هينة والغول

27

يوسف : كيف كتسمعي
رحمة : ولكن واش انت تيقتي هاد الخرايف كيفاش غول داها مافهمت والو
يوسف : نتيق علاش مانتيقش دابا ماشي وقت الشرح خليك هنا وقومي بالواجب
رحمة : وانت أخويا فين غادي؟
يوسف : نرجع هينة ماتنسايش شنو دارت معانا والواجب لي قامت بيه حسن من الرجال جا الةقت لي نرض ليها خيرها او وقفتها الى سولات عليا سلطانة كولي ليها خرجت حيت جاتني سفرة على غفلة اما انت منخافش عليك راكي فآمان
رحمة : تهلا فراسك أخويا ورد البال...خرج يوسف من بيتو ونزل لتحت خرج على برا فطريقو تلقى ليه موسى اليد ليمنى ديالو
يوسف : موسى القصر وماليه أمانة فرقبتك رد ليه البال بحال الى هنا
موسى : فين غادي اسيدي عينيك بحال دخان ولسانك على غير عادتو
يوسف : ماشي مهم تعرف كولشي المهم دير لي وصيتك بيه...ضرب فيه ركب على العود ديالو وخرج من القصر...
****
هادي أعوام وأعوام طويلة كان كالس السلطان سليمان مهموم ومغمومة شاد راسو بين يديه وسارح حتى حركو ولدو صغير
يوسف : مولاي شفتك.مهموم ومغموم شنو واقع؟؟..شاف فيه بااااه وسرح ساااكت كيفكر
سليمان : شر حوايج كيوقعو مكايصدقهم لعقال ولكن لي كايطرا قدام العين كيخلي العقل يتيق ويحير
يوسف : مولاي وضح كلامك شنو لي واقع من موت جدة رحيمو الله يرحمها وانت مغير حالك
سليمان : إيييه أولدي جداك مسكينة ماتت وخلات حصرة كبيرة
يوسف : كنتي كتكول ليا بلي الموت حق علينا كاملين علاش انت مقلق ياك كلتي ليا بلي نهار يبغيك الله أيديك
سليمان : اه ولكن الى متي على قبل شي إنسان ولي قتلك غضرك صعيبة اولدي
يوسف(غوبش) : مولاي كتخبي عليا وعمر حاجة خفات عليا واش جدة ماتت مقتولة وعلامن ضحات وشكون لي كان سباب فموتها؟
سلطان : الغول أودي غول الجبال هو سباب فموتها الغول لي كان ناوي يخطفك هذا شحال وحلف نهار تولي عندك 15سنة ايجي يديك ولكن جداك وقفات ليه وضحات براسها باش مايأديكش قطع بيها 5 جبال كل جبل فلون وفالاخر طعم لحمها لطيور
يوسف : وراه خاصنا أبا نصفيوها ليه علاما دار لجدة😠
سليمان : أحياني اولدي أش وصلنا ليه هو كاين فالبلاد لي مافيها ريح مافيها سكان
يوسف : كنواعد أمولاي نهار يحصل بين يدي غادي يخلص كاع لي دار لجدة رحيمو وغادي تشوف وتكول يوسف ولدي كال...
****
طريق كاملة ويوسف كيفكر فأيام زمان والوعد لي قطعو على باه مايمكنش هاد الغول يحرمو من أعز الناس اللولة جداه وتانية حبيبتو ولب رادها ليه قلبو وبغاه كون صاب يكون عندو جنحين ويطير لعندها ويوصل عليها ولكن معندو مايدير غير يصبر لحر الشمس ولطريق...
****
فبلاد غير كل البلدان خالية من السكان غير ريح وشيح مكاين حد من غير واحد الغار كبير وعريضة مضلم ليل ونهار كيبعث الخوف فقلوب الناس ولكن منين دخلات ليه هيا بلطافتها نورها سطع فيه نورو او ضواه...كانت كالسة مسكينة كاتغزل فصوف وتحسر على أيامها كتحسر على ميمتها لي موحال تشوفها مزال وعلى باها لي كانت تنزل على إيدو تبويها كل نهار... حدرات راسها شافت فالخاتم لي فيديها انهدات تنهيدة طويلة ورجعات لصوف ديالها غير سلات وهزات واحد الشطابة شطبات بيها سلات شغالهة وحطات يدها على خدها حتى سمعات صوت المهراز
المهراز : لالة مولاتي علاش ماخولتيش شعرك راه مخبل وانت انت كتعرفي سيدي كيديرو وسادة وينعس عليه فليلو قبل نهارو...خنزرات فيه هينة ورجعات شافت القدام...شوية دخلات البومة كدور راسها وفعينيها وتغوت بجهد وكول..
- ضيف الخير جاي ضيف الخير جاي
المهراز : شكون؟
البومة : ضيف الخير جاي قرب أينورنا ويهز رحالو عندنا ضيف الخير جاي...