الســــاحــــرة الســــوداء🐦‍⬛🔮|🇲🇦

🐦‍⬛ظــــل الغــــراب🐦‍⬛|3

بعد لحظات و فالسجن كانت الأميرة بياتريس داخلة تتقلب على زنزانة الساحرة حتى وقف عليها جندي و حنا راسو:سمو الأميرة
بياتريس:وصلاتني خبار تتقول بلي تشدات ساحرة بشعر كحل عندنا هنا فيناهي؟ بغيت ندوي معاها
الجندي بارتباك:سموك امم ااا بخصوص هادشي....
بياتريس:حبس عليا الهمهمة ديالك اش واقع ل الساحرة صارحني
الجندي بارتباك:تترفه على الملك دابا سموك
بياتريس بصدمة:شنووو؟؟؟ اش تيقول ليه راسووو؟؟ هي ماشي وحدة من دوك العاهرات لي تيجيو لقصر فين كاينين دابا بغيت ندوي معاهوم دابااا
الجندي:جلالته مغيبغيش لي يبرزطو و هو...
بياتريس:حياااة خوويا كاينة فخطر قول ليا فين كاينيننن الجندي:فالغرفة الملكية الشرقية سموك..
بياتريس مشات تتجري...فنفس الوقت الساحرة ديالنا فأبها حلة فالفستان الأسود الفخم دخلات لغرفة الملك مكانش فيها بقات تتستكشفها بعينيها...
الساحرة تتفكر:(بفف مكاينيش شراجم فيها خصني ضروري ناخذ روح الملك باش نخرج من هنا ولكن كيفاش غنطييحو فالفخ باش نقدر ندير هادشي غادي يكون بكامل قواه العقلية و غيعرفني باغا ناخد روحو..بففف واش خصني نغريه و ناخدها كيف العادة؟ مدام خلقاتني باش نحييد الأرواح الفاسدة و هكا باش تنغذي سحري ولكن الى نعست مع هاد الموسخ غيولي جزء مني للأبد غادي نتوسخ تاني واخا نبقا ندوش الف مرة مغاديش نحييد وسخو مني...ولكن علاش تنفكر هكا من نهار شفت دوك البشر الثلاثة و عقلي مشوش الي نجحت فتنفيذ داكشي غادي نتحول لغراب و نطيير بعيدة على هنا و نكمل مهمتي فبلاصة خرى)
تسمعو خطوات جايين من الباب...
الساحرة:(المسخ الملعون جاي)
الملك دخل حال فموو: بحق السمااء مغاديش تخرجي من غرفتي مشتي الصغيرة غادي نستمتعو انا وياك بزاف
الملك بدا تيقرب و عيونو طالعين هابطين تيتفحصوها بنضرة كأنه حوايجها تحييدو قبل كاع ميتحييدو...
الساحرة:(غناخد الروح و نهرب من هنا غنولي لوح خشب انا قادرة نديرها)
الملك:و دابا كوني قطة مطيعة و سيري تكاي فوق من سريري
غمزها و جبد قطعة حريرية فيديه..
الساحرة:(اش بغا يدير بيها؟)
الملك:اش تتسناي طلعي فوق الناموسية دابا
الساحرة:ديك القطعة ديال الثوب لاش؟
الملك:امم هكا انا تنتمتع ب عيالاتي ناوي نستعمل معاك متعة العنف دابا متخافيش شيء زوين بحالك غنولي اكتر حذر معاه
الساحرة بتعجب:متعة العنف؟
الملك ضحك:ههه اه واحد النوع من الخشونة غادي نربط يديك مع الناموسية ا المشة يالاه دابا زيدي ماشي مزيان تخلي الملك يتسنا
الساحرة:(الى ربط ليا يدي مغنقدرش ناخد روحو لا مغنخليهش يديرها) لا مبغيتش يديا يكونو مربوطين
الملك:اوه بصاح مبغيتيش يديك يكونو مربوطين(ضحك)هههه للأسف نتي حيواني الأليف معندك غير طيعي كلام سيدك
الساحرة بغضب:نتا ماشي السيد ديالي و انا مغاديش نعس معاك الى غتربط ليا يدي
الملك:هدا ماشي اختيارك يا ساحرة زيدي فوق الناموسية و سرحي يديك
الساحرة:لااا خليني نخرج من هنا ا الموسخ
الملك:حتاشي امرأة مغتجرأ تعصي أمري حتى ولو كانت نتي يا الساحرة الجميلة
الساحرة:غادي نضربك بالأضواء الى مخليتينيش نخرج يا البشري
الملك:هادشي لي باغا ديري واخا(غوت) يا جنديييي دخللل
الجندي:محتاج لشي حاجة جلالتك؟
الملك:حييد ليها حوايجها و ربطها مع الناموسية دابا متشوق نسمع لداك الصوت البريء و انا تنروض فيها
الجندي:حالا جلالتك
الجندي توجه لعندها تيحاول يحييد ليها ففستانها اما الساحرة مصدومة و حاسة براسها فشلانة...
الجندي:ياكما بغيتي نربط ليها حتى رجليها جلالتك؟
الملك:لا لا غيكون ممتع نشوف فيهوم و هوما تيقاومو يتركلو هههه
🔮💫الساحرة السوداء🔮💫
للكاتبة✒️:Victoria kaelin
💜📖الجزء 32💜📖
قتالعت الالاف ديال الأرواح الفاسدة ب بزاف ديال الهيئات و الأشكال كانو لي تيميلو ل العنف شوية ولكن حتى واحد فيهوم معمرو حسسني بالاغتصاب خصوصا و هاد المرة انا فهيئتي الأصلية...
الملك:على كل حال نموت و نبغي نكتاشف داك الجسم ديالها حيد ليها فستانها دابا
الساحرة غوتات:بعد مني يا الموسخ
لأول مرة فحياتها تحس بهاد الخوف الرهيب هادشي خلاها تحس بواحد الكم ديال القوة خارج من العروق ديالها من بعد خرجات عافية زرقاء هائلة فالأرض قدام الملك و الجندي...
الساحرة نداهشات من لي دارتو:(مكانش عليا نضغط على قوة حياتي باش نصنع شي حاجة تتستهلك بحال هكا كيفاش قدرت..؟؟)
فجأة هاد القوة الغير متوقعة بدات تتلاشا مخلية الم فجسد الساحرة خلاها تشد كرشها من بعدها غابت على الوعي فوق الأرض و اختفت حتى العافية معاها...
الجندي:واش نتا بيخير جلالتك؟
الملك مصدوم:ديك النار السحرية كانت مرعبة ولكن مدارت ليا حتاشي ضرر
الجندي:كنا تنتمشاو نهار كاملو على الرجل معطيناش ل الساحرة حتاشي ماكلة ولا الماء غتكون دابا فحالة ضعف يمكن
الملك بقا تيفكر و تيشوف فيها كيف مرمية على الأرض..
الجندي:واش بغيتي مني نربط الساحرة مع السرير جلالتك؟
الملك غوت:لا مبغييتش هاااد اللعينة فغرفتي لوح عليا هادشي فالزنزانة بغيتها تعدم فالصباح و من بعد جيب ليا دوك جوج راقصات(شد راسو) كون غير كانو هازين نصف جمال هاد الساحرة اللعينة ولكن على الأقل مغاديش يضربوني بالنار فالوقت لي انا باغي نستمتع فيه
الجندي:امرك جلالتك غادي نمشي نسد على الساحرة و نجيب ليك الراقصات
تمات داخلة بياتريس بالجرا شافت المنضر و هي تصدم:واش هادي هي الساحرة؟اش واقع هنا ا روبيرت؟
روبيرت:هاد المجنونة حاولات تعدا عليا و تقتلني بالنار و انا حي
لحسن الحظ اختفت قبل متأذيني كيفاش عرفتي الخبار على الساحرة؟؟
بياتريس:كنت تنحقق فالضحايا القتل الغامضة لي كانت ف سيلڨيرڨال ا روبيرت هاد الساحرة سميتها ظل الغراب كيفما تيبان هي لي كانت ورا قتل دوك الالاف ديال الضحايا و تنظن بلي تتقتل الرجال عن طريق انها تتنعس معاهوم انا فرحانة حيت نتا بيخير روبيرت
الملك:هاد الوحش غادة و تتزيد فيه خص يتقطع راسك ا الساحرة
بياتريس:فالحقيقة انا تنتمنى تقدر تعفي عليها الفايكاونت طوماس هو الشخص لي شدها هاد الساحرة كانت غير ضالة هي ماشي شريرة
الملك:ماشي شغلي ا بياتريس هاد العاهرة حاولات تحرقني خصها تمووت
الجندي:مشفتيش الحاجات لي قادرة ديرهوم هاد الساحرة سموك غادي تكون خطر على جلالته بل على المملكة كاملها الى بقات عايشة
الملك:بالاضافة انه الشعوذة و استعمال السحر فمملكتي محرم هاد الشيء من غير انها قاتلة متسلسلة غادي تموت
بياتريس:روبيرت...
الملك غوت عليها:غاااادي تمووت سالينا هاد المحادثة...
بياتريس:نتا هو الملك ا خويا ولكن بابا عطاني حتى انا الحق باش نحكم معاك فجنبك تنبقا انا الأميرة الأولى لهاد المملكة عفاك غير هاد المرة خليني نختار مصيرها
الملك بغضب:تحكميي بجنبي؟؟ اش يتصحاب ليك راسك ا بياتريس؟كيفما كانت الحاجة لي قال بابا ففراش موتو تتبقا غير ثرثرة هو مكانش فكامل قواه العقلية
بياتريس شدات راسها:علاش نتا داير هكا ا خويا حنا بجوج عارفين بلي بانا بغانا نحكمو مملكتو بجوجنا انا مقدرتش نحكم بسبب تقاليد المملكة ولكن انا تنبقى...
قاطعها الملك:لا ا الأخت غتبقااي خاارج الأشغال ديااالي عاودي تاني هاد الموضوع على الحكم الجماعي و ديك الساعة غنتاهمك بالخيانة
بياتريس بحزن:بصاح ا روبيرت؟؟ غادي تاهم ختك بالخيانة غير حيت بغات تعاونك؟
الملك:لا ا بياتريس انا تنضمن الكرامة ديالي بصفتي الحاكم الشرعي لهاد المملكة ونتي مجرد ازعاج لا غير
الحزن بان فوجه بياتريس..
الملك:سير سد على الساحرة فالزنزانة يا جندي هي لي كانت تتقتل الرجال ف سيلڨيرڨال ياك؟ داكشي علاش غادي نعدمها قدام الشعب ديالي هوما لي بغاو العدالة انا غادي نوريها ليهوم باش يحتارموني كملك ليهوم
بياتريس:هادشي لي غدير غادي ينشر الخوف ماشي الاحترام واش هاد النوع من الحكام لي بغيتي تكون ا خويا؟
الملك بغرور:النوع ديال الحكام لي عمرك غادي تكونيه ا ختي العزيزة حيت انا لي تختاريت نحكم المملكة من نهار تزاديت
بياتريس سكتات مكمداها قلبها...
الملك:دابا الى ساليتي تفضلي
بياتريس:ليلة سعيدة خويا
بياتريس خرجات من غرفتو و بقات غادة حتى دخلات لغرفة العرش شافت فكرسي العرش:سمح ليا ا بابا حاولت..حاولت من كل قلبي كنتي عارف بلي روبيرت مقادش يحكم المملكة داكشي علاش وصيتيني باش نعاونو كاين واحد كرسي عرش فالمملكة و نتا عطيتيه ل روبيرت كلشي حيت هو الولد و انا البنت(تنهدات) نتا لي ختاريتي هادشي ا بابا مبقا منقول نتا لي ختاريتي..و نصارفات...بقات غادة فطريقها حتى تلاقات بدوك جوج راقصات و هوما يحنيو ليها ريوسهوم...بياتريس تعجبات:نصاصات الليل هادي فين غاديين نتوما الجوج بلباس الرقص ديالكوم؟؟
الراقصة2:حنا تستدعينا لغرفة جلالته سمو الأميرة
الراقصة:تنستئذنو منك سموك مبغيناش نتعطلو على جلالته..
حناو ليها ريوسهوم و دازو مخليينها بوجه حزين...
🔮💫الساحرة السوداء🔮💫
للكاتبة✒️:Victoria kaelin
💜📖الجزء 33💜📖
🏰فلينز مانور🏰
كان ميلتون ناعس فوق السرير فاحد غرف لينز مانور و طوماس فمكتبو واقف مقابل مع واحد الشمعة غارق فتفكيرو كالعادة حتى وقفات عليه دايزي...
دايزي:طوماس...
طوماس بلا ميتلفت:نعام ا دايزي..شوفي فهاد الشمعة
دايزي:حنا عندنا هاد الشموع المحترقة فجميع الأرجاء مالها؟؟
طوماس:تنفكر غير فالطريقة باش تتحرق
دايزي:واش مقادرش تنعس حيت تتشوف فشمعة تتشتعل؟؟
طوماس:لا ماشي هكاك شوفي..شفتي كيفاش الشعلة تيرمش الضو ديالها فوقمن الفتيلة ديال الشمعة؟ تنظن بلي هادشي علاش الشعلة خصها تحرق ماشي الشمع لي مضورها..الشعلة اصلا مناوياش تحرق الشمع..شوية بشوية و بالمطاردة الشمع هو لي تيتفتارس من طرف الشعلة وفالنهاية متتبقاش شي شمعة..شنو لي خاصني ندير باش نحبس هاد الشعلة غير نفخ فيها مغاديش تكون لا شعلة ولا ذوبان شمع
دايزي تتشوف فيه بشوفة ديال اش تيخربق هدا...
طوماس:مفهمتيهاش ياكي؟
دايزي:معرفتش ولكن لي عارفة هو شي حاجة مبرزطاك
طوماس:دايزي نتي الهاوسكارل ديالي و لكن حنا كبرنا مع بعضياتنا نتي بالنسبة ليا ختي
دايزي ربعات يديها:امم بصاح؟؟الاخت هي لي تتبسل عليها كل يوم؟ اشنو قلتي ليا داك النهار فاش كنت تنتدرب على تقنيات جديدة قلتي..اوه على مرونة خصني نستعمل هادشي فالاستعمال الصحيح شي نهار...
طوماس نفاجر بالضحك:كون كنت جدي فكلامي مغاديش تبقاي الهاوسكارل ديالي مزال واش يتصحابليك معارفش على لي بينك و بين اليكسيا؟
دايزي بدات تتحك يديها بتوتر...
طوماس:فجميع الأحوال دايزي بغيتك تكوني صريحة معايا واش انا تندير الخيار الصحيح مع ظل الغراب؟
دايزي:واش هادشي علاش كنتي تدوي على الشمعة بغرابة؟؟ واش تضن بلي هي شعلة الشمعة؟
طوماس حرك راسو ب اه:هي ساحرة قديمة و قتلات الالاف الرجال واخا كانت ضالة ولكن دارت واحد الخراب كبير و كلنا عارفين بلي عندها القوة ماشي غير تحرق الشمع لي مضورها انا غير..حليت بزااف ديال الجرائم ف سيلڨيرڨال ولكن عمرني فحياتي فكرت كيفاش نقدر نخلي مجرم مياخدش الجزاء و العقاب ديالو..شنو غيوقع الى بقات مستمرة فالقتل؟ شغيوقع الى حرقات كلشي لأشلاء غير حيت حنا مطفيناش الشمعة ملي جاتنا الفرصة؟؟
دايزي:طوماس...الشعلة غتكون تتبان ليك مدمرة حيت تتحرق الشمع ولكن فنفس الوقت راها تتعطينا الضوء كاملين عاطيانا النور فالظلام
طوماس تيفكر...
دايزي:الى تستعملات بحكمة الشعلة ممكن دير شحال من حاجة ل البشرية و منساوش الرجال لي قتلات هاد ظل الغراب كلهوم مكانوش مزيانين الى بغيتي رأيي راها رجعات العالم منور
طوماس:ولكن ا دايزي...
تسمع غوات الخدامة تتجري:سيديييي
الخادمة:عفاك سمح ليا على الازعاج ا سيدي ولكن سموها كاينة هنا
دايزي باستغراب:شغتكون تدير الأميرة هنا فهاد الوقت من الليل؟؟
الخادمة:معارفاش سموها تتبان ماشي حتال لهيه..راه كاينة فالقاعة الكبيرة سيدي اللورد
طوماس:من غير الصحيح أن أميرة تحط خطوة وحدة فملكية فايكاونت فهاد الوقت من الليل غتكون شي حاجة وقعات ل ظل الغراب فالقصر الملكي خصنا نمشيو عندها دابا
دايزي حركات ليه راسها ب اه...
طوماس:حنا غنسبقو و نتي فييقي ميلتون و قولي ليه يلحق علينا غنكونو فالقاعة الكبيرة
الخادمة:امرك يا سيدي اللورد...
مشاو ل القاعة الكبيرة لي كانت واقفة فيها الأميرة بياتريس تتسنا..طوماس و دايزي فاش شافوها حناو ريوسهوم...
طوماس:سموك
بياتريس:فايكاونت طوماس...تنعتاذر على قدومي بهاد الطريقة الغير مناسبة للأسف مكان عندي حتاشي اختيار اخور
طوماس:متفهمك تماما سموك فتارضت وقوع هادشي فاش سيفط ليك ديك الرسالة بالعشية
بياتريس:تماما..انا خايفة..عندي أخبار سيئة ا طوماس..
طوماس:اذن...
ميلتون دخل بالجرا:سموك! ياكما واقعة شي حاجة..ظل الغراب واش عتقتوها؟؟
🔮💫الساحرة السوداء🔮💫
للكاتبة✒️:Victoria kaelin
💜📖الجزء 34💜📖
دايزي:هي متستاهلش تموت بهاد الطريقة سموك نتي هي الأميرة الأولى مكايناش شي حاجة تقدري ديريها؟
بياتريس:روبيرت كان ديما تيغير من الدلال لي كان تيديرو معايا بابا هو كان عارف بلي غيتتوج ك ملك للمملكة بسبب التقاليد ماشي حيت تختار كيف قلت قبل معندوش حس الانسانية معنديش السلطة ضدو مبقاش كاع تيعاملني على اساس انني ختو
دايزي:الملك إكاريوس كان عليه يتوجك نتي ماشي الملك روبيرت هو مجرد طاغية لا اكتر
بياتريس:للأسف فهاد المملكة ميمكنش للمرأة تحكم فيها بابا كان حاول يزوجني من اللورد إيليوت غير باش منحكمش معاه رفضت نتزوج بيه حيت كان كبر مني كتر من الضوبل ديال عمري كانت سذاجة مني(تنهدات) المهم فيكونت طوماس نتا أذكى واحد تنعرفو الى عرفتي شي طريقة نعتقو بيها الساحرة غندير اي حاجة بقوتي و نعاونك
طوماس:ملي الأمور معقدة مع جلالته معندنا غير نهربوها
دايزي:واش غنمشيو ل القصر الملكي و نهرسوه؟
ميلتون:نهرسوه؟؟ قاصدة نهرسو القانون؟
طوماس:هااه نتوما بجوج اش تيتصحاب ليكوم ياك انا تنحل فالجرائم كنت غير تنفكر بلي ظل الغراب عندها القدرة تحول نفسها و القرويين قالو بلي شافوها طايرة على شكل غراب و طاحت الى كان هادشي بصاح سموك غتولي قادرة تهرب و تيبان ليا انه خاصها شي نوع من التوجيه
بياتريس:انا قادرة نوفر هادشي شنو غيوقع من بعد؟
طوماس:باش نتأكدو من سلامتها المهمات غيتدارو برا القصر الملكي الي سمحتي سموك عندي واحد الفكرة بخصوص المستقبل ديالها من بعد كلشي مبغيتهاش تأذي شي واحد مزال
بياتريس:نورني بهاد الفكرة ديالك
طوماس بدا تيقول ليها الفكرة....
نرجعو ل القصر الملكي عند الملك..
الملك:هادشي مكانش مرضي بزاف كان يتصحاب ليا بلي نتوما الراقصات غتكون عندكوم قدرة الاحتمال..
ناض و لبس حوايجو و بقا يطلع و يهبط فيهوم بغضب كانو بملابسهوم الداخلية و على وجههوم الحزن..
الملك:ماافيكوم حتى فاايدة بجووك بيكومم حتى فاااايدة خرجوو عليا منشوفكومش قدامي
الراقصات بدون حتاشي كلمة لبسو حوايجهوم و خرجو مهبطين راسهوم...
الملك تنهد معوج عينيه:جنديييييييي
الجندي دخل تيجري:محتاج شي حاجة جلالتك؟؟
الملك:سير ل البلدة و جيب ليا فيها شي مرأة شي وحدة تكون بحال ديك الساحرة اللعينة
الجندي:دابا ساعة متأخرة من الليل جلالتك بالاضافة خلي الشعر الغامق بوحدو...متنظنش بلي نقدرو نلقاو شي مرأة زوينة بحالها بغيتي مني نجيب ليك راقصات اكتر جلالتك؟
الملك ربع يديه بالنفخة:دخلت بجوج راقصات و داكشي مقنعنيش واش يتصحاب ليك بلي الثالثة فواحد الليلة غادي تبدل هادشي؟؟ بحق الجحيم كان هادشي خصو يكون ممتع
الملك بغضب:هاديك السااحرة الملعوونة هي لي خربات دوك الراقصااات
الجندي:كان يوم طويل جلالتك يمكن وقت الراحة دابا
الملك بغضب:واش بنت ليك فالمزاج ديال النعاس
الجندي تخلع...
الملك:عرفتي شنو نسا تقلاب على شي فلاحة باش ندخل بيها خرج الساحرة اللعينة من الزنزانة غادي نمشيو ل سيلڨيرال دابا
الجندي مشا بالجرا:دابا جلالتك...
بعد مدة طويلة و فساحة سيلڨيرڨال..
كانو الناس مجموعين فالساحة العامة و فالوسط واقف الملك و معاه الجنود ديالو و الساحرة..
الناس شي تيشوف فشي اش تيدير الملك و جنودو مع هاد المرأة هنا فهاد الوقت ديال الليل؟؟؟...
عاهرة حانة:واش هدا هو الملك ديالنا شحال وسيم و مزال ممزوج
امرأة نبيلة:و علاه يتصحاب ليك جلالته غيحط عينيه على عاهرة حانة بحالك؟ حبسي من الأحلام و سيري تق*بني على رجالنا
العاهرة سكتات و دوات وحدة خرى:غير حبسي اختي هي مكذباتش حنا هكا تنديرو باش نعيشو...انا مهتمة بديك المرأة مولات شعر الغامق لي تيشوف فيها الملك تتبان شي حاجة ماشي من هاد العالم
🔮💫الساحرة السوداء🔮💫
للكاتبة✒️:Victoria kaelin
💜📖الجزء 35💜📖
المرأة النبيلة:كون غير عندي غير شوية من جمالها كون كاعما يبقا يمشي راجلي كل ليلة ل الحانات شي ناس تيتعطا ليهوم الزهر بالكترة..
قروي:تيبان ليا كلنا مهتمين غير بديك المرأة غتكوني بعدتي راجلك غير بالأنين و البكا
المرأة النبيلة بغضب:اشنوو قلتيي...
الملك:يا مواطنيي سيلڨيرڨال اليوم استدعيتكوم ك شاهدين عيان ل العدالة الحقيقية...
الساحرة:(اش بغا يدير هاد الموسخ ليا و علاش هاد البشر تيتفرجو فيا؟؟)
فجأة جات الأميرة بياتريس بالجرا و معاها ميلتون و طوماس و دايزي...
ميلتون:اش واقع هنا ياك تقال بلي فالصباح لي غيكون؟؟ يالاه منتصف الليل دابا
بياتريس شادة فمها:غيكون روبيرت بدل رأيو
دايزي فاقدة اعصابها:الملك غيعدمها هناا الساحرة عتقات حياتي خصنا نعتقوها
طوماس:ضروري غتكون شي حاجة باش نقنعو بيها جلالته،شي حاجة لي يقدر ياخدها بلاصة اطلاق سراح ظل الغراب..ممكن يبغيها كسلاح سحري؟؟
ميلتون:لا ا طوماس لا
بياتريس:خليوني نمشي ندوي مع خويا (مشات عندو)
بياتريس:روبيرت
الملك:بياتريس؟ اش تديري هنا؟
بياتريس:غادي تقتل الساحرة ا خويا؟هي ماشي شريرة هي مجرد روح ضالة كيف قلتي قتلات غير الرجال الخايبين و دارت خير ف سيلڨيرڨال شفت شحال من مرة جنودك قتلو ناس من العامة...
الملك:الجنود ديالي كاع لي تيديروه تيكون امر من الملك هوما عندهوم كامل الصلاحيات يطبقو العدالة ديالي بالطريقة لي تليق بيا اما هاد الساحرة كيفما كانت هي مجرد قاتلة..
بياتريس:عفاك ا خويا نتا كملك مخصكش تظلم
الملك:واش تتسميني بالظالم و قدام الشعب ديالي؟
بياتريس بارتباك:ل لا ا خويا...
الملك غوت عليها:جلالتك ا الأميرة بياتريس جلاالتك لي تقولي واقيلة؟؟؟
بياتريس شدات قلبها بالخلعة...
الملك:واش تدوي على العدل ولا الظلم خصني نوريك دابا العدالة ديال ملك هاد المملكة
الملك شاف فشعب ديالو و قال بصوت عالي:مواطني سيلڨيرڨال هادي لي قدامكوم دابا ساحرة شريرة قديمة
الساحرة تتشوف فيه بنضرات كلها غضب و حقد...
الملك:و هي مستعلمة لسحر مدمر و عندها تأثيرات على الوعي بسبب سحرها الوهمي و كانت تتقتل الناس ف سيلڨيرڨال كتر من 200عام قبل لدابا
عاهرة الحانة بذعر:ساحرة؟؟؟داكشي علاش عندها شعر غامق قولو بسبب السحر!!!
المرأة النبيلة:سحر وهمي هاا داكشي علاش غتكون صنعات داك الوجه الزوين عندها باينة غتكون غير شي شارفة بشعة
قروي:هادي هي المتورطة فقتل كاع دوك الضحايا الغامضة بنت شابة زوينة؟؟
عاهرة حانة:لا "بنت شابة زوينة" مغاديش تقتل الالاف من الرجال غتكون واقيلة كلات كاع دوك الرجال باش تقدر تعيش لدابا
عاهرة حانة2:اغغغ انا ممتنة حيت شدو هاد الساحرة...
الملك تلفت ل بياتريس:ياكما هادشي غالط يا الأميرة بياتريس واش كنت كذاب و ظالم؟
بياتريس:ماشي هادشي هو السبب حتى تعدمها و نتا عارف
الملك مخنزر فيها...
بياتريس:ا جلالتك
الملك:اذن ماشي انا لي غادي نقرر المصير ديالها الناس لي قتلات كاملين كانو من سكان سيلڨيرڨال غادي نخلي شعبنا هو لي يقرر شنو نديرو بهاد الساحرة الشريرة
دايزي:غيدير هادشي؟يعني كاين امل تعتق ظل الغراب؟؟
طوماس شد راسو:ماشي هكا غتمشي الأمور شوفي فالناس
دايزي بقات تتشوف فالناس و نضراتهوم المصوبة على الساحرة كلها حقد و كره:تيبان ليا كلهووم بغاوها تموت
طوماس:هوما متيعرفوش ظل الغراب كيفما تنعرفوها حنا هوما تيعرفوها غير كساحرة باردة الدم قتلات الناس فمدينتهوم سيلڨيرڨال
قروية بالغوات:حتى شي مستعمل سحر مخصوش يعيش حرقووو الساااحرة
قروية2 بلغوات:هاد الساحرة الشريرة قتلات راجلي حييدو ليها داك الوجه و لوحوه ل الخنازير
🔮💫الساحرة السوداء🔮💫
للكاتبة✒️:Victoria kaelin
💜📖الجزء 36💜📖
قروي:غتكون ضياع مكرهتش نديها معايا لالدار كيفاش غيكون الاحساس تكون راجل لمرا بحالها غادي نديرها اسعد زوجة..
الملك:دابا سمعت اصوات شعبي و دابا جا تطبيق العدالة
الساحرة تتشوف فيه بغضب...
الملك:بغيت هاد الساحرة تعذب حتى تموت خاص يتقطع راسك دابا و هنا على كاع داكشي لي درتيه
الساحرة:(كاع لي درتو كان اقتلاع الارواح القذرة..مدام قالت ليا بلي هدا هو الغرض من روحي، مدرت حتاشي حاجة خايبة علاش كاع هاد البشر بغاوني نموت؟)
الملك:عندك شي كلمات اخيرة يا الساحرة؟
الساحرة تنهدات:(فقدت سحري و مقدرتش حتى نخدم الغرض الوحيد لي انا عايشة باش نديرو بهادشي لي وقع معايا كاملو واقيلة هادشي تيعني...)فلحظة تبدلو نضراتها ل جدية(لا انا مغاديش نموت هناا انا خصني نغبر من هنا...نقدر نديرها غير واحد التحول و هاد البشر عمرهوم يشوفوني مزال)
هزات الساحرة يديها تتحاول تحول لهيئة الغراب ديالها ولكن جاها الألم مرة خرى(اغغغ باقة ضعيفة بزاف)
طوماس:لا لا..هي ضعيفة بزاف باش تحول لهيئة الغراب
الجندي مستاعد الهجوم:اش هادشي بحق السماء الساحرة تتحاول تدير شي تعويذة...
الملك:غتكون ناوية تأذيني تاني
فجأة الساحرة فقدت الوعي مرمية فالأرض..
الملك:واش باقة عايشة؟؟
الجندي مشا تيتأكد:الساحرة فاقدة الوعي ولكن باقة تتنفس جلالتك
الملك بالغوات:حييدو ليها راسها من بلاصتو داباااا
الجندي:امرك جلالتك
بياتريس غوتات:صبرررررر
الملك:اشنوو تاني ا بياتريس؟؟
بياتريس:شوف روبيرت...هي مضراتكش بسحرها هي ماشي شريرة كيفما يتصحاب ليك عفاك انا تنطلبك كأخت ليك عطيها فرصة خرى..متعرف بفضل سحرها تنفع بيه مملكتنا
الملك:متنضنش هادشي ا بياتريس مغندويوش مزال فهاد الهضرة و نفكرك تاني كيفاش تدوي معايا بابا عطاك الحق تدخلي فبزاف ديال الواجبات مغنكرش هادشي ولكن متنسايش الحاكم ديال هاد المملكة شكون خصوصا قدام شعبي
بياتريس حدرات راسها بحزن...
الملك:يا جنوودي اعدموو الساحرة
يالاه هز واحد الجندي سيفو ل السما باش يختارق رقبة الساحرة المغمى عليها حتى...
بياتريس بلهفة:صبر روبيرت..خلي الساحرة فحالها و انا غنتنازل على المنصب ديالي
الملك بصدمة:كيفااااش؟؟
الشعب و الثلاثي حتاهوما تصدمو...
طوماس:أميرة بياتريس...
بياتريس:غادي يولي القصر الملكي كولو ديالك و مغاديش نبقا نضايقك
الملك:دابا نتيا تتقولي ليا بلي باغا تعطي حق الولادة ديالك باش تعتقي ساحرة منحطة بحالها؟؟
بياتريس بحزن:اصلا انا خسرت خويا شحال هادي و مبقاش معنى العائلة و ممخلينيش نعاونك فالحكم ديالك مبقاش عندي حتاشي سبب باش نبقا فالقصر الملكي ولا نكون حداك على الأقل الى مشيت دابا كلشي غادي ينتاهي بنهاية سعيدة
الملك كان تيفكر فكلامها من بعد ترسمات ابتسامة فوجهو:امم و اخيرا شي حاجة نتافقو عليها بجوج منكرش بلي فكرة يكون القصر الملكي ليا بوحدي بلي بهراتني
بياتريس:الى نقدر جلالتك عندي طلب اخير بصفتي الأميرة الأولى
الملك:دوي
بياتريس:عطيني سيلڨيرڨال
الملك:بغيتي هاد المدينة الصغيرة؟؟؟
بياتريس:اه غادي نتنازل على منصبي كأميرة أولى لهاد المملكة و هدا المقابل هو نحكم سيلڨيرڨال بصفتي دوقة واخا تتعتبر بقعة من هاد المملكة ولكن مغاديش تدخل فيها ابدا سيلڨيرڨال غادي تكون تحت حكمي غادي نخليو طرق التجارة ولكن حراسك الملكيين غيخرجو من الأرض ديالي
الملك ضحك:هههه باغا تلعبي فيها ملكة فمدينة صغيرة؟ امم نقدر نعطي هاد المدينة و بمقابل اخلاء سبيل حياة باش نتهنا من المضايقة ديالك
بياتريس:يعني بيناتنا اتفاق جلالتك؟
الملك:اه سيلڨيرڨال ولات ديالك ولكن قدما دام الحكم ديالي عمرك غتحطي رجلك مزال فالقصر الملكي و بالنسبة لهاد الساحرة ولات مسؤوليتك دابا غتبعديها هي و سحرها اللعين من جيهتي
بياتريس:غادي تبقا ف سيلڨيرڨال انا تنواعدك
الملك:مزيان(تنهد) صافي يعني تخليتي على كلشي هاكا؟
بياتريس:اه جلالتك مملكة ديانا دابا ولات كلها ديالك هدا هو الوداع خويا
الملك عطاها بالضهر:وجدو العربة ديالي غادي نرجعو ل القصر
الجندي:امرك جلالتك
نساحب الملك و جنودو مخليين الناس فصدمة كبيرة...
دايزي شادة راسها:اش هادشي لي وقع غير دابا؟؟؟؟
طوماس تنهد و هو تيشوف فالساحرة فاقدة الوعي فالأرض...
بياتريس شافت فيهوم بحال الى موقع والو:يالاه نديو معانا ظل الغراب ديالنا من هنا
طوماس:واخا سموك...
بياتريس:لا دابا ولات انستي
طوماس:احمم انستي دابا غنمشي نجيب الأحصنة...
🔮💫الساحرة السوداء🔮💫
للكاتبة✒️:Victoria kaelin
💜📖الجزء 37💜📖
💫اليوم التالي💫
كانت الساحرة باقة فاقدة الوعي فوق سرير فأحد غرف لينز مانور و كانت بياتريس واقفة تتشوف فيها:جمالها شحال خالص صعيب تصدق بلي هي فالحقيقة ساحرة قاتلة قديمة(تنهدات) و دابا نتوما بالثلاثة مغتعاودوش ليا قصة هاد ظل الغراب؟من بعد كلشي تنازلت على منصبي على قبل هادشي
طوماس:واش كلشي غيكون بيخير سموك؟؟مكانش عليك تضحي بهاد القدر الي غير مشيتي و دويتي مع جلالته دابا...
بياتريس:انا مبقيتش الأميرة الأولى وليت دابا دوقة...الدوقة بياتريس و انا ختاريت طريقي اصلا مبقاتش عندي بلاصة فداك القصر..روبيرت اصلا تيحسسني بالتهديد و انا فداك القصر غيلقا اصلا شي طريقة باش يبعدني من طريقو
ميلتون:ولكن نتي كنتي الأميرة الأولى ديال مملكة ديانا سموك
بياتريس صححات ليه:"انستي" انا مجرد دوقة دابا
ميلتون:ااه انستي شغيوقع دابا واش نتي..؟
بياتريس:اه انا حاكمة سيلڨيرڨال دابا غادي نبقا ندير لي تنديرو على قبل سيلڨيرڨال و حتى نتا ا فايكاونت طوماس
طوماس:اكيد انستي انا فخدمتك ديما سوا بمنصبك سوا لا كنتي ديما مكرسة حياتك من اجل معاش الشعب انا معجب بهادشي و غنبقا فخدمتك قدر المستطاع
بياتريس:تنقدر الولاء ديالك ليا..بعد يوماين غيوصلوني الأوراق ديال الاجراءات من القصر الملكي خصني نبدل جواهري باش نشري شي بلاصة فسيلڨيرڨال حتال داك الوقت غناخد اذنك باش نبقا ف لينز مانور فايكاونت طوماس
طوماس:غيكون شرف ل لينز مانور بحضورك انستي
بياتريس:انا سعيدة بسماع هادشي
طوماس:دايزي رافقي الدوقة ديالنا بياتريس ل الغرفة الفخمة فالجناح الجنوبي رتاحي ليك انستي ملي تكوني مساليا غنوريك كتب ديال واحد الساحرة اسمها لوسيا انطلاقا منهوم غادي تعرفي بزاف د لحوايج على ظل الغراب
بياتريس:شكرا ليك انا متشوقة نشوفهوم
دايزي:من فضلك تبعيني انستي
بياتريس مشات مع دايزي فهاد الأثناء طوماس تنهد و شاف فميلتون:خصك حتى نتا ترتاح اصاحبي كانت ليلة طويلة
ميلتون:واش من نييتك؟؟ بعد هاادشي كامل لي وقع مغنقدرش نسد عينيا غنكتب هادشي فالقصة ديالي حتى كل التفاصيل الصغيرة غادي نبقا معاها هنا تقدر تمشي ترتاح ليك طوماس
طوماس بتعب:غير كون على بال ميلتون مبغيتش نلقاك هنا كجثة متفحمة فاش نفيق فالصباح
ميلتون:مغاديش تأذيني
طوماس:شنو لي مخليك متأكد؟
ميلتون:هكاك و صافي
طوماس عوج عينيه:واخا اذن نشوفك غدا فالغداء ميلتون
نصارف طوماس و سد الغرفة موراه مخلي ميلتون جالس قبالت الساحرة النائمة...
ميلتون جبد كتابو تيخمم:ظل الغراب..ظل مافيهش الظلام بزاف(بقا تيشوف فيها) ممكن تكوني الغراب لي تيتربص فالظل ولكن متأكد بلي نتي روح خالصة...ظل...ظلام...حلول الليل(تيفكر) كانت ليلة نجمية فاش تلاقيت بيك فالغابة ياكي؟خصكي تكوني غراب الليل الجميل فقصتي حكايات عليك غادي توصل ل الأجيال الجاية غراب الليل...(تيشوف فيها) بيناتنا انا و طوماس و دايزي غادي تعرفي السبب الحقيقي للعيش غادي يولي عندك اسم و غادي نعلمك كيفاش تقراي و تكتبي حياتك الجديدة عاد غادي تبدا انسة ساحرة...
✨فالصباح التالي✨
بدات تتحس بالأشعة الدافئة على وجهها خلاتها تحل عويناتها...
الساحرة:انا عارفة هاد السقف هنا فين كاين البشري مول شعر قهوي(قصدات طوماس) فين كاين البشري الملك الشرير؟؟
ناضت واقفة و شافت شنو لابسة:اغغغ الملك و حوايجو الموسخين لي لبسهوم ليا
فواحد اللحظة فاش تفكرات لمساتو ليها و اش كان باغي يدير غوتات و بدات تتقطع فدوك الحوايج لي لابسة حسات كلما بقات بيهوم كلما وسخ الملك باقي فيها حتى ولات عارية...
تم داخل ميلتون:واش نتي بيخير انسة ساحرة سمعت الغوات
غير شافها عريانة كلها و هو يتصدم و عطاها بالضهر:يا رباه الرحمة سمحي ليا انسة ساحرة مقصدتش منحتارمكش(و خرج)
الساحرة:(هاد البشري شافني عارية الجسد لا نضرة شهوانية لا افكار فاسدة..حتى حاجة..مفهمت والو؟؟)
دخل نسيم من النافذة داعب جسدها العاري..بصفتها خالدة لا مجال باش تكون مريضة ولكن البرودة باقة تتخليها تقشعر..
الساحرة:خصني نغطي راسي
هزات الغطا ديال الناموسية و لواتو عليها حسات بدفئ فجسمها فكرها فاش كانت ناعسة فوقو..
الساحرة تنهدات:(كاع الرجال فاسدين هادشي لي قالت ليا مدام..مدام كانت ديما على حق هي لي خلقاتني و مغاديش تكذب عليا ولكن فنفس الوقت مدام قالت بلي هيئتي بشعة فاش كنت على برا البشر بقاو تيقولو انا زوينة..واش بصاح وجهي زوين؟ ولا هادشي غير لي تنتمناه؟)
بدات تتفكر كاع داكشي لي كانت مدام تتقولو ليها..علماتها بزاف د الحاجات على هاد العالم من ان الرجال كائنات فاسدة ل مخصهاش تبيين هيئتها المتوحشة ل البشر..صدقات كل حرف قالتو ليها سنين و سنين هادي و ما تأملات كلماتها حتى واجهات الرجل لي فشلات فاقتلاع روحو كاع داكشي لي جربااتو من قبل دابا تيبين ليها عالم اخور ليكانت غافلة عليه...واحد اللحظة بدات واحد الفكرة تضور فدماغها شي حاجة لي عمرها تجرأت تفكر فيها...
الساحرة:زعمة تكون مدام غالطة؟؟واش كانت تتكذب عليا؟علاش غتكون دارت هادشي؟