حب حلال ( روايات ليبية )

حلقة 15🔥

#حب_حلال 🔥 الحلقه 15 🔥 وامير من مشيت عمر وعيلته صبا وخش للصاله ولقاه امه ماسكه مالك وتلعب فيه ابتسم وقال وين نهله وهي اشرت عالحمام مش عارفه كنها من جيتكم وهي ماشيه جايه للحمام وهو عدا دق عليها نهله حبي
افتحي ونهله جففت وجها بعد غسلاته وطلعتت وهو مسك يدها بحنين وبحت فيها كنك شنو اتحسي وهي حضناته وماردتش استغرب وشالها لغرفته القديمه وهو عازب وحطها علي سريره وبحت فيها كنك ردي وهي مسكت يده خليك جنبي وبس نبيك اتكون جنبي وابتسمت بوجع اتحس فيه وقالت انا انحبك ونبي نرقد في حضنك وهو قعد يبحت فيها لوقت وقربها منه ورقدها في حضنه وقال شكلك متعت نوم وحاتعلميني نكون زيك وتعوديني وهي ابتسمت غصبا عليها وحبست شهاقتها وحطت يدها علي بطنها وغمضت عيونهاا وبعد وقت من الهدوء هو قال نهله حبيبتي كنك قبل ديما تضحكي رايفت علي ضحكتك وماردتش عليه بحت فيها بعد حولها من عليه وقال نهله حبيبتي ردي عليا وهي ماردتش وهو قال انتي نومك خفيف ليش ماترديش عليا وماحلك رقدتي نحنا قبل مانجوه هنا كنتي راقده ونوضتك حرام عليك انا نرايف عليك قعدت معقوله هك حملك تاخديه كله نوم قعدت نغار حتى من النوم رايفت عليك رغم وجودك جنبي والله مرايف علي صوتك وضحكتك ورومانسيك ليش متغيره وماعش اهتميتي بيا ليش وقرب باس راسها بوسه حب طويله وبعد ماعش ردت ولا تحركت بحت فيها وتنهد وقال حانطر نتصرف هك ورش عليها اميه علي وجها ينابش فيها بس ماردتش عليه وهنا بدت النار تولع فيه 🔥 والخوف يجري في عروقه 😨 حبيبتي ياروحي كنك قعد يضرب فيها في كفوف نوضي صبا وهو شايلها بين ايديه وقريب يموت من الخوف عليها طلع برا الغرفه وامه شفاته انصدمت كنها يا وليدي وهو بصوت يرجف ماما اناا شايلها المستشفي ديري بالك علي مالك وطلع بسرعه وامه قعدت تدعيلها ومالك قعد يبكي عشان عدو وما خدوش معاه وهو عمره 3 سنوات قعد يبكي ويقول ماما وبابا وهديل جات تجري وشلاته وامها حكتلها يلي صار وهي انصدمت وقعدو مشغولين عليهاا وهديل سكتت مالك ورقداته في غرفتها وامير يسوق وخايف عليها لا ياربي لا تحرمني منهاا والله مانقدر نعيش بدونها وصل بسرعه للمستشفي نزل وعدا فتح الباب وشالها وهو حاضنها وخايف عليها خش بسرعه وينكم وهما اشرلوه لقسم الاسعاف عدا شوره وحطها عالسرير وطلعوه وقعد باله معاها ويدعيلها وخايف عليها واجد اذكر شنو قالت نبي نرقد في حضنك وحس انها متغيره وان حاسه بشي بس هي دست عليه وهالشي عصبه بس اهم شي عنده ان تكون ابخير وبعد وقت طلعت دكتوره وجاته وقالت انت زوجها وامير قال اهاا طمنيني عليها لو سمحتي وهي قالت انا كشفت عليها وهي متعرضه لتسمم مش عارفه شنو واكله بس يلي واكلته متسمم وهو انصدم شنو تسمم 😨 وهي هزت راسها وقالت مع الاسف وانا مانقدرش ننقض الاتنين واحد منهم يموت وهو قال بسرعه انا نبيها هي اهم شي مش مهم البيبي مش مهم اهم شي هي مانقدرش نعيش بدونهاا وهي هزت راسها تمام تعال وقع عشان انديرلها عمليه بسرعه لان السم يجري في دمها وامير انصدم سم وقع وهو يرعش والدكتوره عدت وهو قعد يذكر شنو كلت هي وامس ما كان فيها شي شنو الشي يلي طلباته وجبتها لها قعد يذكر بس الايام يلي فاتو يلي جبته كلنا كلينا منه وبعدها اذكر اليوم اليوم واذكر خشت عليه في الصبح حبيبي وهو بحت فيها نعم ياعمري وهي قعدت جنبه شوف انا خاطري في حاجه وهو ابتسم وشنو هي قربت همستله سمك وهو ضحك تأمري بس انتي عارفه اني انا مانحبش لا انا ولا ولدك مالك فحنجيب سمك لك انتي وانا و ولدي شي تاني نتغدو بيه اوكي وهي هزت راسها وهو ابتسم وباس خدها وعدا واقرب محل لحوشه عداله وجاب سمك لها ولما جابه هي كلت منه وهو يتفرج عليها ويبتسم وبعدها عدو لحوش عيلته علي شان خطبة هديل اخته وامه قالت ان من جيتهم وهي تخش للحمام وهو ما شافها لان كان في المربوعه قعد مصدوم وهو ما كلش من سمك لان مايحبش عدا يجري وركب في سيارته وعدا للمحل هضا وقعد يعيط يا كلاب وبحت في الشخص يلي سلمه الكيس هد عليه وضربه والباقي قعدو يكرو فيه تي كنك انت اطلق الراجل وهو اي حد يقرب منه يدفه يطيح بضربه وحده وكر الراجل هضا وبحت فيه قولي شنو فيه السمك يلي خديته منك امبدري احكي وهو مسح دم يلي نزف من خشمه وبحت فيه شنو تحكي انت وامير ضربه اخره تبي تحكي والله نفرمك تكلم وهو خاف منه امير كان قوي بكل وخاصة بعد دفهم يلي حاولو يفكوه من صاحبهم بيد وحده وقال سمك يلي انت خديته فاسد انا عطيتك الفاسد ومعفن وما عطيتك الطازج وامير عصب وضربه اخرا ليش هك يا حقير احكي وهو قال بعد وقت هو قديم ونبي نتخلص منه علي جيتك انت كنت نبي نعزقه اشويه قلت نبيعه لك وخلاص وخديته انت وامير قعد يضرب فيه بقهر وما طلقه يا حقير زوجتي حامل ونزلو دموعه هي حامل وكلت منه ليش هك كانت حاتموت بسببك انت مكانك الحبس وحط كرعه علي بطنه وبحت في اصحابه واحد يقرب يلاقي روحه مكانه واتصل بالشرطه وبلغ عالمحل هضا وهما خافو في يلي هرب ولكنه هو قعد مع يلي باعه السمك المعفن لان هو اعترف وباقي مش شورهم مايندروش عليه وبعد وقت جات شرطه وامير سلمه لهم وعدا للمستشفي اخرا ولقاه الدكتوره طالعه من العمليه توا سألها علي نهله وهي قالت الحمدلله علي سلامتها وبخصوص الجنين ربي يعوضكم غيره وامير هز راسه وحكاه الدكتوره يلي صار بخصوص السمك وهي قالت ما هذي المشكله هو فاسد وهي حامل ما تتحملش وانتو ما صارلكم شي لان زي ما قلت ما تكالوش فيه
وهو تنهد باهي نقدر نشوفها وهي قالت لحظه نحطوها في غرفه بس وهو هز راسه وقعد في المومر ويرجا فيهم يحطوها في غرفه وبعد شافها يكرو في السرير لغرفه لحقهم وقعد يبحت فيها ومش عارف شنو يقوللها راح البيبي شنو حا ادير وهي فرحانه بيه تنهد وقعد جنبها وهما طلعو وسكرو الباب وراهم وهو مسك يدها وباسها وبحت فيها وقعد يرجا فيها اتنوض
وقعد يبحت فيها حتى مر وقت علي العمليه حس بحركتها وهو بادي فيه النعاس بحت فيها وشافها فتحت عيونها باس يدها وبحت فيها حبي ياروحي وهي بحتت حواليها ولقت روحها في مستشفي بحتت فيه وشافت حزن كبير في عيونه كانت اتحبه واجد وتعرف من اعيونه اذا فرحان او حزين حطت يدها علي خده وقالت بصوت تاعب ليش هالحزن وانا وين
وهو قرب وباس راسها وقال انتي في المستشفي تعبتي فجبتك هناا ياعمري وهالخوف خايف عليك واجد وبحت فيها لو صارتلك حاجه مش عارف شنو يصيرلي وهي ابتسمت اتحبني واجد وهو هز راسه انحبك وانموت فيك وهي ابتسمت وحطت يدها علي بطنها توا لما انكون في الشهر الخامس قولها ليا هالكلمه بكل احساس وحب زي توا عشان البيبي يحس بيك وابتسمت وهو حولت ابتسامته ونزل راسه وهي انتبهت لحزنه كنك ليش شنو قلت وهو هز راسه لا مافي شي ما تخافيش وباس راسها وهي ابتسمت وقالت لو نسحب انك تكون رومانسي هك كنت من زمان مرضت وهو عصب اسكتي ماعش تحكي هك حبيبتي ماتعصبيني وهي سكتت ومسكت يده خليك جنبي وهو تمدد جنبها ورقدها في حضنه وما حكالها شي يمكن غلط وقتها ان كتم عالموضوع وخلاها تحلم بالبيبي 👐