حب حلال ( روايات ليبية )

حلقة 12🔥

#حب_حلال 🔥 🔥 الحلقه 12 🔥
نزلت عيوني بعد انتبهت لنفسي واستغفرت ربي ومش عارفه شنو صارلي وهربت عديت بسرعه وهو قعد يبحت فيا وبعدها تنهد بوجع 😔 وعدا ركب في سيارته وخلاني في صدمه كبير معقوله سراج انشوفه بعد كل هالسنين ومن شوفته نتلخبط هك شنو صارلي ليش ما اضايقت ليش قعدت نبحت فيه لوقت طويل وما شلت عيوني من عليه كان كابر وشاب ومتغير واجد ولكن نفس النضارات يلي زمان كان خاطري نسأله وين كنت وشنو درت كل هالسنين تنهدت وحطيت يدي علي قلبي يلي ما هداه من شوفت سراج 🔥 ماعرفت ليش حاسه بشوق له ولا عارفه ليش يبحت فيا بحزن ما لقيتش ولا ايجابه
لأسألتي وفي اليوم التاني بعد وصلني بابا للجامعه وعدا قعدت نمشي بخطوات بطيئه وحزن كبير واليوم عيد ميلادي اليوم انخش لي 21 سنه قطع تفكيري صوت شاب وهالصوت مستحيل ننساه وقال دلال ❤
ألتفتت وبحتت فيه هو بذاته هضا سراج يلي شفته امس جاه اخرا خش لحياتي اخرا فطنت لخطواته وقرب مني انا وخرت وهو طلع ورقه من جيبه ومدها ليا قال هذي لك وكل عام وأنتي بخير العمر كله انا انصدمت شنو عرفه قعد يبحت فيا لوقت وقال رايفتلك ❤ قلبي قعد يدق ليش حاسه هك حتى انا وحاسه بالشوق له ابتسم وعدا ركب في سيارته وانا عديت وقعدت عالكرسي في حديقة الكليه وفتحت الورقه وكان مكتوب فيها بخطه الحلو ❤

دلال شنو أنتي توقعتي أني نسيتك في حد ينسى
قلبه وروحه في حد ينسى الانسانه الوحيده يلي خدت عقله وانتي قلتي لو اتعزني اختفي من حياتي اختفيت اها اختفيت بس نراقب فيك من بعيد طول هالاربع سنوات وانا نشوف فيك ونراقب في بسمتك وضحكتك وطلبتي نلها بقرايتي لهيت بيها وخسيت حتى للجامع وحكيت للشيخ عليك اها لا تستغربي قتله انا متعلق بأنسانه اكبر مني قالي لما تكبر وتقعد قد المسؤليه اطلبها ولو وافقت عليك اتزوجها وهالخبر فرحني لما قالي اتزوجها ❤وتوا لما عرفتك تفكري فيا وقلبك ينادي فيا جيت واجهتك واخيرا قربت وشفتك من قريب كان خاطري نعبرلك كل يلي انحس بيه صدقيني انا مش طايش ولا شي انا حبيتك والله ومن كل قلبي وانا مانشوف في غيرك أنتي ومستحيل نخليك حبي لك يزيد يا دلال ماقدرت ننساك ولا نبي ننساك ارحمي قليبي راه الموت اهون ولا نشوفك مع حد تاني ولا تزوجي حد تاني ماتبيني خليكي وحيده طول عمرك وانا نفس الشي المهم مايكون في حياتك راجل تاني صدقيني هك حاتحكمي عليا بالموت تبيني انموت وأنتي ليا وبس يا دلال أنتي لي سراج  ✋

وانا انصدمت وقتها حطيت يدي علي قلبي ما هداه دقات قلبي سريعه قعدت نقرا في المكتوب الف مره حتى حسيت بحد ورايا انتبهت لضل حد جاني خوف لأول مره صبيت ولقيت شاب من الجامعه كان حايمد يده عليا مش عارفه شنو كان يبي يديرلي ويلي درته هربت اها هربت وانا قلبي يرجف الشخص الوحيد يلي ما خفت منه هو سراج الكل سيئين 😭 يلي في الكليه كلهم يتحرشو فينا انا خفت وينك يا سراج ياريتك جنبي توا رغم يلي حاسته توا ولكن فكرة الزواج منك هذي ما خشتش الراسي والله مع انك ما تنعاب اكيد احساس يلي حاسته هو الاخوه وعقلي يقول اها اكيد معتبرتيه خوك مش شي تاني وقلبي يقول لالا يا دلال مش خوك مش خوك انتي حاسه بمشاعر اتجاه سراج انتي حاسه بشي اول مره اتحسيه وناض توا من سنوات هالاحساس من شوفتك له انتي متعلقه بيه زيه وتبيه ولكن انتي ما تعرفي ولا عمرك جربتي الحب وقعد صراع كبير بين عقلي وقلبي ✋🔥 عقلي يقول خوك وقلبي يقول مش خوك وانتي اتحبيه مشكلتي مانحكيش لأي حد ولا نقول يلي حاسه بيه تنهدت ومن شوفتي لنفس  الشاب يلي قبل يبي يلمسني يبحت فيا خفت منه شنو  يبي مني عليش ملاحقني وانا مش معبرته خشيت للقاعه وهربت منه وتفكيري رد لدوامة سراج شنو قصته كررت قراية رسالته وانا نبتسم هو الوحيد يلي نتريح من وجوده اما الباقي نحس بالقرف لان نضارتهم حقيره عكسه هو يلي يبحت فيا بنضارات احترت نعرفها عيونه في عيوني بس عكس الباقي كانو يبحتو فيا زين رغم لبسي المحترم قليلن ادب كرهوني في الكليه والشخص يلي كان يبي يقرب مني في اليوم التاني شافني هرب وباين عليه مضروب من يلي ضربه زعما سراج بحتت حوليا انت يلي ضربته جاني صوته يلي حفظته اها انا يلي ضاربه هو قرب من ممتلكاتي فحاينضرب قتلك مش حانسمح لراجل يقربلك او انتي تجوزي غيري حاتقعدي يا دلالي علي عيني وراسي وانا حاط حد يراقب فيك واي حد يضايقك توصلني المعلومه وأنا مصدومه بحتت فيه نضارته قعدت نعشقهم وهو ابتسم وانا نزلت راسي  شنو وصاك يا دلال بوك شنو قالك مش قالك ماتبحتيش في راجل ليش تغلطي عديت نجري وقتها وهربت منه وهو ابتسم حسيته يقرا في افكاري ويفهم عليا طول اه ياربي ارشدني للطريق الصح تعبت من هالموضوع جنني سراج