حب حلال ( روايات ليبية )

حلقة 1🔥

#حب_حلال  🔥  المقدمه والحلقه 1 🔥 🆕
حكايه من الخيال وحانحكي بلسان البطله و عمركم حبيتو وتزوجتو من راجل أصغر منكم 👐 تعالو معايا👈 طبعا انا اسمي دلال م 1989 يعني عمري 30 سنه  انا وحيدة عيلتي ماعنديش لا أخ ولا أخت وانا تمنيت يكون عندي بس عندي صديقاتي معتبرتهم زي خواتي وأكتر وطبعا ماننكر ان في منهم سيئات الطبع بس  عادي انا قلبي ❤ طيب وما قطاعتهم وتعالو انعرفكم اكتر عليا قبل 👉 سنوات وانا في ثانوي كان عمري
وقتها 16 سنه رغم مزلت صغيره بس عيلتي مربيتني
كويس وعندهم ثقه فيا انتوو عارفين ان من اصعب  مراحل الدراسيه هي الثانويه تعرفو ليش لان وقتهاا
حاتكوني في سن المراهقه وفي بنات يمكن يلعبن 👐
علي كل تفكيرك وان انتي بنت ومن حقك تحبي وكذا
وتجربي بس انتي ❤ فارده شخصيتك وتربية ❤
عيلتك وكل كلمه انقالت مش قادره تنسيها وان غلط
الشي يلي تحكي في البنت وتعالو تابعو قصتي في

🔥  الحلقه 1  🔥     🔥 قبل  12  سنه  🔥

نادتني ماما يا دلال يا دلال طلعت من غرفتي بسرعه
وكنت نلبس في شنطه امتعي متع مدرسه عديت لها
وقتلها نعم بحتت فيا وقالت ... انتي اليوم اول يوم
دراسه لك في الثانوي فنبيك يا بنتي ما تكوني واثقه
في اي حد لان مستحيل ما تقابليش في حياتك وحده
سيئه الطبع 👌 فنبيك تفردي شخصيتك وما تسمعي
اي كلمه منهم انا هك ربيتك ونبيك تحطي في راسك
انك ماشيه عشان تقري بس مش علي شان شي تاني
تمام يا بنتي وانا انحبك انتي بنتي الوحيده وما نبي
شي يضر بنتي وبوك رافع راسه فيك ويعزك لا تنزليه
وانا ابتسمت وحبيت علي راسها وبحتت فيها ...ماما
انا بنتك وخليك واثقه فيا وكل شي علمتوه ليا انتي
وبابا انا حانطبقه نقدر نمشي توا وماما ابتسمت راك
تنسي تاخدي فطورك وانا هزيت راسي وقتلها حاضر
قبل ما نطلع من الحوش لحقتني ماما يا دلال وانا ❤
بحتت فيها وهي قالت ديري بالك من الطريق وعلي
روحك وانا ابتسمت ماما تهتم بيا واجد وحريصه عليا
عديت حضنتها وقتلها انحبك ❤ وهي باست خدي
وقالت وانا انحبك وهي امشي تأخرتي وانا ابتسمت
وطلعت وماما قعدت تدعيلي ان ربي يحفظني ❤
ويوفقني في دراستي ❤ انا قعدت نمشي للمدرسه
يلي تبعد كم شارع وانا ماشيه خطمت من حدايااا
سياره 🚗 وفيها شاب بس ما بحتش فيه وعرفته
من صوت ضحكه كملت طريقي عادي وهو قعد ورايا
بسيارته وينابش فيا بس انا ما عدلتش عليه بكل ولا
بحتت فيه لان بابا شيخ في الجامع وقالي يابنتي ما
تبحتي وانتي بحتي للنضره الاولى فقط وغضي بصرك
واذا بحتي في النضره التانيه معناها هالشي غلط ✋
وربي قال "" قل للمؤمنين يغضو من أبصارهم *
وقل للمؤمنات يغضون من أبصارهم "" وانا ابتسمت
ومابيتش انبحت في الشاب لا نضره الاولى ولا تانيه
وكملت طريقي حتى وصلت للمدرسه شفت فيها بنات
واجد في يلي تضحك بصوت عالي وشفت راجل الامن عيونه عليها نزلت راسي طول وانا اذكرت ان بابا قالي ان صوت المرأه عوره ومايصير تعلي صوتها
وتضحك بصوت عالي قدام اي راجل وخاصة اذا هي
مش حلاله وانا كلمات بابا مستحيل ننساهم خشيت
جوا وطبعا ما وصفتلكم شكلي انا طولي عادي 👉
وعيوني كبار ولونهم اسود وبيضه واجد وملامحي
جميله جدا ومن جمال ماما وبابا ❤ قعدت عالكرسي
حتى بدوه في الصف وخشيت معاهم وقالو اي وحده
في الصف الاول ثانوي تقعد في الجهه المقابله واي
وحده في الصف التاني تقعد في المجاوه للصف الاول
وان التالث يقعد مقابل الاول درنا زي ما طلبو وطبعا
مدرسة بنات مش مختلطه يعني قعدنا في طبور 👐
حتى بدوه في التمارين وبعدها قلنا النشيد وخشونا
نخشو بهدوء ونظام عرفت فصلي ولقيت مقعد فاضي
قعدت فيه وجنب الروشن انحب نقعد حداه الروشن
تنهدت وبعدها حسيت ببنت قعدت جنبي وقالت هلا
رديت بأبتسامه اهلين 😊 وبعدها لاحظت ان هذي
نفسها البنت يلي تضحك امبدري درت روحي عادي
وبحتت قدامي سمعتها قالت شنو اسمك يا حلوه 😇
انا بحتت فيها اسمي دلال 😊 وأنتي وهي قالت 😌
اسمي نهله تشرفت فيك يا دلال ومدت يدها تسلم و
انا بحتت في يدها لوقت وسلمت عليها وبعدها جات
استاذه وعرفت بنفسها وتحكي علي مراحل دورتها
للمجاستير 😕 زي العاده لازم ما تقابلنا استاذه تحكي
عن نفسها وااالخ بس طولت ومليت بكل ومن بداية
المحاضره حسيت روحي نعست من جهة ملاك يلي
تعلق عالاستاذه كل اشويه ومن جهة الاستاذه نفسها
يلي اسمها موده واخيرا انتهت محاضره علي نفسها
وبدت تشرح وحسيت شرحها مش اويي 👌 يعني
محاضره يلي عطتها لنا علي نفسها توا بانت بشرحها
السيء وتلكلك 😕 طارت نيتي وحق ربي وندمت ان
جيت وحولت راسي من مخده عشان انجي ونشوف
هالقهر يلي قدامي كان خاطري نصبي ونطلق لساني
عليها بس من واجبي نسكت ونحترمها بس اذا 👉
اطوالت عليا او تكرر شرحها هك وحتى في الامتحان
مافهمت طريقة شرحها ولا امتحانها انا نقعد مطره ان
نشكي فيها اه تنهدت وسرحت وانا نخربش عالدفتر
بملل وماحسيت الا الاستاذه جاتني وكرت الذفتر مني
وبحتت فيه وبعدها بحتت فيا وانا بلعت ريقي وهي
طلقت لسانها عليا وقالت ان هي تشرح وان انا مش
محترمتها وقعده تخربش ومش منتبها معاها وقعدو
الكل يبحتو فيا وانا بجديات رقيتلي من تصرفها و
خاصة ان الكل عيونهم عليا الفصل كبير وفي اكتر من
طالبه بعد زودتها ودارتني اني غلطانه وكذاا صبيت و
بحتت فيها بس انا درت هك وهالشي يعتمد عليك انتي لان شرحك سيء جدا وما فهمت منك شي وهي
عصبت وقعدت تلكلك وقالت انتي فرخه صغيره 👉
اتجي وتعلميني وتقوليلي ان مانشرحش كويس وانا
خلاص مش متعوده حد يعاملني هك ولا يطلق لسانه
عليا انا طول فترة دراستي وانا مجتهده فيها والكل
محترمني وحتى يكرمو فيا بحتت فيها وقلت بثقه
لو كلامك صح اسألي البنات وقولي هل فهمتو مني
يا طالبات او لا ولو قالو اها فهمنا منك نوعدك ماعش تحقي وجي في الحصه امتعك ولو قالو لا ما فهمنش
وقبل مانحكي هي قالت شنو لو قالو لا تشكو فيا هضا
يلي ناقص وانا بحتت فيها ورفعت حاجبي بس انا ما
قلت شي لاعند توا وتوا انقولك ان اذا قالو لا فلازم
تغيري طريقة شرحك من فضلك يا استاذه بدون زعل
وهي قعدت تبحت فيا بنضرات كره وانا نزلت راسي
وهي بحتت فيهم وقالت شنو صح كلام زميلتكم انا
شرحي سيء وانا بحتت فيهم وشفت الخوف بعيونهم
بس نهله يلي جنبي جات معايا وقالت اها شرحك سيء هي بحتت فيها طول وقبل ما تحكي وتقول ان
انتن الاتنين جنب بعضكم وانتن يلي حكيتن سبقنها البنات وقالن شرحك سيء يا استاذه وقتها حسيت
ان اضايقت وقعدت عالكرسي لوقت وهي ساكته و
منهج قدامها حسيت ان مش فاهمته كويس وتراجع
فيه وبعد وقت صبت وبدت تشرح بطريقه تانيه بس علي الاقل اهون من الاولى 😕👐 اهوو مشي حالك
شرح مقبول ولا جيد ولا جيد جدا ولا ممتاز هو مقبول
بعد كملت شرح تفنص فيا وخلاص لقتني ماتكلمتش
وعرفتني راضيه بالشرح هضا وانا ساكته وبس مش
بالعاده اندير مشكله مع استاذه انا بس والله ما كانت
تشرح كويس كان سيء جدا بعد انتهت حصتها بنات
قالن صحه لكي وان لولاك ما كانت غيرت طريقة 👉
الشرح وان ابتسمت ونهله بحتت فيا وقالت عجبتني
شخصيتك حسيتك صريحه ويلي في قلبك علي 👉
لسانك انا ابتسمت وبحتت فيها مافي اجمل من ان
تكوني صريحه و اثقه بنفسك ❤ وخديت حقي توا
والاستاذه شرحت كويس ونهله بحتت فيا وقالت انا
نبي نكون صديقتك عادي وانا هزيت راسي وبعدها
جات حصه تانيه وتالثه واهو شرحهم كويس واخيرا
جاه وقت الاستراحه طلعت ولحقتني نهله وقالت
نمشو الحمام اشويه وعديت معاها وهي خشت وانا
مانحبش حمامات الاماكن العامه توقعتها ان تبي 👉
الحمام ضروري بس هي طلعت تليفونها وهو ممنوع
سكتت ما سألتها شنو اديري وكانت حاطته في وذنها
واليد التانيه ادير في ميك اب علي وجهه وانا مليت
الحق ولما جيت نبي نطلع هي سكرت تليفون وشكله
الشخص ماردش لان كانت معصبه وقالت كيف تطلعي
بدوني ونحنا جينا مع بعضنا بحتت فيها بس انتي
طولتي وانتي واقفه حداه مرايه وانا مانحبش انراجي
حد ونهله حسيتها زادت عصبت بس مسكت روحها
وقعدت تمضغ في مستكه وبعدها حطت  كل شي يخصها في شنطه وجات خطمت من حدايا ومشيتها
كلها غرور وانا ما عجبني تصرفها وعديت وبعد وقت
لقيتها ورايا لان ما لحقتها انا لان حسيت انها مش
مزبوطه الحق بحتت فيا وقالت تعالي نفطرو مع 👉
بعضنا وانا تنهدت وقتلها لا شكرا توا وان عندي فطور
وتوا ناخد بعدين اشويه توا ماعنديش نيه وهي قالت
شنو كنك لاويه وجك عليا انا قتلك نفطرو مع بعضنا
وانا عندي فطور عليش تتهربي حسستيني قتلك هيا
نمشو نسكرو وانا عصبت طريقة دوتها ونضارتها 👉
كانت مش طبيعيه حسيت انها غريبه او فيها شي !!
قتلها معليش حولي من طريقي ودرتلها حركه جمدتها
من مكانها يلي هي ان ما عبرتها وخطمت من حداهاا
وعديت وانا نبتسم وهي لحقتني وكرتني مع يدي
وقالت انتي شنو تسحبي روحك يا ماما خلاص لو
قتلك امبدري انتي صريحه تستفزيني بالشكل هضاا
هك كنك رافعه خشمك وانا ابتسمت وقلت انا لا 👉
رفعت خشمي ولا نزلته 😌 بس ماتريحتش لك وانا
سبق وقتلك اني صريحه وقبل ما نمشي وقفتني لو
سمحتي ما تعديش خليك اشويه نبي نقولك حاجه
وانا ألتفتت وبحتت فيها وصدمني يلي قالاته وخاصة
ان سؤال مش وقته بكل في موضوعنا 😕👐 !!!

#يتبع

🔥 سلطانه كوكي 🔥