الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|1

قبل 200 سنة...

الرجـــــــال...كلهوم كانو بحال بحال...
شارف..شاب..فقير..غني..مكانش تيهم هوما شكون..الحاجة الوحيدة لي تعطات لهاد البشر هي الحياة القصيرة..الحياة المنتهية...لا اقل و لا اكتر...الرجـــــال بالنسبة ليا وجبات تنسد بيها الجوع و تنروي بيها العطش ديال السحر ديالي...الرجــــــال هوما قذارة و وسخ حياتي...

فواحد الحانة من حانات البلدة كانت عامرة برجال و نساء و هاد النساء هوما نادلات هاد الحانة...كانت وحدة من هاد النادلات هازة صينية فيها مشروب متوجهة بيه لواحد الرجل...
النادلة:تفضل مشروبك ا سيدي
الرجل خداه و النادلة مشات تجيب مشروبات اخرى عاطية بضهرها حتى حسات بطرشة فمؤخرتها خلاتها تقفز من بلاصتها تلفتات لقاتو واحد الرجل اخور شافها غمز ليها و ضحك...
النادلة بغضب:قيصني مزال ديك الساعة غادي نجمعها معاك يا الخنزير
الرجل:لا لا غير عتارفي انا عارف بلي عاجبك الحال مبانش ليك بلي هاد الدور لي تتمثليه طول فوق القياس؟
النادلة بغضب:مكاين حتاشي دور ولا تمثيل انا ماشي عاهرة حانات انا تنسربي غير الشراب شوف ليك مع ستيفانيا و فلوريا هوما لي كاينين هاد الليلة خود غير وحدة فيهوم و سير فحالك اولا خودهوم كاع نتا بجوجهوم بغاو غير الفلوس
الرجل:شوفي انا ممسوقش لدوك العاهرات حتى وحدة فيهوم مازويناش بحالك واش غادي تسطيني نعسي معايا دابا و هنا
النادلة بغضب:خلينييي علييك
مشات و خلاتو و هو بقا تابعها...
النادلة تلفتات:متبقاااش تابعنييي
الرجل:و صاافي متكونيش قاصحة معايا راني حنين مع العيالات سولي كاع العاهرات ديال هنا غيقولو ليك..غير ليوم سرقنا انا و جماعتي واحد نعسي معايا و نعطيك 20قطعة ذهبية
النادلة طلع ليها الدم:متيهمنيش الذهب ديالك واش متتفهمش وا عطيني بالتيساع
و هي تهرب سدات عليها فالطواليت ديال الحانة...
الرجل:واخا غنشوفو قداش غتصبري يا العاهرة غادي تولي تجي نتي طلبي و ترغبي نعس معاك الى رجعت و جبت معايا كيس عامر بالذهب...(مشا)
فهاد الأثناء كان واحد الغراب الفوق سمع و شاف المحادثة من لولها لاخرها...
الغراب:الرجــــال...
الغراب:ممتاز...
بعد ساعة و فمكان اخر كان نفس الرجل لي تحرش بالنادلة فالبلدة...
الرجل:تيغبر المرحاض غير الى بغيتيه فين غنلقا انا شي واحد دابا
يالاه غيشوف واحد المبنى و هي توقف عليه نفس النادلة ديال قبل كانت لابسة لباس اخور..كان فستان اسود قصير و مثير بقا هو غير حال فمو...
الرجل:وااو وااو عمرني شفتك بشي لباس بحال هاكا من قبل حتى من العاهرات عمرهوم بيينو سيقانهوم هاكا واش و اخيرا وليتي مستعدة تولي ديالي؟
النادلة حركات راسها ب اه و هنا فرح مقداتو فرحة و تلاح عليها تيبوس و يقيص واحد اللحظة حييد حوايجو و حييد ليها حوايجها و رجعو تاني ل القبل المتبادلة...
النادلة:(واحد الفاسق بحالو و تيفكر غير بتحتو دغيا غادي يطيح فالوهم ديالي)
النادلة:(و فاش الروح القذرة تتوصل حدود ضعفها...)
بداو شي أضواء و أنوار فالألوان تيبرقو فالرجل و هو يطيح الأرض مطلعش الراس مزال هنا النادلة نفاجرات بالضحك و سرحات يديها بان نور بحال شكل شي جوهرة تضوي كانت بين يديها...
النادلة:انا تنقي الوسخ ديالها و من بعد تتولي جزء مني
هنا تحولات النادلة ل فتاة شابة بشعر أسود طويل مثل سواد الليل عينين زرقين بشرة حنطية و ملامح فاتنة فرقعات صبعها و تلبس جسمها بنفس الفستان الأسود المثير...
الساحرة:هممم شكون هو التالي؟؟
و هي تحرك يديها و تحولات ل الغراب و طارت فالسما...