حين أحببتك ❤

البارت الحادي عشر 🙈👣

البارت الحادي عشر 🙈👣
امجد..قررت قرار🙄
وفاء..اوووف بتحرق أعصابي قول
امجد..قررت ندير خير ف عمري ونضحي بحياتي
وفاء..بسم الله شن في
امجد...قررت ندير فيك خير ونزوجك
وفاء..😂😂..والله معفن
امجد..اليوم جيت للبيت اللي خبرتك عليه وكل شوي نصين فيه مكان وانثث بالشوي وان شاء الله كان تصبري معاي..
قصت عليه وفاء..نصبر عمري كله❤
امجد...ربي يخليك ليا ان شاء الله ❤
.
.
الصبح ثاني يوم 🌅
وفاء قدام حوش محمد..هي يا محمد
محمد ..دقيقه نلبس الكندره
وفاء..عندي امتحان نخاف نتأخر
محمد.. هي انزلي اسبقيني
ونزل محمد وركب ف السياره مع وفاء واسقدو ع الكليه...
محمد.. هي انزلي وبعد تكملي كلميني
وفاء..ان شاء الله مع السلامه
محمد..مع السلامه
..نزل وفاء من السياره وخشت الكليه..
شافتها منى خاشه جت تجريلها
منى.. اهلا😉
وفاء.."ولا حرف"
منى ..مش ميته ع ردك غير جيت نخبرك ان فتره بس وتسمعي بعرسنا يا حلوه😍🤣🤣
وفاء..انتي احلمي بس🙄
منى..ايه نحلم ونحقق حلمي
وفاء..وهم كله امجد ما يحبك ولا يبيك ولا حتى يفكر فيك
منى...بضحك استفزاز..انا ماحد يقدر يقولي لا غصب عنه ناخذه😉
ومشت وكان وفاء غارقه ف افكارها
قطع عليها الدكتور ادهم..صباح الخير
وفاء..هاا..اه صباح النور
ادهم..يلا ولا ناسيه امتحانك
وفاء..لا انا غير سرحت شوي...
..
منى ..الللله😍..مسمحهم ضروري امجد يشوفهم
وصورتهم كم صوره بالخبث ودارتلهم إرسال لأمجد😈🤞..هكي انا ماشيه تمام
.
.
بعد كم ساعه كملت وفاء واتصلت بمحمد ان يروح بيها وكان ف خاطرها امجد يكون قاعد😍
وشوي هكي جا محمد بروحه
وفاء..اهلا
محمد..شن امتحانك اليوم
وفاء..الحمد لله..مالا صاحبك غريبه ما جا اليوم
محمد..تعودتي عليه مالا🤣🤣
وفاء..لا غير استغربت 🤭
محمد.. ياستي اليوم ع الصبح جاي للخدمه كاره روحه ويخبط ويعارك وبعدها روح بكري بدون كلام
وفاء..خيره زعمك😐
محمد ..والله ما نعرف
..
.
ف الليل⛼
وفاء...اووف هذا خيره ما يرد والله قلبي بيوقق
خلي نبعتله رساله..💬حبيبي خايفه عليك واجد طمني عليك محمد قال انك من الصبح كاره روحك
بعد ربع ساعه رد عليها..💬 من ادهم!!
وفاء بأستغراب..💬ادهم!! شن تقصد
محمد..💬اللي الصبح تضحكي معاه وجوك سمح
وفاء..💬..هذا دكتور الماده اللي عندي فيها امتحان وهو اللي ساعدني وقت منى جابلتي الفروخ وانا ديما نحكيلك عنه
محمد..💬 بعتلها الصور
وفاء..💬 نهاري الأحرف تراقب فيا يا محمد
💬هذي الحركه ما توقعتها💔
محمد..💬 هذين الصور يا فالحه بعتتهن ليا منى..انتي هبله تو تخايلي بدل ما تبعتهن ليا نشرتهن ع الفيس
وفاء..💬حسبي الله والله تعبت انا شن يصبرني نكمل ونرتاح منها كل شي ملاحقتني فيه
محمد..💬..ردي بالك بس ..تصبحي على خير
وفاء..💬..نكرهك
.
.
ثاني يوم الصبح🌅
.
امجد فتح عيونه ع رساله من منى.."نبي نشوفك "
ناض قعد يحاول يصحصح..منى ولا انا غالط بس شن تفكر مثلا ع اساس كان بعتتلي حنمشيلها
وناض دوش وغير دبشه وطلع..
..
عند وفاء..فتحت عيونها وهي ف خاطرها تلقى رساله من امجد بس مالقت شي...يارب تو هذا شن نسميه..والله ماعندي خاطر حتى انوض...
وردت رقدت
.
.
بعد كم ساعه ناضت..اه راسي
وشدت نقالها..يارب ولا حتى حرف💔
.
.
عند امجد..خلود
خلود..نعم استاذ امجد
امجد..بالله كلميلي محمد ضروري
خلود حاضر
.
.
شوي وخش محمد ..ها يا زعيم دورتني
امجد..ايه نبيك ف موضوع شن رايك نطلعو للمطعم ونتكلمو
محمد..تمام بس كل شي تمام الا الخدمه انا مأخر سفرتي معاش نقدر ع من اختك السفره الاسبوع الجاي
امجد..لالا مش شور الخدمه هي تعال
محمد ..هي..
.
.
وفاء..يمي انا بنركب نهدرز ع كوثر
فتحيه..امشي يا حنه اميره هي ما تنزل
وفاء..ليش تنزل يمي بيش تحصل هزايب وكلام بايخ منك ..تي الحمد لله انها بنت اصل ومتحمله عشان محمد
فتحيه..اوقفيلها بالك ادخلك الجنه
وفاء..انا ماشيه بسلامه
.
.
طق طق طق🙋‍♀️🚪
كوثر..منوو!!
وفاء..الغوله
وانفتح الباب
كوثر ..يا قلبي باهي اللي جيتي
وفاء..خيرك وجهك تاعب شن في
كوثر..تعبانه يا وفاء
ومشت تجري للحمام🤮
وفاء..بسم الله عليك شن فيك
كوثر..مش عارفه ليا كم يوم هكي..شكله تسمم ..قلتله محمد ما نحب الحليب
وفاء..وانتي ليش تشربيه يا بنت ربي يهديك
كوثر..معاش نتحمل انا اتصلي بيه بنموت🤮💔
وفاء ..مشت جري ع النقال واتصلت بمحمد
.
.
امجد ومحمد خشو للمطعم من هنا ويجهم اتصال وفاء من هنا🤳
محمد...ايوه..شن في ..باهي جاي
امجد..شن في
محمد ..كوثر مريضه
امجد..خودني معاك..
.
.
بعد ربع ساعه وصلو وخش امجد ومحمد..
وفاء اول ما شافت امجد قلبها قريب يطلع من مكانه وخشت طول لدار كوثر
محمد..شن فيك
كوثر..كله من الحليب انا عارفه
امجد..شربتي حليب منتهى الصلاحيه
محمد..تغير نوضي البسي بس
كوثر..وفااااء جيبيلي عباتي بالله
وطلعت وفاء بعد ما انسترت وجابتلها عبايتها..
امجد عيونه عليها لكن مش مبين..
محمد..هي بسرعه
كوثر ..هي
محمد ..هي يا امجد
امجد.. هي هي
وطلعو هم الثلاثه وقعدت وفاء وقلبها محروق من نظرات امجد💔
.
.
في المستشفى بعد نص ساعه🏥
.
الدكتور..ان شاء الله تو شوي وتطلع النتيجه ونعرفو
محمد..ان شاء الله
كوثر..قولك يا دكتور تسمم
الدكتور..انا بحسب خبرتي لا وتو نتأكد
وخشت الممرضه ف يدها أوراق..تفضل يا دكتور
الدكتور..شكرا..اممم..اهاا
محمد..بعصبيه.. شن في!!
الدكتور..الف مبروك المدام حامل
كوثر..ح ح حاااامل😍
محمد بدون انتباه..حضن كوثر ..الحمد لله 😍
.
.
وطلعو لامجد وخبروه وفرح معاهم و روحو وتكو ع الحلاواني خذو كيكه وحلويات وروحو للبيت
.
.
فتحت وفاء الباب..
محمد بوجه حزين..مازال تراجي
وكوثر وامجد ساكتين
وفاء..شن خيرك زاعل
كوثر..تسمم و بندير عمليه بعد9شهور
امجد قريب يضحك لف وعطاها بظهره
وفاء قعدت ترعش..لا حول ولا قوة الا بالله ليش9شهور ليش مش تو باهي
كوثر..خليني نخش قبل تعبانه
محمد..هي خشي خشي حبيبتى
امجد..انا نستأذن
محمد ..مع السلامه بكره نتلاقو
امجد ..تمام تصبحو على خير
خشو كوثر ومحمد وطلعت وفاء بسرعه تلاحق امجد
وفاء..امجد..امجد
امجد التفت..شن طلعك
وفاء..كان ترد عليا ما لحقتك
امجد..بسرعه اركبي قبل لاحد يجي
وفاء..امجد ليش أدير هكي فيا
امجد..اركبي يابنت
وفاء..مش راكبه لين تفهمني..معقوله يطلع كلام منى حق وانكم حتجوزو
امجد..آخر مره نسمع سيرتها ع لسانك
وفاء..خايف عليها ولا عليا
امجد..اركبي وفاء
وفاء..تمام بنركب ومعاش نبي نفهم خيرك ولا عاد نبي كلمه منك
امجد..استغفر الله العظيم
وفاء....
وركبت فوق وهي تبكي وما قدرت تخش
.
امجد ف السياره..اخخ ياراسي والله مش عارف منين نلقاها
.ويجيه اتصال من منى.
امجد ..اعوذ بالله بيش تكمل
.
.
عند منى..
منى ..الرساله وما رد واتصال مارد شكله العمل ما نفع ولا كيف ماعندي غير بكره نمشيله ونعرف
.
ثاني يوم الصبح🌅💭
.
وفاء طالعه من المحاضره شافها الدكتور ادهم
ادهم..صباح الخير
وفاء..صباح النور
ادهم..فاضيه توا
وفاء..ما عندي شي لين ال12
ادهم..كويس عشان بنكلمك ف موضوع
وفاء..صح والله من هذاك الوقت بتكلمني😂🤭
ادهم😅..كل مره نشوفك ما بصير من الكلام
وفاء..اي والله حياتي آخر فتره تعجنت
ادهم..شن رايك نعزمك ع قهوه ونفطرو
وفاء..قهوه بس وانا اللي عازمتك ضريبة تأخير شن رايك
ادهم..دام هكي باه😂😂
.
.
وفاء..وهاذي القهوه هي تكلم
ادهم..احمم..موضوعي شوي صعب
وفاء..يستر الله
ادهم..انا ليا فتره منجذب لبنت و كل مره نحاول نتقرب منها نزيد نحبها
وفاء..وين الصعب هذا كله شي حلو
ادهم..انا قررت اليوم نكلمها
وفاء..احسن شي تبي مني نكلمها
ادهم..لالا انا نبي نقوللها
وفاء..مالا انا شن مطلوب مني
ادهم..انا..
وفاء..هاا انت شنو
ادهم..انا نحبك يا وفاء وناويك بالحلال وكلمت حتى امي بس كنت نبي نعرف رأيك بيش امي تتفضل عندكم
وفاء......

#يتبع
شن صاير ف امجد وشن بدير منى وقرار وفاء شنو كله البارت الجاي ان شاء الله
//تفاعلو بليز حتى لو بلايك//

#لولي دوو🙈😍