حب حلال ( روايات ليبية )

حلقة 6🔥

#حب_حلال 🔥 🔥 الحلقه 6
جاه بابا بعد كمل شغله وقعد جنبي وفرحت بجيته وحرارتي بدت تتحسن وهو خايف عليا واجد وانا نكره المستشفي كملت عمري فيها بحتت في ماما يلي كانت اتصلي وتدعيلي ابتسمت وتمنيت انكون متحسنه وانصلي ❤ لكن مش قادره صبيت امبدري ودخت مش شايفه قدامي بكل اه تنهدت وقلت ربي يشفيني وبابا قال ان بات نهله اتصل وقال ان نهله تتصل بيك وتليفونك مقفل فقلت ان انتي راقده في مستشفي وتعبتي خافت عليك وقعدت تبكي وتوا حاتجي لاعندك وانا هزيت راسي وبعد وقت جات نهله وجاتني وبابا صبا من حدايا وهي قعدت جنبي وقعدت تبكي وقالت كنك شنو صارلك وانا مبحوح صوتي فرد بابا عليها وقال ما تخافيش هي من صغرها تتعب وماتتحملش لما يخش الشتاء يصير فيها هك ونهله نزلو دموعها سلامتك دلوله 😭 وانا هزيتلها راسي وابتسمت لها وجات ماما سلمت عليها وسألت علي احوالها فقالت الحمدلله بس انفجعت لما لقت تليفوني مقفل وان بوها قال ان تعبانه وقعدت تبكي وانا شديت علي يدها وقلت بصوت واطي ما تخافيش انا بخير وهي حمدت ربي وقعدت معايا لوقت حوالي ساعتين وبعد اطمنت عليا عدت مع بوها وانا روحت في اليوم التاني وغبت يومين عالمدرسه وهديل استغربت غيابي وطلبت من خوها يشيلها لاعندي تطمن عليا وتعطيني كتابتي وكانت عندي نهله وتغير في جوي لما رن الجرس ماما طلبت من نهله تفتح وتشوف من يمكن بوها فعدت نهله طلعت وما لبستش شالها لان علي اساس بوها لان قال قريب يجي اشويه انصدمت لما شافت امير وجنبه هديل
حست لسانها انشل وعرفاته اهاا هضا هو يلي ساعدها والسياره وراه هذي نفسها يلي ركبت فيها بلعت ريقها وهو يبحت فيها وساكت وقطع هالصمت هو هديل يلي قالت هضا مش حوش دلال ونهله هزت راسها اها
هضا وهي جوا تفضلي وهديل ابتسمت وخشت ونهله
بلعت ريقها وبحتت في اخرا وهو قال ان شاء الله ما
يكونش جعزك اخرا الشاب وعطاها نضره فهمتها طول وجعتها شايفها ان هي سيئه 💔 وان متعت علاقات
غمضت عيونها وقتها وهزت راسها بلا وخشت تجري جوا ونزلو دموعها بكت لان نضرلها هك ومن شوفته اذكرت يلي صار نهارتها وهي تحاول تنسى ومن شوفته قعدت تبكي بزياده وخاصة من نضاراته لهاا
وهديل خشت في غرفتي بعد طلعت عليها ماما وقالت لها ان غرفتها عاليمين وجاتني ودقت الباب وانا استغربت جيتها وقعدت وهي جاتني وسلمت عليا
وقالت وينك مختفيه من يومين حكيتلها يلي صارلي وقالت الحمدلله علي سلامتك وانشغلت عليك وانا قتلها الله يسلمك وتسلمي ومدتلي كتبي وقالت شكرا وانا ابتسمت وقلت عفوا وهي قالت كتبك منضمات و واضح انك مجتهده بدراستك حتى كاتبه دعاء الدراسه وانا ابتسمت وقالت هديل ان كتباته مني وقعدت كلما تقرا تقول هالدعاء انا ابتسمتلها وقلت ما جعزوك البنات يلي نهارتها حسيتها ارتبكت اشويه وبعدها خشت نهله وقعدت جنبي وانا عرفتها علي هديل وسلمن علي بعضهم وبعدها انا بحتت في هديل وقلت جعزوك صح هزت راسها هديل وقالت ان بعد انا غبت ألتمن عليا وقعدن يعزقن في دوا وان عديتلك وكذا وان انتي نفسيه وماتحبيش اتعيشي حياتك ولا تبي البنات يعيشن حياتهم ويفكرن يحبن وان انتي وحده خبيثه وانا انصدمت 😣 معقوله هك يحكن عليا ونهله قالت دغري لهديل وانتي شنو صدقتيهم
فأبتسمت هديل وقالت لو صدقتهم عليش انجي نطمن عليها بجديات انتي يا دلال الوحيده يلي في مدرسه حكيت معاها وانسجمت وتريحت في دوا معاكي ❤ ولكن البنات يلي دون عليكي كلما نشوفهم يشهد عليا ربي ان ننغم ونضايق حتى نحكي معاهم بدون نيه هك ومش متريحتلهم ابدا ولكن انا فقدتك لما غبتي وقعدت في مكانك ومافيش حد قعد معايا لان عارفينه مكانك حسيتهم ان بالرغم حقدهم عليك وتشويه سمعتك بس يخافن منك هنا حسيتهم فقلت
لان مايقدرن يقربن مني خديت نهله وخديتك انتي
بصفي انا وهالشي هضا كرهم فيا بزياده وانا ربي ❤
مقويني وانا ما نطلعش من حوش الا وانا ذاكره ❤
الاذكار مش حايقدرن يضرني وانتن يا صديقاتي ❤
اقرن الاذكار ديما ونحنا لازم ما نفترقو ونكونو مع بعضنا ديما نكونو سند لبعضنا في فرحنا وحزنا ونهله
قالت بأبتسامه وعد مستحيل نفرط فيك يا دلال وانا معاك ونحنا في الطريق الصح ❤ وهديل قالت وانا
نوعدكم ان مستحيل نفرط فيكم وان نستمرو في
صداقتنا للآبد وانا لاحظت علي نهله انها حزينه وفي
لمعة حزن في عيونها بس قبل ما نسألها بوها جاه وهي ودعتنا وعدت وامير برا في سيارته لمحت سيارته ونزلت راسها طول وركبت في سياره وقلبها
موجوع 💔 اضايقت واجد ان يشوف فيها ان سيئه
تنهدت وسرحت في روشن وبعد وقت امير اتصل بهديل وطلب منها تطلع خلاص وهي سلمت علينا وطلعت لاعند خوها يلي بحت فيها وقال البنتين هذينا شنو دوتهم ادبالك يا هديل تكوني مصاحبه بنات متعات جو وعلاقات صدقيني مش حايصير خير وهديل قالت بسرعه لا والله يا امير وحق الله وخاطر هالمغرب يلي قعد يأذن توا نا نكذب عليك بحرف بنات ما شاء الله عليهم اخلاق وطيبات وانا مستحيل
نلاقي زيهم والله كويسات بكل وامير سكت وعارف اخته ما تكذبش عليه ساق السياره وهو يفكر بينه وبين نفسه ويقول معقوله البنت يلي خداها الشاب هك زي ما مدحتها وشكرتها توا اختي معقوله تطلع كويسه وانا ليش شنو يهمني عليش انفكر فيها انا اصلا كرهت سريب البنات من يوم يلي خانتني فيه خطيبتي وقهرتني انا شلت من راسي فكرة الارتباط والزواج حسيت ان وقتي يلي ضيعته في جرت بناء شقتي علي اساس نتزوج من  خطيبتي يلي خطبوها ليا عيلتي هو وقت ضيعته علي انسانه ما تستاهل انسانه خاينه ولكن انا مش عارف شنو صايرلي من يوم يلي شفت فيه بنت الناس يلي ساعدتها ومن وقت ما لمحت شكلها وكيف تبكي وهي واخده عقلي ونفكر فيها واجد انا حطيت في عقلي ان مستحيل الشاب يجيه بروحه يعني اكيد دايره معاه جو وحركات من قبل ومتعاركه معاه حتى يجيه ويتصرف هك معاها بس قصة دموع ورعشه وتوا اختي تشكر فيها وان كويسه ومستحيل اتفرط فيها لا هي ولا البنت التانيه يلي حكتلي عليها والله مش عارف شنو انقول خير ان شاء الله وساق السياره وهو في نص الطريق خطر علي باله يسأل علي اسمهم وقال شنو اسمهم صديقاتك والبنت يلي فتحت الباب شنو اسمها ردت هديل بأبتسامه حلوه يلي فتحت الباب اسمها نهله ويلي انا جايا انزور فيها اسمها دلال وقالت ان مريضه عليش ما جاتش من يومين وامير هز راسه

اااه بالنسبه لنهله عاشت اصعب ليلة يمكن اتمر في حياتها ليله صعبه جدا كانت حساسه واجد ما تحملت نضارته لها هك حسسها ان هي دايره عار كبير وهو غلط صغير وندمت عليه وما تبي تغلط اخرا واذكرت كلامي انا وعدت توضت وصلت وبكت وهي تصلي وان ربي يفرجها عليها وماتبي تذكر الماضي امتعها
رقدت بعد كملت صلاتها وهي تتمنه ان ماعش تبكي اخرا وطبعا جاه يوم تاني وكان عطله بسبب الصقع يلي بادي قعدت في حوش ما طلعت ولا حد جاه بس انا في غرفتي وسمعت ترحيب وسلام وكذا صبيت وشفت  صاحبة ماما يلي شفناها في مستشفي نهارتها
وجايبه معاها ولدها سراج وشكله ولدها الوحيد قربت سلمت عليها وسلمت علي سراج ولدها وهي قعدت تمدح فيا وانا تحشمت 🙈 وجي قعد احمر وجات عيني علي ولدها يلي يبتسم ليا واذكرني وقال زي الدكتور ....كيف حالك توا متحسنه انا ضحكت 😂
يضحك فيا هضا وامه وماما ضحكن وماما رحبت بيها وطلبت اتخش جوا في غرفة الظيوف وقعدت معاها وانا قعدت اندير في ظيافه اشويه شفت سراج جاه وقعد عالكرسي يلي في مطبخ وانا ابتسمتله وقلت سنه كم تقرا أنت يا سراج فقال انا سادسه ابتدائي وانتي فقلت انا اكبر منك ونقرا اولى ثانوي 😊 ابتسم
وقال وقتها كلمه ضحكتني قال ياريتك من عمري 😉
ضحكت وقلت ليش تبيني من عمرك فقال اصلا انتي
غير عن كل بنت شفتها انا ضحكت عليه وعلي تفكيره وحسيته منطلق واجد 😂👐 وهو يبتسم دققت في ملامحه وعيونه الملونه عجزت نعرف لونهم ازرق او اخضر وهو اشعل رديت لشغلي وبعدها هو قال تبي مساعده اصلا انا نساعد في ماما في الحوش ابتسمت
وقلت لا شكرا وعطيته عصير وقالب كيك فرح بيه وقالي انتي درتيه قلت اها درته في الصبح ولازم يقعد في الثلاجه لوقت فرح وبدأ ياكل فيه وقال سلم يدك
انا ابتسمت وعديت ظيفت جوا لأمه ولماما وبعدها خشيت لغرفتي لان سمعت تليفوني يرن وكانت نهله سلمت عليا وقالت كيف حالك اليوم وقتلها الحمدلله وانتي وبحتت في جهة الباب ولقيت سراج يبحت فيا
انا استغربت وقتها وان شنو قصته حسيته يبي يتقرب مني واجد وبعد كملت دوتي مع نهله عديت قعدت معاهم وهو لحقني لما قتله تعال غادي فقالت امه اكيد تعقدتي منه سامحيني يا بنتي بس هو ديما هك يحب يهدرز حتى مع بنات خلاته وعمه اتحسيه
غريب من تصارفاته بس هو والله كويس وليدي ونعرفه وانا ابتسمت وبحتت فيه وقلت لا بالعكس ما اضايقتش منه وحبيت هدرزته وربي يحفظه لك وهي ردت تسلمي ويحفظك يا بنتي وبعد وقت هما عدو وبابا جاه علي طلعتهم وفطن لسراج جوا وبحت فيا ولقاني حاطه شال ابتسم وانا ضحكت وفي عقلي ان هو صغير عادي يعني واذا شاف شعري بس انا فيكم تقولو مش قادره ننسه لا كلام بابا ولا ماما دقيقه في كل شي في تصرفاتي وحركاتي يعني بوجود سراج يلي عمره 12 سنه وأنا 16 بس حاطه شال ومغطيته شعري وحتى لما شفته واقف حداه غرفتي هو ما خشش لها وانا طلعت منها اصلا وقعدت معاهم مستحيل ننسى حدودي وتعاملي معاه وانا اعتبرته خويا لسراج حسيته كيوت وحنطوش 😂👐 ويشبهلي اشويه المهم بعد فتره بدن الامتحانات النهائيه ونهله وهديل قتلهم نقرو مع بعضنا خير وقعدن يجني ونقرو مع بعضنا كل وحده تشرح تانيه يلي مش فاهمتها وماما ما قصرتش وتدعيلنا وجابت ظيافه لناا وكل امتحان يمر نروحو فرحانين لان حلينا والحمدلله وانتهن الامتحانات وخدينا العطله كلها نمشو ونجو لبعضنا وعلاقاتنا تطورت واجد وتعودنا علي بعضنا وكان امير كلما يجيب هديل وان عارف ان متفقات يتلاقن اليوم يبحت في جهة الباب ويشوف من يفتح مرات نفتح انا ومرات نهله بالصدفه كل شي
بس هو يدور علي نهله ❤ حاس بمشاعر اتجاهه وان هديل مزالت تمدح فيهم بحت في اخته بعد روحت من عندنا وقال نهله مرتبطه يا هديل ؟؟؟

#يتبع

🔥 روايات سلطانه كوكي 🔥