حب حلال ( روايات ليبية )

حلقة 13🔥

#حب_حلال 🔥 🔥 الحلقه 13 🔥
خش عليا بابا في غرفتي وقال يا دلال انا بحتت فيه وهو قال كبرتي وجاك عريس وانا انصدمت وبحتت فيه لا ياربي لا وسراج ليش فكرت فيه طول ليش وهو صدمني وقال ولد عمك يحي طلبك مني توا وقلت عطينا اسبوع ونردو عليك وانا انصدمت حسيت بأحساس ذبحني وبيني وبين نفسي لا مانبيه مانبيش يحي ولا نبي غيره 😭 انا ملك حد تاني ليش قلت هك من هالشخص هضا سراج معقوله ليش سيرته علي لساني ديما ليش شنو درت فيا يا سراج
شنو قصتك معايا شنو دايرلي معقوله انحب واحد اصغر مني ونرفض ولد عمي يحي يلي اكبر مني معقوله وين قعده انا غمضت عيوني وبابا بحت فيا
وقال فكري كويس يا بنتي وأستخيري وبعد اسبوع حانخد ردك وكيف ما كان انا معاك انا مانغصبش بنتي ان تزوج حد مش راضيه عليه الدين ما قالش هك ابتسم وصبا وخلاني حايره ومقهوره لا مانبيش ولا نبي نفكر يا بابا مانبيش يحي مانبيش ليش عصبت ليش اضايقت مانبيش حد 😭 غيره هو مانبي غيره حاي عليا شنو انقول كنك يا دلال شنو صايرلك شنو دايرلي سراج شنو الشي يلي داره خلاني مهووسه فيه هك زيه شنو دارلي حطيت يدي علي وجهي وقتها وبكيت بصمت طلعت كل يلي في قلبي خشت عليا ماما بعد بعتها ليا بابا ان تشوفني انا بكيت في حضن ماما يلي خافت عليا وقالت ياروحي كنك شنو صايرلك وانا بكيت اخرا وبحتت فيها ماما يا ماما مانبيش يحي ولا نبي غيره نبي نكمل طموحي مش مستعده عالمسؤليه توااا وقعدت نبكي ولا قدرت نحكي شنو انحس لأي حد وماما مسحتلي دموعي وقالت اهديي يا بنتي اهديي احكيلي ليش هك حالتك ليش تبكي بوك ما جبرك قالك فكري ما قالك تاخديه غصبا عنك انتي عارفتيه ما يتحمل فيك حاجه ما بالك يغصبك علي شي انتي ما تبيه مستحيل يديرها هو يحبك واجد ويلي تبيه هو يلي يصير بس ماتبكيش بالشكل هضا يابنتي وانا حضنتها ونزلو دموعي بصمت 😭 وحالتي بكل سيئه بعد عدت ماما رقدت نهرب من كل مضايقني 😭

وبالنسبه لهديل حكالها امير عن يلي صار وان عمر جاه واعترفله بكل شي وان طلبها وخلاها تفكر وحايره بعد جاه الليل انا كنت نايضه اتصلت بيا انا ونهله في مكالمه وحده انا حكيت ومابينت حزني وقتلها يا هديل اذا هو جاه وطلبك وناوي الحلال معناها هو رايدك فعلا وخاصة بعد قال لخوك يلي داره هالشي داره رغم ان  يمكن يخسر رفيقه هك بس هو تشجع وحكاله كل شي وخوك انتي كبرتي في عينه انتي ما خنتي ثقته ولا عطيتي وجه لعمر وحكيتي معاه بالسر وهديل كانت تسمع وساكته ونهله قالت كلام دلال صح يا هديل وامير عصب من عمر بس بعدها قال القرار الاول والاخير لهديل اذا هي حاتكمل حياتها معاه او لا وتوا انتي لازم تفكري كويس وانا استئذنت وانهيت الاتصال دغري وفتحت الروشن وبحتت في القمر وسرحت طلع في مخيلتي سراج اخرا اه ياربي ليش هك شنو صايرلي معقوله هضا الحب يلي يحكو بيه ويلي قريت عليه معقوله انحب سراج يلي انا اكبر منه معقوله يلي ياما بكيت وانقهرت لما ماما قالت زمان أن تعقد لانك قلتي اعتبرني اختك الكبيره واضايق منها معناها هو شايفك غير وانك شي مهم في حياته وهالشي اتبته ليا وقاله ليا وقال ان يحبني وان يموت فيا ولا قادر ينساني بس يلي متردد هو انا
مش قادره نتقبل علاقتي مع شخص يصغرني وانا كنت معتبرته خويا تنهدت بوجع وجاه اليوم التاني وكنت هاديه جدا كنت عارفه ان سراج حايجي  يشوفني قعدت في نفس الكرسي ونرجا فيه فطنت لنفسي ليش تراجي فيه ليش غمضت عيوني ولا لقايه ايجابه لأسألتي 😔 جيت نبي نصبي حسيت بيه جاه رفعت راسي ولقيته واقف مقابلني ويبتسم ليا انا قلبي دق بسرعه ارتبكت ومش عارفه شنو صايرلي وكني قلت له علي ولد عمي صبيت وبحتت في عيونه كنت نبي دليل يتبثلي حبه الكبير ليا وقلت نبي نقولك شي ابتسم هو وتوقع شي تاني واني موافقه عليه تحولت ابتسامته من قولتي ان امس طلبني ولد عمي فطنت ليده  يلي شاد عليه وقعدت حمرا ونار شاعله فيه 🔥 بحت فيا زين وقال وانتي شنو ردك موافقه
وانا قلت بكذب احتمال انوافق عليه لان مناسب ليا واكبر مني وانا شفت الغضب في عيونه 😡 رفع صبعه في وجي وقال بتهديد 👉 صدقيني وحق يلي
خلق الكون في 6 ايام انتي تنزفي لغيري انا يا نقتله ونقتل روحي يا نقتلك انتي ونقتل روحي يلي يهمني انك ماتكوني لحد غيري انتي ملكي سوا عايش او ميت انتي لسراج وبس وانا حذرتك يا دلالي ❤☝
وانا مصدومه وقلت تهددني وهو قرب مني واجد انصدمت وخرت طول وهو وقف وبحت فيا انا ما نهددش غير لما توافقي علي ولد عمك اذا وافقتي يا قلبي صدقيني تكوني شيطتي فيا النار 🔥 ولا يقدر حد يطفيهااا غيرك انتي وعداا وانا وقفته بصوتي وبكذب قلت انا موافقه عليه وعديت نجري شنو تبي ادير يا سراج وريني شي يقنعني انك تحبني فعلا خشيت للقاعه وانا قلبي يبي يطلع من مكانه واما سراج فكان معصب بكل وقرر يجيني اخرا في الليل في الحوش 😱 وانا انصدمت لما نط من السور وقعد يذكر في غرفتي وين قعده وعرف مكان روشن غرفتي جاه ودقها وكرس وكان متأكد ان هي فعلا المقصوده وانا استغربت وقلت من توقعت عويل صغار يلعبو وقتها وان بابا ناسي باب السور مفتوح هك جاه في عقلي او ان من صوت ريح لان برا مطر بكل وسقع ...وانا ننصدم لما فتحت الروشن ونلاقي سراج قدامي وفوقها كر يدي وحطها بين وجه انا انصدمت وجاتني رعشه حاولت نفك يدي بس كان قوي ماقدرت وهو مزال متبت يديا بين وجه وعيونه حمر بكل وقال بصوت قطعلي قلبي انتي تبي توافقي عليه احكي وانا قلت بإصرار علي كذبي انا جاوبتك وقتلك ردي وبليز اطلق يدي اطلقها وهو شد عليها اكتر وقال بحتي في عيوني وقوليها قولي انك فعلا موافقه علي ولد عمك او قولي انا موافقه عليك أنت مش علي ولد عمي
وانا بلعت ريقي وبحتت فيه وقلت مش حانوافق عليك أنت وهو وقتها طلق يدي وانا بحتت فيه وهو وخر وبحت فيا اذا انتي مش حاتكوني ليا ولا حاتوافقي عليا شي يوم انا حانموت قدامك وبحت في صوت الرعد يلي توا والمطر يلي تمطر بالقوه وبحت فيا مش حانمشي وحانرقد هنا عالارض وتمدد عالارض والمطر تقطر عليه كانت مطر قويه وكان يرعش قلت انت مجنون مجنون 😭 شنو ادير جنيت
ما تعذبنيش يا سراج صبي وامشي لحوشكم وماتعذبني وهو يرعش وانا قلبي قريب يوقف حرام عليك يا سراج صبي وروح لحوشكم ما اديرش فيا هك وهو قال وهو يرعش مش حانمشي حتى تقولي بكل صدق انك مش حاتوافقي علي اي حد غيري وانك حاتراجيني حتى ناخد الشهاده العاليا متع ماجستير لان بكرا مسافر نقرا برا لمدة 5 سنوات اوعديني انك تراجيني وماتزوجي بحد تاني غيري انا حانمشي وسلح جاكته وقعد بي تي شرت خفيف وانا نزلو دموعي انت مجنون وهو ماردش عليا والمطر قويه وانا ماعش دويت ولا هو دواه عيوني عليه وهو يرعش من السقع كان بكل سقع قلت بصوت مرتبك انا حانراجيك وهو دغري رفع راسه وبحت فيا ؟ اكيد !
وانا غمضت عيوني وقلت اكيده حانراجيك لاعند ماتروح هنا وهو صبا وقرب من الروشن وانا بحتت فيه قعد مبلول ويقطر اميه وجعني 😭 وهو مسك يدي حسيت بيده المثلجه بكل بحتت فيه وقال وما توافقيش علي حد غيري أنا وهو يبحت في عيوني وانا من مسكة يده ومن قربه قعدت نرعش وحالتي حاله بحتت فيه وعيوني كلها حب ومانندري علي نفسي وقلت بدون ما نفطن انا حانراجيك وما نوافق علي غيرك أنت انا ملكك وبس وهو ابتسم الله ما احلاها ابتسامته ردت الروح لياا باس يدي وما طلقها حاولت نفكها منه وهو ما طلقها خداه دفاء يدي ليده المثلجه بحتت فيه سراج يدي وهو مزال ماسكها ويرعش من السقع وبحت فيا ونضراته يلي نعشقها ماقدرت نشيل عيوني من عليها ماقدرت تلمست وجه بين ايديا بعد حطهم بين وجه وغمض عيونه اه ياربي شنو اندير انا حاسه روحي نغلط قعده نزلت يدي بسرعه وحطيتها في جيبي وهو أبتسم وقال بصوت واطي تواصلي معايا خشي علي حسابي وتابعيني واعرفي اخباري وانا برا البلاد وخليني نعرف اخبارك واجد عليا 5 سنوات ومانعرف عليك شي وانا سكتت وبعدها قلت حاسه روحي نغلط وهو قال لالا انتي ما تغلطي انتي ما في منك ولا عمري شفت زيك انتي نادره في الوجود وقلبك مافيش أطيب منه ❤
وانتي ماتغلطيش ما تخافيش لأن حبي لك حلال انتي حاتكوني زوجتي وحاتكوني حلالي وانا ناوي الحلال ومانبي الحرام حطي هالشي في راسك يا دلالي وعطيني تليفونك نحطلك علي حسابي وقعد يكح وانا خفت عليه لقيت روحي جايبتله تليفوني خداه وناش يدي وانا نزلتها بسرعه وهو ابتسم ويده التانيه حطها علي شعره و وخره لاوره كان مبلول بكل وشعره طويل اشويه انا قعدت سرحانه فيه وهو حط علي حسابه وبعت لنفسه طلب صداقه ومدلي التليفون وبعد جيت نبي ناخده مسك يدي وباسها مره تانيه نزلو دموعي ليش هك بحت فيا وقال نبي ريحتك تعلق فيا ادعيلي انجي بالسلامه وانجي دكتور وانا يلي نعالجك لما تمرضي وتكوني حلالي وانا قلبي قعد يدق ونزلت يدي بعد طلقها وانا قلت امشي خلاص وقاطعني قال نمشي بس توعديني تتواصلي معايا علي طول وتحكيلي عن يومك اوكي وانا هزيت راسي وهو ابتسم وقال نحبك يا دلالي ❤ وانا بلعت ريقي وهو قال تصبحي علي خير وانا ابتسمت وأنت بخير وهو اشرلي بيده باي وانا لا اردايا رفعت يدي وقلت باي ابتسم وعده وانا سكرت الروشن حاسه روحي فرحانه مسكت يديه كانت مبلوله من يده ابتسمت وحطيتها علي وجي انا حاسه بأحساس حلو ماعمري حسيته الله ما أحلاه هالاحساس تمنيت ان ما يسافر وقعد وانشوفه اخرا بس مانبي انقوله شي 😔❤
خشيت علي حسابه الشخصي وشفت بروفايله وجميع صوره ابتسمت خشيت لسريري وانا نتفرج عالصوره ورقدت والتليفون في يدي وحاضنته والابتسامه علي وجي كانت اجمل ليله تمر عليا في حياتي 🔥