حب حلال ( روايات ليبية )

حلقة 9🔥

#حب_حلال 🔥 🔥  الحلقه 9 🔥
امير خش علي هديل في غرفتها وقال ان صاحبه عمر جاه ديري قهوه وهي قالت حاضر من اعيوني وعدت تجهز في القهوه وامير عدا يهدرز مع رفيقه عمر يلي كان برا المدينه في شغل وجاه من يومين وبعد علم بقصة خطبته جاه يباركله وامير فرح بجيته وبعد وقت دقت الباب هديل وان يجي امير ياخد السفره وهو ما سمعش يلي سمع عمر وقبل ما يقوله ان باب دق هي دكت راسها من جهت الباب تسحب ان خوها مقابل وتشيرله اشويه ياحنه طلع عمر مقابل وشفاته وشافهاا 😂👐 حاي  وهي انصدمت وقريب طاحت منها السفره خشت جوا بسرعه وخايفه يعلمها عمر ويعدمها قعدت ترعش وبعد طولت جاه خوها امير وقال كنك طولتي وهي بلعت ريقها وأشرت عالطاوله
وان عليها السفره وهو استغرب شكلها وخداه السفره وبحت فيها كنك في شي وهي هزت راسها لا مافي
شي 😅 وهو هز راسه وعدا وعمر ارتبك وهو يذكر في الملاك يلي توا شافه توتر وبحت في امير يلي خش وهو يبتسم نورت يا صاحبي وهو ابتسم بوجودك يا غالي ❤ وامير فطن لسرحان عمر وقال كنك في شي ؟؟ شاغل بالك يا عمر ؟؟
وهو تردد وقال لالا ما في شي وقال صار خطبت فرحتلك واجد يا طيري وان شاء الله تعيش سعيد
وامير ابتسم ان شاء الله وعقبالك حتى انت خلاص ليش ما تجوز عليش مزلت عزابي وعمر تنحنح وقال
والله انت عارف مزلت ما لقيت شريكة حياتي يلي تكون مناسبه ليا وامير ضحك وقال شنو انت وزير والله البنات يلي تحكي معاهم دعيات عليك 😂😉
وعمر شرق وقال اسكت يا راجل وخاف تسمع هديل يلي هي اصلا مش معبرته خايفه ان خوها يعلم ويعاركهاااا اااه لما حاكتلي هديل نهارتها شنو صار انا ما كان عندي مجاز نضحك كنت مضايقه بكل وقتها

وبحتت في سراج يلي قعد يراقب فيا وانا نكتب حسيت ان دمعت عينه وان انا كنت معصبه بلعت ريقي ونزلت راسي حتى وجي ما قدرت نرفعه وهو مسك يدي وباسها وقال دلال وانا بحتت فيه وشفت الحزن في عيونه وهالحزن دمرني 💔 وقال ملاكي انتي وقتها كرهتيني ؟؟ لما قتلك هك انا نزلت راسي حبيبي اا خليني نكتب وتوا تعرف ومابيتش نرفع راسي ولا نشوفه 😢😔 وكملت كتابه 📝

اااا بالنسبه ليا خشيت في عزله لا ضحكت ولا عديت زرت صديقاتي حتى مدرسه ماعش عديت ولا كليت حالتي ساءت وجي اصفر وتعبت واجد ولا قادره نستوعب ان سراج هك معقوله كنت حساسه واجد ما نتحمل ان حد نعزه يتصرف هك معايا انا اعتبرته خويا وكتبتها ومابيتش نبحت في سراج عرفته اضايق اخرا مايحبش يسمعها سمعت تنهيده منه قطعت قلبي 💔 غمضت عيوني وحاولت نهدأ المشكله ان يراقب فيا ماعرفتش نكتب ونعبر عن حالتي وقتها هو يراقب في كلمه نكتبها وقبلها عيونه عليا حبه ليا مجنني ماعمري شفت حب بالشكل هضا
قعدت نحاول نهدأ ولازم نعبر عن حالتي اكتر ونتجاهل وجوده عشان ما نوقف كل اشويه وهو حس بيا صبا وطلع وقال ماشي اندوش وانا تنهدت وكملت كتابتي ....ااا وجي قعد اصفر بكل ضعفت وانا بروحي مستغربه ليش قعدت هك وكلما نذكر نضرته ليا لما قتله اعتبرني اختك الكبيره نمرض اخرا جيت نبي نصبي وانادي يا ماما وينك وهي ما سمعتني معليه الاخبار وانا صوتي واطي وضعيفه بكل كررت ماما وعشان انا مش واكله شي راسي برم ودخت وماما سمعت الصوت وقتها وجات تجري وشافتني طايحه حداه السرير انفجعت وقعدت تنوض فيا ولكن ما وعيتش بكل كانت نفسيتي بكل لان ليا ايام حالتي سيئه بقصة سراج هضا بيني وبين نفسي معقوله هك يا دلال اول شخص اصغر منك معقوله وبابا جاه وانصدم وشالوني وانا ما وعيتش بكل وهالشي خوفهم شالوني المستشفي وهما خايفين والدكتوره قالت حالتي سيئه وان وجهي اصفر ومش واكله شي وبابا معصب وعيط علي ماما وقتها وقال كنها البنت ليش حالتها هك وان في حد ضايقها وان هي يصير فيها هك لما تضايق قوليلي كنها وهي نزلو دموعها وحكتله كل شي وعن سبب مضايقتي وغيابي عن المدرسه انصدم وكان قلبه حاسس ان حايصير هك ما كان متريح ان سراج يجي عندنا وانقريه وكذا وبحت في ماما وقال هضا بلغ تعرفي شنو بلغ شفتي اخرتها بنتك تعبت انتي عارفتيها ما تتحملش واعصابها خلاص لما تسمع او تشوف شي يضاايقها ليش هك وهو مش حايخش لحوشي تبي اتجي صاحبتك اتجي بطولها انتي تبي تمشي عدي بطولك ولكن بنتي لالا
وماما قعدت تبكي وقالت اسفه والغلط مني سامحني وهو قال استغفر الله ياربي موضوع هضا عصبني ولو يصير في دلال حاجه صدقيني مش حايصير خير وماما انهارت وقعدت اتلوم في روحها ودكتوره دارتلي تغذيه وحطتني تحت المراقبه وما وعيتش بكل ونفسيتي كانت سيئه حسيت وقتها ان مانبي نشوفه هو سبب يلي صارلي كرهته حسيت لو ما خش لحياتي ما كان صار فيا هك ولا تعبت واضايقت هك
حتى طلع في حلمي ليلتها 😭 وقال دلال ماعش نبيك اتقولي اعتبرني اختك انا مانقدرش نتحمل الكلمه هذي وانا وقتها نطيت وعيطت والكل سمع وقالو ناضت وتعيط وبابا مفجوع عليا وجاه يجري وخاف وماما حالتها وانا كلمات سراج تتكرر ونسمع فيها اخرا حطيت يدي علي وذني وفكيت سيرون من يدي وهما ردوه وانا عصبت اخرا كنت عصبيه بزياده انا ولا عمري ضعفت قلت معقوله هو يضعفني هك ليش ياربي انا شنو درت ليش يصير فيا هك ليش طفل يتصرف هك معايا ويطلع في حلمي اخرا ليش
ضربولي ابره وقتها خدرتني وطحت اخرا ورقدت وحالتي قعدت سيئه بزياده حطو نفسكم مكاني وان تشوفي حد اصغر منك ويتصرف هك ويتعقد لما تقوليله اعتبريني اختك ماحدش يتعقد من هالكلمه ألا يلي مش معتبرك اخته معتبرك شخص مهم في حياته وان يفكر فيك كحبيبه معقوله هك هالشي مرضني يا ناس كرهته مانبيش نشوفه ولا نبي نسمع صوته
وجات نهله وهديل زاروني وبعد وعيت فرحن وقعدن يطمنن عليا وانا مانبيش نحكي ولا نبي انقول شي  ساكته ومضايقه وجعي بكل ولا عمري فكرت ان ممكن نمر بشي زي هضا ولا عمري فكرت اصلا ان هو ممكن يشوفني هك قعدن جنبي البنات ويحاولن يخففن عليا وانا غمضت عيوني ودموعي نزلو وبابا معصب ويلي خايف منه صار وقتها عداله لسراج وكره مع جاكته ادبالك اتقرب من بنتي سمعت ولا تحكي معاها ولا تذكر اسمها علي لسانك وسراج قال بخوف ليش شنو بدر مني انا ما درتلها شي وبابا قال بعصبيه قتلك ماتقربش منها وخلاص لا تقولي ما قتلها لا شي راجع نفسك وسراج دغري نزل راسه وفكر زعما شنو صاير انا ما قلت لأي حد ان هي مهمه بالنسبه ليا ولا قلت ان تطلع في حلمي وانشوف فيها ديما ما قلت شي حس بغصه من نضرات بابا وان عاركه وطلب منه لا يشوفني ولا شي وسراج طلع  متحجج عشان يمشي انقريه هو فاهم كل شي ودار سبلته ان مش فاهم رياضيات وجاه واضايق من كلمتي يلي قلتها له ويلي انا شفته في حلمي وقال ما تقوليهش ليا وسراج راقب بابا بعد عدا وخبط الحيط بيده كان معصب واجد وان ماعش يشوفني خش لغرفته وطلع دفتر متعه يلي مسكره بالقفل كان يكتب عليا ويمدح فيا ويقول في شعر عليا شاعر صغير 😔👐 وقتها سراج
حبس روحه حتى هو كان نفس طبعي سبحان الله
حتى اصحابه يرنو عليه وماردش عليهم ويلي يجوه لاعنده ويسألو عليه امه اتقوله شوف رفيقك كان يرفض وان ما يبي يشوف حد ولا يحكي مع حد وماحدش يدق عليه اخرا وسكر الباب بالقوه وامه مشغوله عليه حتى تقوله افتح وكول شي حاجه يقول مانبيش وخلوني في حالي وفتح روشن وسرح في قمر وهو يتخايل فيا ويفكر فيا واجد قعد ايام وهك وماحد قدر عليه وان يفتح قعد بدون وكال وامه خطرت علي بالها فكره ودقت عليه وهو كان تاعب بكل وقالت وليدي افتح دلال جات مش تعزها انت وما كملتش كلمتها وهو فتح دغري وانصدمت من شكله وحالته خطم من حداها وهو يمشي وحاط يده عالساس ودايخ وبعد مالقش حد قال بدون مايبحت في امه ليش هك 😔
وهي قعدت تبكي وحضنت ولدها شنو قصتك مع دلال
وهو جامد وساكت وهي تحكي معاه ليش تعذب فيا وتخوف فيا عليك ليش ما تحكي ليش ساكت وجاوبني شنو قصة دلال وبحتت فيه وهو ماردش وداخ عليها وهي انصدمت وجاه بوه توا وسعفوه
وهما خايفين عليه وبالنسبه ليا انا بديت نتحسن تدريجيا بس ما كنت نبي نذكر يلي صارلي وتوا وقت طلعتي وعيلتي جنبي ونحنا طالعين خش بات سراج وهو شايل ولده انا وقفت وبحتت فيهم وماما لحقت صاحبتها وبابا كرني وشالني للسياره وقعدنا نرجو في ماما وبابا لاحظت ان معصب وعرفت ان علم يلي صارلي بس ليش لما شفته توا هك لا اضايقت لا شي بس تعاطفت معاه ليش تاعب هك زعما انا السبب بحتل في بابا انت دويت معاه يا بابا  وهو قال بهدوء علي شان نفسيتي وصحتي انا قتله ماعش يشوفك ولا يقرب منك بس هضا يلي قلته والدوا هذي قبل كم يوم وانا تجمدت مكاني ياربي ليش هك شنو صاير ليش سراج خش لحياتي وقلبها ليا هك اوقات نحس بالكره له من يلي داره ونضارته ليا واوقات نتعاطف معاه وانحن عليه تمددت في كرسي الخلفي لسيارة بابا وما كنت نبي حد يحكي معايا بس ماما جات توا وقالت لا حول ولا قوة الا بالله وجعني سراج
دغري نطيت وبحتت فيهاا ؟؟؟؟؟؟؟؟؟؟

#يتبع

🔥 روايات سلطانه كوكي   🔥