حب حلال ( روايات ليبية )

حلقة 18🔥

#حب_حلال 🔥 الحلقه 18 🔥
مش قادر انكون بعيد عليك وانا مستعد توا نحكي مع بوك وانا انصدمت لالا وهو بحت فيا بس ياعمري قتلك نبيك رايدك تكوني حلالي مش قادر نراجي 4 سنين اخرا نبي نحضنك ومانحسش ان يلي اندير فيه حرام وباس راسي وعدا يجري وانا واقفه ومصدومه لا ياربي معقوله وحولت طقيت التخرج 🎓 وعقلي في يلي قاعد يبي يصير توا حاي عليا سراج يبي يطلبني توا عديت نجري ولحقته لقيته يسلم علي بابا وهو عرفه لان عرف علي نفسه وانا مصدومه لالا وقربت من جيهتهم زعما شنو حايقول 😱 لا يا سراج ونزلو دموعي ليش استعجلت 😨 حاي عليا حاي
شفته حكاه معاه وعدا وخطم من جنبي وهو يبتسم شنو قاله بحتت ورايا وهو ألتفت وغمزلي بلعت ريقي وقربت من بابا درت روحي عاديه وبحتت فيه من هضا وشنو قالك وبابا بحت في ساعته وقال هضاا واحد ومابش يقولي سراج يلي زمان وقال ان يبي يزوره بعدين عالعصر ويبي يحكي معايا بموضوع وانا بلعت ريقي والخوف يجري في عروقي وجات العشيه بسرعه ع 4 /
رن الجرس وبابا عدا فتح الباب وكان سراج ومعاه شيخ انا انصدمت شفتهم من وراه الباب وقعدت نتسمع وماما شافتني وقتلها اششش وقعدنا نسمعو
وسراج قال لبابا انا جاي نحكي معاك في موضوع ونتمنه ماتردني وبابا سكت ومش فاهم شي وبحت في شيخ يلي قال سراج نعرفه من زمان كان طالب عندي في الجامع وما شاء الله عليه ما ينعاب وانا جيت معاه توا لان حكالي زمان علي موضوع وانا قتله بعد اتكون نفسك اطلبها وبابا قال يطلب من ؟؟
والشيخ كمل سراج طالب بنتك دلال وناوي يتزوجها بالحلال وبابا انصدم وبحت في سراج شنو اتقول ؟؟
وسراج قال لو سمحت يا عمي انا دقيت حوشك وما تردني انا رايدها بالحلال هي عجبتني من زمان وانا حاببها ونبيها تكون شريكة حياتي وبابا قال بس انت اصغر منها والشيخ قاطع بابا انت شيخ نفسي وفاهم وعارف كويس ان الرسول صلى الله عليه وسلم متزوج من خديجه رضى الله عنها يلي تصغره ب 25 سنه وبابا سكت وماعرف شنو يقول والشيخ كمل كلامه وهو جاه ويبيها بالحلال بنتك وهو قال جاهز ويبي يتزوجها ويسفرها برا لان هو يحضر في دراسات عليا برا في كلية الطب وبابا سكت وبحت في الشيخ والله مش عارف شنو انقول وبنتي من زمان مرضت بسبب سراج وسراج قاطعه بس يا عمي هالموضوع من زمان له سنوات ونتمنه انك تسألها وتاخد رايها ولو رفضتني صدقني مش حاتشوف وجي مره تانيه وبابا قال شنو مش قلت رايدها بالسهوله هذي حاتستسلم وسراج سكت تزرط لان عارف اني حانوافق ولو كان مش عارف مستحيل يستسلم بحت في بابا انا رايدها ولو رفضتني قتلك مش حاتشوف وجي صح بس انا مش حانتزوج من بنات حواء غيرها هي ولو طلبتها كل يوم عن طريق الشيخ وبابا ابتسم وانعجب بيه وقال نشاورها مع اني متأكد ان حاترفض وصبا وانا خشيت نجري وقلت ماما اتكون معايا وقتلها انا رايده سراج ونبيه 😢 وهي انصدمت ماتوقعت اني نبادله نفس مشاعر لان من زمان تعبت نفسيتي من موضوع هضا بحتنا في باب يلي انفتح وخش منه بابا قلبي يا ناس قعد يدق بسرعه وماعش وقف والخوف سيطر عليا قرب وقعد جنبي وقال وهو يبحت فيا الشخص يلي شفتيه امبدري في حفلتك حكاه معايا هضا سراج ولد صاحبة امك لو مذكرتيه وانا في نفسي كيف ننساه هضا مسيطر علي عقلي وقلبي ❤ وبابا قال هو توا في مربوعه وجايب معاه شيخ وطلبوك مني وانا دقات قلبي زادت وبابا كمل أنتي فكري كويس وصلى استخاره وعطيني ردك ومهما كان ردك هو يلي حايصير وانتي رفضتي ولد عمك وهو تزوج من زمان وهضا تاني واحد يطلبك مني وحط يده علي كتفي فكري يا بنتي وتوا نقوله يرد عليا بعد اسبوع وصبا وعدا وانا استلمتني ماما وسألتني عن كل شي قلته قبل مايجيه بابا وانا حكيت كل شي حكيتلها عن كل يلي انحس بيه واني أنحبه واجد وان هو قال حايطلبني وفعلا جاه ونزلو دموعي والله حبيته يا ماما غصبا عني وهي حضنتني وقعدت تهدي فيا وقالت مع اني زعلت من تصرفك ودسيتي عليا بس فرحتلك اخيرا حانفرح بيك ونزلو دموعها يعني موافقه انتي وانا هزيت راسي وقلت وحانصلي استخاره وماما ابتسمت وطلعت وانا فرحانه طاير عقلي وبابا وقاللهم أن بعد اسبوع ياخدو الرد وهما عدو وسراج عنده أمل كبير فيا وان مش حانغذره ونوافق عليه زي ما قلت زمان و وعدته يعني مش خايف نرفضه قعدنا اسبوع وانا مابيتش نحكي معاه بكل قلت نبي نتأكد براحتي ونصلي ونشوف روحي وانا تريحت واجد خلال الاسبوع يلي كل يوم قعدت نصلي ومتريحه بموضوع سراج واجد جاه بابا توا وقال ان قعدين في مربوعه شنو ردك يابنتي وانا قلت بتوتر وانا نلعب علي صوابع يدي انا يا بابا صليت وكل يوم حتى نتأكد انا تريحت واجد وبابا استغرب توقع نرفضه وقال يعني شنو انتي شايفتيه مناسب لك انتي حاتكملي عمرك معاه ؟ يعني نكون مطمن عليك معاه يابنتي وانا هزيت راسي ونزلو دموعي انا موافقه وبابا مسح دموعي خلاص ماتبكيش هضا نصيبك وحضني وانا بكيت في حضنه وهو قال ان شاء الله ربي يهنيك ويسعدك وان شاء الله ما تندمي علي قرارك هضا وباس راسي وعدا وانا بكيت من فرحتي طاير عقلي يا ناس مش مصدقه انا حانكون حلاله انا ملكه حانكون وفرحتي مش قادره نوصفها وبابا عطاهم ردي وسراج فرح وبابا انعجب بيه كان متغير واجد واطمن عليا معاه واتفق معاه ان حايجيب سراج بوه وامه خلال هاليومين يخطبوها له رسمي وان يبي يحدد عرس بسرعه لان لازم يسافر اخرا ويكمل مشواره وحلمه وبابا وافق وانا قلت لنهله ولهديل وفرحو بالخبر طربقولي وذني من صوت عياطهم 😂💃 وسألوني عن العرس امتى قتلهم قال بابا ان يبي يتزوجني بسرعه ونسافر معاه علي لندن وانا يمكن نكمل مشواري ونحقق حلمي ان نحضر ماجستير وحانديره برا معاه وبنات قعدن يعيطن هههه وجاه اليوم يلي صاحبة ماما جات وفرحت ان انا وافقت وما خليتش ولدها يعاني لان قاللها ان يحبني ومش حايجوز غيري فكان خوفها هو الرفض بس فرحت ان قاللها ان حبيته وافقت عليه وتوا حكت مع ماما وقالت انا فرحت واجد علي موافقت بنتك وفرحت اكتر ان حانقعدو قراب واجد من بعضنا وان ولادنا متزوجين وابتسمت وماما ابتسمت اكيد اهم شي سعادتهم ويلي شايفينها انهم يبو يطيرو بجناحتهم وام سراج ضحكت وانا قلت لما سألوني اي يوم يناسبك وان مش محتاجه تجهزي نفسك من اتاث الحوش لان هو شاري حوش في لندن ومأتث وحاتعيشو غادي فتره حتى تحققو احلامكم لانكم طموحين وانا قلت اليوم يلي ينسابني ان ليش ما يكون يوم عرسي مع هديل لان عرسها قريب والشهر الجاي وهما ما كان عندهم اي مشكله وافقو وهديل طار عقلها بالخبر هضاا وسراج فرحان ان حلمه تحقق