لوسيا عوجات عينيها بعدم اكتراث...
هيلين بتاسمات بسخرية هازة عليها صبعها:ولكن نتي غادي تعدبي ديما بالكره ديالك و المرااارة لي فروحك...نتي بصاح خالدة ا لوسيا ولكن غادي تبقاي ديما وحيدة ماشي بحالي
لوسيا:غنشوفو شكون الوحيد فينا ملي ندير فيك جثة محروقة
هيلين حدرات راسها بحزن و تنهدات:(هدا هو الوداع...ميلتون...دايزي...مول الشعر القهوي...)
و بخطوات سريعة خرج طوماس من المخبأ ديالو و مشا جيهة هيلين بالجرا محسات غير بطرشة فحنكها خلاتها مصدومة...
طوماس بغضب:شنووو يتصحاابليك داوية معاااه يا العاااهرة الفاسدة؟؟؟؟
الألم ديال الطرشة ديالو كان مؤلم ولكن ماشي بقد ألم الكلمات لي خرجها من فمو...
هيلين شادة حنكها بصدمة:(عاهرة فاسدة؟ هو قال ليا عاهرة فاسدة؟)
طوماس بغضب:شنو يتصحابليك راسك نتي متتقارنيش مع الملكة ديالنا
هيلين بصدمة:سيدي....
طوماس:سكتييي خلي كلماتك القذرة لنفسك قبل ميتقطع لسانك(حنا راسو) تنعتادر على هاد التدخل أصحاب الجلالة مقدرتش نبقا واقف و هاد المخلوقة المرعبة تتزعجكوم..ملكة جميلة بحالك خصها تعبد من طرف سكان دنيئين بحالنا
و بسماع كلماتو ترسمات ابتسامة خفيفة على وجهها سمعات بزاف د الكلام الجميل فحياتها ولكن حتى واحد موصلش لكلام الفايكاونت...
الملك مبتسم:فاجئتيني يا فايكاونت..انا عارفك بلي نتا احكم رجل ف سيلڨيرڨال و دابا عرفت و تأكدت بلي الإشاعات صحيحة
طوماس:هدا شرف ليا جلالتك..ممكن نعطيكوم اقتراح؟
لوسيا:تنسمعك ايها الشاب
طوماس:شيطانة بشعر اسود بحالها متستاهلش ضيعي عليها وقتك جلالتك عندي فكرة لي غتزيد تعدب هاد المخلوقة الحقيرة
لوسيا:واخا تفضل تنسمعك
طوماس:باعتبارها خالدة و امرأة بشعر اسود مميز غادي تجيب ثمن عالي فمملكة مونوبا جلالتك بيوت الدعارة تما ديما تيقلبو على عاهرات غريبات تخييلي معايا شحال د الناس غادي يتمتعو بيها يوميا
و بسماع كلماتو طاحت دمعة سخونة من عيون هيلين المغرغرين كل كلمة قالها حاساها طعنة فقلبها ولكن علاش هادشي؟؟...
هيلين بفجأة:(و الى كان هادشي لشي سبب؟؟ دوزت شهور معاه فقصرو و عمرو هانني ولا شتمني لدرجة حتى احقر الناس مخاطبهومش بشي كلام خايب و ماشي من شخصييتو يدوي بكلام نابي و عتقني و عاوني شحال من مرة ميمكنش يجي حتال دابا و يقول هاكا اكيد عندو شي سبب مقنع...)
لوسيا تتفكر:همم بيوت الدعارة فمونوبا فكرة مزيانة ولكن شكون غيحبس ساحرة بحالها من الهروب؟
طوماس:غادي نربطوها مع السرير مغاديش تقدر تفك راسها
الملك ضحك:هههه هادي فكرة ذكية منك يا فايكاونت
بياتريس:لا ا طوماس مديرهااش
طوماس:هادشي لي خصو يتدار انستي
بياتريس:ماشي نتا هدا..هادو ماشي فعايلك!
الملك:كان يتصحاب ليا بلي نتا وفي بزاف لختي؟
طوماس:عندي دوافعي الخاصة جلالتك انا غرضي هو الدوقة بياتريس تحييد عليها مهمة تنظيف الشوارع حتى الفلوس لي غادي تربحهوم العاهرة غادي يغطيو على الضرائب انا عندي اتصال بمملكة مونوبا و غنبادلوها بمبلغ عالي
الملك:امم انا بغيت هاد الساحرة تخرج من ارضي و حتى هاد الفكرة مزيانة
لوسيا:عجبني تفكيرك يا شاب
طوماس:شرف ليا جلالتك
الملك:الفكرة انا موافق عليها ا فايكاونت طوماس
طوماس:شكرا جلالتك غيخصني نمشي نبدا فالإجرائات دابا ملي غيتم هادشي غنسيفط الوثائق للقصر الملكي
الملك:ممتاز...انا عييت خصنا نرجعو لقصر ا لوسيا و نشوفو الطبيب الملكي يداوي ليك الجرحة منبغيش هادشي فوجه ملكتي الجميل
لوسيا:واخا حبي...استمتعي بحياتك الجديدة فمونوبا يا الغرابة الصغيرة متعرفي نتشاوفو تاني اكيد غنبغي نشوفك تتعاني
نصارفات لوسيا و الملك مخليين هيلين حادرة راسها بحزن...
اما السكان فمعاجبهومش الحال...
المرأة بغضب:كيفاااش عطااااتك خااااطرك يا فايكاااونت طوماس تديرر هادشي!!!تخداو فلوسنا و تهانت انستنا انا ماشي تنتودد لديك الساحرة لي قتلات راجلي ولكن لي درتيه مقرف
مارڨل بآسى:واش بصاح عنيتي لي قلتيه ا طوماس؟
طوماس:غنبغي المساعدة ديالك فهادشي ا مارڨل لحقي عليا ل لينز مانور
مارڨل بحزن:مغنمشيش و مبغيتش يكون ليا يد فهادشي عاد عرفت بلي انا معارفة عليك والو ا طوماس...
الفايكاونت طوماس حدر راسو بحزن للحظة ولكن طلعو دغيا و شاف بابتسامة فبياتريس:و نتي ا انستي تقدري تمدي ليا المساعدة؟
بياتريس تتفكر:واخا تكلف بصحابك هو الأول و من بعد لحق عليا لقصر لورين(قصرها)
طوماس:واخا انستي
نصارفات بياتريس و طوماس قرب من هيلين:تسناي هنا غنجيب عربة لدايزي و ميلتون متمشي حتى فين...
خسر عليها هاد الجملة و داز مخليها فصراع مع قلبها و عقلها...
هيلين:(ميمكنش يأدينيي...مغيأدينيييش...)
أنت تقرأ
الســــاحــــرة الســــوداء🐦⬛🔮|🇲🇦
Fantasy⛔ممنوووووع الإقتباااس جميع الأفكاار و الأحداااث من مخييلتي الخاصة⛔ ___________________________________________ 🔮🐦⬛الســـــــاحــــرة الســــــوداء🐦⬛🔮 ✑𝓥𝓲𝓬𝓽𝓸𝓻𝓲𝓪 𝓚𝓪𝓮𝓵𝓲𝓷 ___________________________________________ فالقرن التاسع عشر...
