حب حلال ( روايات ليبية )

حلقة 7🔥

#حب_حلال 🔥الحلقه 7 🔥
امير...نهله يا هديل مرتبطه ؟؟
هديل....بحتت فيه واستغربت سؤاله وقالت علي حد علمي هي مش مرتبطه ليا فتره نعرفها عليش تسأل
امير....مجرد سؤال هو وساق السياره وتفكيره بالموضوع مش عارف كنه خذت كل تفكيره وقرر شي
ويبي يسألها قبل اذا شافها مره تانيه

مرت فتره وطلعت النتيجه ونجحنا كلنا انا والبنات ❤ ودرنا حفله كبيره وكنا فرحانين ❤ وبعدها بكم
يوم اتصلت صاحبة ماما وعزمت ماما وحتى انا وقالت تفضلي واذا ما جيتي نزعل وماما تحشمت منها وجاتها وانا عديت معاها وسلمنا عليهم وشفت
سراج وعلي فكره تم تغيير عمره من 12 إلي 14 ❤
سلمت عليه عادي وبعدها طلع برا ماعش خش جوا شكله باته قاله ماتخشش عشان انا قعده وبعدها نحنا روحنا بعد جاه بابا وبعد فتره بدت سنه جديده في
دراسه وانا والبنات خشينا تانيه ثانوي وسراج خش تالثه اعدادي الامور تمام في المدرسه زي قبل وبالنسبه للبنات السيئات ماعش شفتهم سمعت ان رسبن في مواد كلهم وماقرنش اشويه مابنش يعاودن السنه انا ما شتمت فيهم بكل لان هالشي يردلي 👐
اهم شي ان قعدن بعيدات عن المدرسه وكل يوم يمر وانا وبنات مجتهدات في السنه الجديده وبدن امتحانات نصف السنه وفي يوم نهله نادتها هديل وقالت ان امير يبي يحكي معاها هي استغربت وعدت مع هديل وركبت في سياره وهو بحت في هديل وعطاها سماعات 😂 وقاللها تسمع وحطلها علي موسيقه صاخبه وبحت في نهله احمممم ااااا هضك
النهار يلي شفت شاب خداك انتي تعرفيه ممكن نعرف
ونهله بحتت فيه وليش تبي تعرف وامير فيكي اتقولي فضول يعني نبي نعرف لو تحبي انا نبي نعرف كل شي يخص البنت يلي نبي نرتبط بيها ونهله تجمدت مكانها ونزلت دغري من السياره وهديل انصدمت وبحتت في جهة الباب ونزلت السماعه شنو في كنهاا وامير بحت في نهله يلي خشت المدرسه تجري وبحت قدامه مافي شي واذا قالت تبي تحكي معايا عطيها رقمي تتصل بيا وتوا تعرفي الايام الجايه وساق السياره وتفكيره في الموضوع زعما حاتحكي وتقوله الحقيقه تنهد ويتمنه ان تحكي ويعرف كل شي ونهله وقتها نزلو دموعها وقعدت تبكي وانا شفتها وقتلها كنك شنو في حضنتني وقعدت تبكي وحكتلي علي كل شي انا انصدمت معقوله حاببها امير ويبي يعرف ماضيها كويس زعما صادق او يلعب عليها زي يلي قبله والله الافكار تشيل وتجيب مش قادره نستوعب شي الحق مش مجربه الشي هضا لان ما نتواصلش مع اي شاب اخلاقي لا تسمح لي بذلك تنهدت ومش عارفه شنو انقول لنهله غير انها تستخير  وتشوف لو كان فيه خير وكويس احكيله يلي صار وليش درتي هك وان تبتي يا نهله ولو ماتريحتي ما تحكيش وفوتيه وبعدين هو كبير حسيته عليك واجد
ونهله تنهدت انا يلي قاهرني ان زمان عطاني نضرة اني سيئه ومتعت علاقات وياما صار فيا هضك النهار وتوا قالي يبي يعرف كل شي عن ماضي امتعي وهالشي صدمني ولا قادره نستوعب شي ولا عارفه شنو اندير بس بالنسبه للعمر يلي حكيتي عليه انا يا دلال ما يهمنيش العمر المهم يكون راجل يحبني ويخاف عليا وهالشي شفته فيه رغم نضارته سابقا 💔 ولكن مش عارفه شنو صارلي اول ما قالي نرتبط بيك نزلت نجري وهربت مش عارفه شنو يقول وحايحكي عليا من تصرفي هضا بس مش عارفه شنو صارلي وان شاء الله لما نروح حانصلي استخاره وان شاء الله خير وروحت انا وياها هي عدت لحوشها وانا لحوشي ونهله من اول ما روحت صلت استخاره اكتر من مره وقعدت تدعي 🙌 ودموعها شلال 😭 وقعدت لفتره وهي هك وحتى امها شافتها بعد استغربت خشتها و وجها يلي احمر لقتها مزالت تصلي و واضح تبكي جاتها وكرتها لحضنها وهي خايفه عليها وقرت قراءن عليها وسألتها كنك شنو صاير معاك ياينتي احكيلي فضفضي وقتها نهله حكتلها كل شي وان دارت علاقه مع شاب لاعند هاليوم يلي حكاه معاها امير وامها انصدمت بس لا عاتبتها لا شي لان هي اساس غلطت بنتها هدتها وطلبت منها تحكيله لأمير لو تمسك بيك يقعد هو نصيبك وحاتخديه ولو اختفاه وماعش حكاه معاك يقعد انسيه وماتفكريش في شي من الماضي وتوا يجيه نصيبك ونفرح بيك
ونهله هدت في حضن امها وقررت تتريح يومين في حوش حتى تهدأ وتحكي معاه وفعلا مرن يومين وعدت نهله للمدرسه وعدت قعدت جنبي انا وهديل ونهله بحتت في هديل يلي قالت لها كنك غايبه وشنو في بينك وبين امير فردت نهله وقتها ان تبي تحكي معاه ضروري وهديل تنهدت وقالت هو وصاني وقالي بعد نهله تقرر تحكي معايا عطيها رقمي ومدتلها ورقه فيها رقمه ونهله خدتها وهي ترعش وانا سكتت ما قلت شي وان شاء الله خير وبعظ روحت نهله اتصلت بي امير يلي رد بعد ثواني وقال ايوا من معايا ؟؟
ونهله من سماع صوته دقات قلبها زادت وقالت بتردد انا نهله وغمضت عيونها ....وبعد صمت طويل وصوت
انفاس بس تكلم امير وقال ...اهلين نهله كيف حالك
ردت نهله بصوت خجول الحمدلله وأنت ...
تنهد امير وقال الحمدلله
ونهله سكتت اشويه وقالت مزلت
تبي تعرف الماضي امتعي يا امير ؟؟
رد عليها لو تبي تحكي تفضلي نسمع فيك
تنهدت نهله وخذت نفس وبعد ثواني من الصمت بدت تحكي في يلي صار معاها كله وهو ساكت ويسمع وبس سمع صوت بكاءها تنهد وقال راجي مني اتصال وسكر دغري عليها وهي انهارت وهو يفكر وخاصة كل كلمه انقالت توا زي ان طلب صورها مابتش تبعتهم له ابتسم وحس وقتها بالغيره لان حكت مع حد تاني
بس رغمها ان يلي انقال توا كان محترم ومش غالطه غير انها قالت له مره تقابلني حداه مدرسه ومسكت يده هالشي ما عجبه بس واضح ان تابت قعد يفكر
في الموضوع اكتر ولازم يقرر قرار لموضوعه مع نهله الموافقه ام الرفض 👐