#حب_حلال 🔥 🔥 الحلقه 8 🔥
دارلي مفاجآه سراج وانا فرحت بيها والأكتر ان هو معايا وجنبي مسك يدي وقالي يا دلال يا نور عيوني
انا بحتت فيه وأبتسمت له بحب وقلبي يا ناس يبي
يرفرف بجناحته 😂🙈 مش قادره وجهي قعد احمر
وهو شنو دار حرجني وقال نبي نسمع منك ❤ كلمة انحبك وغمزلي 😉 وانا خلاص عارفني بالإيش 👉 انقولها نتحشم ما تطلعش مني اصلا بسهوله فهو يبي
يشوف حالتي وانا انقوله انحبك يا سراج وهو مزال
يراجي فيا انقولها ويبحت فيا بحب ماعرفت شنو
اندير حصلت فيها 😂👐 احسن حل انقولها وانا منزله راسي وما نبحتش فيه وهو حس ان نبي نطقها
وانا منزله راسي رفعه بصبعه وخلاني انبحت فيه وانا
🙈 رحت فيها وعيونه عليا وأشر ان يرجا فقلت بعد
ثواني وانا انبحت فيه انا انحبك ❤ وهو أبتسم وباس راسي وهمسلي وأنا أنحبك يا نور عيوني وقال
شنو وصلتي فيا في كتابه والله مزال 😉
وانا ابتسمت وقلت اها بديت في قصتك ولكن مزال
👐😂 ما بدينا في الجو امتعك وحركاتك وهو ضحك الضحكه يلي اذوب فيا وأنحبها واجد ❤🙈
وقرب همسلي باهي كملي لازم توصلي للحاضر بسرعه
وانا ضحكت وقلت تمام وهو مسك يدي وشالني لغرفة المكتب امتعي وقعدني عالكرسي وقرب كرسيه
وبحت فيا هيا اكتبي ❤😉 وانا نتفرج عليك زي العاده وانا قلبي يدق وماعش وقف ديما يتصرف هك ويقعد يبحت فيا وانا نكتب ابتسمت له وبحتت في
كتاب وشفت لوين وصلت وبديت نكتب 📝❤
بات نهله سألها وقال ان يبي موافقتها وان سوا الموافقه او الرفض هو معاها حايجي ومش حايجبرها
علي شي ونهله قلبها يدق وتبي اتوافق قعدت تلعب علي صوابع يديها بتوتر وهو عاود سألها وهالمره قالت
بصوت واطي وخجول ❤🙈 أنا أستخرت وموافقه
وهو ابتسم اهم شي انك موافقه ومتريحه يا بنتي
وهي هزت راسها بتوتر وهو ابتسم وباس راسها وقال ربي يحفظك ويسعدك يابنتي وألف مبروك وانا ابتسمت بخجل ومجرد ما يطلع بوها هي طارت من الفرحه ونطت 😂👐 مهبوله هالبنت وبوها عطاه الرد لأمير وأبتسم وحددو يوم للخطبه الرسميه ويجيب عيلته ونهله فرحت 😍 وقالتها ليا وانا فرحتلها وطلبت مني انجي ونحضر جيتهم وقتلها من اعيوني
وبعد جات خطبتها انا جيتها انا وماما شالنا بابا وهو
استغرب ان نهله تنخطب وتزوج بهالسن وتوا اخرا
اشويه ماما قالت نصيبها هضا وهو سكت و وصلنا للحوش ونزلنا رحبت بينا ام نهله وانا خشيت جوا
لغرفتها ولقيتها تجهز في نفسها وطالعه ملاك ابتسمت وفرحتلها وباركتلها وهي طاير عقلها وقالت ان حاسه
روحها فرحانه وطاير وان مستحيل تلاقي زي أمير ❤ وانا ضحكت عليها وبعد وقت جات عيلة امير
وخشت هديل هههههه علينا وسلمت علينا وهي تضحك وقالت فرحتلك يا نهله وان حاتقعدي زوجة خويا قريبا ونهله ضحكت وحضنتها هديل وكانو فرحنات وانا نفرح لما نشوف صديقاتي فرحنات ❤
وام نهله نادتها وان اتخش تسلم علي ام امير وهي قعدت ترعش وخايفه ان ما تعجبها ام امير وهديل ضحكت عليها وقالت انا وامير من كتر المدح فيك حباتك واجد ومتشوقه تشوفك وانتي ما شاء الله
عليك جمال واخلاق ونهله وجها احمر قعد وانا وهديل خليناها تشجع وتطلع تسلم علي ام امير يلي من اول ما شافتها وهي تمدح فيها وتشكر فيها وهي وجها احمر قعد وانا قعدت انضيف فيهم ونهله وجها احمر وهي قعده حداه ام امير يلي طلبت تقعد جنبها وان
اخيرا امير حاتفرح بيه وان هو ولدها الوحيد هو وهديل بس وقعدت تمدح في ولدها امير ونهله طاير عقلها وهي تسمع في مدحها لأمير ان كويس وطيب مع امه واخته وماعمره زعلنا ولا قصر معانا ونهله ابتسمت وقعدت تذكر في صوته الرجولي وتصرفاته وطاير عقلها وام امير لبستها دبلة الخطوبه وقالت ان امير قال الفاتحه والعرس في نفس الايام وان العرس بعد شهر عندك تجهزي نفسك وهي من الخجل والفرحه صبت تجري جوا لغرفتها وتضحك وانا وهديل نضحكو عليها ولحقناها وبركنا لهاا وهي فرحت ومش مصدقه ان عرسها مع امير بعد شهر ❤
أنت تقرأ
حب حلال ( روايات ليبية )
Romanceقصص يعيشها كل فرد من العائلة تجمع بين الحب و الشوق و الانتقام و النصب و غيرها الكتير رواية من داخل المجتمع الليبي 🔥 للكاتبة : السلطانة كوكي
