حب حلال ( روايات ليبية )

حلقة 16🔥

#حب_حلال 🔥 الحلقه 16 🔥
نهله بحتت فيه انت تبصر يا امير وهو نزلو دموعه وحضنها والله ما نكذب عليك ماعش فيه بيبي توا ربي يعوضنا بواحد تاني وهي انهارت كان صعب عليها يلي سمعاته يمكن لو قال وقتها ما كانت انصدمت هك وانهارت هك هو كتم وماقدر يحكي وحتى وصه العيله ان يكتمو وان خايف عليها لان متعلقه بيه واجد وحتى اختارت الاسم ان اذا جابت بنت حاتسميها نور ولو ولد حاتسميه وسيم قعدت تبكي بقهر بصوت قطعله قلبه لأمير وحتى مالك ناض يبكي مفجوع وجاهم حضنهم وهي مسكاته وقعدت تبكي 😭 ااه ياربي ليش هك انا كنت فرحانه فيه وان يكون عنده اخ مالك ويلعب معاه ليش هك ليش فرحتي راحت وقعدت تبكي بقهر وقطعت قلب امير 💔 وهو مسح دموعها اهديي ياروحي هضا يلي كاتبه ربي وهي زادت انهارت وبعدها بحتت فيه وقالت شيلني لماما نبي ماما وهو قعد يهديي فيها وقال اهديي وانا ما نقدرش نشيلك وانتي بهالحاله وهي زادت بكاه قتلك شيلني نبي ماما انا بحاجتها وامير بخت فيها وانا  مانقدر نقعد بدونك ولا ثانيه وهي زادت بكاه شيلني شيلني وقعدت تبكي وهو باس راسها خلاص اهدي حانشيلك المهم كوني ابخير وخداه مالك وعدو وهي بعد بكت صبت وجهزت نفسها طلعت للصاله وشافها امير وزعلان عليها واجد تمنه ان حكالها من البدايه تمنه ان يقدر توا ياخد حزنها منها نزل راسه وعدا فتح الباب وبحت فيها وهي مسحت دموعها وطلعت من باب وهو لحقها وسكر الباب وطول الطريق في السياره وهما ساكتين ما حكوش بكل وهي حاضنه ولدها مالك ودموعها ينزلو بصمت وبعد وصلها نزل معاها وهي خشت لغرفتها طول وامها انصدمت بعد شافتها هك وطلعت علي امير وقالت كنها شنو علمت وهو هز راسه وحط الشناطي تحت وبحت فيها ديري بالك عليها ولو تبو اي شي اتصلو بيا وعدا وام نهله خشت عليها ولقتها تبكي بصمت قربت منها وحطت يدها علي راسها بنتي ياروحي وهي قربت وحضنتها وقعدت تبكي ماعش فيه بيبي يا ماما عدا ولدي 😭 وبدون علمي نزلوه كيف تبوني نهدأ 😭 وانا نرجا امتى يمرن شهور بسرعه وانجيبه ونمسكه بين ايديا ليش هك حرام عليهم 😭💔 قهروني مش مسامحتهم كلهم واولهم امير ليش ما قال ليش يتصرف هك معايا ليش والله تعبانه يا ماما وامها قعدت تهدي فيها وبعد هدت هي طلعت واتصلت بينا انا وهديل وطلبت انجوه وانشوفوها وفعلا نحنا اتفقنا نتلاقو انا وهديل في حوش عيلة نهله واول ما شفناها بهالحاله نزلو دموعنا وقعدنا نبكو حالتها كانت سيئه تقطع القلب وحتى ما حكتش معانا تبكي وبس راسها ما حولاته من مخده وتبكي و ولدها راقد جنبها وانا وهديل نبكو بصمت ونقولو في اسمها وان ترد علينا بس هي ماردتش بكل ولا بحتت فينا قدرنا وضعها وانا عارفه نهله كويس تحب الاطفال واجد ما بالك ضناها وخسرت واحد وهي حامل فيه صار فيها هك كيف لو جباته وشفاته وخسراته يمكن انهارت بزياده وتعبت نفسيتها كانت حساسه بكل قلت لها نهله ياروحي يلي صار هضا قضاء وقدر وربي يختبر في صبرك وانتي هك اضري في نفسك بحتي في مالك ربي يحفظه لك لا تحرميه من حنانك ومن حنان امير المسكين يلي خليتيه وقعدتي هنا وهديل قعدت تبكي وقالت امير من بعد ما جابك هنا وهو حابس روحه في غرفته وهو عازب وحالته بكل هو يبيك ومحتاجلك يا نهله ليش تعدي وتخليه وهي تسمع وساكته وانا نزلت راسي ولا قدرت نحكي اخرا يأست كنت عارفه ان مش حاتسمع لكلامي وخاصة وهي بهالحاله تنهدت وقلت ربي يفرجها عليك وصبيت وهديل لحقتني وهدتني وانا ماعش هديت وبعد جاه بابا عديت معاه وانا حالتي حاله بكل ماعش هديت وبعد وصلت خشيت لغرفتي طول وسراج بعد وقت اتصل بيا ع ماسنجر انا مارديتش عليه كنت تعبانه ولا قادره نحكي اخرا وهو بعتلي تسجيل صوتي وسمعته  وقال فيه وينك ليش ما اتردي مشغول بالي عليك انا وانا دموعي نزلو ولا قدرت انرد برضو قعدت ساكته ونسمع في تسجيلات يلي يبعت فيهم ليا رديت عليه في اخر لحظه وسمع صوت بكائي انصدم وقعد دلالي كنك قوليلي 😥 شنو صاير معاك قوليلي وانا بعد هديت حكيتله يلي صار مع نهله وجعاته وقعد يهدي فيا وقال مفروض تكوني قويه انتي وانا سكتت ودموعي ينزلو بصمت ومارديتش عليه وهو قال ياعمري انتي ردي عليا لا تخوفيني عليك لا تعذبيني وانا قعدت نبكي وهو نسمع صوتي وزعل عليا عرفني انعزها واجد ودايرتها اختي وكل شي بالنسبه ليا بعد قال ابكي توا تتريحي انا بكيت وتمنيت ان لو كان حدايا وقتها وبكيت في حضنه وحكيتله عن كل شي نتوجع منه وان وجعتني نهله واجد وهو تقطع قلبه عليا لدرجة تأتر وقعد يبكي معايا اول مرا نحق راجل يبكي انصدمت سكتت وانا نسمع فيه وهو يبكي للهدرجه وهو قال انحبك واجد واجد وعذابك انا اضعاف اضعافه متعذبه وقهرك انا اضعافه مقهور علي شانك انا نحبك وانموت عليك وما نتحمل نشوفك هك طبعا انا ساكته ومصدومه هو يحبني واجد انا تعلمت منه الحب ❤ نزلو دموعي وقلت لأول مره وانا انحبك يا سراج انحبك وهو اول مره يسمعها من فرحته قعد يبكي 😭 كان فرحان اني قلتها له وبكل صدق لمس الصدق فياا وعرفني انحبه فعلا قال حاسس روحي نحلم مش قادر انصدق يلي سمعته انتي قلتيها واخيرا وانا نرجا فيها بفارغ الصبر ❤ وأنا ابتسمت وهمست انا قلتها ومستحيل حانندم اني قلتهاا وهو ابتسم انحبك وانا خلاص تحشمت سكرت عليه الخط وانا نبتسم ❤