حين أحببتك ❤

الحلقه الأخيره ❤

❤البارت الخامس عشر والأخير ❤
...
اسعفوها امجد ومحمد بسرعه..
استقبلوهم الممرضين والدكتاره بسرعه ودخلوها العمليات ..

امجد..معقوله وفاء لا يارب ما تمتحني فيها الا هي ما نتحمل يارب💔
محمد..وحد ربي تو الدكتور يطلع يطمنا
امجد..يارب
محمد..مش حيصيرلها شي ان شاء الله
امجد..منى وين
محمد..علي حابسها ف البيت قال بيبلغ فيها
امجد..انت خليك هنا وتو نجي
محمد.. وين ماشي
امجد..تو نجي
...
منى مربوطه وطايحه ع الارض وعلي تلاها..
يخش امجد..انتي هنا يا كلبه..والله الا ننهيك نخليك تتمني تكوني كلبه حق وما تكوني بنادمه
منى..فكوني انا تو نفسيتي ارتاحت
امجد نتلها من شعرها بقوه..هو اني حنخلي فيك نفسيه بيش تعرف الراحه..علي تعال ارفع معاي
منى..وين رافعيني
امجد..ليش الاستعجال
منى..خلوني
.....
بعد 5سنين...
امجد..قول امجد
الولد..امذد
امجد..عصبتني ليا ساعه امجد امجد يا حمار
الولد..حمال
كوثر..🤣🤣..عيب يا صلوحه هذا خالو
صالح الصغير..باهي ماما انا نبي نلعب
كوثر..خلاص أطلقه حرام عليك 😂
امجد..مش عارف لمن طالع ..ان شاء الله اللي ف بطنك يطلع لي
كوثر ..نبيها بنت 😏
محمد..سمعت حد قال لمن طالع..تي هو نسخ لصق تقول ولدك😂😂
امجد..ولدي انا مستحيل يكون هكي😑
كوثر..يا ثقه انت😂😂
امجد..انا تو مروح يادوب نلحق كرامتي
محمد ..اهرب هذا اللي نافع فيه😂😂😂
امجد..تصبحو على خير
...
وصل امجد لحوشه فتح الباب شاف الفرش منشور ومازال يقطر
خش جوا بعصبيه..انا كم مره قلت ما تقربيش شي
..انا ف الحمام
امجد..ع اساس تهربي ف الحمام..
وطلعت من الحمام وبطنها قدامها ف شهرها ال6..
امجد..ما صدقت ع ربي رزقنا بعيل ولا نسيتي قديش عانيتي بسبب الرصاصه اللي جت ف بطنك
وفاء..ما تذكرني انا ما صدقت ع ربي انها اختفت من حياتي
امجد حضنها..وفي خاطره قال..ولا حتطلع يا قلبي..
.......
قبل 5سنين
منى..وين رافعيني
امجد..ليش الاستعجال
منى..خلوني
امجد..اصبري يا حلوه
وبعد ربع ساعه وهو يسوق ف السياره..
نزل ونزلها
منى..وين احنا..امجد رد
امجد..تو تعرفي اللعب كيف تحملت كل شي منك لكن جبتي اخري
منى..هذا كله عشان نحبك ..فك يدي
امجد..تو هم يفكوه..وطلع تليفونه واتصل..
امجد..ايوه اطلعي انا برا..تمام
وشوي طلع واحد لابس عسكري..هلا هلا منورنا ف المركز اليوم..
امجد..نورك يا فتوحه
فتحي..من هذي😉
امجد..هذي وحده زعلت رفيقك
فتحي..اه معناها بأذن الله آخر مره تشوف الضي
امجد..اصلي
فتحي..عندها أهل ولا كيف
امجد..تو تعطيك هي رقمهم اتصل وقول انها قتلت وسرقت وحتعدموها ولا دير اي دباره لكن معاش نبيها تطلع لين تموت
فتحي.. ولا يهمك
منى..حسبي الله ونعم الوكيل
امجد..ههههه طلعت تعرف ربي
فتحي..كلهم جوا مسلمين ماهو😂😂
امجد..مع السلامه فتوحه
فتحي ..مع السلامه طريقك زينه
.......
بعد 5سنين
امجد حضنها..وفي خاطره قال..ولا حتطلع يا قلبي..
وفاء..امجد
امجد..عيونه
وفاء..نحبك واجد
امجد..وانا نموت فيك واجد واجد❤..
.
بعد شهور جابت بنوته سموها ليلى و كوثر جابت ولد ثاني سموه يوسف ع بات كوثر وامجد ومحمد كبرو خدمتهم اكثر واكثر وسالمه اخيرا تقبلت وفاء وصارت تمشي وتجي عليها بينما فتحيه ف رضت عن كوثر بعد جابت صالح 😂❤
وهذي نهاية الروايه..
الحياه بسيطه والحب عمره ماكان غصب بس لو حبيت عمرك ما ترخي بحبك..سوا لصديق او حبيب الحب عمره ما كان خيار لان لو انضربت معاش ينفع الرجوع 😍❤❤

ان شاء الله تكونو استمتعو بيها ولو في اي نقد ف انا نتقبل النقد بجميع انواعه
وان شاء الله نلقى دعم لان هذي أولى روياتي وان ان شاء الله مش الاخيره وبأذن الله رواية حين أحببتك لها جزء ثاني انتظروه❤💭

#لولي دوو🙈😍