الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|2

ليونارد:سمعي ا لوسيا انا غنمشي
لوسيا:غتمشي؟؟
ليونارد:الملك جورج خطط لزواجي ب بنتو الأميرة كاترين و انا قبلت اقتراح الزواج
لوسيا بغضب:شنووو؟؟؟ علاااش اصلا قبلتييي بهااددشيي؟؟ شنووو بالنسبة ليا اناااا؟؟؟؟
ليونارد بحزن:باقي تنبغيك ا لوسيا (تنهد) غير مبقيتش تنحس بداك الحب مزال...
~من داك النهار و لدابا الكلمات ديالو باقة ملاحقاني..~
ليونارد:شوفي ا لوسيا انا غنعيش فالقصر الملكي نتي تقدري تبقاي فالقرية مع الناس ديالي
الناس ديالو؟؟؟ قرية فيها الناس لي تيحتارمو الشخص لي حطم قلبي مغاديش نكون مع هاد البشر الأغبياء لي متغاضيين على الخيانة ديالو ليا...
لوسيا هزات عليه صبعها:لا مغاديش تخليني و تمشي تزوج بشي مرأة صغيرة و زوينة و لابسة فستان ثمين شنو غادي ديرررر؟؟؟غادي تعطيها حتى هي الخلود؟؟؟
ليونارد:فالحقيقة مبغاتش تعيش للأبد و حتى انا مبقيتش باغي غادي نحييد تعويذة الخلود عليا من بعد زواجي بيها تنبغيها و بغيت نكبر معاها ا لوسيا
لوسيا بدهشة:نتا مستاعد تخسر الخلود ديالك على قبلها؟؟؟ علااااش ا ليونااااارد علاااااش شنو لي زويييين فيهاااا حتى تخلينييي على قبلهاااا؟؟؟ واش هيي ماهرة فالسحر واش هي اجمل؟؟؟
ليونارد:لا ا لوسيا نتي اجمل منها و معندهاش ولو نقطة وحدة ديال السحر فدمها و نتي اذكى منها اي حاجة تديرها نتي افضل منها
لوسيا:اذن علاااش غتخلاا علياا شنووو الغلط لي فيااا انااا؟؟؟
ليونارد:مافيك حتاشي غلط ا لوسيا انا غير لقيت الاستقرار مع كاترين سمحي ليا لوسيا تنتمنى تلقاي حبك الحقيقي عندك الخلود من بعد كلشي غادي تلقاي لي بغيتي بسلامة
لوسيا بغضب:لاااا ويااااك تجرأ ديرهاااا
صنعات موس سحري و حطاتو على رقبتو..كان مصمم و عازم انه يخليني مكانش عندي غير نخرج هاد السيف السحري و نحطو على رقبتو باش نخليه يتراجع فقرارو...
ليونارد:لوسيا من فضلك مبغيتش نتقاتل معاك
لوسيا:غاادي تبقااا ولا غادي تموووت
ليونارد تنهد و بعد السيف بسحرو..
لوسيا بغضب:تحررررق يا الخنزيييير
خرجات عافية من ليونااارد...
فهاد السنوات كاملين بنهارها و ليلها كنت تنصقل فالسحر ديالي مبقيتش تنتقارن مع هاد الخنزير الخائن فاش كان هو مستمتع مع الأميرة ديالو دابا يستاهل يتحرق بهاد النار باش يالاه تنقا روحو بقيت واقفة عليه تنتسناه يطلب المسامحة انا عارفاه علاياش قاد ولكن مبقاش قوي كفاية مزال باش يوقفني...
ليونارد:سمحي ليا حيت غندير هادشي ا لوسيا
هز يديه لفوق و بداو تيخرجو منها اشعاعات ضربات فلوسيا فجأة تحولات ل حمامة...
تحويل الأشكال؟ هاد الخنزير الموسخ الخائن تعلم سحر جديد بلا ميشاركو معايا و هاني دابا انا هنا مقادة حتى نتحرك ولا حتى نهضر غادي يكون زاد على هاد تحويل الأشكال تعويذة خرى...
ليونارد:بسلامة ا لوسيا (تحول حتى هو لحمامة)
حتى و انا مجرد طائر غبي دابا قادرة نشوف الغرور فعينيه بالنسبة ل ساحرة عندها الخلود هاد النهار فاش علقت فهاد الهيئة ديال الحمامة كان اطول نهار فحياتي قبل ميطير ليونارد من الشرجم ضار و شاف فيا النضرة الأخيرة ديك الساعة كانت اخر مرة نشوف فيها ليونارد الرجل الوحيد لي بغيتو من قلبي لي طار دابا و تخلا عليا انا و هاد المكان لي عشنا و شاركناه انا وياه كتر من 25عام مخليني هنا هازة الألم و المعاناة و اليأس...
💥الحاضر💥
تنهدات دايزي:هادشي تيوضح شحال من حاجة
طوماس تيفكر:الخلود و تحويل الأشكال هاه؟؟ هادشي علاش قدرات تعيش هاد المدة كاملها و تتقلب على الفرائس هاد الساحرة لوسيا هي لي جابت هادشي كاملو لراسها..اووه كاع هاد الكره ل الرجال و كاع هاد القتل
دايزي:الى كانت حقودة لهاد الدرجة علاش غتكون عتقاتني متلا؟
طوماس:معرفتش ممكن حقدات على الحراس و الخدامة ماشي بالضرورة تقتلهوم باش تعتقك
دايزي:ممكن نكملو القراءة؟
طوماس:تيبان ليا قريت لي يكفيني
تنهد طوماس و لاح المذكرة فوق الكتب لخرين فجأة خرجات منها ورقة توضحات انها رسم...
طوماس:هاااه شوفي ا دايزي تيبان ليا المرأة لي عندنا ماشي هي لوسيا
دايزي شادة الرسم:"جميلتي لوسيا" ليونارد لي رسمها على قبلها اذن شكون هاد المرأة لي شادين عندنا دابا؟؟؟