حب حلال ( روايات ليبية )

حلقة 5🔥

#حب_حلال 🔥 🔥 الحلقه 5
بين الماضي والحاضر 🔥👐🔥 أول ما وعيت 🙈 الصبح لقيت سراج مش قعد بش لقيته مجهزلي 😍
الفطور ضحكت وكاتبلي رساله 📝 خديتها وقريتهاا
وكاتبلي فيها يا صباح الورد والفل والياسمين 🌼🌹يا صباح الحب والعشق ❤ يا صباح العسل 🍯 يااا
عسل أنتي بس عسل أصلي نادر في الوجود ❤
انحبك ❤ وأنا عديت الشغل يا عمري 😉 تحياتي  سراجو حب حياتك وزوجك ❤ أبتسمت وبست
الرساله وانا قلبي يبي يطير ويرفرف بجناحته 🙈
هالانسان مجنني اهتمامه وحبه وكل شي فيه مجنني
❤ وانا انحبه وآنموت فيه عديت وتوضيت وصليت
وجات عيني عالفطور يلي جهزه بنفسه ابتسمت علي
اهتمامه بيا وحبه ليا الكبير يلي خلاني ناخده ونوافق
عليه رغم ان ياما دار علي شان يكسبني بس اكيد عارفين اني مش بالسهوله انحن علي حد ونصدق ان
يحبني وخاصة يلي صار لنهله زمان قبل 13 سنه وقتها ان مانصدقش في حد بس صدقت سراج لان اتبتلي حبه الكبير ❤ وتعب علي شان يكسب تقتي فيه ورضيت بيه وبصغره ❤ تنهدت وفطرت واناا
نبتسم ورسالته قعده جنب الفطور حفظت كل حرف
انكتب وقررت نبدأ في كتابة قصته وخشته لحياتي
بعد كملت الفطور وضميت الحوسه وبرمت عالحوش
وطبخت الغذاء وعديت لغرفة المكتب امتعي يلي
دارها ليا سراجو 🙈❤ لان انا تخصصي ادب لان
نحب الكتب وكل شي فدارلي غرفه في حوشنا خاصة
بالكتب وهي يلي نكتب فيها في قصتنا حب حلال ❤ قعدت عالكرسي يلي جابه ليا هو ❤ وفتحت
الكتاب 📖 والبيرو وبديت نكتب لاعند ما وصلت 👐

عيلة نهله تغيرت واجد مع نهله و ولدهم قيس وكل
يوم كانو يدهورو فيهم وكانو يراقبو في فرحتها يلي
واضحه علي وجهها البريء فرحتها كانت لا توصف
وشالوها للملاهي هي وقيس وامها قللت زيارتهااا
لي صديقاتها وخصصت وقتها لرعاية نهله وقيس يلي
بدأ يتعلق بيها ونهله طاير عقلها كان حلمها ان هك
تتغير عيلتها ويهتمو بيهم هي وقتها مستحيل ادور
علي حد يهتم بيها من شاب زي يلي داره 😭 يلي عرفوها عليه البنات ااااه يا نهله بجديات ربي يعينها
خلونا نمشو لمكان تاني عند أمير يلي ساعد نهله وهو
يكون اخ هديل الطالبه الجديده يلي جات الفتره يلي
فاتت للمدرسه يلي نحنا فيها لما عديت انا المدرسه
ونهله كانت غايبه في اليوم هضا شفتها مصبيه مع
البنات السيئات وتهدرز معاهم رفعت حاجبي لان اول
مره نشوفها قلت في نفسي شنو جابو بنت جديده او
كانت غايبه بس ما لقيتش ايجابه الا لما خشيت للفصل وهديل خشت حتى هي والاستاذه بحتت فيها
وقالت انتي عشان مادرتيش معانا الامتحان الجزئء لانك محوله جديده في المدرسه فالامتحان النهائي ع 100 اعمالك وكل شي فلازم تجتهدي وهي هزت راسها والاستاذه عدت وقالت توا اتجي وانا وقتها فهمت ان هديل جديده هنا وبحتت فيها نحاول نعرف شخصيتها وكذا كانت قعده اخر وحده وطلعت كتبها وباين عليها هاديه بس اي وحده تجي وتسألها او تتعرف عليها اترد علي اجوبتهم عادي وشفت بنات السيئات جان توا وقعدن جنبها حسيت ان اضايقت يمكن عشان لما قعدت معاهم برا اكتشفت جانب سيء فيهم وهالشي هو يلي خلاها تضايق هك جات عينها في عيني وانا بحتت قدامي وتنهدت وقلت بيني وبين نفسي يعني ليش السيئات يحبن  يتعرفن عالطيبات ويغيرن من طبعهم ليش وليش انا
يلي يلفت انتباهي هالشي بحتت في روشن وسرحت
حسيت ان ربي ❤ يبيني انساعد البنات الطيبات
هذينا بحتت فيها اخره وقتها ولقيتهم يورن فيها في
حاجه في تليفون السري يلي جيباته معاهم بحتت في
هديل واضح ان اضايقت وجها اسود قعد وبحتت بعيد وتلاقت عيونها فيا مره تانيه انا عرفت ان ورنها
حاجه مش مزبوطه بكل وان هي اول مره تشوف هك
اشرتلها بيدي انها اتجي وتقعد جنبي في مكان نهله
يلي غايبه وهي لمت حاجتها دغري وصبت وبنات
بحتن فيا وعرفني انا ناديتها عطني نضرة كره وحقد
وانا غمزتلهم 😉 ما كنتش نخاف بكل لا منهم ولا من
غيرهم ربي مقويني ❤ وشخصيتي قويه ومش
ضعيفه بحتت في هديل يلي قعدت جنبي حسيت ان
ترعش بحتت فيها وقلت انتي كويسه في شي وهي
هزت راسها وقالت بصوت مش طبيعي لالا مافي شي
وانا مديت يدي وسلمت عليا انا اسمي دلال وانتي وهي سلمت عليا وابتسمت وانا هديل وتشرفت فيكي
وانا قلت وانا اكتر وبعدها جات الاستاذه وبدت في
الحصه امتعتها وفي نهاية الدوام طلبت مني هديل نعطيها كل شي خديناه وانا عطيتها وقالت توا نجيبهم لك بكرا وانا قتلها تمام وروحنا طلعت جارتي وحوشهم يبعد شارع علينا هههه وقالت انهم جدده سكنو هنا عليش مانعرفوش بعضنا وانا ابتسمت وقتلها تشرفت فيك وكل حد عدا لحوشه وهديل روحت لحوشها وشافها خوها امير وقال ان اسف خلاها تروح بروحها اليوم لان كان مشغول فقالت هديل ان لا كون مطمن وان تعرفت علي انسانه كويسه وروحت معاها وهي تكون جارتنا وهو ابتسم وقتها خطرت علي باله نهله البنت يلي ساعدها وخذت كل تفكيره اذكر ملامحها البريئه وخاصة وهي تبكي وبعدها قال بينه وبين نفسه اكيد هو يعرفها شخصيا عليش خداها بالشكل هضا من المدرسه تنهد وقال كلهم هك البنات بس شاف شي تاني فيها ان كانت ترعش وتبكي وخايفه زعما ليش لو هي تعرفه وراضيه بعلاقتها بيه ليش لا يصير فيها هك قعد يدخن وتفكيره في هالموضوع وبالنسبه ليا انا روحت وكنت تعبانه شويه حاسه بصداع وفي اليوم هضك انا تعبت واجد ومرضت في الليل حرارتي ارتفعت قعدت نار فجأه وماما خافت عليا واجد وقعدت جنبي وبابا قال لو ما تحسنت مش حاتمشي بكرا المدرسه وحانشيلها للمستشفي وانا مش عارفه كني حتى صوتي راح ومبحوح شنو في شكلي خديت برد قوي لان اليوم كان مطر وصقع بكل وانا تعبت في اللي انا ما نتحملش الصقع نمرض بسرعه من انا وطفله في الصبح بابا لقاني مزلت كيف ما انا وتعبانه بزياده وماما لبستني ويابا شالني للسياره وماما جات معانا وعدينا للمستشفي وبابا وماما كانو خايفين عليا واجد وانا حتى عيوني مش قادره نفتحهم كنت يومها نسمع بس وضعفت واجد وحالتي حاله خشوني للاسعاف
ودارولي تغذيه وقالو ان واخده برد قوي وهي ما تتحمل قالو لازم تقعد يوم في المستشفي ماتروحش وماما حضنتني ونزلو دموعها وبابا زعل عليا واجد كلما نمرض يصير فيهم هك وانا كل مايجي الشتاء نتعب واجد من صغري وبابا باس راسي وقالي ما تخافيش يا بابا توا نمشي لشغلي وانجي باهي وانا هزيت راسي وطلقت يده وقعدت نرعش وحالتي حاله وماما قعدت جنبي وبابا نداها عدتله وهو قاللها ان ما تخليني واطمنه عليا كل وقت وهي قالت حاضر وهو عدا وباله معايا وانا كنت نبي وجودهم جنبي بس هو عنده شغل وانا ما نبي نعطله وتوا يجي اكيد مش حايتأخر وماما جاتني وقرت عليا قراءن تريحت ❤ اشويه ورقدت وفتحت عيوني بعد وقت لقيت ماما
تحكي مع وحده ويلي سمعته ان اتكون صاحبتها وتوا كيف شافتها ومعاها ولدها جايبته وكان مريض وتوا يبو يطلعو من مستشفي وهي شافت ماما برا في مومر تحكي مع ممرضه تسأل فيها عليا ولما شافت صاحبتها سلمن علي بعضهم وخشت جوا شافتني وانا فطنت لولدها يبحت فيا زين استغربت مش قادره نحكي انا بحتت فيه وباين عليه مزال صغير ويقرا في سادسه ابتدائي وهو مصبي ويبحت فيا وامه نداته وقالت تعال يا سراج هيا نبو نمشو وهي وقتها فطنت اني وعيت جات وحمدت علي سلامتي وانا ابتسمت وهزيت راسي وقعدت تكر في ولدها من حداه سريري وهو مش عارفه كنه يبحت فيا هك اشويه قالت امه سامحيني يابنتي هو كل مايحق حد مريض يقعد يبحت فيه وقال خاطري يكون دكتور عشان يعالج المريض والتعبان  ومتعبني لان هو ديما مريض ونشيل فيه في مستشفي ديما ولما يحق حد تعبان زيك يا دلال يقعد يبحت فيه انا استغربت وبحتت فيه وابتسمت له علي برائته الحلوه هذي ان ما يبي يشوف حد تعبان ويبي يشفيه وهو وقتها حط يده علي راسي انا ضحكت من وسط قلبي وامه قالت يزابي في الدكتور لما يشوف في حرارته وانا ضحكت وماما فرحت عشان ضحكت وقال سراج ان حرارتي خفت ضحكت اخرا وكريت خده وامه ضحكت وحتى ماما عليه وامه بالايش خداته معاها واتفقت مع ماما ان حاتزورها في الحوش وماما قالت تشرفيناا وعدو وانا ابتسمت علي سراج يلي قالت امه ان طموحه ان يكون دكتور ومجننها ابتسمت اول مره في حياتي نشوف طفل طموح بالشكل هضا كنت نقول ان انا بس يلي طموحه ماكنتش نشوف في حد غيري طموح كان هدفي اني نتعلم ونقعد كاتبه من صغري وتوا اتلاقيت مع ولد صاحبة ماما يلي قالت ان طموحه يكون دكتور
ويعالج الناس ابتسمت وتمنيت وقتها من كل قلبي ان يحقق حلمه وان ربي يحققلي حلمي وحلم كل حد عنده طموح وحلم ويبي يحققه ورقدت اخرا من التعب ❤❤

#يتبع

🔥 روايات سلطانه كوكي  🔥