بنات طولتلكم الفصل على قد ما اقدر لانى معرفتش انزل فصلين خالص ❤
________________________
الفصل الرابع و العشرون :
تسمر الجميع مكانهم بصدمة مما استمعوا اليه و نظروا تجاه سيد الذى كان الأكثر صدمة ظل يتطلع على باسم بعدم تصديق ....
أما داغر فأحتدت ملامحه و سيطر الغضب عليه فتحرك من مكانه يريد ان يصل لباسم و يلقنه درسًا مرة آخرى
فقام ذلك الرجلين بإمساكه و منعه من الوصول لباسم فظلت ضحكات باسم تصدح بسعادة و هو يرى غضبه ذاك
-سيبونى اوعو بقولكم اوعوا وربنا يا باسم لو مسكت ما هخلي فيك حتة سليمة
ثم جز على اسنانه رامقًا شقيقة بنظرة سريعة فهمها عدى فاقترب مهرولًا لاكمًا احدى الرجال ليحرر داغر أثر تلك اللكمة التي تلقاها فالتفت داغر للاخر و ظل يلكمه تحت صراخ سعاد خوفًا على اولادها
اتسعت عين باسم ونهش الخوف قلبه وهو يراهم يسقطون ارضًا فابتلع ريقه و أخرج سلاحه من ملابسه حتى يتحامى به
وما كاد ان يقترب منه داغر الذى انتهى هو و عدى من ذلك الرجلين حتى وجدوه يشهر بذلك السلاح بوجههم قائلًا
-مكانك يا حلو انت و هو الا وربى اصفيلكم العيلة
فتبادل كل من عدى و داغر النظرات و صدرهم يعلو و يهبط بغضب ،وكان سيد لايزال على صدمته يتطلع عليه بصمت و لا يتحدث فالتفت باسم اليه قائلًا
-مالك يا جدى الصدمة شديدة عليك مش كده
صاح به سلامة قائلًا
-انت عايز ايه مننا يا باسم !!!
تجاهله باسم و ظل يرمق سيد بنظرات متحدية شامته و قال
-ايه رايك فيا بقى عجبتك مش كدة
ظل سيد لازما الصمت فرفع باسم يديه واضعها على فمه بطريقة مسرحية قائلًا بصدمة مصطنعة
-لا متقولش انك زعلان ده انا تربيتك يا ....جدى
واخيرًا خرج صوت سيد من حلقة و يشوبه بعض من الغضب
-طلعت واطى يا باسم و حقيقى صدمتني فيك،انا كنت بعتبرك واحد من احفادى عمرى ما فرقت بينكم عاملتك زى ما بعاملهم بضبط عمرى ما حسستك انك مش من العيلة صرفنا عليك و علمناك و فى الاخر ده جزاتنا
ارتسمت السخرية على وجهه و قال
-معلش بقى اصل خيرًا تعمل شرًا تلقى يا سيد يا هلالى و بعدين ما انت عارف انى بعشق الفلوس،المهم خلوني ادخل في الموضوع علطول
انا مستعد اديكم مبلغ حلو يسندكم شوية بدل ما انتوا على الحديدة كدة بس ده طبعا هيبقى ليه مقابل و هو انكم تقنعوا وجد تتنازل عن القضية
صاح داغر به بغضب
-مستحيل انت سامع مستحيل و الفلوس اللى بتكلم عنها دى متلزمناش فى حاجة خليهالك ...
