الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|10

دايزي فاقت من النعاس فاش سمعاتها:همم(تتحك عينيها) هيلين!!فقتي!!و شعرك رجع كيف كان!!
هيلين:دايزي! واش نتي بيخير؟
دايزي بفرحة:حنا كلنا بيخير بالفضل ديالك
هيلين:ااه فرحتيني(تگعدات)جسمي تيضرني خصني نوض
ناضت هيلين بصعوبة حتى وقفات على رجليها و دايزي واقفة حداها خايفاها طيح ولا شي حاجة حتى لمحات المزهرية المزينة بالورود لي حط ليها ميلتون تما و هي تبتاسم بإعجاب و عينيها بداو تيلمعو...
هيلين:شحال زوينين هاد الأزهار
هزات جوج منهوم تتلمس فيهوم بأصابعها حسات بنعومة اوراقهوم و هي تقربهوم من نيفها سادة عويناتها تتستنشق اريج هاد الأزهار العطرة...
دايزي:ميلتون لي جابهوم كل نهار كان تيبدل زهور المزهرية ديالك
هيلين باستغراب:كل نهار؟؟شحال نعست؟؟
دايزي:جوج سيمانات
هيلين تصدمات...
دايزي:كان شعرك فهاد المدة كلها رمادي
هيلين تتفكر:هادشي لي حذراتني منو لوسيا من قبل انني نستنزف قوة حياتي
دايزي هزات عليها صبعها عاقدة حجبانها:هاديك مجرد كذبة باش تخليك ضعيفة و باش تخليك تحصدي فالأرواح و انا تنظن مكاين حتاشي خطر الى فرطتي فاستعمال سحرك نتي حاولي تركزي عليه و حنا غنحاولو نغلبو لوسيا من غير متقاص الحياة ديالك
هيلين بتاسمات:خصني نتعلم و نتدرب باش نكون اقوى
دايزي:من دابا و نتي قوية ا هيلين نتي ماشي غير وقفتي فوجه لوسيا نتي راك عتقتي حياتنا كاملين
هيلين بتسائل:انا؟معقلت على والو من غير مول الشعر القهوي فاق و من بعد ولا يبان ليا الظلام
دايزي:نتي خرجتي سحر قوي بزاف لي كان عبارة على كرات مضيئة مطرات بيها السما لي ماشي غير رجعات طوماس من الموت و انما حبسات لوسيا من استعمال سحرها و طوماس سما هادشي ب "الطمأنينة"
هيلين بتسائل:الطمأنينة؟
دايزي:اه تتعني الهدوء فخبارك خصنا نسميو تعاويذ السحر ديالك كلها
هيلين بدا تتحس بالعيا...
دايزي:مالكي؟؟
هيلين:والو تنحس بالدوخة
دايزي:رجعي رتاحي طوماس حتى هو تيترتاح دابا غدا و ندويو معاه
هيلين:مبغيتش نبقا بوحدي
دايزي:الى متتمانعيش واخا نبقا معاك و ندويو؟
هيلين حركات ليها راسها ب اه مبتسمة...
دايزي:واخا شنو باغيانا ندويو فيه؟
هيلين:كيفاش حتى وليتي مقاتلة جيدة؟
دايزي:بصيفتي من عائلة كلارك كنا تنتدربو فعمر مبكر بزاف
هيلين:كلارك؟
دايزي:اه اسمي الكامل هو دايزي كلارك انا هي اخر وحدة من سلالة عائلة كلارك كانو الرجال ديال عائلة كلارك تيخدمو عائلة لينز لأجيال ولكن ماشي البنات...العيالات فالعائلة ديالنا عمرهوم كانو هاوسكارل ولكن انا حالة خاصة
هيلين:و علاش العيالات لا؟
دايزي:متأكدة باغاني نعاود ليك القصة كلها؟هي مجرد قصة مملة
هيلين مبتسمة:اه بغيت نتعرف عليك اكتر
دايزي تنهدات:واخا
💥الماضي💥
كانت فتاة مراهقة بشعر أشقر و عينين خضرين واقفة تتشوف من واحد النافذة تطل على برا و فهاد الغرفة كانو واقفين جوج رجال تيدويو واحد من لباسو باين انسان بسيط عينيه خضرين و شعرو اشقر بحال الفتاة و الثاني باينة فيه من مكانة اجتماعية مرموقة ببذلتو الفاخرة شعرو قهوي و عينيه زرقين...
ڨينسنت(اب طوماس):نتا معارفش قداش راك محظوظ ا بيتر عندك بنت محترمة بحال دايزي اما انا عندي واحد الولد معرفتو فين تيغبر كل مرة هاهو تيغازل فبنات الخدامات و زايدها بتيمشي للحانات
بيتر(اب دايزي):طوماس راه باقي صغير ا سيدي و روح المغامرة ديال هاد العمر تخليه يكتاشف كلشي ملي غيكبر و يعرف بحق المسؤولية غيتبدل
ڨينسنت تنهد بتعب...
بيتر:فالحقيقة انه يكون عندك ولد نعمة ا سيدي(تنهد) تنتمنى الرابطة بين لينز و كلارك متساليش
ڨينسنت:عائلتك دارت ما يكفي لعائلتنا و واخا نتا اخر هاوسكارل عندنا الرابطة لي بيناتنا عمرها تمحا
الفتاة قربات منهوم و قالت:انا نقدر نكون الهاوسكارل الجاي ا بابا انا قادرة نحمي عائلتك كيفما حماها بابا ا سيدي
الرجال بجوج ضحكو...
دايزي باستغراب:شنو لي تيضحك؟
بيتر:العيالات متيوليوش هاوسكارل ا دايزي
دايزي:لا ا بابا انا قادرة نقاتل علاه ماشي هادشي علاش دربتيني؟؟
بيتر:انا علمتك كيفاش تقاتلي فقط باش تقدري تحمي نفسك حيت نتي اخر انسان هاز دماء عائلة كلارك صغيرتي الى مت مكاينينش افراد عائلة كلارك خرين لي يقدرو يحميوك
دايزي بإصرار:انا قادرة ندير افضل من هادشي ا بابا انا غنحمي كلشي
🔮💫الساحرة السوداء🔮💫
للكاتبة✒️:Victoria kaelin
💜📖الجزء 102💜📖
ڨينسنت مبتسم:اوه الثقة و الشجاعة الغامرة مورا هاد الوجه الجميل
بيتر شاد راسو:غيخصني وقت طويل باش نلقها ليها الراجل لي تزوج بيه
دايزي فاقدة اعصابها:انا مبغيتش نتزوج براجل!انا بغيت نولي هاوسكارل عفااك ا سيدي خليني نكون الهاوسكارل ديالك انا غنحمي عائلتك
ڨينسنت ضحك:ههه انا تنحتارم شجاعتك و اصرارك يا الانسة الصغيرة ولكن هادشي مغيصدقش
دايزي شافت فالأرض بحزن...
ڨينسنت:من بعد كاع لي دارتو عائلتك لينا مكرهتش سعادة بنتك تكون عندنا لو كون غير مخيب ولدي أملي فيه
بيتر:حنا ماشي من عائلة نبيلة ا سيدي و مغنتجرأش نقول هادشي...
ڨينسنت قاطعو:متصورش قداش باغي دايزي تكون زوجة طوماس ولكن للأسف هارييت(أم طوماس) مغتخلينيش حيت حاطة عينيها على بنت الكونتيسة
بيتر:اااه كنت تلاقيت بالآنسة مارڨل حتى هي مزيانة
دايزي:غنمشي نشم الهوا ا بابا..من بعد اذنك سيدي
ڨينسنت:استمتعي بوقتك
💥الحاضر💥
دايزي:مكنتش فاهمة علاش منقدرش نكون هاوسكارل؟عارفة بلي كنت صغيرة ولكن كنت قادرة نستعمل السيف احسن من رجل بالغ تدربت و تدربت اكتر كاع من رجال و حراس لينز مانور و عندي أمل انه غنحمي السيد ڨينسنت كيفما حماه بابا مكنتش باغا نتزوج بشي راجل نبيل لي كنت باغاه فقط نولي هاوسكارل...
💥الماضي💥
كانت دايزي تتدرب فحديقة التدريب فلينز مانور حتى تم جاي واحد الشاب مراهق معاه جوج بنات من هيئتهوم باينات قاصرات وقفو و قرب من وحدة فيهوم حتى باسها ففمها و من بعد داز ل لوخرا باسها حتى هي ففمها و هو يوقف و بقاو بجوجات تيشوفو فيه تيتسناو جوابو...
طوماس:امم ديالك نتيا ممتلئ و رطب و ديالك نتي وردي و متوسط امم تيبان ليا غناخدكوم بجوج ههه
البنت1:ههه شحال شقي سيدي الشاب
طوماس:مبغيتش نحرم راسي ههه
البنت2:واقيلة الوقت مبكر باش نديرو هادشي؟
طوماس:الوقت مناسب اجي نتي(جر لولة)و حتى نتي(جر الثانية)
بدا طوماس تيتبادل القبل مع اللولة و الثانية خدامة تتبوس فعنقو حتى تسمع الصداع ديال الضريب و هو يوقف مكمش وجهو بانزعاج...
طوماس:شهاد الصداع؟؟؟
البنت2:و شكون مسوق زيد نكملو
طوماس:ميمكنش ليا نبقا مركز و هادشي مصدعني غنمشي نشوف اش هادشي و نرجع
البنت1:الى مشيتي مغنتسناوش فيك يا سيدي الشاب
طوماس بتاسم بمكر:ايوا وجدو راسكوم بينما رجعت
البنت 1 قربات من البنت 2 باستها ففمها و بداو تيتبادلو فالقبل اما طوماس مشا تبع جيهة الصداع لقا دايزي تتضرب فدمية التدريب و وقف مبتسم...
طوماس:ماشي كل يوم غتشوف انسة تتدرب فحديقة
دايزي تلفتات:انا تنتدرب هنا كل صباح
طوماس:ها! هادشي علاش عمرنا تلاقينا حيت انا متنفيقش فالصباح اصلا ههههه
دايزي عوجات عينيها...
طوماس:نساي هاد التدريب على هاد الدمى الغبية بنت زوينة بحالك خصها تحرق طاقتها فحوايج خرين
دايزي:ماشي غير هادشي لي تندير تعلمت حتى ل السيف و الرماية
طوماس:ااه مذهل بغيت نعلمك شي حاجات بالسيف الى قبلتي بالطبع تبارزيني
دايزي بحماس:بصاااح باغي تبارز معايا؟؟ولكن مجبتيش معاك حتاشي سيف
طوماس:عندي يا الانسة الجميلة
دايزي بتسائل:فين؟؟؟
طوماس:فلداخل د سروالي(غمزها)
دايزي بغضب:غبر من قدامي لنوكل ليك سنانك يا الخنزير
طوماس عقد حجبانو:خنزير؟كيفاش تجرئتي! واش عرفتيني انا شكون!
دايزي شافت فيه بغضب و حتى هو مبادلها نفس النضرات الغاضبة...
دايزي مربعة يديها:كون لي بغيتي تكونو متيهمنيش مزاجي خايب اليوم حييد من قدامي ولا غنخليك تبكي
طوماس:تخليني نبكي؟ ههههههههه بغيت نشوفك تتحاولي....
قبل ميكمل هضرتو وجهات دايزي لكمة لوجهو خلاتو مصدوم...
طوماس: غنخليك تندمي!!
هجم عليها طوماس و بقاو مدابزين ضربة فيا ضربة فيك حتال واحد الوقت عيا و دايزي باقة تتقاوم حتى وجهات ضربتها نيشان لمنطقتو الحساسة و بقا شاد البلاصة تيتألم...
دايزي بثقة:هدا هو جهدك يا الغبي؟!
طوماس:قصحتيني بهاد الضربة غتكوني نتي بنت الهاوسكارل؟ دايزي ياك؟
دايزي بدهشة:تتعرفني؟؟؟
طوماس:سمعت سميتك من بيتر و تفاجئت انه عندو بنت و انطلاقا من الضربات لي عطيتيني و انك تدربي ف لينز مانور هادشي تيبيين بلي نتي بنتو
دايزي بتسائل:و نتا شكون؟؟
البنت1 تمات جاية تتجري:سيدي الشاب مغتجيش؟
طوماس:لا نتوما بجوج ليوم غيخصكوم تلعبو مع بعضياتكوم انا عندي رفقة هنا
البنت1:واخا سيدي و نتي ا انسة مرحبا بيك معانا الى بغيتي تستمتعي معانا
دايزي شافت فيها بتقزز و البنت1 مشات...
دايزي شافت فطوماس باستغراب:سيدي الشاب؟واش نتا هو ولد الفايكاونت ڨينسنت لي قال بلي خييب الأمل ديالو؟
طوماس بدهشة:كيفاش؟؟ بابا دوا ليك عليا؟؟
دايزي:ماشي مباشرة ولكن كنت فاش قالها لبابا
طوماس شد راسو:هي خييبت الأمل ديالو هاه؟
دايزي تتحك يديها بتوتر و تتشوف هنا و لهيه خايفة يشري ليها الصداع مع باها فاش ضرباتو...
طوماس: متخافيش بفضل الصدق ديالك
دايزي:مغتديرش داكشي د النبلاء حيت تجرئت و ضربتك؟
طوماس بتاسم:فالحقيقة ماشي كل يوم غتضرب من طرف بنت زوينة و فالقصر ديالك انا معتابر راسي محظوظ بهاد التجربة الجديدة هههه
دايزي:هههههه
طوماس:اه علاش مزاجك خايب بعدا؟
دايزي بتوتر:ماشي..ماشي مهم ا سيدي الشاب
طوماس:اولا قبل كل شيء عييطي ليا ب طوماس(بتاسم)ثانيا الى قلتي ليا شنو ضارك نقدر نعاونك