ميلتون:يعني حتى العمر ولا طبيعي؟
ليونارد:تماما باختصار ولات انسانة عادية بحالها بحالكوم غير الفرق انها تتملك سحر فدمها
سكارليت:ولكن انا من ضمن تضحياتي ضحيت حتى بسحري و حياتي علاش ممشاوش حتى هوما؟
ليونارد:حيت نتي معارفاش قداش تعويذة الخلود قوية و قداش طاقتها كبيرة الخلود ديالك كان كافي يرجعنا كاملين يعني الطقوس خدات الطاقة المطلوبة باش ترجعنا و كتافات غير بالخلود اما حياتك و سحرك متقاصوش بحالا قلتي هوما لي شاطو
طوماس:فهمت يعني الطقوس كتافات فقط بالخلود بحكم طاقتو الكتيرة..هادشي تيفرح حيت كون ما كانت خالدة كانت غتكون ميتة دابا
دايزي:عندك الحق و منقدروش نتخييلو هادشي
هايزل:دابا فاش رجعات بنتنا تنضن انه جا الوقت لي غنشقو فيه الطريق ديالنا دابا
گوين:القرية تحرقات و حنا فزمن مبقاوش فيه صيادين السحرة يعني يمكن لينا نتاقلو بكل اريحية
كريستوفر:عندكوم الحق حنا تجمعنا كعائلة مرة خرى شكرا على كل شيء
دايزي:شتتقولو نتوما ميمكنش هيلين معندها فين تمشي
طوماس:ممكن تأجلو هادشي حتال من بعد العشاء ديال اليوم؟
هايزل شافت فگوين لي شافت فكريستوفر لي شاف فطوماس...
كريستوفر:واخا طلبك مقبول سيدي
طوماس بتاسم و شاف فسكارليت:شكرا على صبركوم و دابا غنمشي عند المهام ديالي
دايزي:صبر ا طوماس غنمشي معاك
ميلتون:حتى انا
خرج طوماس و تبعوه دايزي و ميلتون...
ليونارد:بغيت ندوي معاك على انفراد
سكارليت حطات صبعها على صدرها بتسائل:انا؟
ليونارد:اه نتي
هايزل:اجي معايا ا ماما(حركات راسها لكريستوفر)
كريستوفر:غنمشيو للحديقة ا بنتي
سكارليت:واخا
خرجو عائلة سكارليت مخلينها بوحدها مع ليونارد و كاترين...
سكارليت بتوتر:ش شنو بغيتي؟؟
ليونارد:الى سمحتي حتى نتي تسنايني على برا ا كاترين
كاترين:و علاش ا ليونارد؟؟واش مخبيي عليا شي حاجة؟
ليونارد:الموضوع حساس شوية و مبغيتش نورطك فيه
كاترين:انا متورطة من شحال هادي ا ليونارد ماشي عاد عارفة بالسحر ولا بهادشي كاملو
ليونارد تنهد:واخا عارفك راسك قاصح معندي غير نقبل ولكن تحملي المسؤولية ديال كلامي
كاترين شافت فسكارليت لي قتلها التوتر و تتهرب عينيها من عينيهوم تتحاول تشوف فحاجات خرين...
ليونارد:و دابا يمكن ليا ندوي
كاترين:قبل مدوي حنا خصنا نتأكدو من انه ديك لوسيا واش مييتة ولا لا
سكارليت:لوسيا تلاشات قدام عينين دايزي و البقية يعني مبقاش ليها حتاشي وجود فهاد العالم هي و اخيرا ماتت من بعد الظلم كاملو لي عييشاتنا فيه
كاترين شافت فليونارد و رجعات شافت فسكارليت بآسى:عذباتك بزاف ياك؟
سكارليت حدرات راسها و حركاتو ب اه...
كاترين:انا متأسفة بزاف حيت صبرتي لهادشي كاملو
سكارليت بتاسمات بتوتر فوجهها...
ليونارد:سمعيني ا سكارليت سمعيني مزيان
سكارليت هزات راسها فيه و الخوف شادها...
ليونارد:انا فراسي كلشي
سكارليت خرجات عينيها بالخوف و بدات تفتف:ك ك كيفاش؟ ش شنو عارف؟؟؟
ليونارد:انا عارف بلي نتي لي قتلتيني
من مورا هاد الجملة تصعقو كل من سكارليت و كاترين بالصدمة...
ليونارد:كنت عارف من لول بلي نتي ماشي كاترين و نتي شي وحدة متنكرة بسيفتها و ناوية تقتلني
سكارليت شادة قلبها لي تيضرب بقوة بالخلعة و دموعها بداو يهبطو و السيناريو ديال قتل ليونارد رجع حيا تاني من جديد قدام عينيها مخليها شادة راسها....
كاترين بصدمة عاد عقلات:ن ن نتي(هزات عليها صبعها) نتييي نتييي هي لي لقيتك فغرفتي تتشبهي لياااا نتييي
سكارليت نفاجرات بالبكا:مقصدتش هااادشي مقصدتوووش مقصدتتتتشششش😭😭😭😭😭
ليونارد:كنت عارف بلي نتي ساحرة و دايرة سحر الوهم على راسك كنت عارف كلشي
سكارليت سادة ودنيها بالجهد:سكككككت سكككككت نتاااا معااارف والوووو سكككككتتتت
كاترين تتبكي:بسبابك نتي انا نتاحرت نتاحرت و انا حاملة بالطفلة لي حلمت بيها نتي حركتيني من راجلي و من بنتي نتي بحالك بحال لوسيا نتوما واحد نتوما واحد(نفاجرات بالبكا)
🔮💫الساحرة السوداء🔮💫
للكاتبة✒️:Victoria kaelin
💜📖الجزء 127💜📖
سكارليت:لااا حنااا مختاالفين حناا مختالفين متقارنينييش بلووسيااا متقاارنينيييش بلي دمرات حياااتي الى نتيا فقدتي راجلك و بنتك انا راه فقدت كلشي فقدت كلشي نتي كنتي وسط عائلة و كنتي أميرة نتي مستحملتيش و قررتي تحدي هادشي بحياتك و حياة ديك الطفلة البريئة لي كانت فكرشك اما انا راه 225عام ديال العذاااب تعذبت بزااف تنهش الجسد ديااالي تغتاااصبت من طرف شحال من واحد و انا تنحبس فدموعي و نسكت فكلماتي عاطية جسدي لأي واحد بدافع نحصد الأرواح نتي مغتفهمييش مغتفهمييش هادشييي هاد الجسد لي واقف قدامك داباا شنو داز عليييه نتي مغتفهمييش هادشيييي وحدة بحاالك تزوجاات عن حب حملااات عن حب قااصها الإنسان لي تتبغيه و بغااتو مغتفهميييييش هادشي مغتفهمييييش اما انااا راني تغتااااصبت تغتااااصبت واش تتعرفي شنووو هيييي تغتااااااصبت طول هاد السنين كااانت حياتي هي حصد الأرواح لوسيااا ماشي غير هاانتني و ضرباااتني و عذباااتني لوسيا حطمااات كل بلاصة فدااخلييي مخلاات حتاشي عذاااب مدوزاتو عليااا نفسييتي و هرسااتها بحال الزاااج شكلي و شككاتني فيه ثقتي و انعادمات بسببها نتي مغتفهميش هادشي مغتفهميييششش و عمرك غتفهمي حيت معشتيش ولو شوية من لي عشتو انا كنت منبوذة و مكروهة حتى من ناس سيلڨيرڨال لدابا مزال مسامحوني على لي درتو حتى واحد مبااغينييي حتى واحد متيحملنييي ووانا عارفة هادشي ولكن انا شنو دنبيييي شنوووو دنبي الى وقع ليا هادشي شنووو دنبي الى مختلفة على لخرين شنووو دنبي نكون الطفلة الناجية من قرية السحرة شنووو دنبييي يجمعني القدر بلوووووسيااااااااااا
كاترين مصدومة و لسانها تسرط مبقاتش قادرة تقول حتاشي كلمة و ليونارد واقف مدهشر من كلامها...
ليونارد:لوسيا مورا هادشي كاملو؟؟؟
سكارليت تتنخصص بالبكا و نيوفها بداو يسيلو:ايييه ايييه كلشييي كلشييييي هي لي بززات عليا ندير كلشييي هي بغاتك تموووت و حتى نتيياااا بغاتكووم تمووووتو فاش قلت ليها ديك الساعة بلي نتي مقتلتكش حيت حاااملة عاقباااتني و بززات عليا نرجع نقتلك مرة خرى حتى من ديك الروح البريئة لي كانت فكرشك مسلماتش من شتمهاا انااا ماشي بحاااال لوسياااا حيت كوون كنت بحاالها مكنتيش غتبقاااي فياااا انا ماشي بحالهااا متشبهونيش بيهاااا
ليونارد:ولكن نتي قتلتيني نتي كان بإمكانك تهربي من لوسيا كان بإمكانك تحبسي هاد الظلم
سكارليت:واش متتفهمش واااش متتفهمش واش نتا معارفش المعنى ديال ظل الغراب؟؟؟؟؟ظل الغراااب هو اسم السلاح ديالها لي كاان انااااا و اناااا كنت فدوامة من الخداااع و الأكاذييييب كاان تيتصحااب ليا بلييي هي خلقاتني و عندي مهمة و انا تندير فمهمتي هادشي من غير تهدييداتهاااا واش فراسك بلي كنت أمية؟؟؟؟واش فراسك بلي كنت معارفاااااش نقرااا ولا نكتب؟؟؟؟كونماااا دوك الثلاثة لي تتشوف كوون اولا مغتكونوش عايشين دابا و كون لوسيا عايشة و كون انا باقة تندير فكلامها نتوما متتفهموش هادشي
كاترين شافت فليونارد:ملي هكا علاش رجعتينا حتى حنا؟
سكارليت:رجعتكوم حيت الذنب و الندم لي حاساه من جيهتكوم كبير مادام عندي قدرة احياء الموتى قررت نحييكوم باش يرتاح ضميري
ليونارد تنهد:فهمت
سكارليت:نتا بعدا كيفاش عرفتي بلي انا ماشي الأميرة و رغم هادشي خليتيني نتقرب منك و نقتلك؟؟
ليونارد:الهالة ديالك..الأمر لي مكنتيش عارفاه انه السحرة عندهوم هالة لي تتخلي سحرة خرين يعرفوهوم و كاترين انسانة عادية و معندها حتاشي سحر فدمها اما نتي كانت مضوراك هالة السحرة لي حسيت بيها و علاش خليتك حيت من كترة السنوات لي عشتهوم كنت باغي نوضع حد لحياتي و جاتني فرصة انه نموت على يد الإنسانة لي كملت معاها حياتي كون جيتيني بصورتك ديك الساعة كون نتي لي تقتلتي حيت مكنتش غنرحمك
سكارليت:يعني خليتيني نقتلك غير حيت كنت واخدة الشكل ديال الأميرة؟ رغم انك عارفني بلي ماشي هي؟
ليونارد:الفرق بيناتكوم هو الهالة د السحر فديك اللحظة فضلت نموت فأحضان الزوجة ديالي ولا نموت على يد لوسيا ولا غيرها
كاترين بحزن:يعني نتا كنتي عارف بلي غتموت
ليونارد:اه ا كاترين
كاترين:نتا بهاكا تخليتي عليااا ا ليونااارد
ليونارد:عارف بلي كنت اناني فديك اللحظة ولكن فشلت بزاف..الخلود...قريتي لي تحرقات و الاجهاضات ديالك كلشي طاح على راسي كون علمتيني ديك الساعة بلي كنتي حاملة كون تاخد التاريخ مجرى اخر
سكارليت:كنت غنموت و غتعيشو بسلام ياك؟
كاترين بتردد:نتي...نتي....
ليونارد:اه كنتي غتموتي ولكن القدر حماك من الموت و كتب ليك عمر طويل حتى قدرتي تصلحي الغلط لي مكنتيش مسؤولة عليه
سكارليت:انا بغيت نكمل هاد العمر لي بقا ليا فسعادة عييت عيييت بغيت نموت و انا فرحانة بغيت نموت و انا مبتسمة بغيت نموت و انا سكارليت إيمبرلي ماشي ظل الغراب و ماشي هيلين بغيت نموت و انا ساحرة بيضاء ماشي الساحرة السوداء....
🔮💫الساحرة السوداء🔮💫
للكاتبة✒️:Victoria kaelin
💜📖الجزء 128💜📖
كاترين شافت ف ليونارد:تنظن بلي لي فيها يكفيها
ليونارد:انا متنقولش هادشي كعقاب ليك حيت رجوعنا و وقوفنا قدامك دابا بفضلك هو اكبر برهان على انك ندمانة على شنو درتي
سكارليت:يعني سامحتوني؟
ليونارد:منقدرش منسامحش لي رجعاتنا من الموت زيادة على انه كنتي مجرد روح ضائعة
كاترين:سمحي ليا على الكلام لي قلتو ليك ماشي من عادتي ندوي هكاك ولكن اي وحدة فبلاصتي مغتقدرش تحكم فراسها
سكارليت تتحك يديها بتوتر:سامحتوني؟
ليونارد/كاترين:اه
سكارليت غطات وجهها بيديها:متصوروش قداش رييحتوني متصووروش قداش تحييد عليا واحد الحمل ثقيل
ليونارد:يمكن ليك تكملي حياتك دابا كأي انسان عادي ا سكارليت زمن السحر تينتاهي هنايا لوسيا لي كانت دايرة الرعب فالناس ماتت و نتي تفكيتي من القيود ديالها
سكارليت:و اخيرا غنعيش لراسي و كيفما بغيت غنتاخد قراراتي بنفسي و ممجبوراش ندير حتاشي حاجة مباغاهاش شحال زوين هاد الاحساس شحال زوينة الحرية
كاترين:تنتمناو ليك كل الخير ا سكارليت عيشي كل لحظة فحياتك متنسايش بلي مبقيتيش خالدة
سكارليت:و هادشي مفرحني حيت غادي نموت..الحياة مملة بزاف الى كانت طويلة كتر من القياس و دابا عندي لي غنعيشها على قبلهوم تنحس براسي اسعد انسانة فهاد اللحظة
ليونارد:ستمتعي بحياتك بزاف حيت تستاهلي من بعد لي وقع ليك
تسمع الدقان فالباب و هي تدخل الخدامة هازة فيديها صندوق متوسط فاللون الأزرق...
ليونارد:حنا غنمشيو دابا
سكارليت حركات ليه راسها و خرجو..الخادمة قربات منها و حطات الصندوق فوق الطاولة...
سكارليت:شنو هدا؟
الخادمة:هادي هدية من سيادة اللورد
سكارليت باستغراب:ليا انا؟
الخادمة:اه انسة
سكارليت بتاسمات بفرحة لأول مرة تشوف شي صندوق بهاد الجمال مشات بزربة حلاتو و هي تلقا فيه فستان فالأزرق الملكي و فوق منو علبة فيها سنسلة و طوانگها مصنوعين من الألماس و الأكوامارين..سكارليت حلات فمها بالدهشة و عينيها تيلمعو بالفرحة و قلبها تيضرب...
💡الأكوامارين:هو حجر كريم لونو بين الأزرق الفاتح حتال الغامق و تتوصل درجة لونو حتال الأزرق لي غادي ل الاخضر و المعنى ديال الإسم ديالو هو "مياه البحر" و سبب التسمية حيت اللون ديالو داير بحال البحر الى ضرباتو الشمس.
سكارليت عاد نتابهات لورقة صغيرة بيناتهوم ملفوفة و هي تهزها و حلاتها:( "بغيت نشوفك لابساهوم فالعشاء توقيع طوماس")
سكارليت شافت فالخدامة بفرحة:شوفي بغيت نمشي ل الحمام
الخدامة:واخا انسة غنقول ليهوم يوجدوه ليك
سكارليت:واخا يمكن ليك تمشي
مشات الخدامة و سكارليت جلسات فوق ناموسييتها و كلها فرحة و الورقة باقة فيديها رجعات تاني قراتها و ضحكات... حطاتها على قلبها مبتسمة و تنهدات:اااه شحال فرحانة بهادشي..
سكارليت:متشوقة بزاف يشوفني بيهوم
👑فالقصر الملكي👑
كان جالس الملك و قدامو طاولة فيها اطباق من الفواكه و الحلويات و بنفاذ صبر ناض منها و بقا تيتمشا و تيفكر...
الملك:فلول لوسيا و دابا حتى الساحر و الأميرة اش واقع؟؟فين غيكونو تعطلو حتال دابا؟؟
الملك ضار:ياااا حرااااس
دخلو جوج ديال الحراس بالجرا حادرين ريوسهوم...
الحارس:امرك جلالتك
الملك:غتسناو حتال الليل الى مرجعاتش لوسيا و الساحر و الأميرة وجدو العربة ديالي غنمشيو ل لينز مانور
الحارس:اوامرك طاعة جلالتك
الملك:يمكن ليكوم تمشيو
الحراس خرجو حادرين ريوسهوم اما الملك خاطرو ممهنيهش مكرهش يمشي دابا نيت يعرف اش واقع ولكن فضل انه يزيد فصبرو شوية مزال ربما يجيو فأي لحظة...
🏰فلينز مانور🏰
النهار داز على طولو كولو ف التحضيرات ديال العشاء الشمس غربات و طلع بلاصتها القمر و المشاعل بالنار شعلات مشكلة طريق منور ل ليغادي و لي جاي الطاولة واجدة بجميع لي تشهاه الأنفس و الحضور قربو يوصلو يا ترى شغيوقع فهاد الليلة؟؟؟
أنت تقرأ
الســــاحــــرة الســــوداء🐦⬛🔮|🇲🇦
פנטזיה⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🔮🐦⬛الســـــــاحــــرة الســــــوداء🐦⬛🔮 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 ___________________________________________ فالقرن التاسع عشر...
