنه وتبوسه..شكرا شكرا شكرا 😍😍😍❤
محمد ببرود...عفوا عفوا عفوا بس عليش🤔
وفاء ...بلا استعباط عارفتك انك جبته ليا😋
محمد ..تي شن هوا🙄
وفاء ..القفطان 😑
محمد انا ما جبت قفاطين طلعت قبلك من المحل انتي نحسابك جبتيه😐
وفاء انصدمت..بااه من جابه يعني😕
وفاء ردت لدارها واتصلت بكوثر🤳
كوثر..ايوه فوفو
وفاء..مرحبا شن جوك
كوثر ..الحمد لله لحقتي اشتقتيلي🤣
وفاء بضحكة مجامله..ههه ايه وحبيت نشكرك
كوثر ...شنو عيوني
وفاء توترت..ع القفطان
كوثر..اين قفطان🤔
وفاء..قصدك ما جبتي شي ليا
كوثر لا ولله حبيبتي ما جبت شي شن في مالا
وفاء ...خلاص نحكو بعدين
.
.
معقوله يكون الجربوع امجد لان مافي غيره
لالا مرات صاحب المحل...بس هذا غالي اقل شي500 ما ضني صاحب المحل
______
وقعدت وفاء تفكر وكل شوي تطلع بفكره لحد ما رقدت😴
~~🧒👩
وفاء قعدت تشوف لواحد واقف ع الشباك عطيها بظهره
وفاء..امجد!؟
امجد لف وشافها بنظره كلها حنان..عيوني
وفاء ابتسمت..انت مافي منك القفطان خيال
امجد ضحك..انتي اللي خيال وقرب منها وحضنها😍😚
~~~~
وتنوض وفاء مخلوعه من النوم..بسم الله شن الحلم هذا😪😥
مالقيت الا نحلم بالحيط هذا اعوذ بالله
وناضت توضت وصلت الصبح وقعدت ع سريرها تفكر ف الحلم😐
معقوله عشان جابلي قفطان نحلم هكي حلم😂
مبردني
......
وبعد مده عيلة محمد عزمت عيلة كوثر ع الغدا ...
الرجال ف المربوعه والنسوان في الصاله
و وفاء وبنت خالتها مريم ف المطبخ
وفاء..سلم مرومه خوذي السفره للمربوعه
مريم..لالا فكيني..تو نشوف خوك علي ونتعاركو انتي عارفه اللي بينا
وفاء..من انولد علي وهو يتعارك معاك عارفه🤣..هاك خوذي بدال وانا نرفع
وطلعت وفاء رافعه السفره
_____
امجد...محمد نبي نطلع ندخن.
محمد خش للمر بيش ماحد يشوفك خير
امجد ..تمام
____
ويطلع محمد واول ما بيطلع الدخان جت وفاء بالسفره
وفاء انفجعت لاهي متحجبه ولاهي لابسه كويس
شن ادير هنا انت
وامجد وطى راسه طلعت بيش ندخن ومحمد قالي خلك ف الممر بيش ماحد يشوفك
وفاء..دامك مش قدها ليش تدخن😏
امجد..سكري فمك يا مشفشفه وهاتي السفره
ويقرب امجد بياخذ السفره
وفاء..شكرا على القفطان
امجد يرفع راسه ويبتسملها وخذا السفره وخش للمربوعه
وفاء طبعا بنضرته مشت لعالم ثاني وقعدت تتبسم بلا سبب😍
.
.
وكمل اليوم ع خير طبعا كوثر ما جت العزومه بس اما عيلتها كلها جت
.
وجا اسبوع فرح كوثر ومحمد
.يوم السبيزه عدا ع خير وبعده الحنه والتغدايه الحمد لله ع خير
.
.
يوم الخميس
.
.
.
امجد متعصب..و الله نكسره راسك هذا
وفاء..اه يدي اطلقني يا متخلف
امجد ..والله الحركه هذي لو تكررت نقتلك تفهمي
وفاء ..انت مالك علاقه اطلقني😭💔
.....
#يتبع
شن اللي معصب امجد وشن اللي بديره وفاء وشن يصبر نعرفوه البارت الجاي

#لولي دوو🙈😍