حين أحببتك ❤

البارت الثاني عشر🙈👣

ادهم..انا..
وفاء..هاا انت شنو
ادهم..انا نحبك يا وفاء وناويك بالحلال وكلمت حتى امي بس كنت نبي نعرف رأيك بيش امي تتفضل عندكم
وفاء....انت ..احمم.. الحق مش مستوعبه اول مره ننحط في هكي موقف
ادهم..انا مش طالب رايك تو فكري ف كلامي واعرفي اني شاريك بكنوز الكون فكري وقريب وردي عليا
وفاء..نوعدك اني نفكر
ادهم ..تمام..شن رايك نفطرو تو
وفاء..والله التوتر اللي انا فيه تو يبي اكل😅
ادهم ..عارف😂
.
.
عند امجد..
امجد..اليوم مجتمعين هنا بيش نديرو دراسة جدول لمشروعنا الجديد..
محمد..انا جهزت كشوفات المصاريف والمدفوعات كلهن
خلود..انا عندي اقتراح ممكن يوسع دخل كل شخص ف الشركه من ورا هالمشروع
امجد..شنو فكرتك يا خلود
محمد..يعني هو من رد ندير حساباتي بسببك😂
خلود..😂😂..شغلك وتحمله
امجد..اعتقد ان احنا ف اجتماع
خليفه..احمم..بصفتي محامي الشركه نبي شوي استفسارات بيش نتم كل شي مع الضرائب و..
قص عليه امجد.. من يومنا خدمتنا نضيفه!!
محمد..احمم..ما قال شي يا امجد
خليفه..انا المحامي العام لهذي الشركه من يوم بديت فيها يا امجد ونعرف الخدمه زين بس كان فهمتني نبي أوراق بيش نتفاهم مع مصلحة الضرائب قبل كل شي كان هذا انت عارف شن يصير
خلود..انحس ان الجو تكهرب بلا داعي ..شن رايكم ف قهوه
محمد..ياريت 😋
امجد..انا طالع شوي تو نجي
طلع ولحقه محمد..
محمد..شن في!؟
امجد..مخنوق شوي
محمد..احكي بالك ترتاح
امجد..اسمع..كان قلتلك نبي اناسبك
محمد..بالجوده طول طبعا
امجد..تسلم ان شاء الله نبي وفاء
محمد..بأذن الله ليك
.
.
بعد كم يوم 💭
فتحيه...نوضي يا بنت سادك نوم
وفاء..يمي كان تبي شي كلمي ليلى
ليلى..لا ليش انا نبي نرقد
فتحيه ..يا عازتي في بناتي نوضي يا وفاء
وفاء...اوووف انا ما نصدق بيوم الجمعه بيش نرقد
فتحيه جاينا ناس ف العشيه نوضي وتي معاي
وفاء..من التافه ولد التافه اللي يجي يوم الجمعه
فتحيه..هم حق تافهين اللي شافولك هي نوضي
وفاء..🙄
...
جهزوا كل شي من النسكافي للعشي للحلو المشاريب
.
فتحيه.. هي سلم بنتي امشي غسلي ورتبي روحك والبسي دبش قنين
وفاء..وووه يمي من ربي مهلوكه ومازال بنقابل عرب
فتحيه..من بيضيف انا ولا بوك
وفاء..وخيرها ليلى
فتحيه..اختك صغيره ومرعوشه اسمعي الكلام وامشي
.
.
بعد نص ساعه هكي جو الضيوف..
فتحيه.. مرحبتين نورتونا
خيريه..مرحبتين بيك بنورك والله سلمك
.وسلمو وخشو..
وفاء..وووه تو ناقصني..
ورفعت سفرة النسكافي و ليلى وراها بالمترد والمناديل
واول ماخشت وفاء
خيريه..ماشاء الله والله زين ما اختار
والنساوين كلهن ..ماشاء الله
وفاء استاكت وقعدت ان خطبه وبدون كلام ضيفت وطلعت
جتها ليلى..طلعو جاين يخطبو
وفاء..انصدمت..بس قالي فكري وخودي راحتك وشفته بكري ما كلمني
ليلى..امجد؟
وفاء..معاش نبي نسمع اسمه نحكي ع دكتوري
ليلى..اووو قصه جديده
وفاء..بالله اطلعي من راسي
شوي ولمي الطواسي بين ما وتيت سفر العشي
ليلى..تمام
.
.
ومشت الليله ع خير بس وفاء ف راسها الف سؤال
.
العيله ملتمه
فتحيه..شن كلمك محمد يا حاج
صالح..كلمني الحمد لله زايط
فتحيه باه الحمد لله
وفاء قاعده تراجي في حد يتكلم بيش تفهم
ليلى..تو نفهملك انا😉..يمي
فتحيه..نعمم
ليلى..من هذيم اللي جو بكري
صالح.. صح ماقلتيلي شن صار
فتحيه..هذيم بيخطبو وفاء والحمد لله عجبتهم وكل شي تمام وانا قلتلهم نشاور البنت وبوها
صالح..خير ما درتي انتي خليهم يومين ثلاث و ردي عليهم موافقين
وفاء انصدمت كيف قاعدين يقررو ف حياتها وهي ولا حرف وصبت وخشت لدارها..
وفاء..كيف هم ما دوروني انا مانبي نزوج يارب والله مانبي قلبي مجروح من امجد مازال قلبي يوجع 💔😫
.
.
ومرت ثلاث ايام وفاء معاش مشت الكليه ومسكره نقالها
وفتحيه كلمت الناس وقالت موافقين وقررو ان الخميس يجو الرجاله يفضو طول والاسبوع اللي بعته يعقدو والعرس الاسبوع اللي بعده
.
.
مر الوقت
.
وفاء ف الكوافيره..
الكوافيره..الف مبروك
وفاء..شكرا💔
الكوافيره..هي نبدو
وفاء..تمام..
/ تو معقوله اليوم زفتي..مر الوقت بسرعه..يارب انا حتى اسمه مانعرفه وخايفه ان يطلع ادهم يارب انت كتبتلي الشي هذا اكتبلي فيه الخيرر/
الكوافيره..يلا بيش تلبسي الفيلو
وفاء..مشاء الله كملتي بسرعه
الكوافيره..😂 ساعتين فاتو راه..هي هي
.
.
لبست ولبستها الكوافيره الكاب وجت ليلى ومحمد بيش يروحو بيها
ليلى ..ماشاء الله تهبلي
وفاء..هي نطلعو وركبت ف السياره
محمد..الف مبروك
وفاء..حميده امتى روحت😍
محمد..شن تبي فرحك يفوت عليا
وفاء..توقعتك تروح من اول ماسمعت بخطبتي
محمد..والله كنت بنروح وحتى كوثر قعدت تقول تبي تعول لخوها بس الحجز صارت فيه مشاكل
وفاء..تعول!!
محمد..هي غطي وجهك قريب نوصلو
وبدن اصوات الرصاص والتبيب وتزغريت و وفاء بدأ قلبها يوجع
نزلو وفاء و وقفوها قدام الخيمه بيش يجي العريس يدخلها
وفاء واقفه وتسمع ف كلام اللي حواليها لكن ما تشوف ف شي وفجاءه شد يدها
وفاء/يارب / وقعدت ترعش
وخشو هم الاثنين للخيمه ع أسماء الله الحسنى
لين وصلو للكوشه..اللي يصور يصور واللي يزغرت يزغرت
وفاء واقفه تراجي يرفعلها حد الكاب من عليها وخايفه
وفاء..انخنقنت
...هي تو نرفعه
وفاء..صوتك!!
ورفع الغطاء وشافته..امجد!!😟
امجد..هكي كويس
وفاء..بس..
وقصت عليها امها جت بالبخاره ..الله اكبر ع بنيتي
وقمعزو العرسان وشربو بعض الحليب
وفاء ما نطقت ولا حرف دماغها مستاك
وبعد تمت الزفه روح بيها امجد وطول الطريق ولا حرف..
بعد شوي وصلو🏠
امجد..تو نلفلك دقيقه
وطلع من السياره وفتحلها الباب..هي يا عروسه
وخشو
.
اول ماخشت وفاء شافت سياج واسع فيه جلسه وضلاليه وخشو للبيت صاله كبيره فيها جلسه ازرق ملكي وطاوله البيت4ديار وحمامين ومطبخ والمربوعه بحمامها برا ف السياج
.
امجد..نورتي حوشك وان شاء الله لو ما عجبك شي نغيروه مع الوقت
وفاء..امجد ممكن نفهم
امجد..شنو
و فاء..بلا كذب..انت ليش تعاملني بجو..تبيني نحبك ياوفاء ما تبيني نقعد كيف الكلبه نجري وراك بيش نفهم بس ما تعبرني وتو تبيني ازوجتني
امجد..تعرفي اني نحبك
وفاء..ما نعرف شي..وين الدار
امجد ..هاذيك
وفاء..صحيت
.
بعد ساعه
وفاء ف الدار الباب يدق
وفاء..نعم
امجد..بدلتي؟
فتحت وفاء الباب وكانت لابسه بيجامه سروال اسود وكت اسود..شن تبي
امجد..يعني عريس يوم زفته شن يبي
وفاء..ماتحاول فيا يا امجد مش لعبه انا ترمي وتقيم بجوك
امجد..انا مارميتك
وفاء..تصبح على خير
وخشت وسكرت الباب
امجد..باه دبش نبدل
وفاء..مش حتموت لو رقدت هكي
امجد..ينعن#$@
.
بعد شوي الباب قعد يدق
امجد..بسم الله من الحول اللي جاي تو
وفاء سمعت الباب وطلعت
امجد..شو طلعك
وفاء..انخلعت قصدي مش وقت متأخر
امجد..يستر الله خلي نشوف
وفاء..بنطلع معاك
امجد..بلا جو
وفاء..ما بنخليك بروحك
وطلعو هم الاثنين امجد فتح الباب..ياربي لين امتى
وفاء شافت لامجد.. كيف !!
امجد.....
#يتبع
من اللي جاهم ف همي وقت..وهل ممكن تصلح الأمور بين وفاء وامجد كله نعرفوه البارت الجاي ان شاء الله 😍

#لولي دوو🙈😍