حب حلال ( روايات ليبية )

حلقة 4🔥

#حب_حلال 🔥  🔥 الحلقه 4 🔥
أنا نحكي في الماضي والحاضر فما تتلخبطو وتوا
حاضر ❤ والقصه فيها غموض ❤👐 وانتو 😉المهم دلال انا سمعت الباب أنفتح عرفت ان هو جاه
صبيت دغري و وقفت عن الكتابه وشفته جاه 😍
مش عارفه شنو صارلي كلما نشوفه دقات قلبي تقعد
سريعه هو حبي ❤ ابتسملي الابتسامه يلي ديمااا
اذوب فياا وقرب بخطواته مني وباس راسي اول ما
وصل فيا وبحت في عيوني وقال رايفت عليكي ❤
انا ابتسمت وانا أكتر ❤ وهو بحت في الذفتر عرفني
كنت نكتب رفع حاجبه مزلتي ما وصلتي في قصتي
😁 انا ابتسمت وقلت انت اصلا قصتك قصه من
اول ما خشيت حياتها قلبتها ليا 😂👐 واجمل قلبه
وسراج ضحك الله ما احلاها لضحكته ❤ اتجنن 🙈
ابتسم وحضني وهمسلي لازم تكملي القصه بسرعه
وتوصلي فيا يا بنت وانا ضحكت ما المشكله ان وصلت لمشهد يوم مشؤم الحق 👐 وهو بحت فياا
وهالمشؤم هل نهاية هاليوم فرح وانا هزيت راسي الله
اعلم وضحكت وعديت نبي نكتب وهو جاه وقعد جنبي وانا قلبي يا ناس ❤🙈 كيف نعرف نكتب بس
وهو يراقب فيا ❤🙈 شديت عزمي وبديت 👇🔥

اممم عديت جوا لما جات الطالبه وقالت ان تبيك الاستاذه وتبيك ابروحك ونهله قعدت اتراجي فيا
وبعد خشيت انا قلت نعم يا استاذه ناديتيني 😊
فردت ان لا كلمتني لا شي انا استغربت وانصدمت
عديت نجري عرفت ان ملعوب عشان نخلي نهله 😯
كانت خطتهم هك اول ما وصلت لقيتها مش قعده في
مكانها يلي قتلها راجيني فيه 😰 خفت وقلبي قريب
وقف بحتت في جهة باب المدرسه وعديت شوره شفت سياره سوده تسكرت توا ولمحت نهله فيها
والشخص يلي معاها مسكرلها فمها بيديه انا انصدمت
انشليت كيف اندير ياربي 😣 والسياره عدت بس 👉
ربي يحبنا لان كان في راجل في سيارته قعد يمكن
يراجي في أخته شاف هالمشهد دغري لحق السياره وانا قعدت ندعي ان اترد ابخير نهله يلي توا قعدت
تبكي بعد بحت فيها وقال ان مش علي كيفك وقت
تبي تحكي معايا وبعدها تقطعيني وفوقها مغيره رقم
تليفونك ونهله قعدت تبكي 😭 انت اصلا ما تحبني
طلعت كذاب ومش راجل اخرا وقتها ضربها كف 👋
حتى خدها قعد احمر وبحت قدامه وساق السياره
وهو معصب وهو يسب فيها 🔞 وقال ان حايوريهاا
من يلي مش راجل وقبل ما يكمل كلمته الاخيره وقف
بسرعه لان في سياره وقفت وسكرت عليه الطريق وهو خاف لان طلع منها راجل يمكن عمره في 30 وكان ضخم وملامحه رجوليه دغري فتح الباب وطلع
الشاب يلي كان مع نهله يلي قعدت تبكي وكره وقعد
يضرب فيه وهو خاف ويرعش قدامه كان قوي واكبر منه ونهله عيونها عالمشهد ونزلو دموعها وقتهاا عرفت
ان ربي ما ينسى حد 😭 وخاصة ان هي تغيرت وعرفت بغلطها وحست ان قليل يلي يساعد فيها وين
عيلتي قعدت تقول وينها 😭👐 ليش مخليني نزلت
من السياره وامير طلق الشاب يلي قعد يكح ويمسح
في الدم وقرب من جهتها ونزل راسه معليش انتي
ابخير هالكلب دارلك حاجه ونهله زادت بكاه وهزت
راسها لا بس نبي انرد منين ما جيت وهو ارتبك و
شير عالسياره تعالي تفضلي وهي فتحت الباب الخلفي وقعدت تبكي وهو قعد يسوق وبحت في
انعكاس المرايه اول مره يشوفها تجمد مكانه من
الملاك هضا دغري نزل راسه وقعد مرتبك وبحت
قدامه و وصلو للمدرسه وهي نزلت بسرعه وبعدها
ردت ودقت باب الروشن امتعه وقالت وهي تبكي
شكرا شكرا 😭😭 وخشت تجري وهو عيونه حمر
قعدن 😰 وجعاته وبعدها جات اخته وهو بحت فيها
شنو جو المدرسه هذي والله يلي كنتي فيها قالت اخته هديل ان مدرسه كويسه وطبعا هديل جديده
في مدرسه هذي انتقلت فيها اليوم وعدو توا وامير
عقله مع الملاك يلي توا كان معاه وخشت نهله تجري
وانا شفتها كنت نرجا يمكن ترد ونبكي انا قعدت اول
ما شفتها بهالحاله جيتها نجري وحضنتها وقعدنا 😭
نبكو بقهر وهي ترعش وخايفه كانت وقتها اذكرنااا
البنات عدينا اندورو فيهم  لقيانهم جاتنا قوه الله اكبر
ضربانهم 😤 وفشينا غلنا فيهم من كر شعر وتنتيش
😂 نذكر مسحت كبدي والله في هضك النهار وعدينا
نجرو وروحنا علي كرعينا زي العاده وانا طول الطريق
نهدي فيها وان الحمدلله ما صار شي ما تخافيش وهي
قالت الحمدلله ❤😭 نذكر بعد هاليوم قعدت نهله
شخصيه تانيه قويه عكس قبل بحتت في البنات يلي
ضربانهم بغل وحقد وفاتتهم وبنات من يوم هضك ما
قدرن حتى يبحتن فينا ولا عاد قربن منا اخرا والدنيا
دواره 👐 خليناهم لربي انا ونهله تطورت صداقتنا
وقعدنا ديما انجوه لبعضنا واليوم ماما وبابا طلبوو
مني ان اتجي نهله وعيلتها هنا وان معزومين عندنا
بكرا الجمعه انا فرحت ودغري اتصلت بيها وردت طول وقالت ايوا دلوله 😍 انا ضحكت علي دلعها لأسمي ديما اتقولي هك وبعدها قتلها عندي لكي خبر ولازم يتنفد وهي قالت بلهفه شنو قوليلي 😍 قتلها اممم انتي وعيلتك معزومين عندنا بكرا الجمعه ولازم
اتجي نزعل منك انا وعيلتي كان ماجيتي راه فلازم
اتجي 😍 وهي فرحت وفي نفس الوقت متردده ان
يمكن ترفض عيلتها تمشي معاها فأنا قلت ولا يهمك
انتي عاطي تليفون لبوك لو قعد توا نعطي بابا يحكي
معاه ويقوله ونهله دغري عدتله في غرفته توا كيف
جاه شافها وقال انا تعبان ادبالك تقولي شيلني 😣
نهله وقتها نزلت راسها وقالت لا يا بابا انا جايه علي شان انقولك ان دلال عطت تليفون لبوها توا يبي يحكي معاك ومداته له وعدت طلعت من الدار وهو
تنهد ورد السلام عليكم وبابا رد عليه وقال وعليكم
السلام كيف حالك ...رد والد نهله  بخير الحمدلله وأنت ... ابتسم بابا وقال ابخير وانا بكرا عازمكم
انت والعيله عالغذاء نتمنه انك اتجي ... تردد اشويه
والد نهله وقال وعليش شنو سبب العزومه وعليش
امتعب روحك ... فرد بابا انا عازمكم عيب اتردني
فلازم اتجو نراجو فيكم ... اطر يوافق والد نهله وقال تمام نتلاقو بكرا وانتهاء الاتصال وبابا عطاني تليفون
وقال بكرا حايجو ان شاء الله وانا فرحت ونطيت من
فرحتي 😍 وفي صباح يوم نضت بدري انا وساعدت
ماما عالغذاء وبعد جات الساعه 12 ونص رن الجرس
فرحت وعديت لبست شالي وفتحت الباب لان بابا
كان ماشي للجامع خشت نهله وامها وبوها قال ماشي
للجامع توا يجي وخشينا جوا طبعا وماما كان عندها
هدف لعزومتها هي وبابا لعيلة نهله وان تبي تقعد مع
أم نهله وبعد حطينا الغذاء وتغذينا مع بعضنا وخديناها هدرزه وجو حلو ونهله كانت فرحانه وخشيت انا وياها وغسلنا الماعين وماما قعدت مع ام
نهله وقعدت تحكي معاها وقالت .... شنو دايره مع
نهله ....ردت عليها وقالت في شنو تقصدي يعني
... ماما بحتت فيها في فترة سن المراهقه يعني متعبتك نقصد وهي تبحت فيها ومتأكده انها حاتكذب لان نهله قايله لدلال ان ماتقعدش معاها بكل وديما
عند صديقاتها او في شغل وهاملتهاا ... طبعا ام نهله ما لقتش جواب فقالت عادي يعني تحقي فيها جوها كويس واكيد حتى بنتك هك واضح ... ابتسمت ماما
بنتي هي الوحيده يلي طعمني بيها ربي وما نتحمل
فيها حاجه انا مش بس دايرتها بنتي هي صديقتي واختي وكل شي لاحظت علي ام نهله ان حست بي
الفرق بينهم راجعت نفسها وقتها وان اصلا مش 👉
عارفه شنو اتحب وتكره بنتها شنو تتمنى شنو تبي
ماتعرفش شي عليها هي مجرد فقط تخش وتشوفها في غرفتها راقده ومعاها خوها الصغير وتسكر باب
مهتمه بنفسها اكتر من بنتها مهتمه بشغلها وبصديقاتها اكتر من بنتها 👐 بحتت في جهة المطبخ يلي طلعت
منه انا ونهله وكنا نضحكو مع بعضنا وامها يمكن هذي
اول مره تشوف بنتها تضحك هك وفرحانه واجد ❤
بحتت في ولدها الصغير يلي عده حضن نهله وفرحان
لان هي فرحانه دمعت عيونها وان هي هاملتهم هما
الاتنين خلت بنتها تتحمل مسؤليه كبيره وتهتم بخوها
وهي لا تشيل فيه ولا توكل فيه ولا شي يعني الطفل
من كتر مايحقش في امه واجد ولا تهتم بيه مش معدل عليها هو ناسيها وداير ان نهله هي امه ❤
وماما كانت تراقب في نضارات ام نهله الحزينه وحست ان خطتها بدت تمشي صح تبيها تفطن لنفسها وتهتم بأطفالها لان هما مفروض يكونو كل شي في
حياتها جات وقت المرواحه وعدو وماما ابتسمت ليا
وانا حضنتها شكرا ماما لانكم عزمتوهم وماما ابتسمت اهم شي ان فرحانه نهله وانا هزيت راسي اها هي فرحانه واجد يا ماما وطاير عقلها وبابا ابتسم لان حتى هو نفد خطته ويحكي مع والد نهله وان بابا يحب يحكي ويهدرز معايا قعد يحكيله عليا واجد وهو مالقش شنو يحكي وان شنو يدير لبنته بعد راجع نفسه مايدير في شي اول ماروحو للحوش خشت نهله
مع خوها لغرفتهم وتبي تغيرله خشت امها ومدت يدها
لولدها قيس وقالت تعال يا ماما وهو مسك في نهله وقال لا وحضن نهله وقتها نزلو دموعها وقعدت تبكي نهله انصدمت تجمدت مكانها اول مره تشوف امها تبكي وبحتت في قيس وهزباته عيب ليش تقول هك امشي لماما وهو قعد يبكي عشان هزباته نهله وامهااا
قعدت جنبهم وحضنتهم هما الاتنين ونهله نزلو دموعها
ماما 😭 ليش تبكي وهي قالت سامحيني يا بنتي 😭
انا اسفه لاني هملتك وخليتك تهتمي بقيس وانتي
محتاجه لأهتمام حتى انتي سامحيني يا بنتي ونوعدك ان حاتشوفي ام تانيه وحضنتها وقعدت تبكي ونهله مش مصدقه يلي سمعاته وبكت وفي نفس
الوقت فرحانه ان امها حاتتغير وتهتم بيها ❤ وبوها كان مصبي وسمع كل شي انقال توا تنهد وقرر ياخد ايجازه فتره ويقعد مع عيلته ويدهورهم في يوم تاني

انا وقفت لاعند هنا وسكرت الكتاب وبحتت في سراج
يلي يراقب فيا ويراقب في كل كلمه انكتبت توا ابتسم وقال ❤ يمكنني القول بأن أنتي عندما دخلتي لحياتي جعلتيها جنه ❤ وما أجمل هذه الجنه لان انتي اساسها وأنتي أكوسجيني أعشقك ❤ وانا دقات قلبي زادت 180 % وانا نبحت فيه بحب ❤
ونضارته ليا سحرتني ❤🙈 أرتبكت واجد حط يده
علي خدي وانا خلاص نبي اندوخ بين ايديه 🙈❤
وهمسلي ما نعستي انتي وانا ضحكت وفي نفس الوقت انا ماعمري فكرت ان فارس آحلامي حايكون
أصغر مني ب 5 سنوات وهو صباني وشالني لغرفتنا
وهو يبحت فيا بحب وانا 🙈🙈❤❤

#يتبع

🔥 روايات سلطانه كوكي  🔥