حب حلال ( روايات ليبية )

حلقة 10🔥

#حب_حلال 🔥 🔥 الحلقه 10 🔥
انا تجمدت مكاني ياربي ليش هك شنو صاير ليش سراج خش لحياتي وقلبها ليا هك اوقات نحس بالكره له من يلي داره ونضارته ليا واوقات نتعاطف معاه وانحن عليه تمددت في كرسي الخلفي لسيارة بابا وما كنت نبي حد يحكي معايا بس ماما جات توا وقالت لا حول ولا قوة الا بالله وجعني سراج  وانا دغري نطيت وبحتت فيهاا شنو فيه ؟؟؟؟؟؟؟؟؟؟
قالت ماما بحزن 😔 مسكين سراج قلبه قريب وقف توا وداروله صدمات كهربائيه مش عارفين كنه وامه تبكي ومنهاره عليه خليتها مع راجلها تبكي وجعني حرام وبابا ما قال شي وحرك السياره وانا ساكته وانفكر في الكلام يلي توا انقال وعيوني شور المستشفي ليش شنو صاير له معقوله علي شاني اه يا سراج منين طلعتلي بس كنت متريحه وجوي تمام ليش خشيت فيها حياتي تنهدت وتمددت اخرا عالكرسي وعيني دمعت لا اردايا وبالنسبه لسراج وقتها تعب وحالته ساءت هو نفسي لما يضايق ويمرض يصير فيه هك ويشيلوه للمستشفي حسيته نفس طبعي نسخه مني ولكن فرق العمر وهو حطوه تحت الملاحظه وقتها وامه وبوه يرجو فيه ينوض وبالهم مشغول علي ولدهم الوحبد وفي صبح نهار جديد امه روحت تغير في دبشها وفطنت لغرفته مفتوحه خشتلها وضمتها وجات عينها عالذفتر الصغير حداه السرير خداته وقعدت وفتحاته اول ورقه مكتوب ( دلال ) قلبتها للورقه التانيه وكانت فيها

( ماذا فعلتين بي )
( لماذا اراكي في حلمي دائما )
( لماذا انتي علي بالي دائما )
( لماذا مهتم بأمرك هكذا وأريد أن أراكي كتيرا )
( هل أنا فقط اشعر بذلك وأنتي ؟ ماذا تشعرين )
( هل انتي مهتمه بأمري وتفكرين بي كتيرا مثلي )
( لما غضبت عندما قلتي أعتبرني أختك الكبيره )
( لما لم أقل شيئا مثل اعتبريني اخ لكي لما اهرب )
( ماذا يحصل لي ✋ ماذا فعلتين بي لما انا هكذا )
( لما والدك تكلم معي هكذا ولا يريدني أن أراكي )
( شعرت حينها بالموت 💔  فعدم رؤيتك ذبحتني )
( كم اتمنى ان اكون بجانبك أن اتحدث معكي واقول لكي عما بداخلي وان اراكي دائما في حلمي وايضا
كنتي تناديني وقلتي اريدك بجانبي دائما لا تتركني )
( ماذا حدث الان لما احلم هكذا ولما تتحجبين عندما
اكون معك لما انتي تختلفي عن جميع الفتيات الذي رأيتهم وبسمتك لي عندما اتحدث معك أحببتها )
( انتي فعلا طيبة القلب ❤ أنتي تعجبينني كتيرا
كل ما فيك يعجبني جميع صفاتك تعجبني قلتي لما أنضر إليكي هكذا وأنا قلت لكي ليتك من عمري ❤
لم أعرف حينها لما قلت هكذا لمحت حيرتك بي افعالي رأيت كم انتي نقيه ❤ أريدك من عمري لما انتي تكبرينني ✋ لا اريدك سوا من عمري أو تصغرني لما اقول هكذا لا أعرف ما أشعر به او لماذا أفكر فيك وعقلي أنتي تمتلكينه لا افكر بأحد سواكي لا أقول غير اسمك اتحجج لكي اذهب واراكي وارى تلك الفتاة التي أخذت عقلي مني ❤ )

وامه مصدومه سكرت الكتاب وعدت بسرعه بعد سمعت راجلها جاه وطلب منها تسرع روحها لما حايردو للمستشفي وهي عقلها في يلي قراته توا ليش سراج كاتب هك معقوله يحب دلال واجد قعد تفكيرها في الموضوع واجد وشاغل بالها وخاصة من طريقة تصرفاته الايام الاخيره ومن لما شافها لدلال استغربت كملت تجهيز نفسها وعدت مع راجلها للمستشفي مره تانيه ولقوه نايض قربت منه امه ومسكت يده وليدي وهو غمض عيونه وهي قالت قولي كنك ليش حالتك هذي شنو صايرلك شنو تبي قول وهو قال بعد وقت
بصوت واطي ... نبي انشوف دلال ... وهي تنهدت وعرفت ان حايطلب هك وقالت ليش تبي تشوفها شنو قصتها دلال احكيلي ... وهو فتح عيونه وبحت في أمه خليها تجي ونبي انشوفها او تحكي معايا علي التليفون توا ...وهي  تنهدت وصبت واتصلت بماما يلي كانت جنبي وقتها وماما ردت عليها وقالت خيرات يا اسيل كيف حالك وحال سراج ان شاء الله ابخير وانا بحتت في ماما وهي تحكي وهي قالت الحمدلله وبتردد قالت نطلب منك طلب وماما قالت خير شنو هو الطلب فقالت نبي دلال تحكي مع سراج  توا عالتليفون هو طلب يحكي معايا علي شان خاطري
وماما قعدت ساكته لوقت وبحتت فيا وانا عرفت ان سيرتي جابتها ام سراج ولكن شنو مش عارفه ! قالت ماما وقتها تحكي مع سراج وتحمدي علي سلامته وانا قعدت ساكته وحسيت يدي عاجزه تتحرك وتمسك تليفون قعدت هك وماما تعاود تسأل فيا وبعد جات تبي اترد عليها وتقوللها سامحيني انا مديت يدي ومسكت تليفون وسمعت ام سراج تقول الو وانا رديت قلت بصوت ضعيف معاك دلال وهي ابتسمت ومدت تليفون لسراج يلي قعد طول وابتسم وقال دلال وانا غمضت عيوني وسمعت تنهيده منه وقال نبي نسمع صوتك لو ممكن وانا قلت بعد وقت الحمدلله علي سلامتك قالي انتي سلامتي ❤ انا قلت دغري كنك يا سراج ليش تحكي عليك ليش تتصرف معايا هك فقال اسألي نفسك انا سكتت وقلت نطلب منك طلب
قال روحي فداك ... انشل لساني لوقت وبعدها قلت ماعش نبيك تشوفني ولا تحكي معايا ولا شي نبيك اتكون بعيد عليا وهو قال بصوت قطع قلبي بس هك أعلنتي علي موتي انا متعلق فيك كطفل متعلق بأمه
ويبيها اتكون جنبه في وقت فرحه وحزنه وانا انصدمت ياربي هو يحكي هك كلام ماما صح الواضح تصرفاته وافعاله يذلن هك قلت لو انت تعزني اختفي من حياتي وعيش حياتك وفكر في مستقبلك مش فيا وسكرت الخط طول وطلبت من ماما اتخليني بروحي
وهي طلعت وزعلانه عليا وعلي سراج وانا القرار يلي
قررته توا مش عارفته لصالح من هك بس هك احسن
لازم هو يختفي من حياتي ومن يومها لا سمعت عليه شي ولا حد دوالي عليه بس يلي قهرني ان يطلع في حلمي هو امتلك احلامي وكل تفكيري ليش هك 😔
وحتى مر الوقت بسرعه وجاه عرس نهله وبرضو ما سمعت عليه شي ولا شفته وماما ماعش اتصلت بي صاحبتها ولا هي اتصلت المهم انا ألتهيت بعرس نهله يلي فرحانه بعرسها مع امير وانا فرحتلها واجد واجد
وحتى هديل وانا قلت انا من اهل العروس مش العريس يا هديل وهي زعلت يعني تختاريها هي 😕 وانا لا وانا زعلت وبعدها ضحكت وانا قتلها تبيني نسيب عرس صاحبتي ونقعد في حوش العريس ليش شنو يفيدني شويه قالت ان هي تبي وجودي جنبها وانا قلت ونهله وليش ما انتي اتجي شنو فيها واهربي من الهرجه وتعالي وهي ترددت وقالت وكيف نخلي ماما وباهي الناس توا يقولو خلت عرس خوها وعدت لحوش عروس صاحبتها وانا قلت والله قراري قلته وانا مانقدرش نعدي لان واعدتها انكون جنبها وهديل تنهدت باهي توا نتصرف حتي ساعه بس وسكرت ونهله سألتني كنها هديل فقتلها يلي قلاته وان هي حايره تخلي الحوش واتجي هنا بس قالت توا تتصرف واتجي حتى نقعد ساعه بس عادي ونهله قالت زعما حاتجي وانا قلت شكلها ناويتها وضحكت وبعدها هديل من بعد اتصالها بيا اتصلت بي خوها امير يلي قعد مع الرجاله برا وطلبت منه يشيلها لنهله تشوفها حتى ساعه وهو قال والرجاله يابنت لمن نخليهم وان الوالد قعد مع الشياب وانا نخلي شباب ونشيل حضرتك وهديل قعدت اتزن عليه كيف الاطفال وتدعيله باهي امير يا غالي انت بليز شيلني للعرس ساعه بس وانا اختك اهم من الشباب يلي برا بليز 😶
علي شاني وعلي شان نهله زوجتك حتى هي طلبت اتشوفني 😜 وهو ضحك وقال اه منك ومن زنك خلاص جهزي روحك وتوا نشيلك ساعه بس واتجي لازم اتردي ماتنسي الزفه في الليل وهديل فرحت وقالت باه وعدت جهزت نفسها وطلعت لأمير برا وادور فيه وهو قعد في سيارته ومغطي عليه عمر يحكي معاه قاله وين ماشي يا عريس فقاله امير ان شايل اختي اتشوف العروس اتزن عليا وان هي صاحبتها وهو ضحك علي امير كيف يحكي وبعد وراه وشافها للمره التانيه وهديل فطنت له واذكراته يلي قبل شهر وشفاته نزلت راسها طول وامير نداها هيا تعالي تأخرنا وهي جات بسرعه وركبت جنبه وعمر سمعها قالت لخوها ان اسفه تأخرت يا عريس وامير قال بأبتسامه عقبال ما نفرح بيك يا هديل وتقعدي عروسه وهو جات في وذنه اسمها ابتسم ولمس شعره وعدا وامير وصل هديل لحوش نهله وعدت تجري رنت الجرس وفتحولها الاطفال وهب خشت تجري لغرفة نهله ولقت كوافيره تمكيج لها لان جايبين كوافيره في الحوش ماتبيش تطلع هي وفرحنا نحنا من شوفة هديل وهي جات وسلمت علينا وقالت رايفتلكم 😭 وانا ضحكت عليها وعلي هبالها ونهله قالت عقبالكم يا بنات وانا مش عارفه خطر علي بالي سراج وقتها زعما شنو داير توا كيف عايش اذكرت ان قال انتي حكمتي عليا بالموت فأنا توا قلت مستحيل اصلا لو مات كان وصل الخبر قلت ان واحد طفل شنو عرفه بالحب والهم امتعه ويبي يبليني بحبه وهو اصغر مني انا ناخد واحد اعتبرته خويا اخ بس بحتت في نهله يلي فرحانه وانا يلي ما حسيت بالوقت شفت هديل صبت وقالت هيا حناتي نتلاقو في قاعة العرس وطلعت وانا قلت حلهاا عدت ونهله كانت حاسه ان في شي داسته وشاغل بالي مابتش تسألني لان عارفتني مش حانحكي كنت عنيده مانحبش نحكي عن نفسي ولا علي شي خاص بيا ونهله ردت بعد وقت وقالت ان لها زمان قعده وان مرت ساعه ومن يلي واخد عقلك بحتت فيا مع المرايه وقالت هك وانا
سكتت ماعرفت شنو انقول اه يا نهله لو تعرفي شنو يلي صاير فيا قعده نار تاكل فيا 🔥 مش عارفه كني ولا شنو نبي ولا كني نفكر في طفل بالنسبه ليا طايش
مابيتش انرد بكل وبعدها خشت ماما ومعاها ام نهله وقالو شنو صار جهزتن عشان نمشو للقاعه قبلكم وتوا انتن تجن مع بعضكم بعدين وتوا اتجيبكم اسيل ام سراج انا رفعت راسي وتجمدت مكاني ماما شنو اتقولي ليش انتي عزمتيها وماما قبل ما تحكي قالت  ام نهله  ان لازم يجو معازيم اخرا وان العدد اشويه يلي ماشي للعرس وحتى جيران معزومين انتي عارفه عيلتنا يا دلال اشويه  فقلت توا كل وحده تعزم يلي تعرفها وان ما تجيش قاعه تقعد فاضيه اشويه امك قالت نعزم صاحبتي وهي يلي قالت توا اتشيل العروس وصاحبتها دلال وانا عصبت نار شعلت فيا 🔥 مسكت روحي وهما عدو للقاعه وفضاه الحوش ونهله حست ان في شي يخص ام سراج او سراج نفسه وانا نتبيتش نحكي وقلت فكري في ليلة عرسك يا نهله وطلعت للصاله وشفتها اها هذي نفسها هي ام سراج طالعه متأنقه وباين ان فرحانه انا شلت عيوني من عليها وتجنبتها وهي قالت كيف حالك يا دلال شنو ماتبيش تسلمي عليا نسيتيني والله كيف وانا بحتت فيها وقلت لا ما نسيتك بس ولدك وسكتت وهي قالت كنه ولدي شنو دارلك اهو قاعد ربي يحفظه من يوم يل حكاه معاك وهو تغير 180 % لهاه بقرايته مش عارفه انتي شنو قتيله بس هالشي فرحني تغير وحتى سجل في الجامع وكل يوم يمشي غادي ومايفوتش صلاته واوقات يقعد هادي وجوه تمام انا نشكرك يا دلال وانا ما حكيتش معاكم من شهر لان ماعش فضيت صار عندنا اشوية ظروف وانا ما جش في عقلي ابدا ان تكذب اها تكذب وسكتت ما بيتش انرد وانا نفكر في يلي قلاته سراج تغير وانا قلت لما اتصل بيا ان ماعش يحكي معايا ولا يشوفني وان لو يعزني يختفي من حياتي  و يشقى بمستقبله ومايفكرش فيا وسكرت في وجه شنو يلي نفده ✋  ان يختفي من حياتي لو يعزني زعما يعزني فعلا عشان يتصرف هك لان اختفاء وان يشقى بمستقبله لان قالت يقرا ويمشي للجامع وجوه تمام تنهدت وشلت التفكير فيه وبعد وقت عدينا للقاعه وشالتنا ام سراج تعرف اتسوق وانا نتجنب حتى نبحت فيها وصلنا للقاعه وانا ساعدت نهله تنزل وخشينا جوا وبعد علمو بجيت عروس وان خشت رحبو بيها من شتاوي واغاني وزاغريت 👏 وتصفيق والبنات يرقصن وزيطات وانا مش معاهم ابدا عرس صاحبتي وعقلي بعيد وانا عيون الصبايا عليا كنت طالعه حلوه مع اني ما درتش شي غير لبسي لفستان صهره ولونه زهري وطالعه باربي فيه فطنت لهم وانا  اضايقت ليش ما يفهمو ان مانبيش حد ولا نبي نفكر ولا نحب حد تواا انا مزلت عندي طموح نبي نحقق يلي حلمت بيه ولاحقين عليه الموضوع هضا مش مستعجله ابدا وبعد وقت جات هديل مع عيلتها وسلمت عليا وعلي نهله ودارو جو لها وهي متوتره اشويه وبعد جاه العريس لا باه يقعد لا شي كل يلي داره سلم علي نهله بالخد وانا ضحكت وقتها وحول طرحتها وباركلها ولبسلها خاتم  في يدها وجات صواره صورتهم مع بعضهم وجات عيله باركتهم وهو نزل طرحت نهله ومسك يدها وعدو وانا ابتسمت لها ودعيت ربي يسعدها وقلت هضا حب حلال هي حبت الشخص الصح وان جاه وطلبها دغري عرف ماضيها ورضاه بيه ومايبي يفكر في الماضي يبي الحاضر وبس وحبهم حلال قعد مش حرام ولا بالسر الكل يعلم بيه توا كان واضح الحب توا بعيونه وبعيونها وهما مع بعضهم احترمها ولا بحت في ولا انثي غيرها ابتسمت قلت زعما فارس احلامي هك يطلع 😕 وان يكون زي امير او شخص تاني يفرق عليه اه تنهدت وتوا الكل روح لحوشه وانا كنت تعبانه ومابيتش نروح مع ام سراج عديت مع ماما توا وشالنا بابا من اول ما وصلنا وعديت تريحت في غرفتي ورقدت هربت من التفكير

وانا وقفت لاعند هنا بعد حسيت عالوقت مر واجد
وانا مزلت نكتب تعبت وسكرت الكتاب بحتت في الساعه اوووو واجد صبيت وعديت لغرفتنا وشفته راقد ابتسمت كان راقد زي الملاك قربت منه ومسكت يده شديت عليها هو نبض قلبي ❤ وانا مجنونه فيه
هو تعب حتى يحصل عليا ويخليني أنحبه تعب حتى انوافق عليه ونتجوزه الشي الوحيد يلي خلاني نعرف اني أنحبه وأني انوافق عليه حاتعرفوه في الحلقات الجايه ❤

#يتبع

أكتر شخصيه حبيتوها في الروايه شنو ؟؟

وشنو توقعاتكم في الحلقات الجايه ؟؟

وانتو فاهمين مني او لا ؟ لان في بنت مافهمت 😕 !
حتفهموا في يلي جاي وتحياتي

🔥 روايات سلطانه كوكي  🔥